ابي ابجي وحدي خايفه

[elpinkya]

حبيبتي انا بولدي البجر

ماكنت امشي كلش والله كلش يمكن انا و الجماد واحد

و عطوني موعد الولاده 14 / 3 و لما فحصني الدكتور قال انتي يمكن تاخذين اسبوعين فوق شهرج

لأني كملت 40 اسبوع و عطاني لي 42 اسبوع

و كل يوم و ترك اروح المستشفي اسوي تخطيط

اخر مره كانت 18 / 4 سويت تخطيط بالهادي قالت في بوادر طلق خييييييييف قالت لي شربي خروع و امشي

و شربت و عقب ساعتين مشيت يمكن ساعه الا ربع و رجعت البيت الساعه 12

ما فــــــــيني اي شي الساعه 4 حسيت بعوار رحت المستشفي قال الدكتور مفتوحه 3 سانتي

و دخلني الولاده و ولدت الساعه 11 و نص الظهر الحمدالله

ف عندي سؤااااااال ؟
ليش القيصريه؟؟؟؟؟؟
هل لا سمح الله البيبي مستعرض؟
هل عظم الحوض عندج صغير ما يسمح بالولاده الطبيعيه ؟؟
البيبي تعبان الله لا يقول ؟؟
ولا انتي تبين قيصري عشان ما تخريج الولاده الطبيعيه ؟؟
ولا وزن البيبي اكثر من 4 ونص !!؟؟

لانه هذي اغلب اسباب الولاده القيصريه

 

[انثى الكويت]

الله يهون عليج وتولدين بالسلامه وطبيعي

انا بجريه نفسج وماعرف شي ماحبيت اطلع جذي

بس اتوقع لوتاخذين بنج عام افضل من الظهر مادري احس مكانها حساس

يمكن في بنات ضد راي بس انا بقولج الي انا بسويه لو طحت بموقفج

واعي والتساهيل من ربج

وامشي ساعه وريحي شوي بو ساعتين وردي امشي مره ثانيه

حاولي تضغطين على نفسج بالمشي عشان تولدين قيصري

 

[انثى الكويت]

بس انا نسيت اقولج ترى دكتورتج وايد مستعيله اذا حسيتي انها مستعيله روحي حق وحده ثانيه واخذي رايها

في بنات يدشون العاشر وياخذون منه من 7 - 10 ايام منه

اذاكل شي طبيعي لا تستعيليييين وشربي خروع يمديج بالعكس

واذا حسيتي بطلق شربي دارسين وقت الطلق يساعد على الولاد

 

[dllo3at_mam]

حبيبتي لاتمشين فوق طاقتج

ترا كثرت المشي هم موزينه

انا مرتين اعدي شهر بعشر ايام

مره الدكتوره سوتلي توسيع الظهر

وبالليل رحت اتمشى بالشارع الا والماي ينزل خفيف

طلق ماكو

رحت المستشفى وعطوني طلق صناعي والحمدلله ولدت

والمره الثانيه سوولي توسيع ثلاث مرات ولاكو فايده ابددددددددددد

قالتلي الدكتوره شربي خروع بالليل والصبح تعالي نحطلج طلق صناعي

وسويت اللي قالته والله والله كانت احلى واسهل ولاده الحمدلله

ديري بالج على بو تبين طبيعي تروحين اتعبين نفسج والياهل بالسلم والمشي

والله يهون عليج حبيبتي

القيصريه ماتخرع لهالدرجه ترا

 

[أغلى أمنياته]

الله يسهل ولادتج انشالله//​

 

[جديده 1]

نصيحتي لج امشي .. اكلي تمر .. و اكثري من الجماع مع محاوله الاحتفاظ بسائل الرجل داخل لفتره ..
و تقدرين اتروحين دكتور ثاني حتى لو مستشفى حكومي عشان تتأكدين لان حالياً المستشفيات الخاصه طايحين بالحريم قيصريات و زط بالفلوس

 

[سنااااي]

حبيبتـــــــــــــــي لاتضااااااايقين اللـــــــــه معاج شوفي تبخري بحلتيته أو مره لانها تفتح الرحــــــــــــــــــــــــــــــــــــم ..... وبعدين ابذلي الاسباب ادري بتكونين ثقيله وتعبانه خلي احد يساعدج ..... امشي الحين بالمجمعات هم جو رمضان حلو ويفتح النفس..... واشرنسبه ب دارسين.... وخروع اخلطيه مع لبن مراعي بس ديري بالج يمسي البطن.....



وبالنسبه للاساله واللــــــــــــــــــــــه جرب الموت في بنتي وانا ماكنت ابي عمليه والدكتوره اتقول خلاص انتي لازم عمليه واللــــــــــــــــه كنت ادور الحياة بهذيــــــج الساعه ..... قلت لها خلاص اي شي ابي ارتاح والله والله والله بهاللحظه طروووو على الناس قبل اللي مثل حالتي شيصير لهم ...............اكيد بتموت اهيا والجنين اقول الحمدلله على نعمت العلم .......وانتي خلي ايمانج باللـــــــــــه قوي....


