ابفضفض لانه حااااااااااز بخاطري لاتنسوني من الدعاء مثل مانسوني اهلي

[@الليدي لين@]

لا تلومين امج اكيد اهي قالت لج جذي لانها صج ما تقدر اتيي لج

حاولي اتييبين لج خدامه هذا الحل الوحيد

 

[القلب الصافي]

قلوبنااا معاج والله يسهل ولادتج وتولدين بالسلااامه ..
تقدرين ياقلبي تجيبين ممرضه للبيبي خلال فترة النفاس احنا بالكويت عندنا شركات تأجر ممرضه سستر تجيلج وتساعدج وان شاء الله يكون عندكم نفس هالشركات الطبيه

 

[مسك وطيب]

الله يقومج بالسلامه ولا يحوجج لأحد

اكيد الوالده اذا سمعت خبر ولادتك بتجي تزورك واذا شافت النونو بيحن قلبها عليه وبتجلس عندك كم يوم

بس نصيحه حاولي تجيبين شغاله مؤقته لفترة شهر الين ماتصيرين احسن

والله يكون بعونك يارب

 

[الرهينة]

كان الله في عونك
الله يعون عليك ويقومك بالسلامة
والله أنا أختك
حملت وولدت وحبت أربعة والخامس في الطريق ...ماعندي غير ري العالمين وزوجي
والله من المستشفى على المطبخ على طول
بس الحمد لله أنا جبتهم طبيعي
وأنا أختك الله لايحوجك لأحد من خلقه وإن شاء تقومين بالسلامة
كلها اسبوع وإن شاء الله تعدي على خير
وزوجك ماراح يقصر معك
أسأل الله سبحانه وتعالى إنه يسهل ولادتك وتقومين سليمة معافاة

 

[q8sweeta]

حبيبتي دوريلج وحده تطبخلج طبخ بيوت وعطيها فلوس شهري اتفقي معاها
اما زوجج يمر ياخذ الاكل او اهي تيبه عندج دوريلج هالفترة
او اتفقي مع واحد مع اامطاعم
شتسوين
واذا علي نفاس
اهي مطارة دارسين و اخذيلج لهوم شغل بيوت وسمسم عشان الحليب ترى كافي
والجرح حطيه عليه ميبو لا تحاتين
وعندج اكياس بابونج او ينسون او دارسين مالوت الشاي شربي منهم

انا بجريه وامي متوفيه واختي مسافرة وماعندي احد وبتم في بيت ريلي وماعندي احد وانا بنفس روحي وفي ناس من اهلي بينفسوني معني ماطلبت
وحاولي تطلبين شغاله مو الا تطبخ بس المهم تنظف وتغسل وتكوي عندج وقت واذا ماتبين طلبي وحده تييج بالساعه
واكيد في ممرضات او شركه تمريض تقدرين تطلبين وحده تمرضج اول اسبوعين بعد الولاده
الله يعينج
بس زهبي شغلج من الحين وخلصي امورج وكتبي اللي بتسوينه ومحتاجته عشان ماتحوسين
الاكل مقدور عليه بس الشغاله بتساعدج وايد
بس انتي صفي نيه
*الله معاج والله لا يعوزج حق احد ان شاءالله
واذا تقدرين روحي حق اهلج امرج لله قبل السابع

 

[q8sweeta]

اي صج وخل زوجج ياخذ اجازة ووقت ولادتج امرك لله

 

[BiiShOoO]

حبيبتي عورتي قلبي و دمعت عيني عليج

سبحان الله الدنيا صارت جذي

الله يهون عليج و يقومج بالسلامة يا رب

 

[آهات الليل]

حاااااااااااسه فيج بكل معنى الكلمه
ياليتج بالكويت والله ماقصر معاج
عسى ربي يسهل عليج ويتمم عليج الحمل وتولدين بسهاله
والله لااااااااااااااا يحوجج لاحد ان شالله
انا عن نفسي بنفاسي بروحي بشقتي واعابل ابناتي ال3 والحمدالله عدت ولامنة احد حملت وولدت 3بنات وكله بشقتي بس انتي مشكلتج بتولدين قيصريه يعني راح تكونين بحال الله العالم فيه اتفقي مع وحده تسوي اكل نفاس؟
واذا عندكم شغاله نص دوام او جيبي شغاله تساعدك ولاتكونين بروحج

 

[noof nasser]

الله يقومج بالسلامه

 

[عبث طفله]

..

