ابرة الظهر في مستشفى المواساة

[امووره]

مساكم ورد كروشات:hjy5jewf:
الله يقومكم بالسلامه... سؤالي واضح
منو ولدت في مستشفى المواساة و خدت ابرة الظهر؟
و شسم الدكتور الي غزها لكم؟
والي جربتها.. تنصحين فيها؟:080402ask_prv:

 

[foozia_87]

:ggdw:وناسه انا اول وحده
حبيبتي انا ما جربتها لكن ناويه اولد بالمواساة وربي يسهل عليج وعلي آمين
بنات بردووو جبدها ..
وينكم

 

[المهذبه]

الله يسهل عليج

 

[غزيل الفله]

حياتى والله ماجربتها بس استحيت اطلع جذى

 

[pink Engineerah]

انا جربيتها عند المواساه وكانت مريحه بس ما اعرف الدكتور لانه يكون مسؤول التخدير والبنج

ودكتورتي كانت ناهده العلي والله يقومج بالسلامه

 

[بنت النوخذة]

هلا حبيبتي أختي جربتها ريحتها حزت الطلق لكن ولدت قيصري وايد إرتاحت منها لكن عقب 6 أشهر للحين وأهي تشتكي من عوار بظهرها ومن تمتن جم كيلو زياده زاد معاها العوار وربي يقومج بالسلامة جربي الكمام أنا جربتها عجيب الله يسهل عليج حبيبتي

 

[امووره]

مشكورين حبايبي على الرد

 

[أم الكتكوتة]

أنا جربتها بالمواساة عجيبة وكنت قيصرية بس ما أعرف أسم الدكتور بس أهو رئيس قسم التخدير بس أنا بالسادس كنت بسويسرا و أستفسرت عنها عدل طلع أنه بدول أوربا كلهم يستخدمونها بالقيصري و لغوا نهائي البنج لأنه له خطوره عالياهل و أذا بتولدين طبيعي يا أنك تاخذينها أو ما يعطونك ولا شي لأنه الكمام ممنوع يأثر على قلب الياهل بس قالوا لي معلومه مهمة لأسف بالكويت ما يقولونها أنه بعد الأبره بس تحسين بصداع ولو خفيف على طول أخذي حبتين بنادول ولا بعدين يتحول لشقيقه دائمة

 

[امووره]

مشكوره حبيبني على المعلومه

 

[يمامة أيوب]

طيب اللي جربت الابرة

متى تاخذها يعني حزة الطلق الرحم لازم يكون مفتوح كم سانتي؟

اخاف اتاخر و يقولون لي خلاص ولدي من غيرها ما منها فايدة؟

 

[ثلاثينية]

والله في ناس تقول اخذيها وفي ناس تقول لاء
احترنا

التساهيل من رب العالمين

 

[يمامة أيوب]

طيب اللي جربت الابرة

متى تاخذها يعني حزة الطلق الرحم لازم يكون مفتوح كم سانتي؟

اخاف اتاخر و يقولون لي خلاص ولدي من غيرها ما منها فايدة؟

محد رد

 

[رسالة غلا]

للرفع وانا بعد ابي اولد بالمواساة وناويه ان شاء الله اطق ابرة الظهر
ياليت الي عندها اي معلومه تفيدنا ولكم جزيل الشكرا ​

 

[كويتية نجدية]

أنا أنا أنا خذيتها 3 مرات وااااااااااااااي تينن اصلا احسن مستشفى يغز ابرة الظهر المواساة دكتورتي معصومه واللي يعطيني الابرة بالبجر واحد سوري وعقب مرتين نفس الدكتور شكله مصري بس واحد احسن من الثاني بالبجر خذيتها على اخر شي بطلعت الراس وعقب اخذها من اول شي اكون مفتوحة 3 س والله نصيحتي اخذيها لاصداع ولا عوار ظهر انا وخواتي كلنا ناخذها الحمدلله ما شكينا من شي و على فكرة ليل ونهار ماشاء الله نلعب رياضة عمرنا ما حسينا بألم بالظهر توكلي على الله واخذيها وااااااااي مستحيل اتحمل عوار الطلق اموت

 

[امووره]

كويتيه نجدية مشكوره حبيبتي
ريحتيني.... كنت متردده.. بس اتطمنت و انشالله ا\ا سهل باخ\خا

 

[بنت التوخذه]

انشاء اللله انا ناوية اخا>ها

 

[يمامة أيوب]

متى تطلبن الابرة ؟

اول ما تفتحين ملف عندهم وله عادي لمن اتيينهم للولادة تطلبينها؟

 

[احلى^فراولة]

الله يسهل على الجميع ياااااااااااااااااارب

 

[ام مهودي]

انا ولدت بمستشفى المواساه بس ما اذكر منو اهوا الدكتور لانه ما كنت مقرره اني ابيها فا صار كل شي بسرعه وريلي وقع انه باخذ الابره ويا الدكتور عطانيياها وراح وقبلها سألته شنو راح يعورني ظهري بعدين قالي لا بس يمكن اييلج عوار راس 3 ايام
بس بعدها ست شهوووور عوار ظهر والحين بعد سنه ونص رد علي العوار بس مكان الابره
والله يسهل عليج كل وحده غير عن الثانيه

 

[Om !L3$l]

انا قبل شهرين ولدت بالمواساه و خذيتها . للاني ررحت و الماي ينزل و ماكان الرحم مفتوح فالدكتور عطاني طلق صناعي و قال لي عشان ما تحسين اخذي ابره الظهر اول شي ترددت بس بعدين خذيتها عطاني اياها رئيس قسم التخدير عندهم مادري شسمه بس نصيحه اخذيها و ماراح تندمين انشالله . مع اني تعبت و ماولدت طبيعي بس هم انفعتني بالقيصريه لاني ما حسيت بشي كلش
الله يهون عليكم كلكم انشالله و يرزقكم الذريه الصالحه