الجرح بسرعه 3 او اربع ايام بالكثير وماكو شي بعدين....

والبنج ماتحسين بشي اكيد هذي عمليه مو لعب....

الام العمليه بتحسين فيها لوقت طويل خاصه اذا تعبتي من مشي او القعد او شي جذي....

اكيد بعد العمليه مباشره في الام حتى ماتقدرين تكحين او تعطسن او تضحكين.... بس يعطونج مسكنات اول الايام ومع الوت بينتهي.....
بس اذا اذا اذا سويتي العمليه ولادتي بسلامـــــــــه اهم شي لاتشيلين شي ثقيل..... ولاتشغيل كثير.........



واللــــــــــــــــــــــــــه يهون عليج بولاده طبيعيـــــــــــــــــــــــــــــــه قولي آمين ولاتنسيني بالدعـــــــــــــــاء

 

[Al-RoRo77]

ياحياتي انتوا فديتكم والله ان شاء الله بنات انا بسألها اذا ممكن أأخر القيصريه ولا يمكن اكو سبب مجبوره اسوي قيصريه
وكل نصايحكم بلتزم فيها واطبقها هاليومين كثر مااقدر والله يكتبلي اللي فيه الخير ان شاء الله
وعسى الله ينولكم اللي فبالكم وحده وحده ويسعدها ولا يحرمها من اللي اتمناه ياربي ياحبيبي يكتبلكم اللي فيه الخير بكل خطوه ياااااااااااارب والله ماقصرتوا فديتكم وقريت رد ونصيحة ودعاء وحده وحده وبالنسبة لدكتورتي اهيا شاطره ومعروفه واغلبهم مدحوها دكتورتي "نزهت" اللي بمستشفى السلام

 

[جمالي خيالي]

طبقي هالجم شغله وصدقيني راح تولدين طبيعي باذن الله

سوي التمارين اللي تسهل الولاده عقب التمارين راح يفتح الرحم وتييج الطلوق
احسن تمرين اللي تقعدين مثل قعده الحمام العربي عزج الله وتوقفين وتقعدين وتوقفين شوي شوي وانتي ماسكه كرسي او طاوله هالتمرين عجيييييييييييييييب يحرض الرحم للولاده كرري هالتمرين كثر ماتقدرين طول اليوم ترا احسن من المشي بألف مره

وشربي زعفران فوحيه مع الحليب يفتح الرحم عن تجربه

وشربي بابووووووونج فضييييييع يفتح الرحم

وكثري جماع لان ماي الريال مثل تحميله الطلق وانسدحي عقب ماتخلصون لاتغسلين لمده ساعه

وان شاء الله تولدين طبيعي

 

[شقرا كويتيه]

عسى الله يسهل ولادتج وتولدين طبيعي

 

[زينانه]

دكتورتج
حيل معقده الموضوع ليش
وشدعوه قيصريه

انتي من اليوم شربي حلبه لانها توسع عنق الرحم حيل وتخليه لين
واكلي خيار. يلين عنق الرحم بعد
امشي وامشي. كثري جماع

ولاتحاتين
وحتى لو ماتبطل في شي اسمه طلق صناعي وتوسع لج بالفحص

واذا صارت قيصريه. لاتخافين بحزتها بيخدرونج
وماراح تحسين بشي. بس لما تقومين عقب ساعه بتحسين بالم خفيف مكانها ويروح بالمسكن

 

[om MaRyooM]

هلا اختي ..

ماتشوفي نشر انشالله

بنات عندي اسأله واللي عندها خبره اتجاوبني وعسى الله ينولها اللي فبالها اهيا واللي تدعيلي يارب:
1-هل بيوم الولادة عملية القيصريه اتعب الوالده اكثر من الولادة الطبيعيه؟

بنفس اليوم اكيييد تعب..بس ماتحسين وايد بمكان العملية لأنج تكونين مخدرة

انا اللي تعبني البنج


2-شكثر على مايلتم الجرح؟

بعد شهر بتشوفين الجرح خف وايد .. وانتي وشطارتج اذا اهتميتي بالمرهم والاشياء اللي الدكتور قايلج عنها بيلتئم بسرعة

بس الجرح الداخلي مايلتئم الا عقب السنة لأن الجرح يكون 7طبقات:eh_s(10):
وطبعا لاتاخذين ادوية وخرابيط ولا عطور وايد ولا اكل حااار سبايسي عشان لايلتهب الجرح وتتأذين


