ابر الخشم عند ماجد تقي

[أميرة-]

بنات موعدي عند الدكتور بعد جم يوم

بعرف اللي سووا تنصحوني فيهم ولا لا ؟

انا خشمي زين يعني مافيه عظمه ولا اعوجاج بس الارنبه شوي عريضة يعني يبيله شوي تضبيط تهقون تنفع الابر لحالتي ؟ لانه سمعت يبين على اللي فيهم عظمة بارزة اكثر

 

[^^ananasa^^]

حبيبتي الابر تملي المنطقه (الخشم)
برايي ما انصحج
استخيري احسن

 

[أميرة-]

رفع

افاا محد جربها

 

[أميرة-]

وينكم بنات

موعدي اجلوه كان المفروض الاسبوع اللي طاف

 

[costa chic]

up up up

 

[مترجمه]

حبيبتي انا مادش هالقسم بس صدفه دشبته وماحبيت اطلع بدون مارد عليج انا جربتها وفظييييعه وتهبل وتغير من شكلج طقيت فيلر و الي تذوب اعتقد اثنينهم130. المهم اول اسبوع يورم حطي اللزاق ودلكيه عقب تطلع نتيجه وخشمي نفسج عريض بدون اعوجاج ولا عظمة حمدلله


والله يوفقج
وادعيلي تتسهل ولاتي

 

[أميرة-]

ويييه يورم مو باقي شي على الرمضان اطلع للناس وجهي مورم !!


عمومًا أنا صرفت النظر عنها لانه مبين العيادة بوطقه لو تدرون شنو سووا فيني .. من شهر 2 وانا ادق عليهم ابي موعد وليما الحين مادخلت على الدكتور !! اول مره عطتني موعد عقب شهر يعني شهر 3 يوم صار التاريخ انطرهم يدقون علي محد دق يوم دقيت عليهم جان تقولي السكرتارية ماكو موعد باسمج المشكلة اني متأكده من التاريخ اللي عطتني قلت ماعليه حجزت موعد ثاني عقبه بشهر .. بنفس يوم الموعد توني بطلع من البيت قبل الموعد بأقل من ساعة دقوا علي قالوا الدكتور ألغى المواعيد قلت ماعليه عطوني موعد ثاني نفس الشي اهم من نفسهم كنسلوا بيوم الموعد .. اخر مرة المفروض موعدي يوم السبت هذا اللي طاف طبعًا كل مرة احدد موعد تعطيني تاريخ بس ماتعطيني وقت تقول ندق عليج قبلها بيوم نقولج متى تجين .. يوم الاربعا دقيت جان تقولي الخميس ندق عليج مو الحين .. انطرهم يدقون محد دق

صراحة انا طاب خاطري مبين العيادة بوطقه وتعاملهم مو شي والسكرتارية نفسية

حدي محتره من تعاملهم

 

[om MaRyooM]

ينفع للخشم العريض الدهني
موااعظم
العظم يبيله نحت يعني عمليه

انا سويتها واستانست من النتيجه
سويتها.عنده ب120 دينار وفتح ملف 20 دينار وتاخذين لزاق ب3دنانير
بس ترا يعوور حيل
والنتيجه حلوة بس ااتغيي خفيف

 

[*ماي الورد*]

رفع
ودي اجرب

 

[ام شريفه]

العياده من زمان بو طقه

انا كلما اروح عيادتهم يا يدخلون وحده قبلي و انا يايه قبلها او يا انه الدكتور اييه متأخر حده و يزرعنا زرعه محترمه كل مره!

 

[الهام 2009]

اب اب

 

[*الهنوف*]

وحده اذكر كاتبه تجربتها هني كانت مسويتعم بدار الصحه بالجليب عند دكتوره روسيه علي ماعتقد
وحيل استانست من النتايج والابسره تنشف الدهون اللي بالخشم الكبير علي 28 بهالحروه