ابوي تغيرعلي والسبه اخوي وزوجته ؟!؟!

[salamq8]

السلام عليكم ورحمة الله وبركاته


خواتي انا من اول زواجي كان زوجي مايرضا انام عند اهلي
مع ان كنت متضايقه بس قلت اطيعه لان مايقدر يستغني عني ويحبني...

المهم شوي شوي قاعد يخليني يوم بس وبعد ماحملت وجبت عيال
ماكنت انام الا اذا سافر او اذا استلم بالدوام عشر ايام او النفاس

المهم ابوي وامي كانوا عاذي مستانسين ويلعبون عيالي
لكن المشكله ان مرت اخوي ساكنه معاهم نفس البيت فوق وماتنام عند اهلها
لوشنو اول عيالها 2 انفست عند اهلها ماتكمل الشهر ترد شقتها تقوا امها وابوها كبار وماتبي تزعجهم ماعندها خوات وولدت 3 مرات ونفست ببيتنا بشقتها فوق عند غرف اهلي والحربم رابحين رادين عليها يصعدون فوق ماخلوا شي خاص ماشافوه ببيتنا المهم وزوجها اللي هو اخوي يسافر يدري ولا يسافر مع ربعه تقعد فوق ماتروح لبيت اهلها المهم كيفها مالي شغل فيها لكن الطامه الكبري امي وابوي تغيروااا علي وهذا الجرح
خلاص اكتفوا بعيال اخوي وازعاجهم وكل مااجيهم زواره ينزعجون واذا زوجي سافر اجي انام ينزعجون ومره بروح السوق مع امي ابوي قال انا اوديكم وكان بالقصب يرضا نروح السوق يقول عندج زوجج خل يوديج
وامي بالعكس تبي رضاي ومرت اخوي يوديها ابوي بنفسه الطبيب ويودي عيالها الروضه والمدرسه واخرتها امس نطرها تخلص من الصالون وداها العرس ولما خلصو ا من العرس رداهم البيت انا مت من القهر والحره عاد زوجي امس طالع بحر ونمت عند اهلي وشايلله بقلبي ابروح السوق مع امي بشتري كم دراعه بالغصب لا وهواش اما بنت الناس مرت اخوي اهوا ينطرها تخلص من الصالون ويوديها العرس لا والطامه الكبرا عيالها صغار سهرانين مه اخواتي تحت امس وولدي سهر معاهم وطلب معاهم مطعم ولا ع صلاة الفجر ابوي بيروح يصلي جان يشوف ولدي ويقول اخذي ولدج حنا مانتحمل وووقطها بوجهي يقول انتي ليش ليش والله يابنات اول مره يجرحني ابوي حيل جدي يقول انتي ليش تنامين عندنا اللي. ماتنمام ببيت زوجها مافيها خير مع انها بس ليله زوجي طالع حداق
وخلاني اكره مرت اخوي شلون يعاملونها وهي مو بنتهم بنت الناس زين اذا دعتلهم الله العالم بالقلوب انا مانمت من كثر البجي والله

شرايكم خواتي ؟؟؟

 

[بطوووطة$بيضة]

حبيبتي مادام عندج ريل اهوا يتكفل فيج واهوا المسؤول عنج وعن عيالج .....وشنو سالفة النوم عند الاهل احنا ماعندنا جذي حتى لو سافر انتم ابمكانا ليش اعوده ان انام بره مايصير

 

[رحيق الحياة]

اول شي صفي النيه وتمني للناس الخير ,, مرت اخوج مالها ذنب تحسدينها على معاملة اهلج لها و لعيالها,, وبعدين سواء نامت ولا تنفست ببيت زوجها ولا بيت اهلها مالج شغل فيها ,, انتي عندج زوج مثل مال قالت الاخت الي قبلي هو الي متكفل فيج وفي عيالج ,,
وبعدين مرت اخوج ليش عادتها غريب ,, هي الحين بنتهم واهل البيت اهلها وبيت زوجها بيتها

من راقب الناس مات هماً

 

[ام الدرر]

