ااه يابنت المطر قلبتي علي المواجع

[زمرد Q8]

القصه مؤلمه وحاسه بكل كلمه قلتيها

والشيطان للحين مامات يابنات
لحد يلومها اهي كتبت القصه لانها تبيها عبره لغيره
ومو مفروض علينا نلومها خلاص اللي صار صار

اعتبرينا خواتج وفضفي لنا والله يخلي عيالج بكره يكبرون ويعوضونج

 

[زمرد Q8]

كلنا خطائين وخير الخطائين التوابين

 

[صمــت_ALsHfaaH]

ماابي اقولج انتي وانتي

لكل انسان ظروفه وقدرته على التحمل

وهذا ابتلاء من الله

بس الاهم انج عرفتي غلطتج وتبتي من هالذنب

والله يهدييج ويثبتج

 

[مــلائكيه]

اشكر تفاعلكم معاي وعسى ربي يتقبل دعائكم ويثبتني ع التوبه النصوحه يارب

واختي صح كلامج وانا ذكرته انه شاك فيني وحارمني من النت بس هالموضوع صار له 4 سنوات

خف تضيقه علي مسموح لي اروح بيت اهلي مره بالاسبوع

بالسفر عبايه ونقاب بعد


النت متوفر له لكن انا غير مسموح لي بلاب توب والموبايل مايقصر يفتح نت هو يدري اني ادخل النت بس يتغافل الحين لانه تأكد من توبتي لكن كبريائه مايسمح له ينسى غلطي

اهاااا توني انتبه ,,
اكييد مع الوقت بيخف تضييقه عليج ,, بس من رايي ماله داعي تبقين عنده
لانه محتقرج حتى لو تناسى بيضل يحتقرج واهو على قولتج من الاول ماكان يجيج
ومومهتم ,, فمابالج بعد اللي صاار ؟ والله انا اقول وخري عنه لان اهم شي مو رضى الزوج
رضى ربج ,, والله اللي يسامح مو عباده لاتنطرين منه يسامح ولاتنطرين منه اي شي
وقوليله اللي صار من فعايلك ,, شلون الله يعاقب امثالك اللي مايصونون اعراض الناس؟
بـ اهله ,, بس عشان اتبينيله انه اهو طايح بالغلط بعد وانه يحقلج تحاسبينه حتى لو غلطتي
مو على ابو انه مذنبه ,, او غلطتي خلاص مالج اي حقوق ,, انا لو مكانج ماسكتله
لانه مو عشانج ولاعشان العيال مخليج على ذمته خايف على سمعته على صورته قدام الناس
هذا السبب الوحيد اللي مانعه انه يطلقج ,,
والله يعينج ويصبرج

 

[زمرد Q8]

الله يفرج همج

 

[عسل سل]

اهنيييييييييييييييييج على قووووتج والله
والله يسعدج ويوفقج يااقلبي وييين مارحتي
انا من راااايي دشي هالمنتدى واستاانسي وقطي وراااا ظهرج الحزن

المنتدى هذا فيه الملاايين نفسج وعاايشيين حياااتهم طوووووول بعرض

بس انا من راايي والله ان الطلاااق احسن يمكن يكوووون لج نصيب مع غيره ويحبج اكثر منه او حبيبج هذااك خليه يخطبج خليه يخطبج والله راح تتهنيين صج مو هذا اعووذ بالله

 

[عسل سل]

وداام انه بخياانتج له ما ارتدع اجل مستحيييل يرتدع الله يعينه على نفسه الطلاااق بهدووووووء ابررررك اشتري سعاادتج اشتري حرييتج هذي مو حيااااه

 

[عسل سل]

ولااا تقووولييين عيااااالي لااا حبيبتي هذا ماا نفع عياالج بشي


والعمر يمشيي عييشيه بالشكل الي انتي تبينه مو الي هو يبيييه تطلقي وعيشي حيااتج

 

[بدورة القمورة]

لاحول ولاقوة الا بالله



الله يفرجها عليج ​

 

[فوق الثريا محلي]

اه عورتي قلبي و الله يصبرج ان شاء الله

 

[Tkanh]

الله يسخره لج ويهديه

ومدام تبتي خلاص

ادعي ربج انه يسخره

لج

 

[تبطي عظم!]

