ابي اتعلم اشلون يسون القبقب

[بطوووووطه]

شخباركم بنات طبعا هذا اول موضوع حقي :ggdw:
عاد انتو شجعوني :ggdw: بليز بنات منو تعرف اتسوي القبقب ابي اتعلم زوجي امينني عليه وماعرف اشلون اسويه سألت امي تقولي فوحي سألت خالتي تقولي اشوي واهو مايبي جذي يبي نفس الي ابمطعم الملكي الصيني عاد صج طعمه عجيب:eh_s(15): وبليز بنات الي تعرف او عندها طريقه حلوه حق القبقب اتقولي وهمتكم عاد لا تخلوني كل وحده تدخل تكتب لو حرف :dddds:

مع السلامه​

:eh_s(8)::eh_s(8):

 

[raw]

اهو المشكله مو بالطباخ
مشكلته بالتنظيف

خدامتي اللي سافرت كانت تسويه لذيذ
بعد ما تنظفه وتغسله تقصه نصين بالطول
وتفوحه بماي وملح
مدة ربع ساعه
وبعدين تطلعه وتخليه جنب
بجدر ثاني تحمسين بصل مع فلفل اخضر وبهاراتج اللي تبينها
وفلفل اسود وكل اللي تحبين وتحطين القباقب فوق الحمسه وتحوينها
سكري الجدر وكل شوي قلبي القباقب مع الخلطه
ولما تحسين ان القباقب تشربت الحمسه طفي الجوله
وحطيه بصحن
وبالعافيه

 

[جارة القمر]

المقادير:
12 حبة قباقب ((سرطان البحر))
1كوب جبن شيدر مفروم
2بصل اخضر مفروم
1فلفل حار مفروم حسب الرغبة
1ملعقة بقدونس مفروم , كزبرة مفرومة
4ملاعق طعام عصير ليمون
بهارات , 1/2 ملعقة صغيرة كل من كزبرة وكمون وفلفل اسود بودرة , وثوم مبشور وزنجبيل مبشور وملح
1ملعقة طعام اويستر سوس
1كوب بشميل , جبن مازرولا

الطريقة:
تسلق القباقب بعد غسلها جيدآ ويضاف لماء السلق 6تمرات لنزع الزفارة
بعد السلق تفتح وينزع منها لحمها ويوضع في وعاء ويحتفظ بظهر القبقب
يحمر البصل ويضاف عليه البقدونس و الفلفل والزنجبيل والثوم
يضاف على البصل لحم القباقب والبهارات والليمون والأويستر سوس والجبن الشيدر
يضاف عليه البشاميل ويخلط مع بعض
يؤخذ مقدار من الخليط ويضع في ظهر القبقب وينثر عليه حبن الازرولا ويدخل الفرن للتحمير الوجه فقط



........................................ .................................

المقادير ..

10قباقب (سرطان البحر )
2 بصل صغير
2 ½ كوب بصل مبشور
¼ كوب زيت ذرة..
8 ملاعق أكل معجون طماطم
1 ملعقة صغيرة بهار مشكل
½ ملعقة صغيرة هيل مطحون ناعم
½ ملعقة صغيرة كمون
ملح,, 3 اعواد دارسين (قرفة) 10حبات هيل 1زنجبيل
خبز عربي ابيض.


الطريقة:

- تغسل القباب جيدا وتجفف جيدا ,, وتوضع في قدر مع اعواد الدارسين وحبات الهيل والزنجبيل والبصلتين
ثم تسلق في ماء وافر لمدة ½ ساعة ,, يصفى من الماء جيدا ويؤخذ مقدار 2 كوب من ماء السلق ويترك جانبا ..
-يحمر البصل البمشور مع البهارات في الزيت جيدا ثم تضاف القباقب ومعجون الطماطم و2 كوب من ماء السلق والملح
ويترك على نار هادئة حتى تنضج القباقب وتتبقى صلصة كثيفة .
-تقدم القباقب في الصحن المعد مع الخبز الابيض ..



