ابيها تاكل شلوون ؟؟

[hano0oda]

السلاام عليكم
امهاات ابي حل مع بنتي عمرها سنه وشهر
وليلحين ماتااكل شي كلش يعني كل مااعطيها شي بالكثيير تاكل قفشه قفشتين بعدين تطق القفشه وتسكر حلجها ولا تطلع الاكل
وتلعب فيه تقفوون شنو الحل لا ريوق لا غدا لا عشى ليلحين بس عالحليب !!
وهذي بجري وماني عارفة لها كلللش تقفوون ابيها تاكل حالها حال الياهال شلوون :eh_s(10):

 

[hano0oda]

اب اب اب

 

[غيمه ظميانه]

انتي شنو نوعيه الاكل اللي تعطينها
شوفي حبيبتي الجهال يحبون الاكل الحالي شوي

جربي بالريوق تحطين لها توست تشيلين اطرافه وتضغطين عليه عشان يصير ضعيف وحطي فيه قيمر وعسل

او جبن وعسل او مربى او بيض وشويه سكر ليما تتعود ومع الايام خففي الحلى

....

والغدا سويلها عيش طري مع قرع لان القرع شيره ويحبون الجهال وحطي معاه جزر وبطاط

وجربي حطيها بيدها من غير قفشه الجهال ما يحبون القفاش وكليها بيدج سويها كوره ضحكيها اكلي انتي معاها عشان تقلدج

والعصاري سويلها خبز مقلى اللي هو بان كيك يحبونه بعد

ووكليها كورن فلكس مع حليب طازج دافي ... طبعا كورن فلكس اللي على شكل نمر لانه فيه سكر

.....................

انشاالله اكون فدتج بس حبوبه شنو توكلينها انتي عشان اقولج شغلات ثانيه بعد

 

[ديانا سبنسر]

هي تاكل حسب حاجتها وهذا اللي تحتاجه بس اذا انتي خايفة حيل ومووسوسة جربي تحطين الاكل بصحون شكلها فرائحي وفيه رسومات وسويلها سلطة فواكه وترى اليهال يحبون الشيبس والمعكرونة والعيش والعيش المسلوق مع روب

 

[مـيـراس]

انا بنتي كانت جذي

قمت افرش لها سماط سفري اللي من الجمعية واحط لها الصحن والقفشة وتقوم اهي اللي تاكل من نفسها تلعب وتاكل بنفس الوقت لين ما قمت ااكلها بصوب وتلعب بصوووب

 

[أم حيدر]

حليبها أس26؟


جاوبيني واسولفلج

+ الظاهر انتي ما بديت توكلينها من عمر 6 شهور ، عدل؟

 

[حساسه]

جربي تاخرين الرضعه وتجبرينها على الاكل ان مااكلت شيلي اكلها ولاتعطينها الرضاعه وان بكيت تبى رضاعه جيبي لها اكلها بتاكله كله

 

[ipink]

انا وياج نفس المعانااه ويا بنتي الحين تاكل قفشتين وغصب المشكله ماعندها اسنانا عشان اعطيها اكلنا وتحن تبي اكلنا قمت احطها شوي ويانا بالصفره تبرتس تاكل عيش بروحه تستانس وتخربط بس المهم تاكل ونفسج تتسكر حلجها حيل وتصارخ وتبجي والعبها ماكو فايده

 

[hano0oda]

عييزت منها ماكو فايده كل شي سويته حليبها بروجرس

 

[m'3rOoOra]

سمعي حبيبتي انا بنتي عمرها 5.5س وماتاكل واذا جبرتها تاكل غصبن عنها ترجع الله يكرمكم

وعيزت منها الحين بس تاكل وزين منها توست الاسمر واشيل الاطراف ونوتيلا ككاو وحليب والغدا عيش مصري مع حليب اذا عيش 2 ماتبي واذا في خضروات او طماط او بقدونس غسلي ايدج تاكل لو تشوفيها نفس مرت بباي (زيتونه) ههههههههه
ومره قلت لها ان الخضروات زينه عشان شعرج يصير يطويل بنتي تحب الشعر الطويل ماادري ليش ههههه
والطماط عشان اخديداتج تصير حمرا والا تاكل بعدين بدقيقه قلبت معدتها ومن بعدها والله اخليها ع كيفها