حبوبة ابوج مايبيج تعودين زوجج ينام بروحه او تخلينه وتنامين عند اهلج
مافي ابو يكره بنته ولا يحب ضناها
المسالة انهم تعودوا على عيال اخوج
عندج بيت وريلج مايقصر
حتى السوق اذا تبين مع امج ليش تخلينه وقت الزوارة
بالايام العادية خلي عيالج في بيتج ومري امج وروحي السوق معاها
اما مرت اخوج اكيد البنت معاملتها زينة مع امج وابوج ومو مقصرة بحقهم عشان جذيه يراعونها
احسني الظن ياقلبي ولا تشيلين عليهم ​

 

[ما كو اسم]

مادري يمكن انتي مكبره السوالف بس عموما الرياييل الكبار يشوفون مرت الولد اقرب من بنتهم هذي حقيقه لانها تييب عيال يشيلون اسم العايله اما انتي فقاعده تييبين عيال حق ولد الناس ويشيلون اسم عايله ثانيه ففكري بطريقة تفكير ابوج راح تتغير نظرتج للامور

 

[salamq8]

بس الاب لازم يعدل بين عيال بناته وعيال ولده
مايتحمل ولدي شذنبه ،..،
بعدين انا قلت مالي شغل بمرة اخوي بس معامالة ابوي لها
ولعيالها ومعاملته لي هي اللي خلتني اغار واكرهها
لين ابوي قالها بوجههي اني ليش تنامين عندنا
طيب اهي عندها خمس عيال وعيالها اكثر شي تحت عند اهلي
وخدامتها عندها فوق شنو يعني اهلي يربون عيالهم
وانا بس ليله انام او زواره ابوي يتضايق لا هذا ظلم
يعني تبوني انقطع عن اهلي وامي وخواتي

 

[salamq8]

رحيق الحياة ردي حياتي؟

 

[شذى2007]

السلام عليكم ورحمة الله وبركاته


خواتي انا من اول زواجي كان زوجي مايرضا انام عند اهلي
مع ان كنت متضايقه بس قلت اطيعه لان مايقدر يستغني عني ويحبني...

المهم شوي شوي قاعد يخليني يوم بس وبعد ماحملت وجبت عيال
ماكنت انام الا اذا سافر او اذا استلم بالدوام عشر ايام او النفاس

المهم ابوي وامي كانوا عاذي مستانسين ويلعبون عيالي
لكن المشكله ان مرت اخوي ساكنه معاهم نفس البيت فوق وماتنام عند اهلها
لوشنو اول عيالها 2 انفست عند اهلها ماتكمل الشهر ترد شقتها تقوا امها وابوها كبار وماتبي تزعجهم


ماعندها خوات وولدت 3 مرات ونفست ببيتنا بشقتها فوق عند غرف اهلي والحربم رابحين رادين عليها يصعدون فوق ماخلوا شي خاص ماشافوه ببيتنا

شنو زوااارة حريم ليش متضاايقه انتي اذا نفستي عند اهلج مايجونكم حريم!!!
المهم وزوجها اللي هو اخوي يسافر يدري ولا يسافر مع ربعه تقعد فوق ماتروح لبيت اهلها المهم كيفها مالي شغل فيها لكن الطامه الكبري امي وابوي تغيروااا علي وهذا الجرح
خلاص اكتفوا بعيال اخوي وازعاجهم وكل مااجيهم زواره ينزعجون واذا زوجي سافر اجي انام ينزعجون ومره بروح السوق مع امي ابوي قال انا اوديكم وكان بالقصب يرضا نروح السوق يقول عندج زوجج خل يوديج
وامي بالعكس تبي رضاي ومرت اخوي يوديها ابوي بنفسه الطبيب ويودي عيالها الروضه والمدرسه واخرتها امس نطرها تخلص من الصالون وداها العرس ولما خلصو ا من العرس رداهم البيت انا مت من القهر والحره عاد زوجي امس طالع بحر ونمت عند اهلي وشايلله بقلبي ابروح السوق مع امي بشتري كم دراعه بالغصب لا وهواش
ليش بالغصب ابووج مو ملزوم فيج اما بنت الناااااس على قوولتلج انهااا ولده اللي ملزوم علشااان جذي يقوووم بدل ولده مايبيهااااا تحتاج لاهلهاا وهو موجود


