ابي أسااااااااااااااافر انا وهو بروحنا بس ؟؟؟أيش الحل؟؟

[حياتي كلها لله.]

[quote

="اسطورة العشق";18017480]اول شي كنت احس ان في مشكله ... بس عقب هالجمله
" حتى اذا راااحت معنا ناخذ غرفة او غرفتين وهي تتم مع ولدها وانا بروحي بالغرفة الثانية .. "

حسستيني ان في مصيبه ... اسمحيلي اختي وضع زوجج مو طبيعي ..
يخلي زوجته بغرفه و ينام مع امه بغرفه @@
في امور بديهيه مو محتاجه تفكير يعني تصير بالفطره انج مع ريلج بغرفه و مه بالغرفه الثانيه .. شلون قدرتو تتغلبون على الطبيعه البشريه !!


يعني قالج انا بتم مع امي و انتي روحي الغرفه الثانيه نامي بروحج !!!!
لو منج ما اسافر معاه طول عمري !!
بس اهو يمكن مو طبيعي او في شي مادري مادري مخي علق مو قادره استوعب[/quote]

كلامها صح اختي اسطورة العشق
تروح علي العين والراس
بس انتي وياه بغرفه واهي اغرفه
خو كلكم ابشقه وحده من شنو اتخاف
وبعدين انتي فهميه قولي ابي البسلك قمصاان
ولا اشحقه امسافريين !!
اطااالعون ابعض جنج بالاربعين!!!
اعذريني ترا منقهره عليج!!​

 

[جولنار زماني]

يا جعل من ردت علي ونصحتني ان ربي يوفقها وييسر لها كل خير ويسخر لها زوجها
والله هي جزاها الله خير ما تقصر معي وحليلة بس اللي يقهرني واااايد انا اذا رحنا على الاقل نبي نجلس لنا كم يوم نغير جو ما تخلينا بسسسسسرعة تبينا نرد حق ديرتنا
انا طبعا مالي كلمة ابي اقعد ابي اروح نبغى ناخذ الفندق الفلاني ماااافيه بس الكلمة للام جزاها الله خير
واللي تسألني اذا حجزنا غرفتين مثلاً طبعا الغرفة مافيها الا سريرين ولدها واحد وهي واحد وانا انام احيانا بالارض او بالصالة يعني هو ما يقدر يخلي امه بروحها بالصالة وحنا بالغرفة فهمتوا علي يعني يفشل ويحترمها ولا هو الود وده اننا نسافر وناخذ راحتنا بس امه خلاااااص مافيه كلام

 

[Marymary]

همممممم والله مشكلة فعلا حلاته الوحدة تاخذ راحتها مع ريلها بالسفر على الاقل شهر عسل
يعني الوحدة ودها تساااااااافر وي ريلها بدون العيال هالمرة مع الخاله !!
شوفي انتي حاولي بالاول تكلمين ريلج قوليله ما رحنا شهر العسل وي بعض وفهميمه قصدج ان بشهر العسل يعني بروحكم وفهميه ان باجر ان شاءالله بيصير عندكم عياااااااال السفرة راح تكون وي عيال وراح تتأذون وياهم حيللل وان انتو ليلحين ما سافرتو سفرة سنعه بروحكم يعني شهر عسل او مكان رومانسي
اذا اذا ما اقتنع

سويله مفاجئة " حجزي حق دبي لبنان اي مكان يومين او 3 وناسة

 

[دعواتكم]

رد : ابي أسااااااااااااااافر انا وهو بروحنا بس ؟؟؟أيش الحل؟؟

اول شي حبيت اقول لصاحبه الموضوع

انه فيه ناس بالمره ماتسافر وزوجها مانعها من السفر نفسي انا اللي اكلمج ممنوع على السفر

انتي شوفي الجانب الايجابي بالموضوع من تغيير جو وغيره

وبالنسبه للام

ماادري انا اتصور لو حطيتي موقفج بمكانها وانتي كبيره بالسن
وعندج ولد وزوجته ماتبيج شنو شعورج
بناتج وراحوا والولد مرته ماتبيج تتوقعين شنو شعورج

اكيد قهر وحسره على الايام اللي ربيتي فيها هالولد وان الدنيا مافيها خير

واخذي موضوع نومه عند امه يمكن يكون بار فيها
ومايبيها تنام على الارض

اخذي اجر فيها واستمتعي غيرج مو محصل شي وبالع الموس وساكت ويروح مع ربعه وبالطقاق فيج انتي واهله

القناعه والصبر زين يابنتي

 

[[[ عيون جابر ]]]

ناقشيه قوليله ودي بسفره نستانس فيها بروحنا نروح مكان يديد ورومانسي حق معاريس شتسوين قصي عليه بعد حاولي تشوقينه للسفر بروحكم يمكن على وعسى يسويلج مفاجأه وتسافرون بروحكم

 

[عادي من قلبي أشيلك]

حاولي تقنعيه بس لاتبينين انج متضايقه من الشغله

رووحي دوله امه ماتحبهاا وطيحي بهالدوله>>> ههههههههه

 

[So0oKaRa]

مبين عليج خوش مره ومسكينه الله يوفقج انشالله
ولا في مره ترضى ريلها يسافر وينام مع امه بغرفه واهي بروحها بغرفه؟
هذا طيب زايد منج بصراحه والله ياجرج على هالصبر
صارحيه قوليله ودي اسافر معاك بروحنا جنه رايحين شهر عسل
عشان نحس روحنا معاريس تونا
باخذ راحتي معاك
يعني كلميه باسلوب حلو وهذا ريلج وانتي تعرفين شلون تقنعينه انشالله

 

[اشتياق]

اممممممممممم انخرس جدام الامور اللي فيها تدخل الام ماعرف ارد احس امه لها حق عليه بكل شيء ..

