ابوي تغيرعلي والسبه اخوي وزوجته ؟!؟!

[salamq8]

صادقة الكلمه حبيبتي مشكوره ماتقصرين الله
يجزاج خير ويرزقج من حيث لاتحتسبين يارب امين ،.،.

ام توتو جزاج الله خير ويخليلج عيالج اكيد اذا كبرو عيالي للمدرسه
ومسؤاليات اكثر فاكيد مالي غير شقتي التهي فيهم ،.،.

هيبه ملك انتي تشوفين الاهتمام اكثر لحريم اخوانج ماتحوششج غيره؟!؟

بوبا سويت انتي قلتي قبل عيال الولد اهم العيال الصجيين لأنهم شايلين اسم ابوهم و اسم يدهم


الحيين لا اللي يقول عيال البنت اهم عيالهم


ابوووج البنية عندهم اكييد يشيلها بالنيابة عن ريلها اللي اهوو ولده

هذا اللي اشوفه بهل زوجي اهتمامهم لبناتهم وعيالهم ومالهم شغل بزوجة ولدهم وعيالها ؟!
لكن مفروض اخوي يشيلها مافي شي اسمه بالنيابه لان مو مسؤول عنها اهي موظفة وتقدر تفيد
نفسها صح ولا لا انا عندي عزة نفس اطلب من ابو زوجي !

بوبا

 

[salamq8]

كتكوته نوره حياتي والله حسيتي فيني
هذا اللي ابيه العدل وفعلا حز بخاطري .

 

[كتكوته نورة]

كتكوته نوره حياتي والله حسيتي فيني
هذا اللي ابيه العدل وفعلا حز بخاطري .

حبيبتي عطي طااااااااف كبير ... وعزي نفسج بتلاقين الكل يبونج ويدورون عليج ..

 

[رتبه دبلوماسيه]

اب اب

 

[^_^ حوراء ^_^]

حبيبتي قضبي ارضج و خلج اب بيتج ماله داااااعي كل ما غاب ريلج نمتي في بيت اهلجترا اليهال يرتاحون في بيتهم اكثرو على فكره دايما الاحفاد اللي يسكنون مع اليد و اليده يصيرون اقرب الاحفاد لهم هاذا شي طبيعي

 

[salamq8]

حوراء ياعمري انا عند اهل زوجي يحبون
عيال بناتهم اكثر

 

[همس الخفوووووق]

حبيبتي وكلي امرك لربك--بعدين ليش تنحدين على اهلك وزوجك عندك خليه يتكفل فيك--او اذا زوجك مشغول خلي اخوانك يودونك --الوضع عادي ياحياتي لا تعبين نفسك بالتفكير--

 

[ندى الزهور 93]

اول شي صفي النيه وتمني للناس الخير ,, مرت اخوج مالها ذنب تحسدينها على معاملة اهلج لها و لعيالها,, وبعدين سواء نامت ولا تنفست ببيت زوجها ولا بيت اهلها مالج شغل فيها ,, انتي عندج زوج مثل مال قالت الاخت الي قبلي هو الي متكفل فيج وفي عيالج ,,
وبعدين مرت اخوج ليش عادتها غريب ,, هي الحين بنتهم واهل البيت اهلها وبيت زوجها بيتها

من راقب الناس مات هماً

معها :eh_s(15):

 

[@همس المطر@]

بعض الكبار بالسن كذا يحشمون مرة الوالد عشان تجيب لهم عيال فقط بس ترى يضل يحبك ويحبك موت ولايرضى عليك الله يخليه لك يا رب

 

[دلوعة أبوهآ]

الله يعينك

 

[شذى2007]

شذى انا مو متضايقه منها ولا الحريم اللي يجونها
اهي مدخلها من بيتنا يعني الحريم يدشون بيتنا
ويصعدون لها فوق فشله اخواني واهلي قاعدين
المهم انا مالي شغل الحشيمه لاخوي
وانا انفس عندهم بالاستقبال ابوي يتضايق من العيال
مع انهم بس ٢ وصغار افهمي
ليش ردودكم قاسيه علي ليش اهي كافيه خيرها شرها ماله شغل بحد
بس بنفسها وامي وابوي مو محتاجينها بشي شفيكم علي

اسفه اذا ضايقتج

بس مادري انا استغربت يعني اللي فهمته على كلامج الحين كافيه خيرها وشرهاا واحسج منقهره منهااااا زالسبب ابووج اهيا مالها شغل تقوولين خلاني اكره مره اخوووي ليش يعاملونهااااا جذي بنفس الوقت تقووولين ان اهل زوجج مهتمين ببناتهم يعني لومهتمين فيج كان ممكن الوضع يكووون عندج عااادي انا اقووول انتي تحجي مع ابوووج ترى الاب مهماا كان يحب بنته اكثر من اي شخص حتى لوتكلم قووليله يمكن يتفهم ويغير معاملته
اتمنى ماتتضايقين من كلامي

 

[شوق95]

مافيه اغلى من الولد الا ولد الولد
ولا تتحسسين كثير من الموضوع هذا وربي يوفقج

 

