ابي اتطلق

[أميرة-]

حبيبتي زوجج تيبكال نموذج للزوج الكويتي

اقرا موضوعج جنج تتكلمين عني وانا متزوجه من ٨ شهور نفس وضعج بالضبط بس الفرق اني موظفه واسوق

تكلمت وبجيت وزعلت وحايلته وبغشمره وبنقاش واقناع ماكو فايدة .. اصبري شتسوين اذا الرجال مايخونج ولا يخربط ولا يشرب مالج الا الصبر وان شالله مع الوقت يتعدل

صدقيني اغلب الازواج جذي اذا مو العن صرف مايصرف واربع وعشرين ساعة طالع وكله مشغول لمل اسأله وين رحت تطلع مشاوير سخيفة شاليهات جواخير دواوين عمري والله ماطلبت مشوار ووداني على طول لازم حنه واضطر مرات ابجي بس عشان يطلعني .. والمشكلة مايرضى اطلع بروحي الله يعين بس

 

[lady_sweet]

​

انتي نفس اسلوبي كتومه امي لوتسال شنو فيه مضايقه شي اقول ﻻ الحمدلله وحطي بالج الشكوى لغير الله مذله
حاولي تفضفضين برسمه بكتابه باي شي عشان ماتضغطين نفسج
وزوجح مثل زوجي انا شهاده وهو ﻻ وقابله فيه الحمدلله
واهم شي ربعه دوانيه حﻻق طلعاته واناني احسه بس شسوي
انا كنت ساكته ساكته لين انفجرت عليه وفضفضت قلت ماتطلعني حتي لبسي مال عرسي حللته وﻻ نمت عند امي رحت تشريت وياها وين دورك
ابي اتسوق وياك اخذ ذوقك وااحين بالشهر مرتين نطلع او 3 قبل كلش من ردينا من شهر العسل اهم شي دوانيه او دوانيه

مالومج تتضايقين وحاسه فيج بس طﻻق ﻻ
وقعدي حطي كيك وعصير شموع وسولفوا وبطلي موضوع قولي ودي توديني الجامعه لو مره نسولف بطريق
ودي اطلع معاك انا مضايقه وانت زوجي حياتي كل دنيتي
شوفي محد مرتاح ﻻزم في عيوب في كل شخص حتي فينا
وانا مع كﻻم سكر معقود

 

[lady_sweet]

​

الحين احنا مو اربع شهور ﻻ سنتين ونص مايعرف يقول احبحج وﻻ كﻻم حولو وﻻقعد وياي مسك تلفون يلعب جيم ههههههه
مرات اتحسف تزوجته بعدين اقول الحمدلله اهم شي الستر وانشغلي بنفشج جمالج شعرج رجال مايبي وحده تﻻحقه
ﻻتنطرين كﻻم عشاق وﻻ غيره الحمدلله و فلوسج قولي شريت ﻻمي هديه خشيهم ﻻتعطينه حتي دينار اﻻ اذا ودج براحتج
يقدر يتسلف من ربعه الي وياه 24 ساعه خل يستفيد من قعدته وياهم يعطونه ههههه

 

[Nokia N95]

الله يعينج ... والله يسخره لج ...

عندي اقتراح ...

شرايج تقنعينه يكمل دراسته ؟

هالشي ممكن يغير من روتين حياتكم ... و زين حقكم ماديا ...

 

[أم حسوون]

السلام عليكم ، زوجج طبيعي جداً ومثل ما قالت شكشوكة كلنا مرينا بهالمرحله ، الزوج ببداية الزواج مو متعود على المسؤولية ، لكن يبيله صبر سالفه طلعة الزوج ذكرتيني أول زواجي كنت أقول حق زوجي ليش تأخر برا ، كان يقعد بالدوانيه ل12 بالليل ، بعدين تغير خصوصا. عقب العيال ، اصبري عليه شوي ولا تخلينه أكبر همج عندج دراسة وأشياء واجد تسوينها لا تناشبينه ، بكرة يلاحقج ويدور رضاج.

 

[جوري 2007]

خل ابوج يحاجيه ويعطيه كلمتين بالعظم وفرضي شروطج واذا مارضى يفتح الله

 

[rose of kw]

( أيمآ امرأه سألت زوجها طلاق من غير بأس فحرام عليها رائحه الجنه )


بهالحديث حبيت استفتح ردي وياج .. حبيبتي اخيتي ارجعي اقري كلامج
حبه حبه .. هل هالشي يستاهل طلاق ؟ يخونج ؟ يمد ايده عليج ؟ طلع عنده مشاكل اخلاقيه
مثل شذوذ ؟ سكر ؟ ادمان ؟ وماكتشفتي الا عقب الزواج ؟؟ مثل اغلب هالبنات اللي صج انصدمو


