ابى حضانه تابعه للمدرسه

[miss fabulosity]

السلام عليكم يامهات اشلونكم مع البرد القارص صج بردنا يدش بالعظم دفوا اليهال والله الحافظ

ابيكم اتساعدونى بليز انا سمعت انه فى حضانه تابعه لكويت انجلش سكول وتقبل اليهال واهما بالبمبارز هذى وين صايره

وسمعت عن حضانه سن شاين تابعه حق اى مدرسه


انا قصدى ابى حضانه تقبل ياهل بالبمبارز وتكون تابعه لمدرسه خاصه والى يدش هالحضانه ماله داعى امتحان قبول ولا ويتنغ لست لها على طول يدش الروضه عندهم ياليت اتفيدونى

 

[miss fabulosity]

اشدعوه ياحافظ :0bee2e8d89:

 

[alshamali]

انا ولدي بحضانة الدانه وتبع مدرسه اذا اهو بحضانتها ينقبل الروضه على طولل بدون امتحان او شي

بس تقبل سنتين عادي اذا بامبرز

 

[dl3_wl3]

وييييييييييييييييييييييع الدانه

 

[<< أزيان >>]

للآسف مااعرف

بس حبيت ارفع موضوعك

 

[*نور الكويت*]

وسومه حبيبتي سألي المدرسه اذا في حضانه تابعه لهم او لا

اسهل لج

 

[miss fabulosity]

مشكورين على مروركم حبايبى غريبه الدانه تقبل

اتصدقون انا دقيت على دسمان قالوا لازم اتكون قاطه البامبرز قبل لا تسجيلن

ونفس الشى الغانم مايرضون

انا سمعت عن حضانه كيدز سمارت ولا سبوتس ماادرى والله اتكون تابعه للابداع ويقبلون اليهال بالبامبرز

ابى حضانه تابعه لمدرسه تقبل بااااااااامبرز بليييييييييييييييييز:eh_s(1):

 

[ReeMaN]

حضانة النزهه fun 4kids تقبل البامبرز وتابعه حق مدرسة العالميه الامريكيه بحولي

 

[ملح وليمون]

حبايبى ما تعرفون حضانه اتعلم الياهل العربيه الفصحى انا سمعت انه كان فى حضانه اسمها دار الحضانه العربيه بس ما بعرف اذا صكرت ولا لا؟

اللى تعرف شئ عنها اتدلنى ويزاها الله كل خير

 

[miss fabulosity]

ريمان مشكوره حبوبه وماقصرتى ممكن تليفونهم

وماتعرفين شى عن كيدز سبورتس تابعه للابداع

 

[ReeMaN]

هلا اختى وسومه ... ولدي كان بحضانة النزهه وكانو يقبلون الللي يلبون حفاضات دخلته سنه ولما تعلم على تكرمين الحمام سجلته بحضانة كيدز سمارت هذي تابعه حق الابداع بالشاميه خوش حضانه و مايقبلون اللي يبلسون البامبرز ومن يخلص من الحضانه يقبلونهم اكاديمية الابداع وسلامتج

 

[ام دودو المزيونه]

عندج حضانة بلي غروب (play group ) بسلوي تقبل اطفال بالبامبرز بنتي كانت فيها وعندهم أبتدائي ويقبلون من عمر سنتين وبصراحه الألعاب بالحضانه روعة كأن الياهل قاعد بحديفة الشعب أو حولي بارك والستاف فلبينيين والمساعدات هنود بس للأمانه عيبها زحمة الأطفال فيها

 

[عشق القوافي]

حبيبتي انا بنتي بحضانة مرتقى لاعداد القادة تينن


ويقبلون بالبامبرز عادي بس اهم فاتحين كاجي 1 ​

 

[miss fabulosity]

ؤيمان ماعليقلبى ابى رقم حضانه النزها الى قلتى عنها

ام دودو مشكوره وماقصرتى حبوبه بروح اشوفها

عشق القوافى وين صايره المرتقى وابى رقمها ضرورى :ggdw:

 

[sara999]

السلام عليكم انشالله لقيتي حضانه ؟؟؟
انا بغيت اقولج ان ولدي دخلته حضانة لتل لاند بالفيحا
والله خووووش حضانه كافي ليدشتي عندهم ترتاحين من المعامله هدوء المعامله من المدرسات والمشرفات والاداره
وكافي صاحبة الحضانه بدور الجري انسانه حيييل راقيه بتعاملها وسنعه وتينن تتطمنين تحطين الياهل عندها
وتعالي شوفي الانشطه والرحلات كل شي على سنع بدون خبه ولويه
وولدي توه كامل السنتين انا مدخلته عندهم من شهر 9 والله ومستااااانس
عاد فرق علي الاستيعاب الكلام الانتباه مثلا للاصوات والتعبير بالعين بالوي يهبل الله يحفظه ياربي وما يحرمني اياه​

مرتبه انصحج فيها
بس تابعه اي مدرسه مااا ادري
وتوني اعرف اذا ناويه على مدرسه معينه لازم اتابعها من الحضانه
عاد انا ابي الغانم بدخله abs
شلون ؟؟

 

[miss fabulosity]

ساره جنج تدرين انا سجلت بنتى بليتل لاند وايد ارتحتلها الصراحه وبدور الجرى عجيبه خوش وحده

وانشاء الله بنتى ترتاح معاهك