موتي ولادمعه امي
New member
يازين لا يزعلك صدّي و هجرانـي
ولاتنزعج يوم قلبـي فيـك عزيتـه
والله لو انّك تعاني مثل مـا آعانـي
لتسوّي اكثر من اللي معك سوّيتـه
عطيتك اجمل سنين العمـر مجّانـي
وحبّيتك أكثر من أي إنسان حبّيتـه
بغيت اسلّمك قلبـي ميـر ممدانـي
مرّيتـه بغفلـة ٍ منـك و تعدّيتـه!
اعماك شكّك مثل ماحبّـك اعمانـي
ياجـرح قلبـي و ياطبّـه وعافيتـه
جيت الك اسوق الغلا من كل وجداني
ورجعت ما ادركت معك اللي تمنّيتـه
إن كان حكم الغـلا خـلاك تنسانـي
انـا نسيـت الغـلا كلّـه و خلّيتـه
تراك سويت فيني موقـف إنسانـي
لو عقبك الهـمّ خاوانـي وخاويتـه
وإن كان حبيت غيري واحـدٍ ثانـي
حبّه و حطّه تحت رمشك ليا اغفيته
لكنّ طالبك اخذ حذرك علـى شانـي
كم عاشق ٍ خانه الحب و خرب بيته!
مما راق لي
