السلام عليكم
حبيبتي , البنات ما قصروا ابدا بالنصايح , و انتي ارقي نفسج ترا العين و السحر منتشرين انتشار مستحيل هالايام !!!
و بعدين سالفة الزواج و الزواج
انتي اي وحدة متزوجة اسألي نفسج هالسؤال :
1- ريلها ( يصلي ) ؟؟؟ و ( بالمسجد ) ؟؟ اذا لا , لا تقارنين نفسج فيها ! هي اللي يعينها اكثر منج بمليون مرة !!
و الله و الله و الله اشوف الناس بالمولات , هو مع زوجته و حلوين و فرافير و مستانسين , اسمع الأذان يأذن , اشوف ولا واحد فيهم تحرك !! و لا راح المصلي !!! يطيحون من عيني اثنيناتهم هم و سعادتهم الزايفه !!!
مو المهم اننا نشوف , المهم اننا نشوف ( صح ) !!!!!
اذا انتي تشوفين ( صح ) و بعين ( صح ) ترا راح تتأكدين , ان مو كل ريال بتوافقين عليه
يعني لو هذا ريلها , اللي ما يدل الجبله ببيتهم وينها فيه !! يتقدم لج , توافقين ؟؟؟
( اكيــــــــــــــــــــــــــــد لااااااااااااااااااا ) انا لو منها , و تقدم لي واحد ما يصلي و الله و الله ما آخذه !! الا لما ينعدل صج و يصلي و يثبت على صلاته على الاقل شهر ,,
اللي ما يصلي ما تحل له الزوجة
وشوفي انتي عاد جم وحدة من رفيجاتج اللي انتي متضايقة انج على قولتج اقل منهم , شوفي جم وحدة فيهم ريلها ما يصلي !!!!
و بيني و بينج حتى اللي ما يصلي بالمسجد تراه آثم و اثم كبير بعد !!
فما بالج باللي ريلها ما يصلي ؟!!!
,
بعدين ,
انتي لا تهدين روحج ابدااا , الرقية الرقية , الاستغفار الاستغفار , الدعااااااااااااااااااء الدعاااااااااااااااااااااااااااااااااااااااء ,, الصدقة الصدقة ,
بيني و بينج هذا سر اقوله لج :
تدرين ليش هالايام محد يتزوج ؟؟
1- شبابنا اغلبهم , 80 % اذا مو اكثر : علاقات !! تايلند !! شرق آسيا !! شقق !! الا من رحم ربي !!!! وينهم وين الزواج ؟؟
2- اللي بيتزوجون أغلبهم : عاهات !! زواج مصلحه !! و ييبون الفقر و المرض و طايحين بجبود اهلهم و من جذي يصير الرفض من البنت .
3- الصالحين شويه , و ترا الطيبون للطيبات , و خلي كل وحدة فينا تشوف عيوبها و تقصيراتها مع الله , و ترا اللي يصيبني و يصيبج و يصيبها ترا بذنوبنا , علشان جذي تشوفيني استغفر و اتصدق , احيانا بعض الذنوب ما ندري عنها !!!
4- السبب الرابع نحااااااااااااااسه الحريم !!! وحده تخرب على الثانية , و الله ما اجذب عليج , اني بالدوام كنت قاعدة بغرفة من الغرف و يمي ثنتين وحدة تقول للثانية , بخطب فلانة ( وحدة من دوامنا ) لواحد من اهلي , عاد اللي قاعدة يمها حطت بالبنيه عيووووووووووووووب الدنيا حسبي الله و نعم الوكيل !! لما خلت هذيج تشيل البنت من راسها , و البنت المقصودة اعرفها : أدب و اأخلاق و جمال !!!!!!!!!!!!
و البنت اللي عندها اخوان , ما تفكر تخطب له وحدة من الدوام , حسد و نحاسة على غيرها ! حتى لو كانت رفيجتها ! و بعضهم حتى لو شافها اخوها تقعد تقول له هذي وحدة هيلق و فيها و فيها علشان يصرف نظر حتى لو البنت لوزة و تينن !!
يعني عدم الزواج او تأخيره صار شيء فوق الطبيعي !!
ادعي الله ينجيج من هالأشكال و ييب لج واحد صالح و حبوب و يخاف الله فيج , و هذا الاهم
و حطي كلامي براسج لا تشيلينه , و مثل ما قلت لج ( شوفي ) ( صح ) ! و خلي عندج حكمة ,
و ترا و الله وايـــــــــــــــــــــــــد بنات و بعضهم اعرفهم تزوجوا بعد الـــ 25 و تزوجوا رياييل يهبلووووووووووون عقل و ثقل ووسامه و رزانه , مو يهالوه هههههه
و ان شاء الله اشوفج عروس و ارقص بعرسج << فصلت عليكم تراها هههههه