حبيبتي زوجج النموذج الطبيعي للزوج هني وترى صج كلامه موفر لج كل شي بس لأنج توج عروس
جديده حابه يكون في اهتمام اكبر .. وترى اغلبهم بعد العرس يلتزمون بدوانيات ... اولا عشان توهم جايين عرسه فمستانس فيهم وانهم حضروآ
ووجبوه ثااانيااا لانه هالشغله خاصه بالشباب يعني ترى مرتي ماتاخذني منكم هههههه بعدين اهواا اللي يخليهم وينحاش لج


ولاحظت انج ذكرتي ( من بعد شهر العسل ) !! يعني موديج شهر عسل ؟
الحمدلله شي حيل حلو .. يمكن هالشي كاسر ميزانيته ومع التزامات العرس وقروضه .. مافيها شي اذا عطيتيه
او ساعدتيه ..
بعدين منو فينااا اذا جتنا مناسبه كبيره نص الشهر مايكون مفلس !! اقل شي نحسبلها من اول الشهر مثل العرس او استقبال كبير
لا ومرات من شهرين او ثلاثه قبل بعد الناس صرفها مو واحد ناس تبي ماركه وذهب وناس بسيطه تبي متوسط


اللي اشوفه وفهمته من موضوعج ... ان انتي (((( من قبل الزواج ))) ماكنتي مقتنعه بالرجال و في اسباب اسمحيلي اقول ( سطحيه ) تخليج ترفضين
وهذا من حقج .. بس هم مارفضتي وتزوجتيه وللحين هالاسباب بقلبج على اي شي بسيط متحامله عليه
ككككككل هذا طلع معاج لان ماحبيتيه ومع العشره بتحبينه وتطوفين شكثر اشياء اكبر واعظم من طلعه واهتمام


شوفي الجانب الايجابي له اخلاقه .. تعامله وياج .. لمايكون معاه فلوس يحرم نفسه و يعطيج ولو انه معاشه شويه ؟؟ ترى مرات البركه بالشويه
وجربي حبيبتي تطلبين الاهتمام بس موبشكل مباشر
يعني هو بالدوانيه دزيله مسج شعر .. امممم صوري له صالتج مع شموع واكل وكيك قولي ناطرتك
قولي ودي اطلع (ويااااك) لان ارتاح وياك موبس طلعه والسلام لان اقدر اطلع مع اي احد ..
وهذي امثله بس وبطريقتج تكسبين الرجال


ترى الزواج مو بس اخذ .. تبين يسوي ويصرف ويحط هم انتي لازم تساهمين
الزوجه هي اساس البيت تخليه جنه و ونيس وراحه وكل شي حلوو او العكس


والله يسخركم يهديكم لبعض ويألف بين قلبوبكم

رفعت الاقلام وجفت الصحف.... مافي كلام بعد كلامها
ربي يرفع قدرج اختي ويهدي بالكم:eh_s(7):

 

[Light-MoON]

نصيحه مني لج توكم متزوجيين ودام عنده فلوس مايقصر وياج واذا طلبتي منه تطلعون اتمشون يطلع معاج بغض النظر عن تسرعه وعجلته بطلعه اقولج لااااااا فكري بعقل ومثل ماقلتي دام تحسيين ان يحبج وشاريج فكري بعقل ولا تروحين بيت اهلج ولا تزعلين اقعدي بيتج وغيريه اشلون تغيرينه انا اقولج ..........

انشبي له بالقعده بالاتصال والمسجات لا تقولين استحي انتي وهم مكملين بعضكم كلمة استحي منها مالها قاموس بمجلد الرجل لنا الريال مايحب الوحده اللي تستحي يحب الوحده الجريئه وانتي بداية زواجج عسى الله يهنيج ويوفقج تقدريين تغيرينه خلال سنه على الاقل وسالفة معاشه والمصروف انتي أحكمي عليه وخليه يعطيج من معاشه لو ميه لو رفض هنييي ازعلي وروحي بيت اهلج وهني غصبببن عليه راح يرضى ويتنازل ويعطيج وقولي له ابي استقطاع شهري مو تسلمني باليد واذا فلس وطلب منج عادي هو زوجج وانتي باجر راح الله راح يوفقج وتوظفين وبيجيج يوم وتفلسين وتطلبين منه اما سالفة الشهاده انتي تقدرين تقنعينه يكمل مسائي وياما ريايل تخرجوا من الجامعه بسبب حريمهم ولا كان ماطلع المثل اللي يقول وراء كل رجل عظيم إمراه ... شيدريج يمكن بالمستقبل يكون رجل عظيم


دام محترمج ويحبج لا تضيعينه من ايديج

 

[عاشقة هواك]

الله يعينج ويعينا يارب

 

[هيبة ملك]

امسك مجنونك لايجيك. اجن. منه