ابي احد يفهمني شنو ناويين عليه خالاتي خوات امي؟

[ام العامر]

الله يهديه لج

 

[حنيت إلك]

البنات ماقصروا
والغلط الاول من زوجك والثاني من خالتج
اولا زوجك لازم تفهميه عن الامور اللي بينكم تظل بينكم ماتطلع ..عطيه امثله او قصص عن بنات او شباب سربوا معلومات هم يشوفونها بسيطة بس الناس بهرت وظافت وسوتها مشكلة.
وخالتك ..خليها ..ماعليك منها..ترى اهي هذا اللي تبيه تبي تكبر الاشياء ..ادري بالحرة اللي بقلبك...بس يقولون الحقران يقطع المصران
واذا واجهتيها ..بتتكلم يم كل الناس ان اهي كانت تمزح وان انتي ظنك سيء وبتخربها اكثر...
حاولي تلمحين ان الناس مايهونك وان كل ظالم وفوقه كبير واللي يخرب على الناس بكره بيجي اللي يخرب عليه او على عياله.
وانا اعرف شعورك لاني تعرضت لمواقف مشابهه ناس ظنهم سيء ..وخبيثين ..يفكرون ان كل الناس مثلهم...
فهمتي قصدي ...
اعرف ناس كذا وخاصه وحده على طول ظن سوء وتفسر على كيفها مثل خالتك وتروح تنشر افكارها على انها صح...
وخراب الجوال ....
عطيه اخوك يصلحه ...وحاولي بفكرة تبينين فيها لزوجك انه صج خربان ..
من غير كلام...
يعني خل الشيء يطلع من غيرك..
وصلحيه واستعمليه ثانيه...
بكذا بتقولين له بطريق غير مباشر انك صادقه وانه لايسمع كلام الناس.

 

[om MaRyooM]

مادري وايد عادية السالفة
يمكن انتي حساسة شوي


وان كان عالغيرة حصني نفسج وعليج بالدعاء


لاتواجهين احد ولاتعورين راسج @@

 

[ملاك ^ الحب]

لا حبيبتي لا تخلين احد يخرب بيتج من الحين

مادام اهوو يحبج مو انتي تكلمينه خلي احد كبير يقعد ويكلمه ويفهمه ان مو كل شي ينقال وما يتكلم باي شي

 

[CRYSTAL GIRL]

حبيبتي مافيه مثل المصارحه بين الزوجين ..انصحك انك تتعاملين مع الموضوع بهدوء
وتتكلمين معه بدون عصبيه او تجريح في خالاتك لانه راح يعتقد ان المشكله فيك انتي
المهم انه بيخجل من تصرفه اذا عرف انك شفتي رسالته ..
وهذا الي حصل معك ماتعتبر مشكله كبيره لانك في بداية حياتك الزوجيه ...وراح تواجهين مشاكل
اكبر وهذي طبيعيه المهم الزوجه الذكيه الي تعرف كيف تتصرف...

الله يسعدك ويوفقك في حياتك...ويهدي زوجك لك

 

[147147]

يعطيكم العافيه حبايب قلبي واشكر كل وحدة ردت وجد رفعتوا من معنوياتي

 

[زوجة عزيز]

الله يكون بعونج ويسخره لج

 

[قموره الاموره]

اذا يعرفج عدل مستحيل اي كلمه تهزه والمشكله اذا خالاتج جذي انتي لازم تحطين خط احمر ما يتعدونه كلش وماكو غشمره جذي وقفيهم عند حدهم احسن عشان باجر لا يتعودون على هذي السوالف لأن اذا ريلج شخصيته ضعيفه سلمي على حياتكم من الحين والله يكون بعونج حبيبتي ويبعد عنج كل اللي بضرج

 

[BubbLe87]

حبيبتي ما عليج منهم
محترين
ادعي ربج يبعد شرهم عنج

الظاهر كل الخالات من الام جذي نماينهم

 

[147147]

ان شاء الله هذا اللي بيصير اني اوقفها عن حدها واهوا راح اكلمة و اوعيه باللي يصير والله يسخرة ويردة لي مثل اول. جد يابنات والله ماادري شقولكم غير الله يعطيكم ويريح بالكم مثل ما حمسوتني ورفعتوا من معنوياتي

 

[^_^ Coco Chanel]

الله يحميكم ويبعد عنكم الناس اللي قلوبها شر وحسد

 

[147147]

