ابي احس اني انثى

[مارشميلو..]

مرحبا
صباح الورد


شفتوا العنوان
لايكون ضحكتو علي :eh_s(2):
من قلبي والله
زوجي محطمني ماعمره مدحني ولا قال كلمه حلوه
قلت لكم قبل بموضوع كتبته
انا عايشه بصحرااا جفاف بالاسلوب مو طبيعي
يمزح ويضحك اي بس كني واحد من ربعه مو مرته وقد قلت له هالشي بس مافي احساس
حتى لما اتضايق منه وابكي غصب عني مايقعد يراضيني لو بكلمه ع الاقل
لا احسه يعصب لاشافني ابكي اللي اسمعه ان دمعه المره تأثر بالرجال
بس الظاهر اللي عندي مافي شي يأثر فيه
يقعد يقولي اشعندك اتبكبكين بدال مايحضني ويمسح دمعتي
عاد لاتحسبوني كل يوم ابكي قدامه يمكن من تزوجنا مرتين ولا 3
و 50 الف مره لحالي
اااااه بس شقول
هدايا هذا شي ملغي من قاموسه صدق مايقصر يخليني اشتري اللي ابي
لكن يفاجئني بهديه مستحيييييييل
لما اكشخ ولبس طبعا مافي ولا كلمه ولا تعليق جماااااااد ذبحني
مره كنت معزومه عند صديقتي مجمعه البنات وكشخت لبست بلوزه شيفون وفي حركات
مع بنطلون جينز سكيني وسويت شعري بالبيبي ليس وكنت توني صابغه اشقر رمادي يهههبل
وحطيت مكياج نعوم صدق صدق يومها كان شكلي قمه حتى البنات انجنو علي ومو مصدقين شلون جسمي كذا بعد الولاده مثل ماانا قبل لااتزوج ماتغير شي
بس للاسف الشخص اللي ابي اسمع منه هالكلام ماعلق
لما رجعت قلت له شقالوا عني وساااكت مايرد قلت له ترى ودي اسمع المدح والكلام الحلو منك
مو منهم ماتشوف الرياجيل شلون يمدحون حريمهم وهم جياكر بس انا محرومه من كل شي
عاد كسرت خاطره شكلي قال ايه اليوم كنك لبنانيه >>يعني على باله قطعني بالمدح الحين:eh_s(2):

والله انا مو مقصره بشي من ناحيه الشكل مابي اقعد امدح بعمري بس انا عارفه اني جميله وبشهاده الكل وجسمي مثل العارضات وبيضا وانوع باللبس وافهم بالموضه ومااشتري الا من المحلات الراقيه حتى اللانجري وبجاماتي اطلبهم من مواقع امريكيه
ووالبيت ماعندي خدامه بس اقوم فيه واغسل ملابسه واهتم في كل يخصه
وتعلمت الطبخ عشانه مع اني عند اهلي ماكنت اسوي شي وماقعدت اتدلع واقوله مااعرف مااعرف
لا حاولت وعلمت نفسي
وكل يوم اسوي له مساج ومانام الا لما هو ينام واخاف عليه واحاتيه
وهو مقصر معاي بالعاطفه والكلام الحلو والاسلوب والطلعات
حتى لما امرض واتعب مااحسه يحاتيني
بس في المقابل الحمدلله انه مايطلع ومايسهر الا معاي في البيت ومايقصر بالفلوس
بس هالشي جارحني حيييل محرومه من الرومانسيه والحب

بس انا قد طحت عليه واحنا ماصار لنا 6 شهور متزوجين يكلم بنات ع النت
ويعطيهم رقم جواله
صحيح انه تاب وماعاد شفت عليه شي بس للحين اشك فيه
واقول لنفسي اذا قعد سنه ولا سنتين ولا حتى 10 سنين مخلص لي
بيجي اليوم اللي يرجع ويخوني فيه
لما اكبر بعدين واعجز اكيييييد بيخوني مع وحده صغيره
ماعاد اقد اامن له الثقه انكسرت خلاص
ادري اني قاعده اعذب روحي بهالتفكير بس شسوي مو بيدي
من بعد هالشي وانا احس على جمالي ورشاقتي مو ماليه عينه مادري ليه
مره كان ياخذني من الجامعه وفي بنت واقفه لابسه عبايه مزركشه ولثام
وطاقه المكياج وطلعه الحواجب شكلها كان ملفت
ركبت السياره وهو متنح يطالعها يالاخ هيه تراني جمبك يالله استوعب
عاد انا لو موشايفتها داخل قبل لاتلبس اللثام كان عذرته
وحده جيكره ولاتسوى شعره مني والاخ سرحان يطالعها
انجنيييييييت وسويت له سالفه قلت له هذا وانا جمبك تطالع الحريم شلون لو لحالك
وهو ينكر مو قاعد اطالعها اصلا وانتي اتوهمين وعساها بذمتك ان شالله لو كنت طالعتها
قلت له اي راضيه تكون بذمتي والله لايسامحني ان كنت ظلمتك
يكذب عيني عينك يحسبني عميا

غير الافلام الخايسه اللي يشوفها وينكر
ولا يبي يشتري ايفون بعد كمللللللت

شسوي له اكثر يعني
عطوني رايكم بنات
او على الاقل ادعولي ربي يسخره لي ومايشوف غيري ويصلح مابينا