الله يكون بعونج .. ولا احنا ما نقدر نفيدج بشي الاا الدعاء

 

[همووم القلب]

حبيبتي الحين كل واحد يقول يالله نفسي محد يفديد الثاني حتى لو امج وخواتج حبيبتي اعتبري نفسج مسافرة وبغربة وماعندج الي يساعدتج وانشالله 10 ايام وتقومين بعافيتج قبل لاتولدين نظفي البيت وفريزي مثل ماقالو البنات واذا تقدرين تتفقين مع مطعم يسولكم الفطور احسن وغسيل الملابس وديهم المصبغة فترة هالاعشر ايام وانشالله تهون والله يقومج بالسلامة انشالله

 

[ام ناصر 2009]

الله يهون عليج ويقومج بالسلامه .. بس ترآ المعروف الي تولد تروح لآهلها مو آهلها يجون لهآ ..
يعني مو معقوله بتجيبين الوآلده تخدم لج وللرجآل والبيبي ..!
آنتي شيلي قشج وروحي لهم .. ترآ معهآ حق .. مو حلوه تجي بيت الرجآل او ترسل اختك عنده ..!
و زوجج غلطآن بعدى لآنه يزيد الطين بله بكلآمه بدآل لا يتحلطم على آهلج ويشيشك عليهم يجيب لك
خدآمه الله لا يهينه .. مآفي رجآل يشوف مرته بالحآل هذي ويسكت ولآ يسوي لها شي آو يتحمل شهرين بروحه ويخليج تروحين لآهلج يقومون فيج ..!
مآلج حق تزعلين عليهم ترآ .. حرآم تشيلين بقلبج على سبب مآ يسوآ وانتي الي مآتبين تروحين لهم ..!

معاها:rerrerek:

 

[قــل مـا تـشـاء]

الله يعييينج حبيبتي ويفرجها ويسهلها عليج
بس ليش ماتكلمين أحد من اهل زوجج يجونج , او عماتج خالاتج ؟!

 

[متضايقة]

والله انا انصحج

انتي روحي عند اهلج اصلا انا ما شفت مرة بجرية تقعد عند اهل زوجها الا وحدة والكل كان ناقد عليها

مو حلوة بحقج ولا حلوة بحق امج انها تجي بيت الرجال عشان تخدمج

والله مو حلوة

تعودي من الشيطان وروحي بيت اهلج

حتى عشان يشتاقلج الرجال

وسلامة قلبج

 

[االفرس]

حبيبتي ما عليه هي الدنيا صايره تخوووف بس أهم شي تجيبين خدامه تساعدج ومن ألحين زهبي أغراضج حقج وحق البيبي ولا تنسين الدعاء والاستغفار ترااه يفرج الهم ويعدي هالاشهر عليج بهوون وسلامه ولا تضايقين نفسج حيل مو زين ع البيبي واذا احتجتي اي سؤال او استفسار أسألينا وانشالله انا والبنات ماراح نقصر بنجاوبج ع طول الله يهون عليج بالسلامه ويفرح قلبج بالبيبي وينسيج كل اللي مر عليج وتصير ذكرى .....وصدقيني مراح انسااج بدعائي يا الغاليه

 

[كااامل الزين]

لاحول ولا قوة الا بالله توكلي على الله واعدري امك شتسوين لازم تطلبين خدامة واطلبي من الحريم الاكلات الجاهزة القبوط والسمبوسة واشتري الدويات وقولي لزوجج يدبر امورة يفطر عند اخوة قرايبة عالاقل اول اسبوع والله يهونها وكبريها تكبر وصغريها بتصغر ما ماتوا اللي بروحهم بالنفاس

 

[ELFAD3Ah]

الله يسهل عليج والله انشالله ماينساج

 

[Lady-_-fushia]

قوة حبيبتي الله لا يحوجج لاحد ايا كان
نصيحتي لج سافري مدام انتي بالسادس و تقدرين الحين
وروحيلها
يمكن لي شافتج ييتيلها تنصدم و تقوم فيج و بصراحه هذا
احسن شي تسوينه انتي وزوجج خل ياخذ اجازه اذا يقدر
او يظل مع اهله مثلا و يقومون فيه واذا يقدرون ليش ما تقعدين عندهم؟
اذا مايقدرون روحي لاهلج واهو يا يروح وياج يا يقعد عند اهله
يعني يتراوالي حتى الخدامه شعرفها تساعدج؟! بالنفاس و هالاشياء
واهي الخدامه بروحها يبيلها جم شهر عشان توصلج يعني يمكن تولدين و تنفسين
واهيا مايات و ذيك الساع بتعلمينها و لا بتشيلين روحج و النونو و زوجج

الله يسهل عليج و يثبت حملج ان شاء الله لحقي روحج و روحي قعدي عند اهلج
وحتى لو امج قاسيه وياج اهيا تظل امج و اعتبري تحملج لقسوتها بر الوالدين
ولج الاجر ان شاء الله
بس روحيلها احسن لج فكري بنفسج و بطفلج

 

[ام عجمية]

ودي اساعدج لكن ماني عارفه ،لكن صدقيني كلها تساهيل من رب العالمين واذا ولتي بالسلامه راح ترتاحين اشوي ونفسيتج تتعدل وتعتمدين علي نفسج

 

[أحبج يمه]

حبيبتي الله يسهل امورج