ابرة الظهر بدار الشفا الله يخليكم ساعدوني

[saratee]

انا مفكره ااخذها بس بالراشد انشالله ما ادري اذا اكو احد زين هناك يغزها

 

[..ليالي..]

والله ما ادري ما عمري خذيتها


بس بسال دكتورتي عنها

اذا احسن من الكمام على قولتكم اخذها ان شاء الله

 

[wa7da bent wa7ed]

انا اللي اسمعه من اهلي و رفيجاتي يمدحون دكتوره سناء بالشفا يقولون تينن

 

[لمار لكويت]

انا توني ماخذتها بدارالشفا صارلي شهر عند دكتور مصري والله اتينن احسن من الكمام اول ماشميته جان اهلوس
تخيلي اتشوفين الياهل واهو يطلع وماتحسين بألم كلش كلش
والدكتورة الي ولدتني اسمها مي يعني الدكتور بس قزني وراح اهو متخصص بالتخدير

 

[Tender Heart]

رد : ابرة الظهر بدار الشفا الله يخليكم ساعدوني

ماعندي فكره اب لعيونج

 

[أمواج البحر]

دكتور مصري اسمه طارق

ماشاء الله تبارك الرحمن ايده تنلف بحرير

والله يدوب العوار اول شي وعقب ماتحسين باي عوار

وطول وقت الولاده يظل يسولف معاج ويسألج تحسين بشي

انا باخر ولاده لي كانت سيزيريان ... عقب ما طلعوا التوأم والدكتور يخيط شوي حسيت بعوار

عوار تقريبا اقيمه 2 من 10

سألني في عوار قلت له شوي والله على طول زاد لي الجرعه وعقب والله ماحسيت لا بعوار ولا خياط ولا شي

وحتى لاني كنت وايد خايفة يزاه الله خير عطاني كمام قالي هذا عشان تهدين

انتي استخيري وتوكلي على الله والله يتمم عليج ويقومج بالسلامه

 

[مثل الشي]

انزين عند منو ولدتي
يعني اذا بغيت الدكتور ممال الابره اطلبه انا ولا على حسب دكتوري
ومشكوريين

 

[Rou7y Te7eba]

أبرة الظهر وايد ناس تمدحها وبدار الشفا الحلو الي فيهم مايستغلون ابرة الظهر بفتح البطن مثل باجي المستشفيات عشان يبون افلوس
وانا عن نفسي قاعده اراجع عند مي بس منو بيعطيني الابره ماادري بس اتوقع ابرة الظهر اهيا من اختصاص دكتور التخدير وشوفي انتي وحظج منو يكون دوامه

 

[أمواج البحر]

ابرة الظهر اختصاص دكتورالتخدير

يعني غير عن دكتور الولاده

وتقدرين تطلبين دكتور التخدير اللي تبينه

 

[مثل الشي]

اها الله يعطيكم العافيه
للرفع للرفع
للرفع

 

[كويتيه ومن قدي]

اب اب

 

[جوري 2007]

انا خذيتها بمستشفى هادي

حسيت شوي بالالم والطلق مادري ليش

 

[المدرسه (مس)؟]

انا كنت ماخذه ابرة الظهر بس كنت سيزيرين وما حسيت باي شي وان شاء الله هلولاده اخذها لان كافي تعب تسع شهور والله عطانه البديل ليش ما نستفيد منه
وانا ان شاء الله ناويه على مستشفى دار الشفاء وسالت على دكتوره زينه سمعت اسم مي كثير وناس تمدح فيها والله كريم يسهل علينا جميعا

 

[خبيرة اعشاب]

رد : ابرة الظهر بدار الشفا الله يخليكم ساعدوني

السلام عليكم
اختي يمدحون د حسام

بس في وحدة هندية ما اذكر اسمها لا اتغامرين اتسوينها عندها

 

[مثل الشي]

اي انا في بجري ولدت عند دكتور حسام وكاااان وايد زين والله يييعين انا حدي خايفه والسبه ان في ناس تمدح وناس اتذم

 

[Om.GhmaZaT]

حبيبتي انا خذيتها بولدي الاول البجر بدار الشفا وكان دكتوري التخدير اتوقع اسمه احمد يلبس نظارات طبيه
طبعا من بعد ماتحملت كمامهم قووي ويخنق طلبت الابره .. ودكتوري اختااارلي هالدكتور او يمكن ماكان في احد الا اهوه
بس غزته تعوور احس فيه يدخل الابره كلهاااا ويطلعها جم مره يمكن 3 مرات ذبحني واييييد طول حتى امي لما شافته قالت هذا شكله يجرب فييج .. ولدت وخلصت الحمدلله وماحسيت بولا شي عجيييييييبه الابره بس نمت وقعدت وانا ارجف حيل حيل بشكل موطبيعي ونزل ضغطي حيييل زين مادشيت بغيبوبه وبعد بالاربعين ياااني عوار راس وموطبيعي اللي كله منسدحه مااقدر اقووم بس اقووم شووي احس راسي ثقيل وعوااار قوووي ولما سألتهم قالولي هاذا عااادي مؤقت ويروح مال الابره ... وبعد الاربعين كل مااطلع ابي امشي مااقدر احس ظهري بينقطع امشي واقعد امشي واقعد ...
هذا اللي صارلي بعد الابره اما بولدي الثاني كمام طبيعي بس مت مت والحين افكر اذا بحمل وودي اخذها بس ابي دكتور خبير
امي تمدحلي دكاتره المواساه تقوول لانهم قدم وخبره ... مو يدد نفس اللي غزني واصلا امي تقول الابره ماتحسين فيها لانها جربتها بالمواساه تقوول غزه خفيفه ومشاءالله بسرعه مايطوولوون مثل ماسووا فيج هذا ....

مابي اطوول عليكم اناا رفيجتي تمدح مستشفى الصباح وحماتي بعد تقوول يعطون الابره بفتح بطن وطبيعي وحتى اللي يسوون تنظيفات يعني لو موزينه جان مايعطووونهم بكل شي ؟؟؟؟ بس العيب بللي يغزها اتوقع جذي

وسامحووني ان شاءالله اكون فدتكم

 

[Om.GhmaZaT]

up up

 

[كويتيه ومن قدي]

للرفع

 

[الماسة82]

صدقتي العيب من الي يغزها !!!!!!!!

الي بدار الشفا قالواا د. سناء ود. نجلاء _ بس متى يعطونج ياها اول ماتبينها ولا لها وقت معين عشان تأثـــــــــر فيج؟؟؟؟

ومستشفى المواساة منو خبرة بعد؟؟؟

 

[angel_soul_1989]

رد : ابرة الظهر بدار الشفا الله يخليكم ساعدوني

انا خذيتها ببناتي صج عجيبه وخذيتها اخر مره بالسلام طبعا دكتوره خاصه اودكتور مال البنج والصراحه اعرف دكتوره تمدحها حق كل مرضاها واهي تاخذها وبعدين مالها مضار لانها نفسها الي يستخدمونها بالولاده القيصريه يعني لو خطره جان ما استخدموها كلش والله الحافظ....