ابيكم بموضوع بخصوص قطوتي

[DLOOLA]

بنات انا شريت قطوتي ماكان فيها شي, بس مع الايام تحت عيونها يطلع مثل خطوط حمر احس ان عينها مخطوفه ساعات اوووو لحظه خل اتذكر خخخخخخخخخخخخخخخ,,اييييي وصج التوونه تطيح شعرها وسمعت ان اكل البيت يخلي ابطنها دوود صج@@ يقولون عطيها ملوت مركز سلطان المعلبات ملوت القطاوه فييدوني بناااات ترا صغيروونه عمرها شهريين

 

[lojeeen]

رد: ابيكم بموضوع بخصووص قطيوتي

سلاامه قطيوتج ما تشوف شر ^^
إذا كانت القطوه جفونها محمره حيل و ما تقدر تفتحها إلا بصعوبه تقدرين تشترين لها من الصيدليه البشريه قطره العين اللي لونها ازرق و العصار الصغير مال العين و اثنيناتهم للحساسيه
أول شي امسحي عين القطوه بكلنكس مبلل ماي و نظفيها من الأفرازات بعدين قطري بكل عين نقطتين و امسحي العين من الزايد و بعدها حطي على كل عين اشوي من العصار مرريه بس على جفنها حتى لو كان مسكر اهو بسرعه بيذوب على العين نفسها انتي شوي سوي مساج لجفونها يعني حركي جفونها بين اصابعج اشوي اشوي لكل عين بعدها امسحي الزايد من المرهم بالكلنكس راح تشوفين العين بسرعه صارت نظيفه و اللون الأحمر راح ^ ^

كرري هل عمليه باليوم ثلاث او اربع مرات كل يوم لما تشوفينها صارت زينه

 

[lojeeen]

رد: ابيكم بموضوع بخصووص قطيوتي

اوه نسيت اكلمج عن الدود ههههههههههه

شوفي حبيبتي الدود بالغالب يكون سببه تخمر الأكل داخل بطن القطه بسبب ضعف المناعه و اعراضه اهو الأسهال و انتي بالكرامه تشوفين مع الخروج دم و لو دققتي ممكن تلقين الدود شي حيل اصغير و بتلاحظين القطوه صارت حيل هزيله و مو قادره تاكل و هل شي مو زين لو ما وديتيها البيطري لأن راح ينتشر بجسم القطه لما ياكل مصارينها و تموت

 

[DLOOLA]

رد: ابيكم بموضوع بخصووص قطيوتي

تسلميييييين بعد قلبي مشكووره على مروورج انا ناويه اودييها الطبيب اصلا

 

[هليتني همك وانت همي]

رد: ابيكم بموضوع بخصووص قطيوتي

الغاليه

التونه تطيح الشعر و مو زينه للقطط


انا قطاوتي ما اعطيهم الا اكل بيت مافيهم الا العافيه بصحه والحمد الله

اكل المعلبات زين لهم بس لايتعودوون عليه معاد ياكلون الا هو

وعن الحساسيه فيه مرهم لها بصيدلية المسيله بالري

ولازم تقريبا كل ثلاث ايام تحممينها

وعيونها امسحيهم بقطنه وماي

 

[هليتني همك وانت همي]

رد: ابيكم بموضوع بخصووص قطيوتي

ولازم تعطينها التطعيمات الازمه

 

[BlueGirl]

رد: ابيكم بموضوع بخصووص قطيوتي

اختي دلوله وديها البيطري على طول المفروض ما تسكين عنها لأنه بعض الاصابات بالعين ما تبين
انا قطوي لما كان عمره سنه صارت فيه اصابه و انا طوفتها عبالي خطفه و يتروح لأنها ما تبين و بعد اسبوعين قامت تكبر و تطلع افرازات و طلعت انها قرحه بالقرنيه و القرحة تكبر لحد ما تتلف العين و الحمدلله تلاحقت عليه و مده العلاج طولت فوق ال5 اشهر ..


اذا كانت القطوة شيرازيه اللي خشمها بين عيونها او قريب منها عادي لأنه هالنوع كله افرازات بسبب الضغط على اعصاب العين لا تخافين بس حطيلها الدوا الخاص بهالنوع عشان ما تتيمع البكتيريا ..

والدود لازم له تطعيم وقائي
او اقراص لمدة يومين اللي يرحيج

و ما تشوف شر قطوتج

 

[DLOOLA]

رد: ابيكم بموضوع بخصووص قطيوتي

مشكورين بناات ما قصرررتوااااااا فدييتكم