وبالهناء والعافية ...
........................................ ...............................
كرسبي القباقب ( السلطعون )..
المقادير :
* (4 كيلو )من القباقب
*ملعقة صغيرة من الهيل المطحون .
* ثوم مدقوق .
* بقدونس مفروم .
* زنجبيل مقطع شرائح
* ملح ( حسب الرغبة ).
# التتبيلة :
4 علب روب ندى .
2 ليمون اخضر مقطع شرائح .
ملح بهار ثوم مدقوق .
بقدونس .
جلجلان .

# الطريقة :
تسلق القباقب ويضاف اليه البقدونس والثوم المدقوق والزنجبيل المقطع والهيل والملح ..
يترك على النار من ربع ساعة الى ساعة .
تخلط التتبيلة مع بعضها البعض وبعد ذلك تغمس القباقب في الخليط السابق .
يجهز الفرن وتكون درجة الحرارة متوسطة ويفضل ان يكون الشبك في الفرن بدلاً من الصينية ..
ويحتاج الشوي من 10 دقايق الى ريع ساعة ..
وتقلب على الوجهين الى ان يتغير لون الى اللون الذهبي المحمر ..
ويقدم الطبق ساخناً


منقوووووووووووووووووول

 

[جارة القمر]

حساء القشريات


المقادير:
-16 قطعة قواقع / محار ( clams )


- 16 قطعه بلح البحر( mussels )


- 12 قطعه ( sea scallops )


-8 قطع ( حبار/ خثاق) (calamari )

-12 قطعة روبيان حجم متوسط او كبير (shrimp)


-8 قطع( كابوريا/ قباقب/ سرطان البحر) ( crabs )


-8 قطع محار ( oysters )

- 5 ملاعق طعام خل ابيض ( يوضع في كوب ويضاف له ماء حتى يمتلئ الكوب)
- نصف كوب طماطم مقطع مكعبات صغيرة
- ملعقة شاي صغيرة زعفران
- 2 ملعقة طعام زيت زيتون
- 2 ملعقة طعام بصل مفروم
- ا كوب صلصة (marinara sauce )
- 2 ملعقة طعام ريحان طازج مفروم
- ملح
- فلفل أسود
- فلفل أحمر مطحون
الطريقة:
- يسخن زيت الزيتون في المقلاه او القدر ويقلى فيه البصل حتى يذبل قليلاً ويصفر لونه
- يضاف كل من قواقع ( clams ) و بلح البحر( mussels ) على البصل ويقلب لمدة 3 دقائق
- ثم يضاف لهم ( scallops ) و الحبار( calamari ) ويترك على النار لمدة نصف دقيقة
- ثم يضاف روبيان (shrimp) و كابوريا ( crabs ) ويترك على النار لمدة دقيقة
- ثم يضاف كوب الخل والماء ويترك على النار لمدة دقيقتان
- تضاف قطع الطماطم و الزعفرانويترك على النار لمدة دقيقه
- وأخيراً تضاف صلصة (marinara sauce ) و المحار ( oysters ) و الريحان
- يتبل الحساء بالملح والفلفل الأسود ويترك على النار لمده دقيقه ويقدم




أقراص الكبوريا(سرطان البحر)


المقادير:
1- نصف كيلو لحم الكابوريا مقطع ومجفف جيداً
2- نصف كوب مايونيز قليل الدسم
3- نصف كوب بسكويت كركرز مجروش
4- بيضة واحده
5- ملعقة طعام خردل رمادي GREY POUPON Dijon Mustard
6- ملعقة طعام عصير ليمون
7- ملعقة ونصف صغيرة Worcestershire sauce ( مااعرفه بس اكيد بتلاقونه بمحلات السوبر ماركت)
8- ملعقة صغيرة بقدونس مفروم طازج
9- نصف ملعقة
صغيرة خردل مجفف
10- ملعقة ونصف صغيره زبدة او مارجرين
الطريقة:
- تخلط جميع المقادير من رقم (1 - 9) جيداً وتشكل على هيئة اقراص كما موضع بالصوره
- تقلى في الزبده او المرجرين على نار هادئة
- وتقدم مع شرائح الليمون
طريقة تحضير أخرى:
- بإمكاننا الإستغناء عن المقادير رقم 5 و 7 المذكوره في المقاديروإستبدالهم بقليل من الملح والفلفل الأسود او الأبيض.
- تخلط المقادير( الكابوريا + الكورن الفلكس المجروس حتى يعطي نوع من القرمشة + المايونيز+ عصير الليمون + البقدونس نزيد كميتة شوي+ الملح + الفلفل الأسود او الأبيض
- ثم تشكل على هيئة اقراص وتغمس في البيض ثم في البقسماط او الكورن الفلكس المجروش.
- تقلى كما في الطريقة السابقة وتقدم