بنات ابشركم حياتي تصالحت انا وزوجي والحمد الله والله لااييب الزعل بينا وشرحتله شنو ابي وماابي وخالتي لحد الحين ماواجهتها واهي تبي تشوفني بس لحد الحين ماشفتها لان مشغولين فإذا شفتها شنو اسوي اسلم عادي واصير معاها رسمية ولا اشلون ارشدوني للحل
وصايرة اتحلم فيها وايد بس انها تلمني وتبجي ماادري مرتين يتكرر الحلم ؟؟

 

[مس عسولة]

ع قوله بدويه
انا كنت مثلج مع بنات اخت ريلي موتوني وانا كنت عروس كل شي يداحروني
نصيحتي عن تجربهبطلي عيونه ع حركات الحريم( لعانه وغيره الخ)
علميه انا انت وانت في خصوصيات بينا ماله داعي احد يدري عنها لو انها بسيطه
الله يوفقج حبيبتي ويهنيييح
خلج رسميه مايي منج شر
ع قوله المثل فاكه خيره شره

 

[اسبــانيــة]

انا اشوف انج تحاجين ريلج وتحكيله الي صار بالتفصيل

وتحطين النقاط على الحروف وقوليله احنا لما الحين على البر

واذاهذي سوالفك تعطي اذنك لكل من هب ودب من الحين اقولك اناالحياه ماابيها

وقبل لاتسمع عني اسمع مني

قوليله اناماافرض رايي ولااتسلط انا انسانه صريحه واحب الوضوح ومااحب اسلوب النفاق

والي يحفرون من وراي منو ماكان لابد انك تكون رجل مواقف مو مع الخيل

ونصيحه مني دامج على البر قوليله انا ماابي اخسرك لكن قبل لاندش بيتنا ونسكر بابنا

لازم كل واحد يفتح قلبه ويقول الي بخاطره للثاني عشان تبنى الحياه على التفاهم والوضوح

وبعدين لوكنتي تبين تلفون جديد ولاتبين تدللين على ريلج وين المشكله؟؟؟

هذاريلج حلالج لكن اصحاب العقول لازم مايكبرون هالمواضيع

وعسى الله يوفقج

انا رايي من راي عبالي حبيبي:eh_s(17):

 

[اسبــانيــة]

لمى ثانكس ع ردج لا تدرين الحيييين طبطت على السالفه يعني رضت امي انا لحد الحين مااكلمها ولا واجهتها لان سويت عملية ومااقدر اتحجى وقالت انها تبي تقعد معاااي وتبي تفهمني ان لا ااصير حساسه وان الزواج مسؤولية وتبي تقول ان ضحك وماعندها مبرر المشكلة والله الله يسامحهم خالاتي جد تعبت نفسيتي اول مرة تصيرلي سالفه جذي والله اول كنت مخدية وغشيمة بس من ملجت عرفت معنى الحسد والغيرة وربي يهديهم

لو صج تتغشمر على قولتها جان ردت عقب مسجه وقالتله عادي مرتك تستاهل تيبلها

مو تشوف مسجه وتسكت

 

[147147]

يعطيكم العافيه ياحياتي ماقصرتوا وفهمتة البي ابية الحمد الله

بنات صايرة اتحلم بخالتي انها تلمني وتبجي وتقول لي موقصدي ولا تزعلين ومرتين تكرر الحلم ؟؟؟؟!!!

 

[شادن33]

^^^^^^

لو اتشوفين ردي بالبدايه بتفهمين ان خالتج بالاول موقصدها شي
وانا نبهتج ان هذولا خالاتج. مو لهالدرجه يعادونج
والحلم اياكد كلامي
والبنات اللي ردوا الله ايهداهم تلاقين كل وحده لها موقف معين مع اهلها وقاعده تنصح من الناحيه
خلي بالج من زوجج وبس
وتسامحي من خالاتج وان بعض الظن اثم *

 

[147147]

^^^^^^

لو اتشوفين ردي بالبدايه بتفهمين ان خالتج بالاول موقصدها شي
وانا نبهتج ان هذولا خالاتج. مو لهالدرجه يعادونج
والحلم اياكد كلامي
والبنات اللي ردوا الله ايهداهم تلاقين كل وحده لها موقف معين مع اهلها وقاعده تنصح من الناحيه
خلي بالج من زوجج وبس
وتسامحي من خالاتج وان بعض الظن اثم *

يعطيج العافية حبي بس همن ولو المفروض ماتقوله بس يالله الحمد الله. والله يسامحها وجزاج الله خيرة