ابي اتحجب بس مو قادره :(

[*صفوه*]

اي و الله صاجين البنات راحت البال ما تجي الا بالحجاب و رضا ربج

 

[مطيريه شي]

رد : ابي اتحجب بس مو قادره

طنششي رفيجتج والبسي الحجاب واهم شي رضاا ربج

والمفرووض انج من زمان متحجبه ..

 

[أفراح العنزي]

رد : ابي اتحجب بس مو قادره


مشكورين يا بنات على نصايحكم ودعواتكم ، وعساها انشالله في ميزان أعمالكم

وأبشركم اليوم رحت تفطرت عند حمولتي وانا لابسه حجابي وعباتي

وما تخيلون فرحة أمي وأبوي صج طاروا من الفرحه لما قلتلهم اني تحجبت

بصراحه راحه نفسيه ، على الاقل الحين ما احاتي شي


:nbvppw:

 

[عجيبه1]

مبرووووووووووووووووووووووووووووووك ياقلبي


والله والله فرحتيني الله يثبتج يارب

 

[مبسم خجوله]

مــاعليــج منهاا انتي مــرره كبيره وفاهمه وعاقله والحجاب راح يرضيج ويرضي رجلج اكيــد
وشنو خليهاا بحالها وقطعي علاقتج نهاائياا لين تفهم انج ماتبنهاا
وتذكــري ربج ولاا تفكري بالتطنزز

 

[بحور الصمت]

الحجاب من اروع الامور اللي الله سبحانه وتعالى خصنا بها من دون الناس

الحجاب الشرعي يخليج تحسين انج ملكة
وجوهرة ودانة محروسة ومحفوظة من نظر الرجال

اختي لا تسوفين لان التسويف امره مو هين
وهذا الشيطان يبي يصدج عن اللحجاب
وكيد الشيطان ضعيف

افعليها حبا لله
وطاعة
وامتثال

افعليها شكرا له
اللي عطاج النعم والرزق

ولا تنطرين

الحين الحين الحين قومي ولبسي الحجاب وطلعي
وراح تلقين الامور حلوة

يلا ننطر تيين تبشرينا

 

[ماريا ابنة الحي]

لاتهتمين حق رفيجتج لانها لو تحبج مستحيل تطنز عليج

توكلي على الله

 

[بحور الصمت]

سبحان الله كتبت الرد قبل لا اقرا انك تحجبتي

الحمدلله والله اني فرحت لج وايد

الله يثبتج على الطاعة ويزيدج من فضله يا كريم

 

[منيرة خالد]

الــــــــــــــ مبروك ــــــــــــــــــــف


الحجاب الله يثبتج

 

[miley]

الف الف مبروك الحجاب والله يثبتج وعقبال النقاب
بس بقول هالكلام عشان تكونين مقتنعه
تحجبي ومالج شغل باحد اهم شي رضا ربج صح ولا انا غلطانه
وبعدين كلنا راح نموت
وما راح ينفعنا رفيجاتنا ولا اهلنا ولا ازواجنا ولا عيالنا
ما راح ينفعج الا اعمالج
اهيا اللي بتدخلج الجنة ولا النار
انا اقول ماعليج من احد وتحجبي وطقي الناس بالطوفة
وبالنسبة لرفيجتج مو فأة تقطعينها
عشان مو بعدين تسوي لج شي تحقد ما تضمنين الناس انتي
تدريجيا يعني شوي شوي اول شي مو كل اتصالاتها اتردين عليها
واذا دقت نطري بعد مده ودزي مسج قولي سوري ما اقدر ارد عليج انا عند ناس ولا احد عندي واحاجيج بعدين
يعني جذي شوي شوي لحد ما تقطعينها مرة وحدا وخلي علاقتج معاها رسميه
واذا استهزأت بالحجاب قولي لها وحدا انصحتني وفهمتني ان البنت اللي مو متحجبه مثل الحلاوة بدون القرطاس اي شي يوصخها
بس اذا تحجبت واحتشمت الكل بيحترمها .. واذا تحجبتي مو حجاب الهيلق بو تفخه ولا تحطين ميك اب وعطور ولبس ضيج ومادري شنو احترمي الحجاب ,, الله يهديج ان شاء الله