بالتوفيق..

 

[DooLy88]

قولي له فلانة سافرت مع زوجها واستانسو وسوو كل اللي يبونه
انا بسوي لك هدية وبعزمك على فرة بروحنا (لمكان جريب) << انتي بس قولي جذي وطالعي شنو بيقول لج ؟؟

 

[جولنار زماني]

جزااااكم اللله خيرا ومشكورين على المرور

 

[Tom ♥ Jerry]

>


و الله مشكله :/
انا اقووول قعدي بالبيت أحسن
مآدري ليش في امهآت جي
وآي يعني لهالدرجه خايفه على ولدج

.

 

[جولنار زماني]

للرفع

 

[تنـــاســـانــي]

سويله اغراء ،،

اقصد اغريه بالسفره بروحكم و شكثر راح تاخذون راحتكم ،، و ان ما يتقيد بشي ،، و ان امه كبيره عمر ما تقدر تلف كل مكان مثل ما يلف وياج ،،

و قوليله باخذ راحتي معاك بحجي مغري بحطلك و بسويلك و و ،، و ،، و،،

احلمي جدامه بصوت عالي لوووول ،،

مثلا خاطري نروح انا وياك هالديره و نتمشى انا وياك (( ركزي على انا وياك )) و اسويلك و نسوي و نحط ككله انا وياك انا وياك ،،

بس لا تبينيله انج منغثه من امه ،،

و ان شاء الله السفره اليايه انتي وياه بروحكم

 

[lovely jojo]

كلميه بشكل صريح وقوليله

 

[@الليدي لين@]

ليش تاخذ غرفه ويا ريلج ,, وانتي بغرفه بروحج !!!!!!
ليش ريلج يخليج تنامين بغرفه بروحج بفندق !! غريب

 

[جولنار زماني]

كيف اكلمه وهو من اول ما اخذني قايلي حطي امي فوق راسك وهاذي امي ومحذرني اني ما اتكلم باي شي يزعلها انا ابي طريقة
يعني يصلح اكلمها هي وافعمها بس كيف؟؟
او اكلم حدى بناتها لأنها تقتنع بكلام بناتها بس تهقون بناتها معي ولا مع امهن ؟؟اكيد مع امهن بس وش الحل

 

[ام القمرالمطيري]

طيب سمعي شوري دقي ع اقرب شاليه وحجزي واذا لازم الحجز مباشره والدفع روحي انتي واحجزي بنفسج او طرشي احد من اهلج اوك

ويوم الحجز قولي بروح لصالون بالمكان الفلاني وانتي طبعن مجهزه جنطه اصغيره فيها اغراضكم واذا سال ليش هالجنطه قولي فيها ملابس بسلفها لرفيجه لي بلقاها بالصالون الخ اي كلام

ولما تجون عند عنوان الشاليه او الفندق قولي له مثل ماقلتلج طيعيني مراح يردج

بالعكس بيستانس وانتي عادي دلعيه بالفندق خليه حتى لو يستحي من منه يسافر ولا يطلع معاج بالسر يعني اذا كلش كلش ضاقت عليكم الامور

وهونيها ترا الموضوع سهل

والرجال الي حيل زين ويا امه يعني يقدر المرأه ويقدر مرته بس عاد مفروض ماياثر هالشي ع زواجه ووموفقه ياحلوه

 

[أم عبوودي11]

انا اقول حمدي ربج حبيتي تدرين ليش انا بالمرررررررررررة ماقدر اسافر بروحي لانه ماعندي احد مستعد يمسك عيالي وريلي لاعت جبده ويلمح ويقط نقزات بس شسوي محد راضي شنو الحل فقلت خلني اكتبلج يمكن لما تشوفين مصيبتي اهون عليج على الاقل بالفندق تقدرين شوي تستفردين فيه نوميها العيوز وسهري مع ريلج
وصدقيني لاتحطينها في بالج تصير هاجس بيجي وقت وبيفهم وبيمل اهوا انا اعرف وحده مثلج ومع الوقت اهوا يطلب لانه جرب الوناسه بروحهم انتي وفريله الجو بروحكم

 

[أم عبوودي11]

والفندق اخذوا غرفتين بس مفتوحين على بعض بينهم باب

 

[عيني عليه]

هههههههههههههههههههههههههههههه
مت من الضحكككك يوم قرييت مشكلتج ..... نفس مشكلتي بالضبببببط .... بس الوضع متطووور عندي انا .... مو بس امه لاااااااا .... كل العااائله الكريييمه ... والادهى والامررر انه زووجي ماايحب السفر الا مع جمااااعه ... وانا ماااااااااااااحب عندي اقعد مااساافر ولا اني اسااافر مع مجمووعه .... حتى قبل لااتزوج كنت اتضاايق لمن بيت اهلي يروحووون مع جمعه مااااااااحب .... احس الواحد ينجبر يضغط على نفسه عشاان غيره ... انا رايحه استانس والا رايحه اجاامل خلق اللله ؟؟

المهم ... اذا عندج حل عطييييني ...

بس انا قلت انه بس يطري لي السفر مع احد بتحجج بحجه ... بقووله مااقدر اسااافر .... بعد مابيسفرني غصب ... لمن اهو يفهم اني اصلا سفر مع جماعه مااابي ....

ماادري مابعد اجربها ... بس انتي شووفي