ابييييي الارز بالشعيرية منوا الشاطره..........

[فمان الله]

بنات ابي طريقة الارز بالشعيريه
منوا تعرف المقادرير
والخطوات بالتفصيل الممل
بليييييييييييييييييييييييييييز
ومشكورين مقدما

 

[مس يو]

؛؛



أول شي يبي جدر وحطيه على النار وحطي فيه زبدة زيت علشان ماتحترق الزبدة تقريبا قفشتين من كل نوع او على حسب رغبتج ..

بعدها كسري شعرية تقريبا ربع جيس وضيفها على الزبدة ومعاها مكعب ماجي وشوي كمون واذا تبين ورقة غار وعود دارسين ..

وضلي قلبي الشعرية على النار لما تشوقر ويميل لونها للبني الفاتح .. بعدها ضيفي الماي الحار عليها وخليها تغلي لمدة 5 دقايق..

وضيفي الملح حسب الرغبة

بعدين ضيفي العيش المغسول والمنقوع على الشعرية وخليه على نار عاليه لما تشوفين الماي بدا ينشف..

اهني قصري النار وحطي حديدة تحت الجدر وخليه على راحته لمدة ربع ساعه او لحد ماتشوفين ان الماي نشف عدل واستوى العيش

وعوافي على قلبج...



؛؛

 

[جارة القمر]

رد : ابييييي الارز بالشعيرية منوا الشاطره..........

تفضلي طلبك

http://www.q8yat.net/showthread.php?t=278201

http://www.q8yat.net/showthread.php?t=460414

 

[dnyay_mll]

رد : ابييييي الارز بالشعيرية منوا الشاطره..........

جارونه ماقصرت

 

[Tantoshah]

أنا طريقتي حلوة بالسمنة أسوية يطلع عجيييب يبي سمنة كيو بي بي الخضرة وحطي منها بالجدر قفشة او 2 كبار وبعدين حطي الشعيرية وحمسيها لما يصير لونها ذهبي حطي مكعب ماجي وضيفي العيش المنقوع وحطي شوية ماي حار وخلطيهم عشان الشعيرية تختلط مع الارز وبعدين ضيفي الماي فوق العيش بشوية صغيره وحطي ملح لما يبدا يبقبق الماي شيلي وحطيه على نار هادية مع الحديدة وبعد ربع ساعة شيكي عليه وقلبية حركية ووقت التقديم قطعي مكعبين زبدة وحطيهم فوق والف هنا وشفا وعافية ومبارك عليكم الشهر ( على فكرة سمنة كيو بي بي من اروع السمنات وريحتها خنينة حتى ريلج بيلاحظ الفرق )