ابيج اتكونين اختي و انصحيني عفيه محتاجتكم

[اللعبه]

قولي حق امج وابوج انه غير مذهبه

واهو خل يقول حق اهله انه اهو مغير مذهبه بس جدام اهلج

و بعد ماتتزوجون يصير خير شتقولين حق اهلج ;p

شنو هالعبط اذا هذا مستوى اللي يردون الله بالخير البنت راحت فيها . يعني يجذب على الاهل والله وينه
كلش الله مو في الحسبان

 

[اللعبه]

حبيبتي انت من البدايه غلط تدرين انه شيعي وانت بدويه (عاد اذا كنت من بعض القبائل الطامه طامتين )
المفروض ما توصلين هذي المرحله . حاسه فيج بس اتمنى تتزوجين بسرعه علشان تعرفين ان كل هذا خرابيط وانج عايشه بوهم

 

[*غلا الكويت *]

رد : ابيج اتكونين اختي و انصحيني عفيه محتاجتكم

حبيبتي مريومة صراحة قصتج قصة صراحة عجيبة واللة اندمجت ةياج


بعد شتسوين هذا النصيب بس خلية يحااااااااااااااااااااااااااااااااااااول:ch12::ch12:

 

[ســــــــــما]

اللعبه

زواج الشعي من السنية باطل ؟؟؟؟؟؟؟؟

ليش الشعة مو مسلمين ما يوحدون الله ؟
السنة مو مسلمين ما يوحدون الله ؟

من وين يايبة هالمعلومة ؟

 

[ســــــــــما]

اختي صاحبة الموضوع

انا سنية
ومن وجهة نظري الشخصية ان لو متقدملي شيعي ما راح اوافق عليه
بس انا قلت انها وجهة نظري انا الشخصية وحطي تحت كلمة شخصية خطين
يعني الموضوع بالنسبة لي بشكل عام ماله قاعدة
القاعدة هذي انا ماشية عليها مو بضرورة كل الناس تمشي عليها
يعني لو يوم اييني ولدي ويقولي ان يبي يخطب وحده وهالوحده تكون شيعيه انا ممكن احاول اغير رايه ممكن اقنعه بوجهة نظري لكنها تضل وجهة نظري انا مو اهوا ، وبالنهاية هذي راح تكون حايته اهوا ، اهوا الي يختار ، انا كأم اربيه واوجهة وانصحه لكن لي حد معين وبعدها اوهوا يختار انا ما اتدخل في خياراته

يعني يا حبيبتي لا تخلين امج وابوج يفرضون عليج واقع انتي ما تبينه
وانتي ادرى منهم بنفسج
بعد لو حياتج مع اهلج مستقرة جان قتلج سمعي منهم
لكنج مو مستقرة معاهم
يعني ما راح تخسرين وايد لو تسوين الي براسج بس برضاهم طبعا

كل الي اقدر اقوله لج

تمسكي فيه

ولا تقبلين بغيره

لو تنقلب الدنيا لا تاخذين غيره

خلج عنيدة

ممكن الابو يتحكم بخطاطيب بنته لكن ما يقدر يزوجها غصب

ترا محد يتزوج غصب

فاليوم الي اييج ابوج ويقولج تقدملج فلان (غير الي تحبينه) وانا وافقت شقلتي قوليله لا ، قولي لأ وخلج مصرة على الرفض لا تضغطين على روحج ابد ديري بالج ترا المجاملات ممكن تكون بكل شي الا الزواج ما في مجال للمجاملات ..

لو يطقج لو يضغط عليج لا توافقين الا على الي يحبه قلبج .. محد يدري ويحس بلي فيج الا انتي ..

وبجذي بتضلين كل ما تقدملج احد رفضتيه .. على اعتبار ان حبيبج متمسك فيج طبعا .. ومع الوكت الله بيفرجها خو ابوج ما راح يضل معاند .. لو يوصل عمرج 30 هم لا تتزوجين غيره .. خلج قويه ..