بصراحه مره جربت معها فاتح شهيه عجيب بس انقطع من الكيت ماادري شنوالسبب

 

[انصاريه قمره]

الغلط منج يمكن انتي ما عودتيها عالاكل انا بنتي من عمرها 4 شهور اوكلهااا اسويلهاا توست بالبيض واقليه واحط فوقه عسل والغدا اوكلها من غدانا بأيدي اوكلها صج تاكل شوي بس الحمدالله وبين الوجبات ريلي ما يقصر يقصص لها فواكه يعطيها موز بسكووت حتى مانجا ورقي يعطيهااا والعشا اوكلها شي خفيف يا سيرلاك يا صمونه ولبنه وحتى مرات اوكلها مكرونه مع معجون يكون فيها شوي حموضه تحبهاا واي شي احنا ناكله تاكل مناا حتى لو وكلتها بروحها ما تاكل لازم تشوف احد ياكل معااها وهم يقولولي بنتج ضعيفه يحسسوني اني ما اوكلهاا شسوي يعني بنيه جسمهاا جذي

 

[فديت بعلي]

عدتها صغيرهـ ..

الصبح عطيها قفشة عسل ..





مشكله بنتج صغيره ام سنه ماتفهم
لو تفهم جان كل ماكلت الصحن تشترين لها لعبه والا شي








انتي وكليها وهي تطالع التلفزيون وهي تلعب
لحقيها بالاكل ..

 

[فديت بعلي]

معدتها صغيرهـ ..

الصبح عطيها قفشة عسل ..





مشكله بنتج صغيره ام سنه ماتفهم
لو تفهم جان كل ماكلت الصحن تشترين لها لعبه والا شي



:eh_s(7):




انتي وكليها وهي تطالع التلفزيون وهي تلعب
لحقيها بالاكل ..

 

[hano0oda]

مشكوورين بنات ماقصرتو بتم احااول فيها والله يعين

 

[النور الهادي]

سوي لها تحليل دم حق الحديد
لان إذا الحديد ناقص عندها يصير عندها قل شهيه للاكل

هذي من تجربتي الخاصه مع ولدي
جنني كلش ماياكل وبالاخير وديته للدكتوره أبيها تكتب لي شي يفتح الشهيه
جان تسألني متى أخرمره سويتي تحليل قلت من أنولد ماسويت له

سويت التحليل وطلع فعلا ناقص حيييييييييل :bbbiu:
تخيلي 6 الحديد

وصرفت له علاج
والحمدلله قاعد يتحسن الحين
وإن شاء الله بنيتج مافيها إلا العافيه
لكن سوي لها تحليل عن الشكه

ولا تنسيني من دعاءكم ولكم بالمثل

 

[عبير الكويت%%]

نفس المشكله

 

[نورالقمر24]

انه بنتي ثلاث اسنين متاكل كلش بس حليب يوم سالت الدكتور قالي عادي اذا وزنها 12 لاتحاتين :eh_s(1):

 

[spain-kw]

انا مع كلام اختي النور الهادي
أم حيدر شنو تقصدين كلت متأخر ناطرين مشاركتج ؟

 

[noha33]

آه يا وخيتي
حطيتي صبعج على الجرح
أنا ولدي 10 شهور ونفس القصة
ما ياكل إلا الأكل الحالي
سويت البدع وأنا أنوعله طباخ الخضرة مع اللحم أو السوربات وكل الأصناف مطلع روحي
ولما يفتح علجه يخلي الأكل فيه ساعة وما يبلع

 

[L.a.v.e.n.d.e.r]

يمكن ماتحب الاكل اللي تسونه لها

وفي يهال يحبون ياكلون اكل الكبار

يعني وانتي تتغدين غديها من غداج

ولا حطيلها بصحن وخليها تاكل بيدها

صج حوسه بس تاكل عالاقل

عطيها رقي بطيخ شغلات سويت