 

[honey lust]

حبيبتي صدقيني ترا الحجاب واااايد اسهل من ما انتي متخيله بس ابليس اعوذ بالله منه يصعبه عليج
و انا اتكلم من تجربه كنت نفسج جذي كل سنه أأجل لما هالسنه قلت خلاص لي متى
احنا اليوم عايشين بس باجر ما ندري وين
علامات الساعه طلعت و كفايه شوفي موت الفجأه بأعمار صغيره شلون كثر
صدقيني باجر تتحسفين
والحين لبس المتحجبات حلو و متروس بالسوق انواع و اشكال
و اذا وايد تتردين خلاص اول ما اتيي السالفه اببالج لبسيه و طلعي عشان خلاص ما تقدرين تفصخينه
و رفيجتج هاذي الله يهديها لا تسمعين كلامها ترا ما وراه الا غضب رب العالمين
انتي بس شوفي العرب المتغربين تلقين الوحده متكمكمه من فوق لي تحت و اهيه تشوف نظرات الاجانب شلون حقيره لها
و غير التحرش فيها
و انتي الحمدالله بديره اسلام و مخليه الدنيا كلها و تسمعين كلام رفيجتج
والله يهديج

 

[honey lust]

ويييييي صج تحجبتي كتبت الرد قبل ما اشوف
مبروك والله يثبتج صدقيني هذا احسن قرار خذيتيه بحياتج
والله فرحتلج

 

[يا ليل مطولك]

حبيبتي انتي فيييييييج خيييييير


والدليل عندج قناعه انه في شي غلط بحياتج مع انج مستقره يحياتج ولله الحمد



الحل بايدج انتي

غييييييييري خطج .. اقطعي علاقتج برفيجتج .. تحجبي مالج شغل باحد ترا الستررررر واجب


وخليييج وااااثقه من نفسج والحمدلله انتي مقتنعه من داخبج بالحجاب يعني مو مغصوووووبه ...


وتقربي من ربج اكثر واكثر وصلاة الليل سحرر عجيييييييب والاستغفار

وعسى الله يهديج ويهدي رفيجتج ويطمن بالج يااااااارب

 

[يا ليل مطولك]

مبرووووووووووك الحجااااااااااب ... صج صج رااااااااحه وان شاءالله عباتج مو كتف ترا العباة الصحيحه هب العباة الي على راس ..

 

[رووز q8]

حبيبتي فكرتي باجر اذا متي بعد عمرن طويل حد راح يتحاسب غيرج !! او رفيجتج هذي بتدخل النار لانج مالبستي الحجاب ؟

كل واحد راح يتحاسب ع اعماله ، وقطعي عنها قوليلها بالمختصر انا بتوب وانتي مو مساعدتني بهالشي وانا بصراحه الزم ماعلي رضا ربي

 

[shshoo]

رد : ابي اتحجب بس مو قادره

الله يثبتج ان شاء الله
اي هاذي الاخبار بالعافيه والله مافي شي احلى من الستر الله اخليج لريلج وخليه لج

 

[Nothing]

هالشي يخصج انتي مايخصها هي وانتي الي

بتتعاقبين بالاخره عن التفريط والمعصية مو هي

راجعي نفسج واتركي هالصحبة عنج

 

[رووز q8]

ع البررركه قلبوو والله يثبتج ع طاعته

 

[أم ورود الحلوه]

مالج إلا الدعاء

 

[miss disaster]

عيدج مبارك :eh_s(22): :eh_s(22):

اي حبيبتي وخري عنها لان اللي مثلها ما راح يفيدونج لما ربج يحاسبج

اعتبريني اختج الصغيره وبتقولج شي :friends: :

انا ما صار لي وايد من تحجبت بس ترى احلى قرار اتخذته بحياتي اهو الحجاب:eh_s(9):

مبروك الحجاب حبيبتي :nbvppw: :eh_s(9): :nbvppw: