ابلات الروضة ؟؟ ليش بعرف ؟؟

[***بنت الكويت***]

الله كريم ان شالله مثل ماقالوا الاخاوات وين بيلاقونها معلمات الروضه الله يصبرهم بس خلوني ساكته احسن

 

[عهود الحب]

هلا اختي

لاعادي دام اول بيبي عندج معناته مضيعه حدج ههههههههههه

توني رادة من سوق بومية
وشايلة اكياس متروسة العاب وهدايا واستكرات والله لعيال هالروضة
انا اعتبرها تفريحة لقلب الجاهل
ومرات اقعد اخر فترة قبل ردتهم للبيت ارسم لهم رسم وجوه عليهم
يستانسون



والله هي من الله محبة الجاهل وتفريحة ولانبي من الادارة فلوس قطيعه
احنا نشتري ابرك لنا

واريح لضميرنا
والجاهل الي يجيبه والله مايعادل 10 % من الي نقطه عليهم


واخر سنة لي خلصت الكلينكسات


اشتري لهم من حسابي
خو عادي شالمشكلة
متعودين ابلات الرياض

 

[smily]

المفروض انج مدرسة و تحسين فينا

الطلبات الي ذكرتيها لإستعمال الطفل الشخصي بس مو معقولة و مو عملية اني اخلي كل طفل يدخل الحمام كرمج الله ومعاه صابونه الخاص يغسل ايديه قبل و بعد المطعم !!!!!! ما اعتقد يصير شي اذا حطينا الصابون و خلص و شلانه و حطينا غيره و نفس الشي للكلنكس احنا بروضتنا ما نطلب كلنكس بس الصراحة ما الحق
و الميزانية الي تكلمين عليها ما تشتري لنا الروضة منها كلنكس و هل السوالف لانه في اشياء اهم
و سالفة الهدايا هذا من فلوس الابلة حسابي الخاص و اعتقد تعرفين انه رياض الاطفال غير عن الابتدائي او المتوسط انتي قاعده اهني تكافين الي تميزت و يابت درجة عالية لكن احنا عكس وترى بو 100 مو كل الالعاب الي فيه ب 100 فلس ولا شرايج .. و على فكرة شي انا اتبعه باخر السنة الهدية تصير سبشل
و ترى الفلوس الي نستلمها من اولياء الامور برضاهم و يوقعون على الموافقة و لما اروح اشتري اكاسر البايع عشان احافظ على المبلغ و اشتري اشياء تنفع الاطفال و اختار احسن شي و افضل كوالتي كل هذا لمنو حق الاطفال ماكو شي داخل بجيب الابلة ولا بجيب الادارة اذا انتي ما تبين تشترين الكلنكس لا تشترين عطيه كل يوم علبة الجيب ولا تخسرين تشترين كلنكس

 

[رفرف]

بنت جنيف انتي مدرسة يعني عارفة وزارة التربية وخابزتها تدرين ان الادارات ما يوفرون هسوالف ..


من صجج احنا ابتدائي وكلشي من جيبنا حتى الاحبار والورق لين العام واحنا نشتريهم ما يوفرون لنا ..
الله يعافي القرار اليديد ان ميزانية كل قسم خاصة فيه ما تنعطى كلها للادارة قمنا نشتري اغراضنا والا طول هالسنين نشتري من جيبنا مو شي يديد ومدرسات الروضة ترى يصرفون اكثر منا الحق حق كلشي من جيوبهم ..

 

[ملاك-77]

عادي كل هالطلبات عاديه للاطفال والمدرسات ماياخذون منها شي لبيوتهم لووووووووووول


<<<<تتحرش

 

[ع ــندك / خ ــبر]

حبيبتي عمرج شفتي مدارس توفر الكشاكيل والجناط والمقالم والقرطاسيه ؟؟

طلبات الروضه تعادل هالاغراض واذا على الكلينكس شفتي الـ 6 علب اللي طلبتهم الابله ترى مايدومون حتى لنهايه الكورس

استهلاك الاطفال للكلينكس مو طبيعي واذا انتي ابله ابتدائي وماتوفرونه هذا لان الطلبه عندكم يعرفون يعتمدون على نفسهم

وبالنسبه لادوات النظافه الصابون والفرشاه ترى هذا بند تقيم عليه المدرسه في فتره عندنا اسمها غسل الايدي ,, بشنو يغسلون يعني ؟

وبالاخير هالاشياء كلها ترد لج الالوان والصدريه واللي يبقى من الصمغ والقص واللصق مافي شي يدش بجيب الابله

كونوا متعاونين وخففوا على الابلات وعلى فكره ترى الاداره اهي اللي تطبع الاوراق وتختم عليها روحوا كلموهم وفكونا من الاحراج

الله يعين الابلات من وين بيلاقونها من الادراه والتوجيه والا من اولياء الامور

:ggdw::ggdw:

صاجه والله على قولت الدكتور بدر الشيباني

انتم يالمعلمات متعذبات

خمسة يحاسبونكم

الناظره
الوكيلة
المشرفة
الطالب
أولياء الأمور

:ggdw::ggdw:

هذي شغلتنا صح بس ارحمونا :krkrkr:​

 

[fofowa_q8]

اول شي البنات كفو ووفو يعطيهم الف عافيه

ثاني شي انا عني والله كل اسبوع اروح لازم اشتري هدايا حق الاطفال

والعاب وستيكرزات ومرات بعد مو من بو 100

وماابي الا الاجر واني اشوف فرحة الاطفال لانهم مثل عيالي

غير الوسائل والالعاب والصور وكل الاشياء اللي قاعدين نصرف عليهم بالهبل بس عشان نعلم عيالهم

ياليت اولياء الامور يحسون بهالشي ويقدرون ..

 

[ريااانه]

ماقول غير
الله يعين المدرساااااااااااااااااااااااااااات

 

[fofowa_q8]

اي والله الله يعينااااااااااااا تعبنا :0bee2e8d89:

 

[*أم*خالد*]

بس بقول شغله

والله لو ابله طالبه 5 ومريحتنا من الفراره احسن زين تسوين والله

المعلمة ممنوع تطلب فلوس لأن اولياء الامور وصلت فيهم انهم يشتكون بالوزارة ((( ليش المدرسه تبي فلوس )))

من جذي طلعت سالفه ( ورقة الطلبات ) وفراره وحوسه

 

[أم سعـود]

حبيبتي عندج خبر ان عيالكم طالعين داشين ماسكين كلينكس

كل دقيقه ابله ابي كلينكس

حتى الوجبه الخفيفه لازم كلينكس تحتهم

رايحين المطعم يغسلون ايدهم

يردون من الفرصه يغسلون وكلينكس

وصخو عمرهم كلينكس

وجبه خفيفه كلينكس اول الاكل واخره


طبعا طبعا والصابوووون عاااد استهلاك خيالي

كل دقيقه نظافة البيت تطلع بالروووضه ابله حمام ابله بغسل ايدي

الديره تعطي ميزانيه بس على العاب على قرطاسيه طبعا طبعا انتو ماتأثثون الروضه ولاتحطون طاولات ولاكراسي ولا العاب ولا دوارف

ولا تصبغون ولازل

ولابردات

يعني الاطفال يدشون يدرسون ويطلعون والله خبيتووونا كل ماروح مكان محتجين على الطلباتعدال على الابتدائي انا بنت خالتي ورقتها طالبين حبل للفنيه

حبل وصخر ورمل ملون

يعني كل مكان فيه طلبات والالعاب التربويه الابلات مايطلبوونهها ويلعبون عيالهم فيها حق عيالكم ترا اخر السنه بيردووووووووووووون لاتخافون

والصمغ وغيره اي شي زايد بنرد ترا كل شي عليه الاسم

وسالفة الهديه حبيبتي تدرين احنا مانصرف على العالم والهديه من المدرسه مطالبه فيها كتعزيز لسلوكيات الطفل ويزاها الله خير جانها يابت من بو100

ترا حسبي 29 ياهل من بو 100 باليوم 2900

وبالشهر وبالسنه غير المنبهات وشغل المجسمات حبيبتي يكلف وايد

وترا الابتدائي مايقطون مثل مانقط احنا وعلى فكره وايد ناس اعرفهم بالابتدائي يردووووون بيدهم جنطتهم وبس وان صار وتفوقت يابولها بو100

برواز والا مقلمه

وااي واااي والله اللي يسمعكم يا اولياء الامور يقووول ان احنا حاطين الكلنكسات ونمش خشوومنا ونلعب عيالنا بالعاب عيالكم

لوووول ذكرتيني بموقف وحده يابت جيسها حطته كل ماخذا ياهل كلينكس قالت هييي هذا كلنكسي استأذن مني

طبعا غير اللعبه ياويله اذا احد لعب فيها

والحلااااو ان يابووووه وقلنا وزعوووه اخر الدوااام قالووو بفلوووووسنا هذا

وين قاعدين

 

[عسولة الكويت]

بصراحه من اللي شفته بروضة بنتي اقول
الله يعينكم يالمدرسات ولايضيع تعبكم وعساكم عالقوه

 

[ام كتكوت]

بالعكس حبيبتي من ناحيه روضه ولدي والله مايقصرون الله يعطيهم العافيه

يمكن الروضه اللي انتي فيها طالبين جذي

احنا اطلبو علبتين كلينكس بس

وفي بعض الاشياء ماشريتها وماقالوا ليش مايبتي ؟؟