[أحبه موت]

حبيبتي عادي لا اتحسسين من الموضوع هذيلي اهلج
ترى احنا مثلكم عادي خواتي ماشاءالله لمن ايوون اهم وعيالهم لاتشوفين بيتنا ازعااااج وصراخ و لويه وامي اتضايق وساعات اتقط حجي على خواتي وهم ابوي لأن ريال عود يبي الراحه عااادي حتى لمن يقطون علينا حجي مانزعل امي وابوي والله شنو يسوون فينا عاادي عندنا ولاتاخذين بخاطرج اذا انتي تشوفينهم يعاملون مرت اخوج غير حبيبتي مرت اخوج بنت ناس تركت اهلها وبيتهم وقعدت عندكم شي طبيعي اهلج بعاملونها معامله زينه عشان مايحسسوونها انها غريبه
وبعدين حبيبتي انا اشوف نومتج عند اهلج مالها داعي حتى لو ريلج مو موجود قعدي ابيتج عزيزة امكرمة ولا احد يقط عليج كلمه اتغثج انتي وعيالج
وكلما خفت ريلج عليهم صرتي انتي العزيزة الغاليه حتى لو كنتي بنتهم
يعني روحليلهم اوصليهم وقت زيارتكم الاسبوعيه ودقي عليهم سلمي عليهم وروحي عندهم زوريهم حتى لو ايام عاديه بس نومه ما انصحج تنامين
والله يحنن قلوبهم عليج ان شاءالله​

 

[معصبه وايد]

صج موضوعج قديم بس نرفزتيني هم غيرانه منها وهم تردين تقولين كافه خيرها شرها بس اذا احتاجت شي كلمت اهلج !! يعني انتي مراقبتها ماشاءالله عليج بسكم حسد وغيره من مرت الاخو بسكم وهم بعد موعاجبج الحريم اللي يزورونها ورديتي على وحده وقلتي موهامني الحريم الي يزورونها بس اخواني وفشله شالتناقض !! هذا دليل انج حشريه وحاسدتها حيييل ويع اكره هالنوعيات بدال لاتستانسين انها هاديه مو مبلتعه ولسان وصخ

صج بعض الناس مايعجبهم العجب

من راقب الناس مات هما

 

[معصبه وايد]

ولاتزعلين ترى كلام الحق مايزعل انتي حطيتي مشكلتج وتبين تعليقات وانا ماحب النفاق والتطبيل من جذي هذا ردي عليج

لو كنتي كاتبه العكس ان اهلج يشتكون منها وابوج يقول وقت مصلحتها تيينا جان ريت رد ثاني بس انا اشوفها خوش انسانه والدليل كافه خيرها شرها لو وحده ثانيه وصخه ولسانها وصخ جان غيرت اخوج عليكم وجان طلعت بيت بروحها مع ان هذا حقها وانا موضد هالفكره وجان هواش مع اهلج ومعاج بس بنت الحلال افرضت نفسها واحترامها عالكل

 

[Maryam]

يا الله
يمكن اسلوبج مو زين عشان جذي ﻻ اهلج وﻻ اهل ريلج يحبونج
ﻻ تحسدين بنت الناس
طالعي عيوبج و عدلي اسلوبج
و مافيها شي استقري في بيتج خو اشكرة قالولج ليش تنامين عندنا يعني مسوية لهم ازمة او مسوية مشكلة ما اظن قطها جذي من دون سبب

 

[ام هيا العلي]

حبيبتي,, يقولج المثل ..

لاتكثر الدوس ترى خلانك يملونك ..

حاولي انج بالشهر مره اتباتين بيت ابوج..لاتخلينها عاده ..علشان اهلج بهذه الطريقه راح يشتاقون لج ويحنون لج

اما كثرة المبيت حتى لوزوجج كان مسافر او رايح البحر او اي مكان قعدي في بيتج احسن لج واستر لج..

كاني اهلي وصلي لهم بالتيلفون.. وماامرهم الابالاسوع مره ..والله ويشتاقون لي ولبنتي,,

بس زوجة اخوي عكس زوجة اخوج..اللي عندنا ماتقعد ببيت ابوي خير شر..واعيالها مانشوفهم الا بالشهر كمن مره

وكله بيت اهلها..واتنفس ببيت اهلها بالشهور ماندري عنها..

احمدي ربج انه مرت اخوج ماتحرم اهلج من اعيالها..ترى هذه حسنه ورحمه وبعدين اعيال

الولد غير واعز من اعيال بنتهم..لاتتحسسين ياقلبي..لانه الموضوع بكبره عادي انا حاسه فيج وعارفه الموقف صعب

لمن الوالد قالج كلام يعور القلب..انتي خلاص اعرفي حدودج..انه حاولي اتخفين مبيت عندهم..خليهم يشتاقون لج

والله يسعدج ويرضى عليج يارب

 

[كوريا وبس]

لا حول ولاقوة الا بالله معقولة في اهل جذي عسى ربي يهديهم ويحنن قلبهم عليج