اما بنت الناس مرت اخوي اهوا ينطرها تخلص من الصالون ويوديها العرس لا والطامه الكبرا عيالها صغار سهرانين مه اخواتي تحت امس وولدي سهر معاهم وطلب معاهم مطعم ولا ع صلاة الفجر ابوي بيروح يصلي جان يشوف ولدي ويقول اخذي ولدج حنا مانتحمل وووقطها بوجهي يقول انتي ليش ليش والله يابنات اول مره يجرحني ابوي حيل جدي يقول انتي ليش تنامين عندنا اللي. ماتنمام ببيت زوجها مافيها خير مع انها بس ليله زوجي طالع حداق
وخلاني اكره مرت اخوي شلون يعاملونها وهي مو بنتهم بنت الناس زين اذا دعتلهم الله العالم بالقلوب انا مانمت من كثر البجي والله

شرايكم خواتي ؟؟؟

شوفي ياقلبي انتي حدج معصبه شكو مرت اخوووج ليش الكره لهااا اذا معاملتهاا مع ابوج وامج زينها والله لو انهاااااا معاملتهاا شينه لابوج وامج معاملووووهااااااا جذيه الله يخليهااا لهم وابووج شكله مره يحبهااا ويغليهااا عشاان جذي وهم انت يحبج بس يبي يشووفج مستقره في بيتج اكثر وبس االله يوفقكم

 

[مساء الرياض]

بعض الكبار بالسن كذا يحشمون مرة الوالد عشان تجيب لهم عيال فقط بس ترى يضل يحبك ويحبك موت ولايرضى عليك الله يخليه لك يا رب

 

[salamq8]

شذى انا مو متضايقه منها ولا الحريم اللي يجونها
اهي مدخلها من بيتنا يعني الحريم يدشون بيتنا
ويصعدون لها فوق فشله اخواني واهلي قاعدين
المهم انا مالي شغل الحشيمه لاخوي
وانا انفس عندهم بالاستقبال ابوي يتضايق من العيال
مع انهم بس ٢ وصغار افهمي
ليش ردودكم قاسيه علي ليش اهي كافيه خيرها شرها ماله شغل بحد
بس بنفسها وامي وابوي مو محتاجينها بشي شفيكم علي

 

[صادقة بكلمتي]

شوفي حبيبتي بغض النظر عن نية مرت اخوج لان ما احد يدري فيها الا الله حطي مكانج مكانها اكيد بتستانسين ان اهل ريلج عاملوج مثلها حتى لو كنتي تحبينهم من داخلج او لا لان المحبة والكره من الله وياما احيانا نكره ناس ويكونون واااااايد طيبين والعكس صحيح ويمكن انتي شوي شايلة بقلبج شعوري عادي لان الوحدة تحب تكون بقلب اهلها لكن مو معناه ان اهلج ما يحبون نومتج عندهم او ولدج وانا انصحج لوجه الله سوي مثلها وعمرج ما تعلمين ريلج عن النومة برا البيت شنو ما كان وضعج حتى لو لا سمح الله تناجرتوا هذا بيتج عقب بيت ابوج الريال على ماتعوديه و وادج على ماتربيه ففكري بطريقة تغيرين معاملة زوجج معاج لانه مسؤؤل عنج بالمسايس بالحقران و و لان كل ريال له طريقة بالمعاملة وهما شكل كبير بس عقل يهااااال وعلى اهلج هم جنتج ونارج لا تبجين ولا تحرين عمرج الا وديهم وعامليهم بالزين شنو ماسووا وحاولي لا تروحين زوارتهم اسبوع ولا اثنيين بس كلميهم بالتلفون وخلي عندج حجة قوية بالاعتذار خلهم يشتاقون لج ولولدج والله يهدي الجميع ويخفف عوار قلبج ويسعدج ويسعدنا اجمعين

 

[salamq8]

صادقه بكلمتي الله يجزاج خير
والله ريحتيني بالرد مو الردود القاسيه الله يسامحكم

بس ماادري احس اني مظلومه بهالمواقف هذي
لان اشوف خوات زوجي ينامون عندهم عادي يومين
واكثر المرات ومايستسيقون عياالي وع طول طاردين عيالي
مع ان الله يشهد اني طيبه حيل واحبهم ولا اكره احد فاحس براحه
ببيت اهلي وباالاخير هذا اللي صار بيت ابوي لاحول ولاقوة الا بالله

 

[الغلا كله لبوي]

