ابي احس اني انثى

[مارشميلو..]

انا صدق تعبت منه ماعاد اتحمله ولا اتحمل دفاشته كل ماحاولت اتناقش معاه بالموضوع يحرني زياده
ويقول انا كذا شتبين !!
قلت له قول انك ماتبي تطلع معاي لانك ماتحبني ولا تبي تقضي وقتك معي قال ايه صح ماحب اطلع معك بس اسكتي
قعدت ابكي ولااهتم مايفكر بمشاعري ولايفكر بكلامه اللي يجرحني
انا افكر اتطلق وارتاح لمتى وانا اعذب نفسي وانا اشوف الناس متهنيه وكل يوم طلع ووناسه وعايشين بتفاهم وبينهم حب
وانا محروومه من هالاشيا
ترى الزواج مو بيت وعيال وبس
الزواج مشاركه بكل شي وهو مو معتبرني شي بحياته اصلا
يخش عني ومايعلمني شي
ولا اعرف شنو يخطط وشنو ناوي عليه بالمستقبل ماكنا متزوجين والمفروض نفكر شبنسوي بحياتنا
كل هذا لانه مايتكلم معاي
انا بالنسبه له بس مره اجيب له عيال واربيهم
هذا تفكيره للاسف

 

[* بنت المطر *]

انا بعد نفسج رديت بموضوعج الاول وبرد ع الثاني عندي وعندج خير

الله يهديهم مادري شيبون نروح لغيرهم ونخون والا نطلق !! استغفرالله بس

 

[معلمه متميزه]

الحال من بعضه بعد قلبي عندنا وعندج خير الله يعينا ويصبرنا ويسخر لنا ازواجنا ياااارب ..

 

[مخدوشة الوريد]

ريلج يمكن عنده مبدأ المدحج تشوفين روحج ةعليه
ويمكن الان شائق انج تبين المدح والحجي الحلو
قال هالشي يهمها وبخلي بالها معاي يدقق عليه
جربي طنشي كشخي ولبسي حق نفسج
ولاتهتمين برايه فيج خليج واثقه من روحج اتري بداخلج تبين هالشي
بس عشان التطنيش تري احسن حل مع ريال
وتطنيش الكامل يعني خلي همج روحج وناستج وبس
وانتي انثي فيه وبلياه لاتعبين روحج ونفسيتج
دام اهو مايهتم ويارب يهديه لج ويفيد معاه التطنيش
ودعي بصلاتج ان الله يحنن قلبه لج *

 

[om_dodo]

وييييه لاتحطينه فبالج وايد رياييل مايعرفون يقولون كلام حلو
انتى قوليله كلام حلو مولازم اهو
ولاتفكرين فى اصغر الامور ولاتخلينه اكبر اهتمامج تتعبين
عيشى حياتج ودلعى نفسج وقولى لنفسج انا حلوه انا دلوعه
بردى قلبج نصيحه
وعسى الله يوفقج

 

[نبضكم]

الله يسخره لج
لا تحنين عليه وتقولين عطني كلام حلو لا انتي الي ابدي بالحجي الحلو وان شاء الله ينفع
ولا تنسين الدعاء موفقه

 

[نواره2011]

احمدي ربج ع النعمه اللي انتي فيها
يكفي انه يحب يقعد معاج
و لا تكثرين طلبات عليه
لا تمللين الرجال و تقثينه ترا ماكو منه
مو حارمج من شي
فلوس و طلعات و يقعد معاج و طلباتج اوامر
الله لا يغير عليج و عيني عليج بارده
بس ارحميه و خفي عليه

بني ادم مايملي عينه شي
الله يهديج بس

 

[ام حمد 85]

عسى الله يهديه ويسخره لج يا رب الحال من بعضه شنسوي يعني انا تعبت خلاص ما قمت افكر فيه اصلا بس افكر بعيالي عسى الله يحفظهم ودوامي واهلي واوه خلاص ما عاد يهمني

 

[انا لحبيبي .]