 

[غداً القاك]

قلبي لو بنتكلم من البدايه ابقولك غلط بس ظروفك حتمت عليك هالشي
الحين انتِ قدامك هالطريق مدامك بدويه وسنيه فأغسلي يدك وانا اختك اهلك يوافقون
انا بدويه وسنيه واعرف اهلنا شلون يفكرون
كل اللي عليك لاتبنين احلام كثيره معاه ..وحطي احتمال انك ماتاخذينه
استغفري ربك وصلي ركعتين ادعي بجوف الليل بالخيره لك
لاتقولين يارب زوجني اياه قولي يارب الخيره>والخيره فما اختاره الله
قلبي مقدر الومك لان حياتك خاليه وكنتِ مو بحظن ام وخوات
صدقيني مريومه لو عندي اخت ابقولها زي ماقلت لك
ماراح امنعها منه بالقوه >مع اني من فئة المطاوعه
بس ابخليها تحاول تتركه شوي شوي وارجع اعيشها بالواقع مو بالأحلام
واقنعها ان هالشي بنظر اهلنا مستحيل يصير ..يعني ..تبدأ تنساه من الحين احسن
يمكن عمركم الصغير ساعد علاقتكم تتوثق ..والحب شي حلو ملئ عليك حياتك
بس خلاص الطريق معروف الحين ..
حاولي تنسينه بتشوفينها صعبه ابقولك صلي واستغفري وادعي ياقلبي
والله معك

 

[~.ąvȍƈaȚ.~]

انا وحده بحط نفسي مكانج




لأن وضعي نوعا ما يشبه وضعج بس الفرق ان اهما اصلا شيعه بس متسننين و للحين ما فاتح اهله بالموضوع لأن تو الناس علينا


و اهلي كل واحد عنده يالله نفسي يعني شوي علاقتي احسن مع اهلي


بس بقولها اشكره لج اهلج شنفعوج فيه ؟! مو طول هالسنين ما يدرون عنج و كل واحد لاهي بنفسه ؟!

اللي بوصله بس تمسكي بحبج حتى لو ما تزوجتي لا تخلين هالحب يروح

و الله يوفقج و يجمع بينكم يارب

 

[Queenleo]

رد : ابيج اتكونين اختي و انصحيني عفيه محتاجتكم

استخيررري وارضي بالي الله قسمه وكتبه لج
واذا بعد الاستخاره انسدت وتعقدت الامووور ابتعدي عنه لاتقوولين صعبه
شوفي منو تحبين اكثر ربج ولا اهوا واذا كان الجواب ربج فعرفي ان الاستمرار معاه بدوون زواج غلط وربج مايرضى بهالشيء
وانتي ان شاء الله تقدرين توزين الامور بنفسج وتشوووفين اي طريج تبينه
والله يووفقج

 

[ســتارز]

مايجوز يااختي تتزوجين بدون رضا اهلج حتى لو عشتي معاه بسعادة بتلقينها فقاعة صابون

اهم شي رضا الوالدين ومباركتهم لج ولحياتج

استخيري وكثري من الاستخارة عسى ربي يغسل قلبج عن حبه

ويرزقج بالنصيب المناسب لج ولعائلتج

 

[ونات الندم]

رد : ابيج اتكونين اختي و انصحيني عفيه محتاجتكم

أصلآ المفروض ما تاخذين راي أحد بهالموضوع تدرين ليش لأن لو ماتزوجتيه بتعيشين بحالة حزن كبيييييييرة بس لو تزوجتيه بتعيشين أحلى حياااة لأن مافي شي فهالدنيا أحلى من الحب :eh_s(17):

 

[كويتيه إنما أيه]

رد : ابيج اتكونين اختي و انصحيني عفيه محتاجتكم

شوفي حبيبتي
انتي غلطتي مرتين
الاولى لما كلمتي شخص غريب بغض النظر عن الظروف اللي كنتي فيها
الثانيه لما استمريتي معاه و انتي تدرين بالفروقات اللي بينكم
و اذا ناويه تكملين مسلسل الاخطاء بعد
تزوجيه غصبن عن اهلج

