ابروح اليمن ......

[خبيرة اعشاب]

السلام عليكم

ان شاء الله الاسبوع الجاي ابي اسافر لليمن ...عندي بعض الاشغال هنااك ..

بس المشكله ان ما عندي اي فكره عن الفنادق او الشقق ..او الاماكن اللي ممكن نروح لها

يا ريت اللي راحوا قبل يفيدوننا باي معلومات ..

ناطرتكم .:eh_s(22):

 

[ورده بنفسجيه]

هلا والله بس اعطيج فكره انا دايم اسويها

دخلي على القوقل وحطي مواقع يمنيه ودشي على اي موقع فيه شات

وحاولي تتعرفين على وحده او دشي بنك ولد وكلميم بالي تبين واخذي المعلومات اللي تبينها

او اتصلي على السفاره اليمنيه بعطونج او مكتب التذاكر وانشاء الله تتوفقين

وبالسلامه انشاء الله

 

[خبيرة اعشاب]

يا بعد عمري و الله تسلمين

 

[النور الهادي]

اليمن

بصراحه أخاف منها لان فيها قطاعين طرق,,,,,,,,والله
ديري بالج على نفسج ولا تطلعين بالليل,,,ولو يكون معاج أكثر من رجل يكون أفضل

مابي أخرعج بس حبيت أنبهج

ماأقول إلا الله يستر عليج وتردين سالمه غانمه

 

[طوق البنفسج]

http://www.travel4arab.com/vb/

سول شوفي هالموقع فيه كل شي

 

[Q8_GIRL2]

تردين بالسلامة حبيبتى

 

[خبيرة اعشاب]

مشكورين و الله

انا بروح اول شي عمره و منها نبي نروح لليمن ..و حدي يومين بس ابشتري اغراض من هناك و اجي ..

الله يستر علينا هم انا بعد رفيجاتي خوفوني منها بس ما في ولا وحده منهم رايحه هناك يعني كله يسمعون من فلان و علان ........

الموقع حيل مفيد مشكورة اشتركت فيه

 

[ii DareeN ii]

اذا رجعتي سول بالسلامه حازينا عن رحلتج باليمن لاني اتوقع انتي سافرتي

 

[هوّن على قلبي]

تروحين وترجعين بالسلامه

شوفي عندهم فندق على ماذكر اسمه السندباد هذا ارقي شئ عندهم
وشوفي 40 دينار تعيشين هناك عندهم ملكه

والناس اللي هناك طيبين خصوصاً اذا قلتي انج من الكويت

اهم شئ جيبي منهم الحنه اليمينه الاصليه والحلبه والحبه السودا والمره

وبصراحه الاعشاب اهي الشئ اللي يتميزون فيها

 

[خبيرة اعشاب]

مشكورين بنات
هون على قلبي فعلا انا كنت رايحه اليمن عشان اجيب اعشاب ..اتعرفوني انا كل شغلي اعشاب و في شغلات ابيها و ما احصلها هني بالكويت ...

فعشان جذي رحت اليمن ..و ما لقيت الشغلات اللي كنت ابيها كلها ...بس على العموم تعتبر السفره مفيده و حلوة ...

خصوصا ان بالسعوديه مرينا عسير و خذينا فيها يوم كامل صراحه روووعه وودج تقعدين فيها على طووول

 

[جكورة]

حمدلله على السلامـــة

 

[ساندى]

سول ياقلبى اليمن صج تخرع مثل مانسمع وصج فيها زيوت واعشاب حلوة مومثل اللى عندنا بالسوق قوليلنا عن رحلتج اللة يخليج لان كلن يمدح اليمن بالسياحة والباقى يخوف منها فمو عارفين الصج وانتى جربتى عطينا تقرير عن اليمن ههههههه