ابر الحديــد ،،، بين رفض الحكومه وقبول الخاص  فيدوني !!!!!

[Zaina-al-zaina]

​

السلام عليكم


اشلونكم حبوبااااات


بليز بليز ساعدوني صج صج انا محتاره ومتردده !!!

انا باجيلي جم يوم وادخل الشهر التاسع !!!

نسبة دمي 9 !!!

رحت لمستشفى الخاص وقالت لي الدكتورا لازم لج ابرررر حديد !!!
12 ابرة لمدة اسبوعين !!!

فشريت 2 من الصيديليه ورحت باخذهم يالمستوصف ، ولما رحت رفض المستوصف يطقوني الابر !!!!
وقالوا
روحي المستشفى ولما رحت لمستشفى الحكومه ورفضواااااا وقالوا الوزارة مانعه هالشي !!! لانه يمكن يسبب لج حساسيه



والبديل انهم يعطوني جيس دم وقت الولاده !!!!

البلشه اني خايفة ، لاني بحملي الاول رفضت اخذ ابر حديد وجيس دم قبل الولادة وتعبت وقت ولادتي !!!!

وابي اخذ الحين ابر الحديد عشان مااعيد اللي صار لي قبل !!! بس من قالوا لي الوزاره مانعته خقييييييييت ؟؟!!!!!


بليز بليز فيدوني !!!! *

 

[".شاعريه."]

رد: ابر الحديــد ،،، بين رفض الحكومه وقبول الخاص  فيدوني !!!!!

استخيري حبيبتي
صج ضعنا بين الحكومه والخاص

 

[أحلام العمر]

رد: ابر الحديــد ،،، بين رفض الحكومه وقبول الخاص  فيدوني !!!!!

توكلي علي الله واخذيهم بالخاص وراح تغنيك وقت الولاده عن كيس الدم اختي تو والده ودمي اكثر منك نازل وخذت الابره بالوريد بمستشفي الهادي

 

[Zaina-al-zaina]

رد: ابر الحديــد ،،، بين رفض الحكومه وقبول الخاص  فيدوني !!!!!

الــلــه كريـــــم ،،،،

 

[Um Ritaj]

رد: ابر الحديــد ،،، بين رفض الحكومه وقبول الخاص  فيدوني !!!!!

انا خذيتها بالوريد بالخاص بعد بمستشفا السلام وكان الدم عندي ٨

 

[شيهانة]

رد: ابر الحديــد ،،، بين رفض الحكومه وقبول الخاص  فيدوني !!!!!

اخذيهم وانتي مغمضه انا الحين دمي ٨ وقالولي الحكومه بنحطلج جيس دم رفضت اخاف دمهم ملوث ورحت الخاص واخذت ابر الحديد الحين اخذهم

 

[روح الأحزان]

رد: ابر الحديــد ،،، بين رفض الحكومه وقبول الخاص  فيدوني !!!!!

والله حبيبتي كنت اتمنى افيدج بس ماعندي فكرة آنه الحين بنص السابع وعندي انيميا يعني ممكن يعطوني هالابره نفسج؟؟

 

[آجمل نسآء آلدنيآ]

رد: ابر الحديــد ،،، بين رفض الحكومه وقبول الخاص  فيدوني !!!!!

اختـي معاها فقرر دم ولازم تاخذهم قبل تدخل التـاسع ..~

توكلـي ع الله واخذيهم .. وتقومين بالسلامه ان شاءالله ..~

 

[حكآية قلب]

رد: ابر الحديــد ،،، بين رفض الحكومه وقبول الخاص  فيدوني !!!!!

هلاااا


انا توني من اسبوع خلصت كورس ٣ اسابيع مقررة لي ١٠ ابر

و قبل لا اخذهااا رحت لدكتور بالحكومة قال الابررررة كلش مافيها خطورة ابد

بس ياخذونها عشان ترفع معدل الدم بسرعه


و انتي زينه لحالتج


لان الحين محد ياكل اكل يرفع معدل الدم

 

[ام فطوووم]

رد: ابر الحديــد ،،، بين رفض الحكومه وقبول الخاص  فيدوني !!!!!

