ابرة الظهر / اللي جربوها الاعراض اللي احسها طبيعيه ولا لا؟

[رويال ديزاين]

السلام عليكمبنات انا اخذت ابرة الظهر و ولدت قيصريه ولله الحمد التجربه كثر ماكانت مخيفه
كثر ماكانت غريبه الحمدلله ياربي على كل حال


المهم انا من بعد العمليه وانا احس بصداع من ورا راسي مع الم قوي بالظهر
و غير جذي الصداع احيانا يصير نصفي
و كانه خلفية الراس تنبض هالشي طبيعي


و ريولي هم ماتتحمل احس انها بتطيح ماتشيلني


عادي هاباعراض ولا لا


الدكتور نصحني اشرب قهوه
و بس!


شنو اسوي؟ و اشلون لو بشيل الياهل ما اقدر بعد؟

 

[New_bride]

انا ماجربت الابره لكن اللي اسمعه ان هذي الاعراض طبيعيه
صداع والم الظهر وحتى في الم مكان شكة الابره

 

[همي رضى خالقي]

انا خذيتها عادي ماحاشني الي تقولينه بس الي فيها مشاكل بالظهر مو زين لها

 

[رويال ديزاين]

الله المستعان وينكم بنات اللي جربوا ابرة الظهر

 

[ككوته]

انا جرتبها وولدت قيصريه بس ماحاشني ولا شي من هالاعراض

 

[Omsaad90]

الحمدلله على سلامتج انا جربتها بولادتي امبلا كانت هاذي أعراضها بس ان شاءالله مع الترديد والنفاس العدل تتحسنين ان شاءالله

 

[جوزائيه مغروره]

ما حاشني مثلج

عوار يومين بالظهر مكانها وبعدها راح

وهم عوار بركبي وراح

اما الصداع مو عارفه والله لانه كلش ما حاشني

 

[نحوله عسوله]

اهو من اعراضها الصداع بس ما يطول بس روحي الطبيب سالي احسن

 

[حمرة الورد]

انا خبره بالموضوع هذا جم صارلج من اخذتيها وهل العوار لايحتمل ومتواصل
في نوعين الخفيف تشربين قهوه كثير وتنسدحين
والنوع الثاني الي جربته انا عساج ماتجربينه قوي من الظهر والرقبه والراس وتحسين بثقل طول معاي ثلاث اسابيع بس كنت تعبانه حيل في حل واحد ان ياخذون دم من ايدج ويسكرون فيها الفراغ الي صار بالظهر هذا الحل الوحيد توني ماخذتها مره ثانيه وانا تحت الملاحظه في صداع وخايفين يزيد

 

[om 7amoodi]

جربتها وما حاشني صداع

 

[رويال ديزاين]

حمرة الورد بالضبط هذا اللي صاير معاي و مابي اروح يغزوني مره ثانيه


اخاف والله انا زين خليتهم يغزونها الحين ارجع مره ثانيه مستحيل

 

[حمرة الورد]

الله يعينج شوفي اكو فلبينيات ولا صينيات يسوون كاسات هوا انا سويتهم بعد ثلاث اسابيع من الصداع ثاني يوم مافيني شي

 

[رويال ديزاين]

ان شاء الله بس خل اعدي ثلاثين يوم

 

[baa6aa]

انا خذيتها ماحاشني الصداع بس نفس ماتقولين عوار بجسمي وريلي ماتشيلني
بس عقب اسبوعين كل شي رد طبيعي
وعقب ماطفت اسبوع يبت رداده صج كنت راح ابجي من العوار بس ارتحت عقب صراحة
جربي اتييبين رداده

 

[# غنوجة بيبي #]

الحمدلله على سلامتج يا رويال و مبروك ما جاج

انا بجريه بس دخلت اتحمدلج بالسلامه و ابارك لج