المثل يقول من بغى شي خلى شي
انتي عندج استعداد انج تضحين بأهلج او تضحين باللي تحبينه ؟ ومنو اللي تضمنينه اكثر ؟
اهلج بيضلون اهلج سترج و غطاج لكن اللي يحبج اليوم ممكن يكرهج باجر
ترا ياما ناس تزوجوا عن حب بس بالاخير تطلقوا ولا تقولين اهو غير

بس فرق المذاهب صعب و اهلج معاهم حق لو اهلج رافضينه لشي تافه جان قلتلج من حقج تعترضين

لكن هذا ما يمنع انج تستخيرين

 

[كويتيه إنما أيه]

رد : ابيج اتكونين اختي و انصحيني عفيه محتاجتكم

بس صج صج لا تسوين شي تندمين عليه طوووول عمرج

 

[نتوفه]

ياحيااااااااااااااااااتيييييي 6 سنين والله عمر مو شويه
يعني اللي انولدوا بنفس وقتكم الحين بالابتدائي
لالالالازم تسوين اي شي عشان حبكم والله حراااام

يااااااااااارب يحن قلب امج وابووووووج ويوافقووووووووون يااااااااارب

 

[g6wa-90]

يا عمري يا مريوم تصدقين جنج تقولين قصتي حالياً بالضبط :'(
واالله قاعده اشوف ردود البنات و احكم علا نفسي من درودهم
قصتي ست سنين وحب و خطبني قبل شهر و اهلي ارفضوووووه رفض تاااااام لانه مومن مذهبي
وامه نفس مذهبي
بس اختي متزوجه مومن مذهبنا لانها مطلقه
لكن انا مادري ليش موراضين
وكلهم درو اني احبه من ست سنين
وسارلي شهر كااامل ماكلم اهلي و زعلانه منهم :'( لانهم ارفضوه
ست سنين انا معاه عمر مويومين او يومين
واببه ومابي اتزوج غيره
ادعولي ان اهلي يرضون و ربي بلين قلبهم و نتزوج:'(
حدي منهاره و تعبانه و لا اكل و لا اقعد معاهم
وكلمت اهلي ومي وابوب اشكثثثررررر بس ماكو فايدة فيهم:'( الله يسهل ياااااارب
ونتزوج انا ونتي يا مريوم بيوم واحد :'( حالج من حالي وحاسه بالعذاب والحسره الي عايشينها
ربي يفرج ويعوضنا علاهالحز ن الي عايشينه:'(
وعسا ربي يقضي حاجتنا و يكتبه من نصيبج و يكتبلي الي ابيه من نصيبي
ادري ان الصبر متعب ويهد الحيل
لكن الصبر مفتاح الفرج :'(
الله يسهل يااااااارب

 

[!.كيـ’ـان.!]

الله يكون بعونك ..

 

[هنووفوو]

تمسكي بحبج بس لازم تتزوجينه برضا اهلج
بس انا اشوف وايد بدو تغيروا مو نفس اول يعني تفتحوا شوي انا عندي رفيجه اختي امها رومانيه وابوها بدوي
ورفيجتها ثانيه امها سوريه وابوها بدوي
ان شاءالله كل وحده تتزوج حبيبها الي تحبه وحبها

 

[Tom ♥ Jerry]

.


فديت مريومه و الله :eh_s(2): حآسه فيج يا قلبي و الله حآسه فيج !

لأزم تعرفين انه كل شي قضاء و قدر وانه الله سبحآنه و تعالى
مآ يكتب حق الانسان شي مو زين له !
آنتي وحده الحمد لله مصليه و مسميه تعرفين ربج و تؤمنين بالقضاء و القدر !
مآ تدرين وين الخير لج معآه أو بدونه ..
لا تقولين لي انا متأكده انه الخير لي معآه ، لا يا قلبي
آنتي مآ تعرفين الغيب !

