ابي أسافر ساعدوني

[mai-mai1981]

قوة بنات
زوجي راح يسفرني الاسبوع الجاي ويقول عنده 3 آلاف دينار للسفره بس...
شنو تنصحوني وين أروح .. أبي مكان حلو ويونس وما اتحسف لانها فرصه ماتتعوض مو كل يوم الزوج العزيز راح يسفرني،،بنات اللي لها خبره بالسفرات ياريت تنصحني بصراحه ودي اغير جو ((بالمناسبة انا عروس من 8شهور وهذي أول مره أسافر مع زوجي))!!!

 

[*سكون*]

المبلغ جنه مناسب حق ماليزيا وتقدرين تحجزين احسن فنادق هناك وتشترين اللي تبين وان شا الله البنات يفيدونج أكثر

وممكن لندن أو اوروبا اذا تبين تغيير جو بس تمسكين ايدج شوي لان التذكرة والفندق والاكل بيكلفج هناك

موفقه حبيبتي وتروحين وتردين بالسلاااااااااامه

 

[mai-mai1981]

مشكوره حبيبتي على الرد

 

[تركواز]

بس المشكله ماكوووووو حجوزات الحين كلش مصكره

 

[الاسطورية]

انا بشهر العسل رحت فرنسا اسبوع باريس اسبوع ديزني وناااااااسه

باريس راقيه وكلها رقي والقعده يم برج ايفل بليل واهو يشب رومنسيه والنهر العجيب احبها وايد
بعدين ديزني عاد حق اللعب والوناسه


وايد في دول حلوه

بس نصيحتي لج روحي دوله اوروبيه يعني فرنسا
فينيسيا وايد يمدحونها

والنمسا فيينا تينننننن

واستراليا

دام شهر العسل روحي مكان غالي

اما ماليزيا تايلند هذيل بعدين لا صارت فلوسكم مووايد

 

[الاسطورية]

نسيت بعد سفينه كروز كلمن يتكلم عنها

 

[جكورة]

الله يهنيكــــم ماشاء الله المبلـــغ راهي ويكفي لشخصيـــن ممكن تختاريــن ( فيينـــا - زلمسي - ميونـخ )..( بروكســــل - هولنــدا ) ( لنـــدن - باريس ) ( ماليزيا - تايلانـــد)

 

[البدرة]

ماليزيا وايد حلوة روحي كوالالمبور 5أيام وجزيرة لنغاوي عندج فندق ( فورسيزن ) وايد حلو حق معاريس قعدي فيه 3أيام وروح ي جنتنغ يومين وآخر شي روحي سن واي لاغون قعدي فيها من 4 -5 أيام

 

[البدرة]

دخلي على عروض الصيف بالمنتدى تلقين وايد أماكن حلوة مع الأسعار الأفضل أنج تنطرين تسافرين شهر 9 تكون الناس راده حق المدارس وانتي تستانسين مع ريلج بالسفره تاخذين راحتج أكثر اذا مافي عرب

 

[rawona]

رد

المبلغ وايد مناسب لشرق اسيا .. ماليزيا او تايلند وفي اماكن وايد حلوه تقدرين تزورينها في هالديرتين .. وتحجزين باحسن الفنادق .. والبنات ما قصروا بكتاية موضوعات عن هالدولتين ..

موفقة انشالله :eh_s(17):​

 

[mai-mai1981]

مشكوووووووووووووورين على الرد وماقصرتوا...
نخدمكم بالافراح

 

[dalprincess]

حبيبتي المبلغ حلو حق ماليزيا ويكفيج اذا بتتسوقين يعني تاخذين الي باخطرج ,,, اما اوربا نصيحه لاتروحين لان مايكفي ,, يكفي بس بدون مشتريات ,,, وحلاة اوربا بسوقها

 

[أم ضارى]

انا بعد انصحج روحى اوروبا يكفى المبلغ لان كلكم اثنين

روحى فرنسا عجيييبه تينن
والا النمسا موطبيعيه تعور القلب

روحى عشر ايام يكفيج ان شاء الله المبلغ

لان بصراحه باجر اذا صار عندج عيال صعب تروحين هالدول بتكلفج وايد
والله يرزقنا ويرزقكم الرزق الحلال ان شاء الله