بس انا قد طحت عليه واحنا ماصار لنا 6 شهور متزوجين يكلم بنات ع النت مره​

كنت معزومه عند صديقتي مجمعه البنات وكشخت لبست بلوزه شيفون وفي حركات
مع بنطلون جينز سكيني وسويت شعري بالبيبي ليس وكنت توني صابغه اشقر رمادي يهههبل
وحطيت مكياج نعوم صدق صدق يومها كان شكلي قمه حتى البنات انجنو علي ومو مصدقين شلون جسمي كذا بعد الولاده مثل ماانا قبل لااتزوج ماتغير شي ​

اعذريني انا مو محقق كونان ، بس كيف بدك ياني ارد عليكي وانصحك اذا عندي نصيحه ، وانتي بتحكي كلام تناقض؟
كيف 6 شهور وعندك بيبي؟ الوضع الطبيعي للبيبي 9 شهور

ممكن هلأ تقوليلي انه كنتي حامل ايام المجله صح ؟

مع احترامي الك ، ما بحب الانسان يلي بستغفلني

 

[dectora 7elwa]

انا ل حبيبي
تقصد قبل لا تكمل 6 شهور زواج كان يخونها عالنت ومايقول لها كلام حلو واسكتت و
والحين صار عندها بيبي
صاحبه الموضوع
مابي اصدمج بس ترا هالحاله مستعصيه عن تجربه

 

[انا لحبيبي .]

يسلمو دكتوره حبيبتي للتوضيح ، والله من كتر المواضيع يلي بتنزل بطل الواحد يصدق حد ،

وصاحبه الموضوع انا بعتذر لاني غلطانه

 

[Tantoshah]

حبيبتي ترى في وايد رياييل هالنوع يمكن ينقهر لمن يشوفج كاشخة ضحكتيني على سالفة اللبنانية هم أنا مرة كشخت عشتو حطيت ميك اب وفليت شعري مسويتة بني شوكولا وحطيت الربطة اللي السودة اللي جنج داشة كراتيه اللي تحطها كيم وحمرة فوشية ما تصدقين ريلي شنو سوا خزني من فوق لي تحت وقالي تقلدين اللبنانيات !! صدمني جنه طقني طراق المهم سيطرت على نفسي وعطيتة ابتسامة عريضة قلت له يابعد روحي منو تسواني بالجمال طبعا من داخل صار معاي شلل بس قلت الا احره واعطيه طااف يقولي تعالي وانا ولا جني اهنيه بس يبيني جان اقوله مابيك شتبي واسويله سالفة واهو يلحقني من مكان لي مكان وانا اتغلى ريلي جذي مايحب يكبر راسي كنت مثلج استغرب ليمن يه يوم وانفجر يقول لازم اكسر مجاديفج على شان لا تشوفين نفسج علي ف شكله ريلج من هالنوع يدري انج حلوة وواثقة من نفسج فلازم يكسر مجاديفج بس بقلبه صدقيني قاعد يمووت حبيبتي كشخي ولبس بالبيت وحريه ووخري عنه شوية لهي نفسج باي شي عطيه أسبووع وشوفي النتيجة فهمتيني وموفقة ان شالله

 

[A.E]

الله يهديه

الرجال ما يسكر يونهم الا التراب

 

[كاملة الدسم]

حبيبتي زوجج مافيه شي مشكلته بالجفاف بس مثل باجي الرياييل ما يعرفون يعبرون ويقولون كلام حلو

لكن اذا كانت افعاله ومواقفه تدل على انه يحبج هذا الشي كافي شيلي هالافكار من راسج وعيشي حياتج

 

[سموى88]

خفي عنه وحقريه وشغلي نفسج بشي ثاني لا يصير اهو دنيتج ولا تكونين على رجاه متى ما صرتي قويه و معتزه بنفسج راح يرجع لج و اهو الي راح يتلصق لا تقطين عمرج

 

[honey moon]

اولا: قولي الحمدلله وركزي ع ايجابياته
ثانيا: لا تنطرين تعليق ومدح من احد خليج واثقه من حالج يكفي انج تعرفين انج حلوه وملفته مالاداعي يقولج حبي روحج وخلي ثقتج بروحج كبيره

 

[Lédy LoOlà]

الله يهديه ويسخره لج يارب

 

[Q8Ya GiRL]

تبين نصيحتي انتي بادري
قوليله كلام حلو وخلج رومنسيه معاه
عشان اهو بالمقابل يقولج
وعطيه هديه في عيد ميلاده او اي مناسبه حلوه
وقطي نغزات انج تحبين جذي عشان يتعلم
وادعي بصلاتج ان الله يهديه ان شاءالله

 

[سارووه الاموره]

شسالفتهم هالرياييل ماقلنا ابنيلي قصر ,. كلمه حلوه بس :\

نفس سالفت رفيجتي وكا الله يهديها تخونه وكل مرا انصحها تقول ابي اسمع كلام حلو استغفر الله ياربي ..

 

[مارشميلو..]

مشكووورين بنات