ابيه لكن أبوي مو راضي !!

[ام سالم وايه]

اذا لش نصيب فيه بتاخذينه واهم شي رضى الوالدين حبيبتي وادعي ان الله يكتب لش الخير

 

[كتكوته نورة]

الله يعينج و يسهلج وذا ما تحبينه خليه ... شتبين بالمشاكل وعوار الراس

 

[M!Ss Un!VerSe]

دام ابوج ماخذ امج وماعنده مشكله من قبل
فليش الحين عنده مشكله؟؟

اتوقع عذر مو اكثر

يمكن صج شايف شي عليه او يعرف شي

ومايبي يقوله لج يمكن مايقدر

ففضل انه يقول موواصيل عشان تنسين الموضوع

والله اعلم

 

[روح مغليهاM]

عسى آن تكرهوآ شيئا و هو خيرا لكم
موفقه ان شاءالله ربي يرزقك بالي احسن منه ان شاءالله

 

[a7la_7b]

اللي الله كاتبه يصير اللي عليج تدعين الله يجعله من نصيبج
والله يكتب لج اللي فيه الخير

 

[mi corazon]

لو وقفت آمامكَ قِبيلةَّ كَآملِه رآفِضهّ هذَآ آلشآبَ والله سِبحانهُ كتِبَ لككِ هذآ الشأآبِِ
لآٍ تزوجِتيهٌّ
إنِ كآنَِ الله قـِـِد ككتب لكَِ هذآ الشآبِ لـ ِيصبِحٌ زوجِكََ سوِفَ يصِبحٌٌ
ولكنِ الله لمْ يكتِبٍ آِو رَبمآ ليِس الان
آرضي بكِل ماتكِتَبه الله ,,,

مآإآ آ آجمل آلرضِا وحسنٌ الظِن بالله وآلرضِى بكَل مايِكتَبه
إنْ كآإأنَ كَل مِافيّ هِذا الِكوَنَ بيدَ الله فِلماذاِ القًلقَ !!

وفقِك الله ولا تِشغلَين بالك بِهَذه المسِألهٌّ

:rerrerek:

 

[فواصل]

يمكن خيرة ماتدرين يمكن ولد خالتج يعيشج اخس عيشة ويعاملج اسوء معاملة

والله يعوضج بأنسان احسن منه

ولاتخسرين ابوج علشان خاطر الزواج لان اغلب اللي اعرفهم تزوجوا من غير رضى اهاليهم الله لايبليج

حياتهم صارت اسوء من قبل

والله يكتب لج فيه الخير

 

[عشقك وطن]

عذره مب مقنع ولا ماكان خذا امك

انا اقول اكيد فيه سبب ثاني

انتي استخيري وخلي امك تسئله عن السبب الحقيقي


واللي ربك كاتبه بيصير

 

[راقية بذوقها]

ان كان خيره لك ربي يسهله وان كان موخيره ربي يوخره عنك واالله الموفق

 

[قلبي يتبعك]

استخيري مرة ومرتين وثلااااااااااااث .،

واذا شايفة انه شخص ماسك صلاته واخلاقه عااالية ومحتررم

ادعي ربج يجمعج فيييه ويسخره لج

مالج غيير ربج حبيبتي

 

[moo-0-oon_14]

الله يعيينج

 

[دلوعة أبوهآ]

الله يجعله من نصيبك لو فيه خير لكِ ..

 

[نور مغليها]

كثر الدق يفك اللحآإم
خلي امج تقنعه وتحآول فيه كل يوم ليمآ يمل ويوافق
او اذا عندج عم او جد يسمعون كلىم ابوج خلي امج تقولهم
آهم شي الدين والاخلآق واذا اهوا ولد خآلج مو طآلعه لبعييد

والاهم لا تنسين الدعاء لأنه يغير مجرى الحيآة​

 

[اميره بعيونه88]

شوفي لو شنو تسوين دام ابوج مو راضي مالج امل

لاني عندي نموذج حي بابا حبيبي نفس طقت ابوج

اول ما يتقدم لي واحد اول شي يفتح كنز الانساب وطلع من وين قرعه اهله ولو يدته تطلع مو اصيله يرفض هههههههههه

يقول احنا ماصلينا ما نبي دمنا يصير في دم مو اصيل

فجاءه حسيت خيول مو بشششر


ةصراحه انا مع بابا باللي يقوله يكفي اقول اني خذيت ولد فلان الفلاني وطبعا ما ننسي الاخلاق والدين مو بسس نمشي علي الاصل والفصل