ابرة تصغير الانف

[مس باتشي]

اول مره اسمع فيها بس منكم نستفيد

 

[dr_enshalla]

اممممم هذي تصير معجزة
انا قريت موضوع بالمنتدى عن الزنجبيل انه يصغر الخشم لانه ينشف الدهن ويمكن البرة نفس الفكرة
بس انا جني سامعه اللي مسوين تجميل يغزونهم ابره توخر الانتفاخ فما اعتقد بتفيد الناس الطبيعين وتره مو شرط دكتورة يعني كلامهم صح يمكن تبي تربح
انا بحاول ادور عنها بالنت .. بس ياريت اذا عندكم اسمها الطبي

وتره صج اذا نشف الخشم يصير شكله اصغر ما تلاحظون اذا ويهكم دهن يصير الخشم يلمع وكبير ... وهم الصبح يصير غير عن الليل

 

[الاخلاص]

ههههههههههه ياربي ليش تفيخه اهو هذي تقص على اختج اظاهر اختج طيبه ومايبون يعلمونها ان بنتهم مسويه عمليه بخشمها

 

[ام حمدان]

هلاااااااااااااااااا ختيه


انا لى اعرفه فالامارات عند دكتوره سعاد عبدالله


دق ابره من الجوانب عشان ترفع الخشم بس تم 6 شهور مب اكثر

اما الابره لى تصغر بتخبر وبرد علييج

 

[برونزية]

للرفع

 

[غلاكم]

شي رهيب اذا فعلا هالابرة موجوده

يعني لا عملية وله هم يحزنون

بس اذا قلنا انه هالابرة حق الدهون الي بالخشم

وبجذي يعني ما تفيد الكل لان مو الكل كبرخشمة من الدهون

ممكن يكون العظم اهوا كبير ؟

وله انتو شرائيكم ؟

الي تقدر تسأل وتعرف بليز

 

[dantella]

للرفع

 

[بدوره 22]

انا شفت دكتورة سعاد في برنامج مع جويل احلى قالت هالمعلومه ان البوتوكس ممكن نغزه على الانف ويصغر يس ما ذكرت شي عن دهون الانف , مع انها معلومه صحيحه الانف الدهني يكبر وانا اعرف كذا بنت مسويه خشمها تقول يغزونهم ابرة نار علشان ينشف الدهون بس قالوا ان يعور هذا بالنسبه حق اللي مسوين عمليه , بس حق اللي مثلنا ما اعتقد انها مؤلمه لي هالدرجه والله ..........................

 

[القبله]

أستغفر الله ما بقى شي ما طلعوه و لاقينا يا هالحريم مقصه

 

[Yasmin]

والله ما عندي فكره عنها واول مره اسمع فيها !

 

[speed]

انا خشمي حدا دهنييييييييييييييي وما فيه عظام كبرااا من الدهن والشحم ..

يالله بنات اذا صج في ابرا اتذوب شحم الخشم لحقوني فيها خل اضعف خشمي ...

لاعت جبدي جسمي يبيله ضعف والحين الخشم بعد كملت ..

يالله بنات نبي نعرف المعلومات الاكيده ..

 

[عالي مستواها]

انا سمعت فيها بعد .. اللي اعرفه تذوب الشحوم بالخشم

بس ما توقع تنحته مثل عمليات التجميل !!

 

[& دانتيلا &]

؟؟؟؟؟؟؟؟؟؟؟؟؟؟؟؟؟؟؟؟؟

 

[* جوجو *]

امبلا في .. من زمان من 5 او 4 سنين شايفه العمليه بالتلفزيون ,, ولما اسولف جدام الناس يضحكون علي ..

 

[kady-elq8]

بنات هذي الابره ما تفش الخشم ولا تذوب الدهون كل السالفه ان الابره عباره عن بوتكس حق اللي خشمها نازل لي تحت تطقها و ترفعه يعني مثل رفع الجفون عرفتو يعني حق ارنبه الخشم (الطرف اللي تحت) و هذا الخبر الاكيد و الابره مؤقته

 

[dr_enshalla]

انا شفت دكتورة سعاد في برنامج مع جويل احلى قالت هالمعلومه ان البوتوكس ممكن نغزه على الانف ويصغر يس ما ذكرت شي عن دهون الانف , مع انها معلومه صحيحه الانف الدهني يكبر وانا اعرف كذا بنت مسويه خشمها تقول يغزونهم ابرة نار علشان ينشف الدهون بس قالوا ان يعور هذا بالنسبه حق اللي مسوين عمليه , بس حق اللي مثلنا ما اعتقد انها مؤلمه لي هالدرجه والله ..........................

انا مو متأكده من الابره اللي بعد العملية بس اعتقد انها عشان الانتفاخ اللي يصير بسبة اي عملية او اي جرح ... edema الجسم لما ينجرح مثل يصير التهاب وايمع ماي فينتفخ المكان اتوقع الابره تخفف هالشي وماعتقد تذوب الدهن بس كل شي جايز
اذا ابره فيتامينات نفس مقالت وحده من المشاركات .. فاللي اعرفه انه يستخدمون الفيتامينات ابميزوثرابي تخسيس البطن فيمكن ينفع للخشم ... او انها كلها تهيؤات لانه اعرف وايد دكاتره يصيرونلي غير اللي يدرسوني ولا مره احد ياب طاريها

 

[غير كل الناس]

صحيح بنات

في ابره تصغر الخشم

وانا على حسب اللي اعرفه انها تذوب من الدهون الموجوده في منظقة الخشم ويصير اصغر

بس على حسب علمي انها بس للي مسوين عمليه تجميل

هذا اللي اعرفه بعد

 

[sara82]

بنات انا سمعت انها موجوده في مونتانا كلينك بالشعب البحري و تسويها د.ميسون بس ماشفت احد سواها

 

[نونا**]

لاعدل كلامها في ابر تصغر الخشم وترفعه وفي ابر تصك فتحات الخشم بالبوتكس

وعدل كلام البنات الابره اللي عند سعاد تصك فتحات الخشم بالبوتكس انا شايفه مقابلاتها على ام بي سي

 

[برونزية]

وناسة بنات من مسويها