ابي احد يرد علي

[q84cuty]

مرحبا عضوات كويتيات الاعزاء ..

ودي اسألكم كم سؤال ؟؟!!


اذا كنتوا عايشين ببيت واحد مع ناس كانوا قريبين منكم .. وفجأة الناس هذول يتغيرون عليكم .. وبعدها يتفخفخون ويتشيحطون عليكم بسوالف مالها اي معنى ولا اي اساس وفوق هذا لو سلمتوا مايردون عليكم السلام واذا قعدوا معاكم او مع احد من اهلكم قاموا يسولفون ويضحكون ومعاكم شي ثاني ؟؟؟؟

اتمنى انكم فهمتوا اللي اقصده ...........
بليييييييز ابي ردودكم على هالموضوع ؟؟ وبصراحه شنو اسوي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟:0bee2e8d89:

 

[البرنسيسه سعاد]

لاتتضايقين حبيبتي

يمكن واصلهم حجي او شي

انتي كلميهم قولي اشفيكم تغيرتو ؟

 

[tmtmt]

يا تكلمين وحده تكون تتفهم وعقلها كبير تقوليله ليش وشصار وشسالفه !!!

ياه خلاص تخلينهم الي عليج تسوينه والسلام لله مو لهم ما ردوا ما يشوفون شر

والله يسهل امورج

 

[q84cuty]

تسلمين حبيبتي ... على الرد السريع .. بس اللي صار انا اعرفه ومالي اي ذنب فيه والناس هذول من نفسهم شافوا حالهم علي ...

 

[q84cuty]

عمري تسلمين على الرد

 

[dodowa el7elwa]

حبوووووووبه خل يولون الي بااعج بيعييه بس اول عرفي السبب يمكن سامعين شي واذا بدون سبب فجأه عطيـــــــــــــــهم طـــــــــــــــــــــــــاف لانج موذنبج ;p

 

[CUTE ENGINEER]

حبيبتي صبري وبتعرفين السبب
يمكن أحد فاتن بينكم أو يمكن فيه أسباب ثاني
استغنوا مثلا وشافوا نفسهم فهالحالة عطيهم طاف ولا تعبرين أحد منهم بس السلام لاتقطعينه
تعاملي معاهم بأخلاقج وتربيتج

وحبيبتي غيري صورتج الرمزية عورتي قلبي شنومحد يحبج واحنا ويننا؟؟؟

كتبي كل الناس يحبوووووني

 

[عهود الحب]

انا صارت فيني
واحدة من جاراتي فجأة تغيرت بدون اسباب وكانت بس تبي تزورني اذا امي موجودة
بعدين حللت شخصيتها
قعدت مع روحي وقعدت افكر شفيها فجأة ياحافظ من قهاوي وتسدح عندي
الى قطيعة مفاجأة وماقامت حتى السلام ترده حتى لما نشوفها عند البيبان
لقيت انها انسانة مصلحجية
باختصار مافي مصلحة شحقه تسلم !
جذي منطقها بالتعامل


واللي جذي بلا معرفته بلا بطيخ


مثل ماشينت نفسها شينت نفسي
والسلام لله مو لاشكالها

خلاص قاطعتها مثل ماقاطعتني

اللحين كأنها حست وقامت تدز دعوات لعرس بنتها
وعادي دام هي بتعبي وهمي ماوقفت معاي
شحقه اوقف معاها بفرحها ؟


اهم شي كلمة طاف والي مومن رحمج مولازم توصلينه ! دام الزلة منهم بالاول
والله يعينج

 

[الليدي جيجي]

الحقران يقطع المصرااااان

 

[(نبنوبه)]

تدرين هذيله شنو يحبون الناس يهينونهم ومو كف احد يحترمهم لا تعبين نفسج حبيبتي اكشتي فيهم ولا توجبينم بمناسباتهم وانا فاهمت عدل لاني مريت بنفس التجربة سحبت عليهم

وجوني ركض وليومج ما اعطيهم وجه........................

 

[ملاكــــك]

حبيبتي سوي نفسك ما تسمعينهم ولاكانك فهمتي قصدهم واذا غيرو المعامله معك خلي معملتك زي ماهي اساليني انا مجربه ؟؟؟؟؟؟؟؟؟؟؟؟؟؟؟؟
والحقران يقطع المصران وجربي نصحني وردي علي اختك ملاكــــك

 

[brettey]

نصيحه واجهيهم ولا تخلين شي بقلبج لانج راح تتعبين
قولي لهم شالسالفه ليش متغيرين عسى ماشر ؟
واجهي ولا انج تقعدين على اعصابج خصوصا اذا كانوا يعزونج

 

[بطاط مهروس]

الله يهديهم يمكن سامعين شي .... شوفى وين الغلط
او يمكن يتعمدون ..... يسون جذى ....الله يعينج حاسة فيج

 

[frfr197]

هالنوعيه من البشر تتركينهم احسن ولا تعبرينهم راح يموتون من القهر......والله يا اختى ترى الحقران يقطع المصران وبس اهم شى انج لا تاخذين بخاطرج وتفكرين فيهم........

 

[Pretty Petite]

المواجهة أحسن حل!

إذا انتي من النوع الحساس.. الهروووب أو الحقران ما ينفع لج! وخصوصا الناس قراب منج..

حاولي تبينين لهم ان مالج يد باللي صاااار.. أو أي قريب منج يتوسط بينكم..

والله يعينج

 

[عاشقة الكاكاو]

والله حبيبتي كلميهم شوفي شنو صاير

فهميهم الموضوع مو معقوله الانسان ماعنده عقل يعرف منو الصح ومنو الغلط

واذا ما نفع خلي علاقتج فيهم السلام وعليكم السلام بس​

 

[q84cuty]

تسلمين حبوبه عالرد ...

 

[q84cuty]

تسلمون حبايب قلبي عالردود الحلوه واللي تخلي الواحد شوي ينسى همه ويحس انه لي الحين الدنيا بخير ..