الريال الصراحه رآيته بيضه و مبين عليه من كلآمه و مشاعره انه يحبج
مو مثل باجي الشباب .. و ييه خطبج 3 مرآت .. و آمه صراحهمآ تنلآم لمأ تقول هالكلآم
يعني 3 مرات مو شوية و آنتوأ تردونهمـ .. لو السالفه بالمقلوب جآن آنتوآ سويتوآ نفس الشي
يعني لو آبوج مثلا الي رآح يخطب 3 مرات بعدين رآح يهون .. كل شخص له كرآمته (= !

آلمهم ، آنتي الحين مآلج الا حل وآحد .. أول شي آدععععععععععععي ربج يا قلبي
آدعي ليل نهار آنه يكون هالشخص من نصيبج و آنه يكتبلج الي فيه الخير
و تقربي من ربج عشان يكتب لج الي فيه الخير آن شاء الله ؛) !
بعدين ، لأزم تصارحين آحد من آهلج بالعلاقه الي تربطج معآه قولي حق آمج
قوليلها يمه انا أبيه هالريال و آهوه يحبني و شاريني .. الله يخليج خلج مع سعاده بنتج
و انا سعادتي وياه ، كلميها مره مرتين ثلاث مليون ، آن شاء الله ترضى
و تكلم أبوج و يوآفق أبوج يارب (= !
بس اذا ابوج خلاص مآ رآح يرضى طول العمر .. من رايي خلاص انسيه
و انهي هالعلاقه و لا توقفين نصيبج آكثر ؛* آدري آنه الكلآم
الي قاعده اقوله صعب ، بس هاذا الوآقع و آنتي عايشه بالوآقع مو بالآحلام
شوفي حياتج و بالمقابل خليه آهوه بعد يشوف حياته ؛)
يآمآ ناس بعد عشره عمر و حب دآم عشرين و عشر سنين و بالتالي تفرقوآ
هاذي اهيه الحياه و على قولتهم الحب نهايته يا فراق أو زوآج غير جذي مآكو ..


الله يوفقج وين مآ كنتي يا قلبي يا مريومة .. :eh_s(2):
و يكتب لج الي فيه الخير يارب ..
عسى الله يحنن قلب آمج و ابوج و يهديهمـ و يوآفقون يارب :eh_s(7):
آن شاء الله تعيشين ايامج برضى و سعاده
و يآرب الله يكتبلج في كل خطوة تخطينهآ سعاده و فرح
عسى عيونج مآ تبجي في يوم من الايام
و آن شاء الله آيآمج كلها فرح × فرح

:eh_s(7):

 

[رايقه حدي]

حبيبتي انا حاسه فيك والله :eh_s(2):
بس ابيك تتأملين الحديث هذا ...

عن أبي العباس عبد الله بن عباس رضي الله عنه قال كنت خلف النبي صلى الله عليه وسلم يوماً فقال "يا غلام , إني أعلمك كلمات : احفظ الله يحفظك , احفظ الله تجده تجاهك , إذا سألت فاسأل الله وإذا استعنت فاستعن بالله , واعلم أن الأمةلو اجتمعت على أن ينفعوك بشيء لم ينفعوك إلا بشيء قد كتبه الله لك , وإن اجتمعواعلى أن يضروك بشيء لم يضروك إلا بشيء قد كتبه الله عليك , رفعت الأقلام وجفت الصحف "
يعني كل شي مكتوب ومقدر من عند الله فـ أنصحك حبيبتي انك ماتطلعين من شور أهلك هم السند والعزوه :rerrerek:
والله يسعدك في حياتك ويااارب دمووعك ماتنزل الا بالافراح :eh_s(7):​

 

[نجمة كويتية]

للرفع

 

[فيونكه الماسيه]

روحي كلمي امج وقولي لها كل الي بخاطرج لاتخلين ولا شي وقوليلها لمه محد عندي منكم انتي وابوي اهو كان واقف معاي وخلاني التزم بديني وانه شاريج وللحين متمسك فيج وقوليلها انج بعد ماتبين تخسرين اهلج وخليها تكلمه يمكن تقتنع منه

الله يوفقكم يارب وطمنينه شيصير معاج