ابي اتواصل مع امهات نفس حالة ولدي

[امراة من زمن الحب]

السلام عليكم
ولدي عمره سنتين وثلاثة شهور شخصت الدكتوره عبير عوض حالته بانها تاخر في اكتساب اللغة والمهارات
منو عنها حالة مثل ولدي ودي اتواصل معاكم
لاني ماني عارفه معنى هالكلام هل ولدي طبيعي او لا
هل في المستقبل بيكون مثل اقراته اولا يظل طول عمره متاخر عنهم
الهم بياكلني الله يعافيكم ردوا علي
وعلى فكره مالي الا شهر من عرفت حالته وانصدمت
لاني كنت على بالي ولدي طبيعي


وجزاكم الله خير

 

[أهداب]

رد : ابي اتواصل مع امهات نفس حالة ولدي

يعني تاخر تطوري
انا ولدي قالولي جذيه عنه
ومرات يقولولي توحد
انزين اهو شنو تحسين فيه ؟

 

[امراة من زمن الحب]

ولدي مايتكلم تقريبا بس يقول ماي حار اني يعني هني وتواصله البصري ضعيف وانتباهه ضعيف

مايستجيب لاي توجيهات بس يلعب بالبزل ويعرف يركبهم ويصنف الالوان بالبازل
شنو يعني تاخر تطوري
يعني ممكن بكره يكون طفل طبيعي باذن الله اقصد تعرفين حالات مثله صاروا ظبيعيين

 

[أهداب]

رد : ابي اتواصل مع امهات نفس حالة ولدي

تاخر تطوري
يعني عمرة العقلي اصغر من عمرة الفعلي
بس مع الاهتمام فيه يصير قريب حيل من الطبيعي
ويشتغل ويتزوج
وترا التاخر التطوري احسن من بعض الاعاقات

 

[امراة من زمن الحب]

الله يجزاك خير يا اهداب
بس ضايقتني كلمة قرب حيل من الطبيعي
الحمد لله على كل حال
اقصد شاللي يمنع انه يكون ان شاء الله طبيعي
ومشكوره حبيبتي الله يكثر من امثالج

 

[مدن الياسمين]

حبيبتي لا تحاتين اولا يبيله ان تكلميه وايد و ما بيكون مثل الطبيعي لان استيعابه بطي
يفهملج بس بوقت ويا خذوقت عن اللي بعمره يعني هو عمره سنتين ونص
فتلقي عقله مال سنه ونص تقريباااااااا بس المهم ان يفهم ويتجاوب بذلي مجهود بالاهتمام بيه
والحوار معه وتعليمه اشياء بسيطه مثل الالون واسم الفواكه الحيوانات
وان شالله يتحسن وفعلا حمدي ربج ولدج وايد احسن عن غيره انا ولدي عمره 9 بس
اخرته عن المدرسه سنه لان احس استيعابه كان حيل بطي تو هو بالثاني وكان المفترض بالثالث

 

[امراة من زمن الحب]

مشكوره اختي مدن الياسمين
والحمد لله على كل حال
انتي تسوين له حميه ؟؟؟مالت عبير عوض

 

[HearT ChocolaTe]

هلا حبوبه ~ يعني بطيء التعلم
اتوقع كل شي يتعدل بإكتساب المهارات يعني ان شاء الله
ما عليه خوف اذا جابلتيه ضغطتي عليه
واخذي له كل الالعاب اللي تختص
بالذكاء من التعليم المبكر ~ وحاولي تدخلينه نادي الخرافي لتحسين مهاراته
وان شاء الله التعليم بالصغر كالنقش بالحجر

ربي يقر عينج بشفاه ~ ولا تقولين الهم بياكلني وتعوذي من الشيطان
وخليج بالدوانيه البنات ما راح يقصروون

 

[الصابرة المحتسبة]

رد : ابي اتواصل مع امهات نفس حالة ولدي

هلا أختي

ويارب يطمن قلبج على وليدج وتقر عينج فيه

الكل بيقول ويقول والله سبحانه يغير حال من حال

نحسن الظن برب العالمين وناخذ بالأسباب ونتوكل على الرحمن أرحم الراحمين

شلون ناخذ بالأسباب: - نسوي التحاليل والإختبارات اللازمة من اختبار ذكاء وغيره وفي مراكز حكومية وخاصة مثل تقويم الطفل بالسرة.

ودكاترة لهم عيادات.

نعطي من وقتنا شوي لهم نشتري ألعاب الذكاء وتطوير المهارات .

- - تنمية المهارات الحركية الدقيقة - بالصور (http://www.q8yat.net/showthread.php?t=782080)

 

[امراة من زمن الحب]

يامال العافيه كل اللي ردوا علي
ونعم بالله
ان شاء الله اشوف ولدي مهندس قد الدنيا
وامام مسجدنا
اللهم اامين

 

[امراة من زمن الحب]

رفع

 

[امراة من زمن الحب]

رفع

 

[أهداب]

رد : رد: ابي اتواصل مع امهات نفس حالة ولدي

يامال العافيه كل اللي ردوا علي
ونعم بالله
ان شاء الله اشوف ولدي مهندس قد الدنيا
وامام مسجدنا
اللهم اامين

امين يارب ويشفي عيالنا

 

[امراة من زمن الحب]

جزاج الله خير

 

[& الذاهبه &]

حبيبتي حطي تشخيص الدكاتره على صوووب

اشتغلي على ولدج

اناشيد صور العااااب

اخلطيه مع اخوانه

صدقيني بنتي شخصها عبير توحد خفيف

ويارب لك الحمد البنت قاعده تتطور

شركيه بحضانه كويت دريم

عندهم صبح وعصر

والله يواجرج

 

[امراة من زمن الحب]

فوق

 

[ام نجـــلاء]

عساه الله يشافيه لج

وانا اقول لازم تشدين حيلج معاه

واهم شي خليه يلعب ويختلط باليهال لانه هاي الي بينمي تفكيره

 

[امراة من زمن الحب]

مشكوره يام نجلاء

 

[om-mnooorooo]

أنصحج بالبرنامج الترفيهي التعليمي.. يتعلم الحروف و الكلمات و يكتسب الللغة و المحادثة و الاختلاط مع الأطفال كسلوكيات و مهارات حياتية..

و أيضا دورات علاج صعوبة النطق و تأخر اللغة

جربي مركز الشيخ سالم العلي و مستشفى الطب الطبيعي.. يحددون لج موعد و يعطونج كورس جلسات اسبوعية عند أخصائية النطق

أو مركز تقويم و تعليم الطفل يسوون اختبارات تشخيصيه و على أساسها يقررون شنو يناسب الطفل 1832000


مركز إبداع يقدم أنشطة تعليمية ترفيهية باستخدام الرمل الملون و الطين بالإضافة للمذكرات لتعليم الطفل على الكتابة و القراءة و

يأسسونه من الصفر انجليزي و عربي و رياضيات و يعالجون مخارج الحروف و التأخر اللغوي و مشاكل النطق رقمهم 90989688


الدكتورة مدينة الجمعه و الدكتورة شريفة الخميس عندهم عيادات خاصة و يعطون جلسات ثيرابي حق النطق و السلوكيات

بالأفنيوز أكو محل ما أتذكر اسمه بالضبط للأسف بس جنه التدخل المبكر أو شي جذي عندهم وووااايد أشياء مفيده تساعد على تطوير مستوى أداء الطفل

الله يشااافي و يعاافي عيالنا و عيالكم ياارب

 

[امراة من زمن الحب]

مشكوره اختي ام منوووروووو