 

[بطوووووطه]

جزاكم الله خير يلي ردتو علي وماتقصرون وبوسه على خد كل وحده منكم :tek:

 

[dnyay_mll]

عاد صج اللي بالمطعم الصيني عجيب بس ماعرف اسويـه
بس اتوقع بصل اخضر وجبن وبشميل خفيف يخلطونه مع لحم القبقب اتوقع جذي لان طعمه مبيـن
وطبعا البنات ماقصروا بالطرق
انا طريقتي بالفوح
احط 2سفن اب وماي يغطي القبقب وفلفل اسود وكمون وليمون اسود واجي نو موتو وعصير ليمون طبعا هذا كله بالجدر وخليه يطبخ ساعه الا ربع تقريبا
واذا تبين طريقه ثانيه هذي طريقة خالتي ام زوجي
جدر تحطين فيه القبقب وبرتقاله وحده شرايح وليمونتين شرايح وفلفل اخضر بارد 2 يكون شرايح وشوية كزبره وتحطين كوب ماي بس وتغطين الجدر فوق بقصدير وتخلينه على راحته بس كل شوي تزيدين الماي وطعمه عجيب
اما طريقة عمي ابو زوجي عجيـبه غريبه بس صج تهبـل
روس ربيان وقبقب تتبلينه بعصير ليمون وبهارات تايلنديه وشوية تشيلي صوص مو اكثـر من قفشه
وتخلينه طول الليل وبعدين تحمسين معاه فلفل اخضر بارد وطماط وبصل وتكثرين البهارات وتترسينه فلفل وبـس
عاد انتي طبي وتخيـري اي طريـقه تبيـن

 

[om-shaheeno]

انا عن نفسي متعلمه الطريقه من يدتي...
اول شيء اغسل القباقب عدل مدل بالماي...
وتالي احطهم في جدر مافي ولا شيء...
وبعدين احط فوقهم شرايح من(البصل..فلفل اخضر..ليمون..طماط..)
واحط بهارات اشويه من(ملح ...فلفل اسود..اشويه كركم)
وبس ..واخليه يفوووح ابرووحه..انا ما احط ماي..لا القباقب لمن غسلتهم عدل ..صار فيهم ماي..فلمن يفووحووون ابروووحهم ينزلوون مااااااي وهم الطماط اشوي ينزل ماي....فلا اتحطين ماي عليييييه نهائياااا..وسلامتج ياختي ...

 

[brbecan]

هلا فيج وماشاءالله جاره القمر ما خلت شي يعطيها العافيه
الطريقه المعتاده الفوح بس انا ما افوحه بماي لا اغسل القباقب عدل واحطهم بالجدر وكبي عليهم بطل سفن اب نطري 10 دقايق واكليهم بالعافيه

بس الحمسه وايد احلى
اقصص القباقب اشيل الظهر والريول وانظفه عدل وبعدين الي بقى اقصه بالنص اذا كبير او مثل ما اهو اذا صغار
واحطه بالجدر لين يطلع مايه كله وبعدين احط عليه شويه دهن واحمس معاه بصله و4 فصات ثوم وزنجبيل طازه كلهم مهروسين احمسه عدل عشان الزفره تروح وحطي عليه شويه كاري وبطل كاتشب بو فلفل ولما تطفين الجوله حطي عليه بقدونس مقصص وحمسيه وياه
وعليج بالعافيه