3-جم يوم بيستمر معاي عوار العمليه؟

اكثر شي اول 3ايام .. وبعد العشر ايام واااايد تحسين بتحسن انشالله


4-هل راح يعطوني بنج قوي ولا عادي يعني بحس شويه باللي قاع يصير ولا شنو؟

على حسب بين بنج عام ولا ابرة ظهر


5-اثر القيصيريه راح يبين وايد ولا شويه؟

مايبين لاتحاتين


والله يقومج بالسلامة انشالله .. ولاتخافين ترا في حريم عندهم القيصرية اهون من الطبيعي
منهم انا :eh_s(7):

والله يهون علينا كلنا

 

[GaLbI t7aWaL]

7abebti ana knt nfs 7altch
bs alfrg ana wldt b USA w kan ra7mi mskr
bs 3a6tni 4 t7ameel 3shan yft7 alr7m w hmn ma ft7 w rdtni albait
bs 3ogbha b yoom gmt a7s bl6lg w yom r7t 3ndha galtli welada w alr7m mftoo7 7cm
w el7mdelelah welada 6abe3ya w knt ma5tha ebrat '6ahar


allah ysahelch amrch w toldeen 6abe3i enshallah

 

[الرباب]

السلام عليكم

القيصرية مافيها خطورة إن شا الله وراي دكتورتج أكيد سليم..
بس نصيحة مني لج : جربي إكلي رطب
ترا الرطب يفتح عنق الرحم من غير ألم وأنا عن تجربة سويت هالشي وفاد.

وعلى راحتج

ربي يسهل عليج وتقومين والبيبي بالسلامة.

 

[يا كويتنا]

اللهةيسهل عليج



وبعدين اضغطي علا نفسج اشوي وامشي وكثريمشي وسوي قعده القرفصاء والله يهون عليج

 

[fdeet_shosho]

الله يسهل عليج يارب وتولدين طبيعي - حاولى تمشين مثل ماقالت الدكتورة وان شاءالله كم يوم وتولدين ضغطى على نفسج شتسوين بعد
بس القيصرية ماتخوف الحين بس نصيحة لاتاخذين بنج كامل اخذي ابرة ظهر ماتتعبين مثل البنج الكامل اللى يتعب
وان شاءالله سهالات وادعى ربي يسهلها عليج واكلى تمر وكثري قعدة بالحمام العربي ترا يساعد
وترا البجرية ينطرون عليج عادى لاتخافين الدكتورة اخر شي تلجاله القيصرية راح تحاول تولدج طبيعي واذا حست فى خطر او مافى مجال تولدج قيصريه - الحمد لله الطب تطور الله يعين حريم اول اللى لايعرفون عمليات ولا شي لهم الاجر ان شاءالله
وطمنينا عنج ان شاءالله اذا ولدتى بالسلامة يارب - اهم شي البيبي متعافى وكل شي يهووون

 

[Al-RoRo77]

فدييييييييييييييييييييييييييتكم خواتي الغاليات والله ماقصرتوا
وانا بلشت اطبق نصايحكم وان شاء الله سهالات واللي كاتبه الله راضيه فيه الحمدلله وان شاء الله سهالات
والله يوفجكم ويهون عليكم ويبعد عنكم كل ضيقه ياااااااااااااااااارب واكيد بقولكم شبيصير معاي
الله لا يحرمكم الأجر ان شاء الله

 

[FuSheYa]

الله يسهل عليج يااارب وتولدين طبيعي بسهاله وتشوفين بيبيج جدامج بصحه وعافيه


والله انا قمت احاتي!!!
كلش مامشيت!!! واحس بنفس العوار اللي تقولين عنه جنه سجاجين بالرحم

الله يستر


ان شاءالله ياااااارب الكل طبيعي وبسهاله

 

[هيبة ملك]

الله يهون عليج وتولدين طبيعي

والرد على اٍسئلتج
1-هل بيوم الولادة عملية القيصريه اتعب الوالده اكثر من الولادة الطبيعيه؟
كله عالتساهيل
2-شكثر على مايلتم الجرح؟أ
أقل من شهر

3-جم يوم بيستمر معاي عوار العمليه؟

أول خمس أيام بس وبعدين تشد العملية

4-هل راح يعطوني بنج قوي ولا عادي يعني بحس شويه باللي قاع يصير ولا شنو؟

ماراح تحسين بشئ إلا لافقت بتحسين بعوارها أول خمس أيام عند القومة بس

5-اثر القيصيريه راح يبين وايد ولا شويه؟

لا مو حيل يبين


انا ولدت عند العرف وبس الخمس ايام الاولي تعبت وغيره الحمدلله ماحسيت بشئ

 

[miss_whitemocha]

والله يا حبيبتي انا بجرية حالي حالج..بس اللي سمعته من اللي البنات إن القيصرية أرحم عندهم من الولادة الطبيعية..مادري ليش..كنت بنوتة وقتها و ما سألت>>>> أثتحي:eh_s(22):
عسى ربي يسهل كل أمورج إنشالله و تفرحين بشوفة ضناج سليم و معافى من كل شر و علة يا حبيبتي..طمنينا عليج.​