الله يريح قلبج ويحنن قلب ابوج عليج انتي قلتي ان ابوج هو الي يودي زوجته اخوج يمكن لان اخوج يكون مشغول
علشان جذي ابوج يحل مكان اخوج اشوف الوضع عادي
وبنسبه لعيالج يمكن عيالج مؤذين غير عيال اخوج علشان جذي مقدر يتحمل ازعاجهم
بعدين ماسمعتي المثل الي يقول
مافيه اغلى من الولد الا ولد الولد
ولا تتحسسين كثير من الموضوع هذا وربي يوفقج

 

[رحيق الحياة]

رحيق الحياة ردي حياتي؟

هلا والله حياتي
انا رديت سكرت النت وتنوني افتحه

انا ردي ما كان قاسي بس كلمة الحق تعور ,, اغلب كلامج عن غيرتج لمعاملت اهلج لمرة اخوج,, ومثل ما قالو البنات يمكن تكون البنت زينه وقايمه بواجباتها عشان جذي اهل الزوج زيينيين معاها ومع عيالها

بالعكس لاتقطعين اهلج زوريهم بس لاتطولين عشان اسفه على هالكلمه يمكن مايتحلمون عيالج

وارد واقول مرت اخوج خلاص صارت بنتهم وعيال مو بس عيالها هم عيال ولدهم عرفتني

تحياتي لج

 

[صادقة بكلمتي]

صادقه بكلمتي الله يجزاج خير
والله ريحتيني بالرد مو الردود القاسيه الله يسامحكم

بس ماادري احس اني مظلومه بهالمواقف هذي
لان اشوف خوات زوجي ينامون عندهم عادي يومين
واكثر المرات ومايستسيقون عياالي وع طول طاردين عيالي
مع ان الله يشهد اني طيبه حيل واحبهم ولا اكره احد فاحس براحه
ببيت اهلي وباالاخير هذا اللي صار بيت ابوي لاحول ولاقوة الا بالله

بالعكس حبيبتي احنا خوات باذن الله والكلمة الزينة تفتح الف باب لو الحقبقة بتالم احيانا انا رديت عليج من واقع انا واييييييد متعلقة باهلي ومازلت طبعا وعندي اخوي من تزوج وسكن عندهم وانا تزوجت قبله كنت ونار بالبداية شبت فيني وترا احنا بشر مو ملائكة وما ياه يهال للحين والله يرزقه بس كنت كل ما اروح بيت ابوي واشوفها الله يهديها تسوي حركات تستفزني يعني تبوس بامي وتطلب ابوي كنت انقهر واحس انها خذت مكاني وانا اللي كنت الدلوعة بالبيت واللي ابيه يجيلي بس الحمدلله كل ما كنت اصلي ادعي الله انه يشيل صخيمة قلبي يعني الكره والحزن والحقد عليها ليما الحمدلله مع الوقت صرت عاددددددي وياكثر ماشلت بخاطري على ابوي وامي طبعا اراضيهم بعدها ليما صاروا يتحاشون يسوون شي يضايقني وان بغوا يشيلونها على راسهم بعد ما ارد بيتي يشيلونها وهذا من طيبهم طبعا مع ان الله للحين ما رزقها عيال وحتى اهي قامت تبطل حركاتها السخيفة معاي فهذي اهي شخصيتها جذي ومن كل الناس مثل بعض يمكن مرت اخوج شخصيتها غير وتتعامل بحسن نية وتحب اضل موجودة ابيتها فالله يساعدج وسوي مثل ما قلتلج وادعي الله يشيل اللي بقلبج لان القلب الوحيد اللي مو بايدينا ترا حتى الرسول صلى الله عليه وسلم كان يدعي الله مع انه معصوم عن الخطا بس ليش كان يحب سيدتنا عائشة اكثر وحدة مع انه كا يعدل بينهم كلهم الا انه كان يدعي الله ما يحاسبه على قلبه لانه مو بايده كان ولو حافظة الحديث والله جان كتبته بس ذاكرتي للاسف ضعيفة وتقبلي مروري واعتبريني اخت لج بالمنتدى ان شاء الله وحاضرة لاي نصيحة فمان الله

 

[أم توتو]