الله يثبتج ويهدي الجميع ~

 

[توتا الكتكوته]

لاحول ولا قوة الا بالله الله يسخره لج يارب

 

[am faisal]

اللة يصبرك وبالعكس احترم جراتك علها تكون عبرة للغير نحن بشر نغلط وخلونى اقولكم سالفة وحدة والقصة ببداية الثمانينات البنت شاطرة ومؤدبة ومضرب مثل لكل البنات حبت واحد واستمرت علاقتهم تلفون وبس ويوم كان عندهم عرس وقلتلة انا كاشخة لو تشوفنى الحين قلها جاى الحين طلعيلى من الباب الورانى واول ما طلعتلة قالها اركبى باعطيك شى وشفط فيها وكل ما كلمتة وقالت ردنى عطاها بكس وكفخها وطول الطريق تفداة وتقول اللة يخليك اهلى كلهم بيروحون العرس وبيفقدونى بانفضح مافية فايدة واستمر مشفط فيها وعرفت نيتة لانة رايح لطريق البر وشافت مافية فايدة قطت نفسها من السيارة فقدوها امها وخواتها دوروها بكل البيت تالى ابوها وخوانها قعدو يدورونها لليل جاهم ضابط وووداهم للمستشفى شافوها متعورة وعرفو السالفة وانتشرت سالفتها حبسوها بغرفة منعو اقاربها بناتهم مايروحون لبيتهم وتزوجو كلهم وصارو جدات وهى للحين فى بؤس والسبب واحد انهى حياتها كلها باسم الحب

 

[♥ SWeeRa ♥]

الله يخليلج عيالج
وعيشي لهم
وهذا خليه يولي ..
ولاتنسين تقربي من ربي


وهو لما ماطلقج اتوقع عرف انه غلط بحقج

والله يخليلج عيالج ويحفظهم لج يارب

 

[حكستار]

قصتج فيها عبر وايد...الله يثبتج ويثبتنا........

 

[•Brown•Sugar•]

جان رفعتي عليه طلاق للهجر؟
يطلقونج منه مثل شربه الماي
حرام اللي قاعد يصير

 

[فرحة قلبي]

الله يهديك ويهدينا الى الطريق الصحيح ويغفرلنا ولامة محمد اجمعين

 

[تعويذه الحب]

آه يا قلبي قصتج تعور القلب وانا ما ألومج لانج ماشبعتي حب وعاطفه وانتي بعمر الورد وبعمر المراهقه احنا حريم شكبرنا 24 ساعه نتحلطم لما رياييلنا ما يسمعونا كلام حلو عيل شلون لو بنعيش وضعج !!!

والنفس اماره بالسوء وبنات لو اهي من النوع اللعوب جان كلمت واحد اكبر منها او كبرها بس اهي كلمت او واحد صادفته تتوقعون شنوو حالتها كانت لما تعرفت على واحد اصغر منها ب7 سنين شنوو نفسيتهاا كانت لما كلمت واحد عمره 17 سنه
شنوو الكسره اللي كانت عايشه فيهااا لما سوت هالسوات

الحمدلله انج رجعتي لعقلج وعرفتي غلطتج وتبتي والاهم انج تستمرين بالتوبه وما تضعفين مره ثانيه وبالنسبه لزوجج لو عنده ذره احساس جان طلقج ما يحبسج وسوي فيج هالسوات حبيبتي تطلقي منه بدال هالسجن ترى اليهال ممكن تكون عيشتهم افضل لو تنفصلون وتقدرين ترفعين عليه قضيه خلع وتتنازلين عن كل شي
لان زوجج خلاج تتنازلين عن اشياء اهم من الفلوس بسبب جفاه

الله يكتبلج اللي فيه الخير والصالح ويثبتج على اللي انتي فيه

 

[رفيف الخير]

دوم كنت ابغى ادخل بنفس الانسان الي يتجرأ ويقدر يخون نفسه قبل غيرة واستغرب كيف يفكر ويبرر لنفسه علشان لما يحط رأسه على المخدة يغمض عيونه وهو مرتاح او لما يأخذ نفس ومايدري ان كانت الدنيا تمهله يرده شلون يتصالح مع ذاته مابي ازيد عليك بس عسى ربي يغفر لنا جميعا كلنا عندنا اخطاء وعيوب والله يستر علينا وعليك ويثبتك آمين وهذه دعوه بظهر الغيب ومن قلب صادق