ابى رايكم

[دورنى تلقانى]

السلام عليكم

ابى اسافر مع سفريات السيد خلاص حق اوربا ابى رايكم بالسفريات وفى القايد اسمه ضياء تعرفونه

 

[كوكب الدرر]

انا سافرت مع سفريات السيد حق ماليزيا ما عجبوني

أكدت عليهم في المكتب إن لازم يحطون معانا قايد وأكدوا لي إن معانا واحد وعطوني اسمه

وفعلا شفناه بالمطار بس طلع الحجز ماله مو مأكد ،، احنا سافرنا بروحنا واهو ظل بالكويت

وقالو لنا الرحلة فيها ترانزيت البحرين ،، ولما وصلنا البحرين أكتشفنا ان الطيارة راح تنزل ترانزيت مرة ثانية في عمان

والمشكلة إن ثلاثة من اللي معاي ما لهم حجز على الطيارة وظلينا محتارين وقعدنا نكلمهم وبالغصب يالله ركبونا

وقعدنا من غير قايد تقريبا 4 ايام وبعدين طرشوا لنا واحد شاب صغير كل همة إن يونس نفسه

احنا نطلع الصبح وهو نايم لي الظهر

وبالردة نزلنا بعد ترانزيت بالبحرين ولما يينا نركب الطيارة اللي تودينا الكويت اكتشفنا إن 6 اشخاص

من القروب ثلاثة منهم يهال ما لهم حجز وامهم وابوهم لهم حجز ،، فتطوعت عايلة كاملة

انها تظل بالبحرين ويخلون اليهال يركبون بدالهم الطيارة وظلوا يوم كامل بالبحرين وردوا ثاني يوم

فنصيحة تأكدي من حجزكم إن اوكي خاصة اذا كان في ترانزيت وتأكدي إن الترانزيت في دولة والا دولتين

 

[بنت جنيف]

صج سفريات السيد طبعا موثقة سافرنه معاهم وهقونه لما وصلتا باريس تخيلو ا جم ساعة كنا بالطيارة غير الترانزيت حق البحرين يعد كل هذا نبي نرتاح وصلنا باريس تفاجأنه ان ماكو حجز اوكي على الغرف قعدنه 3 ساعات ننطر باللوبي يقولون الكويت مومأكدين احجز وطبعا رياييلنا سوو لويه وصراخ عطونه غرف والقايد كان ولد العسعوسي كله ماله شغل بشي لا والفنادق يقولون لنا اسم ونروح وانتفاجأ ان غير الي قالولنه اياه وطبعا كان الاتفاق 7أيام باريس 7 جنيف 7 لندن طلع كله حجي 6 باريس 10 جنيف 5 ايام لندن واشياء وايد مابعد حرمنه نسافر معاهم ماكو مصداقية كلش

 

[ra-ha]

والله ان رحت معاهم استراليا وايد ممتازه السفربات ماشفنا منهم اي عييب