ابي أتزوج !!

[james546613]

ياربي يسهل امرج وامر المسلمين

 

[Lourdez]

الله يعييينج بصرلحة ماكو الا تحاجينهم مليون مرة و كثر الدق يفج اللحام
و بعدين اهو مو عيب و لا حرام كااا انا اختي اصغر مني عرسها بعد يومين و انا للحين ما تزوجت مافيها شي

 

[فوجي العتيبي]

اي ياقلبي ابوج متفهم النقطه هذي اما ابوي لا ولما انقاشه بالموضوع يقولي انتي ماتستحين !! ليش ما استحي شسويت شطلبت منه هالشي من حقي انا مو مسويه شي غلط ولا حرام بنات والله مليت شسوي ابي اتزوج تكفون ساعدوني انا ابي هالشخص اللي متقدم لي مهندس وكل من يمدح فيه مايتطوف ليش ابوي يسوي جذي اذا اختي مكلمته ومفهمته انها تبي تتزوج لما تكمل الجامعه والماستر حرام عليه اقعد انطر كل هذا والله حرام !!

 

[فوجي العتيبي]

اب اب / ساعدوني بنات

 

[أسيرة_أحزاني]

كثري استغفار وان شاءالله الله يسهل امورج

 

[فوجي العتيبي]

الله يوفق ويحقق مراد كل من ردت علي اللهم امين

 

[مفعمه بالحيويه]

حبيبتي كثر الدق يفك اللحاام

اختي خلي اختج تكلمه مره ومرتين وثلاث ،، كبرو الموضوع قولو له مو موضوع حياا بس هالفرصه ما تتكر وايد هو صغير ومهندس يناسبني مو كل يوم بيتقدم لي وحد بمواصفاته

قولي له انج ما تبين تعنسين الحين عمرج 21 هذا العمر المنااسب للزواج وذكريه بعمر اختج قولي له اذا هي بتتخلص ماستر ،، بيضمن انه يتقدم لها احد ،، واذا كلش محد تقدم لها انتي شنو مصيرج وكم بيكون عمرج؟؟

هاللكلام بيخووفه وبيحس انه غلط

و اذا عندج اخوان خليهم يتدخلون ،

والله يفرج همج

 

[Tom ♥ Jerry]

,


حبيبتي خل آختج تروح حق آمج و ابوج تقعد وياهم
تقولهم آنه الي يسوونه فيج حرآم
يعني قاعد اييون لج رياييل مآ يتطوفون وقاعد يرفضونهم ليش :/ ؟!

و اذا هم مآكو فايده خلاص نطري و فوضي آمرج لله .،
و صدقيني ليلحين مآ ييه نصيبج
اذا ييه محد يوقفه

موفقه ***

 

[فوجي العتيبي]

بنات والله اتحسر لما اشوف رفيجاتي تزوجوا ومشوا بنصيبهم وانا يخطبوني ومن احسن الناس والحمدلله بس ابوي رادهم يعني مافي سبب مقنع ليش جذي ؟ وحنا مو من النوع اللي نطلع ونروح ونرد ترا من البيت لي الجامعه وبس يعني حياتي مو اللي حيل مستانسه فيها ابي اتزوج واعيش حياه ثانيه ليش يبي يحرمني من حقي شمستفيد من قعدتي عنده !

 

[فوجي العتيبي]

اب اب اب

 

[يآلبى ضحكتي:$$]

يآحيآتي الله يفرجهآ عليج يآآآآآآآآآآآآرب



صج قهر وربي ​

 

[لطوفـــي]

بنات شددعوه ترى قالت ابي اتزوووج وحده تقول تو الناس والثانيه تتطنز فديتج سمعي هاي حقج وانتي طالبه الحلال كلمي امج قولي لها ابي فلان وحددي بالاسم هذا الي تقدم لج المهندس قولي تراني جيتكم اطلب الحلال واطلب الستر وماطلبت شئ مستحييل والا حرام والا عيب اختي تبي تدرس الله يوفقها ليش تربطون مصيري بمصيرها ...اهي غير وانا غير ..ومستحيل اقعد لين تخلص الجامعه ةحاطه يدي على خدي انتظرها يه شهالظلم...~

عليج بالاستغفار والصلاه في ثلث الليل الاخير وربي يوووووفقج

 

[فوجي العتيبي]

مشكورين بنات كل من دعالي الله يوفقكم يارب وينولكم كل اللي ابالكم .. فديتكم والله

 

[أنت رجائي]

بعض الاهل مايصدقون ان خلاااص بناتهم بسن زواج >>مايبونهم يطلعون من بيتهم يبون يمتلكونهم العمر كله
وهذا فيه ظلم للبنت >>>قولي لامج خطوبه وبعدين زواج ع الاقل....... زني على راس امج هههع >>

 

[فوجي العتيبي]

امي واقفه معاي وكلمت ابوي اكثر من مره بس هو معند ومتنح وراكب راسه وماعنده غير هالعذر زين البنت جاتك وقالت لك مابي اتزوج اقعد انطرها انا ليش ؟ والله تعبت جد نفسيتي تعبانه من هالموضوع واللي متقدم لي ودي فيه ..

 

[Miss Cherry]

لاحقه على العرس ليش مستعجله وتأكدي نصيبج بيجيج


بس واافضيحتاه انتي مناقشه ابوج بهالسالفة ههههههههههههههههه تصدقين انا تزوجت مرتين حتى المره الثانية اول ماجوا الناس يخطبون اسبوع ابوي ماشافني مستحيه منه

 

[عاشقه رويشد]

لا تستعيلين النصيب بييج ان شاء الله

 

[سكوتي بذوقي]

هذا امر غلط

ليش بعض الأهل باعتقادهم عيب

الأخت اللي أصغر تتنظر اختها الكبيره تتزوج بعدين هي تتزوج

خلي أحد من أهلك عمك خالك

يكلم الوالد

الله يهديه يارب

 

[عادت ذكرياتي]

الله يوفقج ويهدي أهلج ..

 

[فوجي العتيبي]

الله يوفق كل من ردت علي ويحقق لها مرادها يارب