ابلات شرايكم بتخصص الحاسوب ؟؟

[طبعي مزاجيه]

السلام عليكم ،،،

شلونكم ابلات؟؟ وكل عام وانتوا بخير

حبايبي انا ان شاء الله مستجده بالتربية الاساسيه تخصص حاسب الي

وحبيت اسألكم شرايكم بالتخصص هذا من كل النواحي

وماقصرتوا ويعطيكم الف عافيه

 

[طبعي مزاجيه]

اااااااااااب

 

[طبعي مزاجيه]

شدعوه ابلات ماهقيتكم جذي بالمره

 

[مشغوله و محتاسه]

انا مو حاسوب ..

بس اشوفه تخصص ممتع و ما فيه المغثه الموجوده بالمواد الثانيه خاصة الاساسية


خوووش اختيار .. موفقه

 

[طبعي مزاجيه]

ياابعد جبدي والله ،،،

عسى الله يعطيج كل اللي في بالج جانج قدرتيني ورديتي علي ،،

جزاج الله كل خير،،

وكل عام وانتي بخير يا احلى ابله ،،

 

[شيوخ ــه]

ابلات ردو بليز



انا بعد نفس التخصص فيدونا بليز

 

[~NaZaKa~]

الله يوفقكم كلكم
الحمدلله انا متخرجه وصارلي سنه من توظفت
ترى التخصص مو سهل شدي حيلج بمواد التخصص خصوصا البرمجه والرياضيات مع اني اشوف الرياضيات اسهل من البرمجه
وحاولي تيبين a بالمواد العامه عشان ترفعين معدلج .
والله يعينكم على الي يدرسونكم لانه غالبيتهم مو دكاتره خصوصا الحريم
ونصيحه بعديي عن رئيس القسم لاتاخذين مواد عنده عشان لاتتعقدين لووووول
امممم وبس التخصص حلوو ومفيييد
واحلى شي انج لمه تتوظفين تحضرين مره وحده حق سبوع كامل مو نفس باجي التخصصات الي يحضرون كل يوم
وحاولي تتعلمين البوربوينت عدل مع الالعاب التعليميه لانه اهوا الي راح يفيدج اكثر شي بالتدريس ، وحطي ابالج احتمال يخلونج تسوين موقع للمدرسه فتعلمي من الحين الفرونت بيج وهالسوالف .
والماده اساسيه وفيها امتحان عملي وشالوا الامتحان النظري وبس بعد مادري شنو اقول
بس اي سؤال عندج انا حاظره دزيلي رساله خاصه لانه يمكن ماارجع حق الموضوع
وكل عام وانتوا بخير

 

[طبعي مزاجيه]

مشكووووووووره ~NaZaKa~ وماقصرتي يالغاليه على هالنصايح الحلوه ،،

 

[بعيون مغليك]

رووعه والرياضيات سهل ان شاء الله ما كان صعب بس كان الغاز الي تنحل لوووووووووول بس حلووو طبعا لاني كنت اتابع الشرح

ومواد البرمجة لما عديت 3 كورسات دريت انهم سهلين بس اول ما خذيناهم خذيت اول برمجه عند وحده غثيثة



بس ترا سهلين حيل والمواد الثانية شسويت فيها كله اترجمهم بالعربي واحفظ الكتابة والحمدالله فهمت وعرفت


وبالتدريس سهل وحاطه رجل على رجل بالمقارنه مع الاقسام الثانية بس عندج مناسبات معينه تشتغلين فيها


ورئيس القسم صلاح يهبل بس مجنون لووووووووووووووووووووووووووووول حده مجنون تراه ما يراعي البنات خصوصا المشاعر حسباله يكلم بنات ويقط كلام عااااااااااااادي عنده

ويحب يطيح الميانة فابتعدوا عنه تراه يغث خخخخخخخخ

 

[طبعي مزاجيه]

بعيون مغليها مشكوره على نصايحج الحلوه

بس تكفين رئيس القسم لا يكون عنده مواد محتكرها لعمره ؟؟

تكفين ترى ما اواطن النوعيه هذي

 

[DKNY]

الله يوفقكم انا ابلة حاسوب سعوديه

بالكليه شوي صعب بس بالتدريس يووونس

موفقين

 

[طبعي مزاجيه]

عسى الله يوفقج دكني ،،،

ماقصرتي على مرورج بموضوعي

 

[ShoO8ShoO8]

انا ادرس حاااسوووب


ابشرج صلاح اللحين مو موجود

الدفعه الاخيره كانوا ماسكينهم عدل احسن الدكاتره يدرسوونهم


انصحج بالدكتوور الفووودري اي ماده عنده اخذيها وانتي مغمضه يبهل يبهل


هدى قرطم اشوفها ماسكه المستجدات الدكتوره هذي تفهم عدل بس مشكلتها ما تلغي وماتغيب وامتحاناتها كل شي تجيبه ما تخلي شي


اغلب الدكاتره يعتمدون على الكوزات يعني تقريبا كل اسبوع اسبوعين يسون كوز


التخصص شوي دسم مو هين بس مستقبله حلو


اللحين دور النصااايح


شوفي نصيحتي لج انا والله ما طبقتها وندمت ندمت

بس اشوف البنات اللي معدلاتهم حلوه يسونها
ماراح اقولج كل يوم ادرس بس على الاقل كل نهايه ويك اند ادرسي شنو اخذتوا بالاسبوع كله لانه المعلومات تراكميه
لا تغيبين لانه ترى لانه اذا غبتي ماراح تفهمين لو قريتي مني لي باجر


خلي الدكاتره يحفضون اسمج


واذا طلبوا منج مشروع حاولي تسوينه بسرعه قبل موعد التسليم لانه دايم مواعيد التسليم مع الفاينل


وانتبهي حق المواد اللي يكون قبلها مسبق عشان ما تتوهقين


وحااااولي يكون معدلج اول سنتين فووووق 3 نقاااط لانه ترى اخر سنتين صعب ترفعينه


اتمنى اني فدتج ولو بشي قليل

 

[طبعي مزاجيه]

اول شي مشكوووووره على البشاره الحلوه ان صلاح شالوه

وثاني شي لا والله يابنت الحلال عز الله ماقصرتي بيض الله وجهج وعسى ربي يوفق بدراستج ،،

ومشكووووووووره على النصايح الله يجزاج خير

 

[بعيون مغليك]

الفوووووووودري محترم وخوش ريال ما شاء الله ومتفهم

وهدى قرطم شاااطرة بس لا يحوشك متعبببببببببببببة وتهد الحيل المهدود تحسين جنج برابعه ثانوي وكل مادة تموتين عشان تجبين عندها علامة

 

[اينشتاينه]

انا مو ابله بس اخيس ماعندي حصه الحاسوب
البنات كلهم نايمييييييييين والابله نايمه .. والليتات مصكره و المكيف باااااارده يعني مكان مخصص للنووووم ( احسن من جذي مكان للنوم شنو )؟؟؟

 

[فديت الكويتين]

الله يسهل

 

[طبعي مزاجيه]

ماقصرتوا بنات ويعطيكم الف عافيه

عندي سؤال بما ان هدى قرطم ماسكه المستجدات \\ وبدايه الكورس راح يخلونا نختار من الجداول الخمسه

سؤالي هل بالجدول قبل لا اختاره مسجل الماده شنو ؟ ومنو يعطيها ؟؟ علشان اقدر اتحاشاها

 

[شيوخ ــه]

الله يعطيكم العافيه بنات ريحتوني بس مالي خلق صعوبه اوف يا ربي

 

[طبعي مزاجيه]

ااااااااااااااب