ابى طيران رخيص لتايلنــد

[مخدددده]

السلام عليكم

نفس العنوان ابى طيران بحجز شهر 12 او 1

اللى عندها خبره ياليت نستفيد :ggdw:

 

[FOZQ8]

رد : ابى طيران رخيص لتايلنــد

انا اذكر بعز موسم السفر كان ارخص شي طيران الخليج

 

[روح مغليها]

احجزي على التايلنديه رخيصه وحلوه\
بس ماانصحج بتاايلند تلوووع الجبد حر ووصخين وماكو اكل الا بشارع العرب
حتى بشهر واحد حرره مايتغير جوها
اممممم روحي فيينا او تركياا روعه

 

[أم سلوم الحلو]

انا بعد ابي بروح انشالله بعطله عيد الاضحى شهر 11 انشالله

 

[جلاديلياس]

حبيبتي نصييحه روحي عالتايلنديه

 

[سفرجل]

التايلنديه مااتيي الكويت وقفوا من زمان
مااكو الا القطريه والسيلانيه والاماراتيه
وترانزيت

انا رحت على القطريه الصراحه اتلوع الجبد وضيقت الخلق وكانت صج غاليه على الفاضي
انتي نطري راح يسوون عروض

 

[نور الدنيا2]

بالعكس القطريه وايد حلوه ووسيعه ونظيفه جربيها وشوفي

 

[FOZQ8]

رد : ابى طيران رخيص لتايلنــد

انا لما سافرت على التايلدنيه مباشره لبانكوك بس وقفوووها يقولون قامت تنافس الكويتيه مادري شنوووو
وشهر 11 احلى ما يكوووون انا كنت هناك بنفس الفتره الجو بديع لا تنسين تروحين شنغماي مو وايد طايحين عليها بس حلوه

 

[أم عبداللطيف]

الله يوفقج ويسهل عليييج يارب

شوفي والله عن تجربه الاماراتية تهبل صج شوي غاليه بس تهبل ونصيحه انتي اختي حبيبتي لاتروحييين على طيران الخليج يلوع الجبد ولا مطارهم اللي لوعه طقت جبدناااا على ما طرناااا ويييييييع

وبعد رفيجتي راحت العام على التاليندية دايركت وتمدح فييها وسعرها زين ودايركت

بس نصيحه لاتخلييين روحي بوكيت وعندج فندق يهبل نظام شاليه اسمه مليسا كفايه ليله وحدة تهبل روعه وروحي شنغ ماي تهبل يمدحونهاااا

ولا تنسين المايوه الاسلامي عشاان تستاااانسين ولاتحطين شئ ببالج

الله يسهل عليج

 

[مخدددده]

مــــــــاقصــــــــرتوا

يامال العافيه

 

[Samurai]

شوفي الماليزيه والسنغافوريه .. ونطري ترى في عروض بس ترى شهر 12 و 1 الفنادق غاليه عشان الكريسماس و راس السنه اغلى من الصيف

 

[om MaRyooM]

التايلندية رخيصة بس اغلبها شباب كويتيين سكارى للاسف

بس اذا بتحجزين لها حجزي درجة رجال الاعمال احسن وأريييييييييييح . .

بس من بعد تجاربي عالخطوط . . احسن شي القطرية مع انها غالية بس تسسسسسسسسسوى حيل .. لأن المسافة بعيدة واذا كان الطيران اي شي بتتلعوزوون حيل


وديري بالج من السيلانية ... لايحوووشك

 

[سفرجل]

انا توني راده على القطريه اتلوع الجبد مافي خدمه ونفسيه وضيقت الخلق وغاليه على الفاضي مره ثانيه اساافر على الاماراتيه احسن

 

[فاقده ابوهاااا]

احجزي على التايلنديه رخيصه وحلوه\
بس ماانصحج بتاايلند تلوووع الجبد حر ووصخين وماكو اكل الا بشارع العرب
حتى بشهر واحد حرره مايتغير جوها
اممممم روحي فيينا او تركياا روعه

وي اختي خبرج عتيج من شهر 4 الي فات ويمكن قبل امنعوا طيران التاي الي اهي التايلنديه ان تطب الديره يعني الحين ما في طياره تايلنديه تطب الديره وليش ما ادري وانا انصح الاخت بخطوط السيريلانكيه او الاماراتيه واعتقد ارخص طيران اهي السيلانيه وسنغافوريه

 

[حـلا و ذوق]

شهر 12 تايلند عجيبه مافيها عرب ولا خليجين

انا رحتها شهر 12 الي طاف على طيران الخليج

ورحلة موفقة

 

[روعه الأحساس]

رد : ابى طيران رخيص لتايلنــد

والله جربت القطريه روعه حتى بناتي استانسوا عليها

 

[@الليدي لين@]

السيلانيه وخرررررري عنها

والخليج رخيصه ,, بس مااحبها جربتها حق دبي كلش ماعجبتني

والقطريه اسعارها زينه انا شفتها بالموقع تقريبا 165 التذكره

والتايلدنيه الحين ماعندها رحلات من الكويت ,, في احتمال شهر 9 ترد رحلاتها ,,, مو اكيد

والكويتيه غاليه


اذا تبين دايركت مالج الا الكويتيه او التايلنديه اذا ردوا رحلاتها

واذا عادي عندج ترانزيت القطريه وايد زينها وسعرها حلو

 

[carrot^cake]

التايلانديه حلوة والاهم انها دايركت اريح

 

[Turquoiseya]

جنه التايلندية بيردونها على شهر 10
هذا اللي سمعته
اختي راحت فيها وتمدحها وتقول مريحة حيل
وخالتي هم راحت تايلند بشهر 7 بس تذكرتها كانت 245 دينار عالقطرية وكانت ارخص من الاماراتية والاتحاد
شوفي حبوبة الدول البعيدة يبيلها طيران سنع من ناحية الراحة والاكل حتى لو تدفعين زيادة

القائمة اهي بدون تسلسل
القطرية والاماراتية والاتحاد
اما الكويتية جنها طيران سيلاني

 

[ToOoTi]

الاتحاد ثالث ايام العيد ب 220 حق شخصين
توني حاجزة