ابوي والقطاااوه

[bent_3yam]

قوه بنات هذي اول مشاركه لي في هذا المنتدى الجميل
انا امووووووووووووووووووووووووووووووووووووووووووووت على القطاوه وابوي يحبهم بس مايرضي ييبلي نقذوني:krkrkr: شوفولي حل بليز والله بموت اذا ما يابولي وانا اقول بنطر لين اتزوج واشرط انا الي يبيني ايبلي قطوه بس عمري 15 لين متى بنطر:eh_s(14): والله ما اقدر نقذوني​

:0bee2e8d89:

 

[yassoo]

حبيبتي حاولي تقنعينه بالتفاهم والكلام الحلو
وان انتي ودج بهالشي وانا اشوف ان شي وايد حلو في عندج اهتمام حق نوع معين من الحيوانات
انا عندي 13 قطوة
بالبداية كان رفض من امي بس بعدين حطيتها جدام الامر الواقع
اول شي شريت نثية بعدها بشهرين يبت دكر والجين 13 قطوة غير اللي انولدو وماتوا
بس ها انتي تبين قطوة
القطوه تبي منج اهتمام من ناحية الاكل والنظافة والتطعيمات
وانشالله دام ودج بهالشي الوالد يوافق
موفقة ياقلبي انشالله

 

[بنت عبدالغني شربت]

ذكرتيني انا قبل بيت اهلى جذي ميته وايب قطوه عاد يتلي هديه قتلهم حرام شنو اسوي فيها هههههههههه وخليتها ورضوا بلامر الواقع

عاد انتي نطري يوم عيد ميلادج وعطي وحده من رفيجاتج فلوس قولي لها يعني هديه هههه

(-- خراب

 

[نوح الحمام]

هههههههه ،، ضحكتيني يا بنت عبد الغني شربت ،، صدق فكرة جهنمية ،، يعني امام الامر الواقع ،، بعد فكره

بس نحن ما نعرف اسباب الرفض ،، يمكن في احد عنده حساسية, جلدية ،ولا ربو ،، سبحان الله لذلك جاء الرفض

اذا عرف السبب ،،،، بطل العجب ،،،

 

[كدووشه]

انشاله يشترولك قطوه

حااولي لا تيسين

 

[$كيري$]

حياتي انا اقولج شغله اتحطينهم جدام الامر الواقع اذا ما عندج صبر شوفي اذا ما تقدرين تروحين تشترين ولا احد من رفيجاتج تقدر تشتري لج دقي ع محل حق زهور لان اغلبيه المحلات عندهم حيوانات وطيور ويكون عندهم محل بسوق الحمام ف شوفي لج محل عنده واذا تبين رقم محل انا اعطيج عطيني خبر ع الخاص وقولي هم اهيا هديه من رفيجاتج بس لازم تكونين قد المسؤوليه لانهم لهم موسم تزاوج ويبيلها مدارة عدل وفوق هذا شغرهم اللي في كل مكان فاتوقع اهلج راح يتأذون ف ديري بالج حبيبتي وموفقه ان شالله
واحنا بالشووفه.......

 

[sweet cake]

مو عاجبج ان عمرج 15 وللحين ماعندج!!
شقول أنا اللي عمري الحين 20 ومن كنت بأولى ابتدائي وأنا أطلب ومو راضي
بنات ترى سالفة انج تحطينهم أمام الامر الواقع هذي ماتضبط مع الكل..
والله ابوي ما تضبط معاه اذا قال لأ يعني لأ وخلاص وحتى لو جبت راح يقول وديها..
شروبته كنت مخططه اسوي هالحركه اني اخلي رفيجتي هي اللي تجيبلي بس مانفعت

 

[daloo3ah]

لا لليــــــــــــأس

وكل شي بالحنه يمشي

 

[lojeeen]

والله طريقه شربوته حلوه جربيها و قولي لنا اشصار

و إذا ما نفعت سوي كيكه حق ابوج و حلي نفسج جدامه و تلزقي فيه حيلللللللللللل

 

[krkosha]

والله نفس حالتي كنت امووووووت عالقطاوه واهلي موراضيين مساكين فيهم حساسيه ,,, امس ريلي شرالي قطوتين والله اليوم الصبح وديناهم المزرعه مليت ريحتهم خايس لووووووووووول

شوفي مثل ماقالت اختي قولي حق رفيجاتج يضبطونج جنه هديه,,, واذا تبين اي مساعده دزيلي مسج

 

[bent_3yam]

مشكووووورين حباااايبي انشالله بجرب كل الي قلتولي واذا ضبط اقولكم بسبنطر لين العطله لأن انا عيد ميلادي29-6 واصلا صديقتي اخوها عند قطوه وتوها ولدت فيمكن تعطيني وحده من اعيالها وانا عن نفسي اهد كل شي واجابل الاقطاوه ما اقول شي بس مشكلة اختي مالت تخاف من القطاوه شسوي فيها

 

[امي ثلاثينيه]

قوه بنات هذي اول مشاركه لي في هذا المنتدى الجميل
انا امووووووووووووووووووووووووووووووووووووووووووووت على القطاوه وابوي يحبهم بس مايرضي ييبلي نقذوني:krkrkr: شوفولي حل بليز والله بموت اذا ما يابولي وانا اقول بنطر لين اتزوج واشرط انا الي يبيني ايبلي قطوه بس عمري 15 لين متى بنطر:eh_s(14): والله ما اقدر نقذوني​

:0bee2e8d89:

شوفي.. انا ابوي اصلن ما كان حاط اباله اني اشتري قطوه. بس سوم قلت له اني بربيها. و انا االلي اوكلها و ارديها.. شرالي قطوه و بالعكس اتوونس.. ابوي الحين اللي يوديها. و يلعبها.. لوول.. راح يقتنع انشالله و عاد لي تزوجتي انشالله سويلج غرفه كلها قطاوه. :**