خلاص لاتروحين لهم الا يالاسبوع مرة لانها احصلت لي يوم كانو عيالي صغار ويوم ادخلوا مدارس خلاص صرت اروح من الاربعاء للاربعاء الثاني وصارو يشتاقون لي بس مانام امي تحاول فيني بس انا ماحب اضايق غيري لان عيالي مزعجين وهواش وطق ويا عيال اختي فاماروح الا من العصر لين الليل وخلاص ارد بيتي بس بالعطل لا كل يومين اروح بدون عيالي اروح بروحي ماحب احد يقط علي كلمه تضايقني حتى لو ابوي

 

[هيبة ملك]

حبيبتي

أنا أشوفها بأهلي يحبون حريم العيال لأنهم عندهم ويجيبون لهم عيال

وعيالهم أربع وعشرين ساعة عندهم وبعدين يحشمونها من حشمة عيالهم

لكن أنتي بنتهم يمونون عليج يمكن أنتي تجين بوقت هم مشغولين فيه أو يبون السايق
أنتي ألحين :

خليج من هالكلام كله وزوريهم بس للزيارة وبريهم وأحسنس لهم

ولاتكثرين الزيارات عليهم عشان لاجيتي تكوني خفيفة
وفي الأول والأخير هم هلج مالج غناة عنهم

 

[PuPa^^SWeeT]

ابوج على نظام قبل

قبل عيال الولد اهم العيال الصجيين لأنهم شايلين اسم ابوهم و اسم يدهم


الحيين لا اللي يقول عيال البنت اهم عيالهم


ابوووج البنية عندهم اكييد يشيلها بالنيابة عن ريلها اللي اهوو ولده


فا اكييد يعني يبي نفس الشي


وانا مع الرد رقم 2 اول رد علييج

مو حلوة الوحدة اتنام اببيت اهلها



حتى لو سهر لو سافر لو شنو انتي و عيالج اببيت ريلج احسن لج

ابووج انتي قلتييها جدي يعني ماراح يوصلها لج بطريقة دبلوماسية

بس يبي يقولج انتي و عيالج امانكم اببيت ريلج ممو عنده اهوو


لاتزعلييين

و مرت اخوج لاتغارين منها ولا شي بالعكس


دام انه الابوو شايلها يعني اهيا بلسم علييهم بالبيت و هذا شي حلوو وايد


وصح احسن شي المرة اتنفس اببيتها عالبيبي الثاني او الثالث




حبيبتي لاتزعلين على اهلج اهلج يحبوونج لو مايقولونها لج

اهلج مايبيلها بعد

 

[salamq8]

الله يريح قلبج ويحنن قلب ابوج عليج انتي قلتي ان ابوج هو الي يودي زوجته اخوج يمكن لان اخوج يكون مشغول
علشان جذي ابوج يحل مكان اخوج اشوف الوضع عادي
وبنسبه لعيالج يمكن عيالج مؤذين غير عيال اخوج علشان جذي مقدر يتحمل ازعاجهم
بعدين ماسمعتي المثل الي يقول
مافيه اغلى من الولد الا ولد الولد
ولا تتحسسين كثير من الموضوع هذا وربي يوفقج

الغلا كله لابوي لا والله عيالي مايؤذون والله ويسمعون الكلام
من الناحيه هذي العكس والله عيال اخوي حيل شياطين حيل بالعكس ولد اخوي هو اللي يطق ويخرب ..
بعدين قلت لكم اهي كافيه خيرها شرها مانشوفها الا اذا تبي ابوي يوديها

 

[كتكوته نورة]

مم خلاص حبيبتي لا تروحين الا يوم الزوارة !! بس ابوج مو عادل الصراحة يعني حتى لو يعز مرت اخوج وعيالها المفروض ما يبين لان اكيد الكل بلاحظ وانا ما احب التفرقه .. صج شي يحز بالخاطر ..بس شنو تسوين ؟؟

واذا على سالفه النوم .. انا لو منج ما انام الواحد ما يرتاح الا بيته .. روحي خفيفه عزيزة وردي ما فيها شي ... لا انتي تزعلين ولا اهم يضايقون .. والله يهدي الجميع .. واذا مرت اخوج ادخل اهلها او رفيجاتها حبيبتي هي بعد روح تبي تزور ويزورونها مو قاعدة بسجن ..طبقي مثل " الباب اللي يجيك من ريح سده واستريح "
..لا تعورين راسج

تقبلي مروري ...