 

[جنّة الرحمن]

ادعيله ربنا يهديه في كل صلاه
وقربي منه جدا في الأوقات الحميمه
ربنا يهديه

 

[• JoJo •]

لا حول ولاقوة الا بالله

الله يعينج بس زين مو مقصر معج بالفلوس وما يسهر برا هذي حسنة تحتسب له

بس شوفي حبيبتي في بعض الريايل ما يعبرون يعني كتومين حتى لو شافو الشي حلو هم يبقون ساكتين لآن بعضهم اوقات

يكون عنده مبدأ ان هذا ممكن يقلل من رجولته وجذي ,, يمكن ريلج من هالنوع ,, عطيه طاف واكشخي لنفسج وصدقيني اهو

مطنشج عشان انتي تلحين وراه ,, والحين يا دورج الحين انتي تطنشينه و اهو اللي يركض وراج و لا تبدين له اي اهتمام ,,

خلي كشختج عشان ترضين عن نفسج مو عشان يرضى عنج ,, خليه يحس انج حرمة ما يأثر فيها شي ولا يخليها ضعيفة

 

[ابتسمامه]

الله يهديه ويسخره لج

 

[عسوله مطيريه]

شوفي حبيبتى اكثيرالى جذي ترا حتى اخوى مع مرته جذي مايمدح عادى لاتزعلين نفسج اهم شي انه محترمج عله مامدح صدقونى اهم شي الاحترام..........

 

[غارقة بأحزانها]

والله يا مارشميلو أنا بعد ابي احس أني انثى
:eh_s(16):

 

[غـرامـي أنـت]

الله يعينك ويهديه لك ان شاءالله

 

[aloooya]

الله يهديه و يسخره لج

 

[الدائمة الطفولة]

السيناريو المعتاد انا حلوة وبشهادة الكل وجسمي وطولي ومادري شنوو

،،

عـآإدي ريلج وضعه طبيعي ــ في رياييل ماتعودوا يطلعون اللي بقلبهم

= )

 

[حوريه عسل]

اهم شي الثقه بالنفس

خلي فيج قناعه انج انتي انثى الله خلقج انثى و محد ينكر هالشي و مو مجبوره انج تثبتين هالشي لغيرج لان هذا اهو انتي


ثاني شي
حبي نفسج و سوي الشغلات اللي تحسين فيها انوووثه مثلا دلعي نفسج رووحي صالوون صبغي اظافرج لبسي وردي بالبيت
لاتربطين شعرج خليه على راحته ولبسي الشغلات اللي تحسين انها تخلي شكلج حلو و اقري مجلات بنات ( مو اللي عن المشاهير ) اللي عن العنايه والمكياج واللبس هذيل ,

ثالث شي
مافي شي اكثر انوثه من هالممنتدى ;*

 

[يكفيني حنانك..]

حبيبتي الله يسخره لك ومايشوف غيرك ابببد
عادي حبيبتي مشي له اهم شي انه مو مقصر عليك من النواحي الثانيه
طيب لمحي له قولي انا احب الكلام هذا انا اموت فيه دايم اتخيل انك تقولي كلام حلو يمكن يتأثر ماتدرين..

 

[FeShinGoOo]

لو مايحبج ليش مايهدج ويسهر ويا ربعه بشاليه ولا قهوه ولا ديوانيه ؟؟

لانه يفضل يقعد وياج وماوده يهدج وهاذا ليش مو لانه يحبج ويعزج ؟؟

 

[zaina alotibi]

طبعه جذي بس ترا تقدرين تغيييرين من طبعه

اهتمي بنفسج اكثر واكثر وتدلعي جدامه بالكلام بالتصرفات بكل شي ...

والله يسخرلج زوجج ويوفقكم

 

[فله شمعه منورة]

احمدي الله اهم شي انه ما يسهر برا بالليل يعني يحب الجلسة معاك
حاولي قد ماتقدري تستمري بعنايتك بنفسك ولاتهتز ثقتك بنفسك ابداا ولا تنتظري مدح من احد دام انك حلوة وواثقة من جمالك الله يمتعك فيه بصحه وعافية ..
اشغلي نفسك باي شي ولاتفكري بالموضوع كثير وتخلي مجال للشيطان يدخل من هذا الباب بينكم !!
والله يسخر لك زوجك ولايشوف غيرك يارب

 

[BiiShOoO]

الله يعين

 

[مارشميلو..]

مشكورين بنات على الرد:eh_s(2):

 

[BeNt PaRiS]

الله يهديه و يسخره لج

 

[نص و نص]

اتوقع مو سالفه تكشخ و تزين

يمكن ريلج بس مو متعود ,, انتي عوديه و علميه يتكلم حلو ,, مدحيه و سمعيه كلام معسول بعدين مع التعود بتطلع منه

انا قريت موضوعج و شفت انج تتعدلين له و تتكشخين و هو مو مقصر كريم و يجابلج و يعقد معاج ,, فعل يقابله فعل
لكن ما قلتي امدحه و اسمعه كلام حلو ,, جربي تعطينه الي تبينه و اهو بيرد يعطيج مثله

 

[مناير ...!]

الله يسخره لج

 

[غرام2]

احسج ما ينخاف عليج ,, شكلج عاقله وفاهمه

الله يهديه لج​