حبيبتي الوزاره مومانعه لان اهي اتسوي حساسيه والا شي
لااااا لان مايصير لاعالجتي بالخاص اتيين للحكومه
انه اشتغل ابهالمجال وعارفه كل شي
والابر انه خذيتهم وكنت اخذهم بالحكومه لان عندي واسطه
بس مره كنت زايره وحده من الاهل بالعدان فقلت خلا اروح الطوارئ واخذ الابره بدال لا اروح مركز شغلي
يوم رحت ارفضوا ان يعطوني لان الابر من الخاص بس واذا ابي ادش على دكاتره العيادات الخارجيه
واهم ايقررون اذا اخذهم ولازم تحاليل
فعصبت عليهم وقتلهم ولامنتكم انه اروح لمكان ثاني بس لاني كنت بالعدان وتعايزت اني اروح مكان شغلي
وكملت كورسي كله الحمدلله ودمي ارتفع

بس ابهالحمال دمي ١٠
ودكتوري بمستشفى الاحمدي البترول قالي مايحتاي عادي وزودلي جرعه الحديد بس مت من الامساك
فقطعتهم

اخذيهم حبيبتي ومالج شغل باحد

 

[ام الحلوااات]

رد: ابر الحديــد ،،، بين رفض الحكومه وقبول الخاص  فيدوني !!!!!

مــــاعــنـــدي فـــكـــره

ااااااااااااااب

 

[Zaina-al-zaina]

رد: ابر الحديــد ،،، بين رفض الحكومه وقبول الخاص  فيدوني !!!!!

حبيباااااتي انتوا

الله يعطيكم العافيه ريحتوا قلبي

مشكورين كل اللي ردوا علي

باذن الله بااااجر بروح اخذهم ...

ادعوا لي الله يسهل علي لان حدي متوترا من شي اسمه ولاده ...،


.....*

 

[كتالونيه]

رد: ابر الحديــد ،،، بين رفض الحكومه وقبول الخاص  فيدوني !!!!!

رررفع

 

[حكآية قلب]

رد: ابر الحديــد ،،، بين رفض الحكومه وقبول الخاص  فيدوني !!!!!

حياتي لاتحااااتين


اناااا مقررة لي ١٠ابر

و خذيت بس ٨ ابرررر وطلع مررتفع حيل الحمدالله

و قالت لي وايد زين وارتحت من الدوخه اللي هدت حيلي



ماعليج توكلي علي الله وسهالات


بس اللي مللني الطريج كنت اروح للهادي

وووكل شي بأجرة


وانا الخبله كل غزة ابجي ابجي وزوجي يضحك علي 

ماحب الابررر كلللللشششش

 

[Zaina-al-zaina]

رد: ابر الحديــد ،،، بين رفض الحكومه وقبول الخاص  فيدوني !!!!!

حكاية قلب

مشكورا ع مشاركتج

الله يزاكم كل خير

 

[om_3azoz]

رد: ابر الحديــد ،،، بين رفض الحكومه وقبول الخاص  فيدوني !!!!!

حبيبتي انا جذي كانت نسبت دمي 8 وقالت لي لازم ابر حديد اللي بالادرب عشان يرتفع لان اذا مارتفع ممكن يصير معاج نزيف بالولاده خذيت علبه من الصيدليه سعره 10 وفيه 5 حبات بس وانا لازم اخذ 5 علب ,, قلت وايد المهم ريلي يعرف ناس مستشفى حكومه يابلي بعد علب ,, وكنت اروح مستوصف خاص اظقهم

لان رحت الحكومه قالو مانقدر نعطيج روحي المكان اللي كتبلج اياه ورحت مستوصف خاص وكل يومين اخذ والحمدالله ارتفع شويه

 

[om_3azoz]

رد: ابر الحديــد ،،، بين رفض الحكومه وقبول الخاص  فيدوني !!!!!

اي وقالت لي اذا مارتفع بنحط لج جيس دم ,, بس انا ضليت على الدربات الابر بس مارتفع بسرعه معني من اخر الثامن كنت اخذ واخر كرتون ماخذيته تعيزت كل يومين رايحه درب ايدي انقضت من الابره

 

[Zaina-al-zaina]

رد: ابر الحديــد ،،، بين رفض الحكومه وقبول الخاص  فيدوني !!!!!

اخذت قبل ساعه تقريبا

ابرتين حديد في درب واحد ، والحمد لك ياااارب لحد الحين ماصارت لي اي
مضاعفاااااات ،،،،،

اشكر كل من نصحني ، وان شاء الله اكمل الباجي بسلااام واقول لكم تجربتي

والله يسهل ولادتي ويسهل على الكل آميـــن ...