ابشنو تطبخون ؟

[ام دودو المزيونه]

خواتي بغيب اسألكم شنو نوع الجدور الي تطبخون فيهم ابصراحه انا استعمل الألمنيوم وسمعت عن مخاطره وفي التيفال بس هم قالوا ان الماده السوده فيه هم خطره شنو الأفضل استعمل الستانستيل

ومن وين تشترونه في بايكيا احد جربه وهل في مكان ثاني يبيعهم وهل اهو الأفضل للطبخ افيدودني وجزاكم الله كل خير

 

[زهقآنه]

استخدمي ستيل 18 على 10 هذا احسن شي وموصين فيه للي يبي يحافظ على صحته

وترا هو مو بس قدر لا يحفظ الاكل حار كأنه حافظه

وغير هذا شكله روعه ويلق لق واسعاره بمتناول الجميع

تلقينه بالتركي

والله اغلب الدكاتره ينصحون فيه ولاتستعملين التيفال وغيرهم ترا امراض والله

الحمد لله من زمان واحنا على الستيل الاصلي شكل ومضمون وصحه

 

[سلوى هانم]

هلا حبيتي انا اسنين استعمل اجدور الستانستيل انا عندي النوع الايطالي واهو احسن نوعيه في السوق صج غالي بس سعره فيه تلقينه في شركة المضيان محل في مجمع الرحاب او في الشويخ / اول كان سوق لندن عنده هالنوعيه بس ما ادري اذا لي الحين عنده / في ابيكيا يمدحونهم بس احجامهم اصغار .

 

[M!δδ Cu†e]

في درااسه اكتشفوا ان الطبخ في جدور الالمنيوم من اسباب الاصاابه بالسرطاان ..بصرااحه ماعندي معلومات عن التيفال ومخاطره بس يقولون ان الطبخ في الاستانلس ستيل افضل للصحه..

 

[ام دودو المزيونه]

تسلمون حياتي ما قصرتوا بشروا من باجر بقط الألمنيوم وبشتري استيل ومشكورين علي المعلومات ما قصرتوا انا اول ما تزوجت يالي هديه طقم استيل بس الجدران مالته حيل خفيفه وكان يحرق الأكل ابسرعه فبصراحه قطيتهم وكانوا اهل زوجي شارين الألمنيوم ومن يومهم استعمل الألمنيوم

 

[زيـטּ عَبْس]

الإستيل أفضل شي

واختاري الغالي الثقيل

مو الخفيف والرخيص


والمواعين احنا نييبهم من مصر ستيل قوي

وفي بإيكيا شايفتهم تستخدمهم منال العالم

وتحيياتي

 

[LUXURY]

صراحه استفدت لاني ابي اشتري حق رمضان ماعندي جدر كبار
ان شاء الله اروح اشتري

 

[ذات الهمة العالية]

طيب محد جرب الفخار المغربى