إنجبرت فيك و ما توقعت أحبك و أموت فيك...

[قلب مهموم]

مرحبااا
بشرواا في بارت اليوم والا لاااا !!

...

 

[cup-cacke]

اكيد في اليوم

 

[cup-cacke]

وين البارت!!!!

 

[admant_7abk]

ناطرييينج حبوبه

مممممممممممم انا اتوقع وان ماخاب ضني ان يقولها تتزوجيني عاد ما يندرا شرين توافق ولا لا

والله يستر من هالسحر امبييييييييييه انشالله ما تسوي الي بالها يا رب

ونجوى ربي يعينها ويرزقها انشالله

يعطيج العافيه حبيبتي

اتوقع يتزوجها

ياله كمليهاااا بسرعه قلبوو

تسلموون ع المرور
الكاتبه للحين مانزلت البارت لمن تنزله انزله لكم

 

[admant_7abk]

مرحبااا
بشرواا في بارت اليوم والا لاااا !!

...

اكيد في اليوم

ان شاءالله فيه بارت اليوم
لمن الحين الكاتبه مانزلت

 

[admant_7abk]

مرسي حبيباتي ع المرووور
احبكم

 

[زامليه وافتخر]

وااى نفسى قاعده انطر البارت ينزززل..

بس بمنتدى ثاانى

 

[kity]

واااااي قاعده انطر البااارت على احر من الجمر

 

[kity]

مايصير صارت الساعه 11 و 19 دقيقه والكاتبه ليلحين مانزلت

اظن اسبووع كااامل كان يكفي انها تكتب باارت !!!!

يعني مايصير توعدنا الكاتبه على يوم السبت ولمه نتيمع كلنا ننطر تعلقنااا

انا احب احد بيكتب رواية ماتكون فيها علقه ياتكتبها كلها وتنزلها يا تكتبها بعد ماتخلص ظرووفهاااا

يعني الرواية حلوه وتشد الواااحد بس حيل حيل تمصخ كل مازادت النطرة

متى ناوية تخلصها اذا كل سبت بتنزلها وتأخر هالسبت !!


عموما بالنهاية اشكر صاحبه الموضوع على نقلها حق القصه

 

[admant_7abk]

مايصير صارت الساعه 11 و 19 دقيقه والكاتبه ليلحين مانزلت

اظن اسبووع كااامل كان يكفي انها تكتب باارت !!!!

يعني مايصير توعدنا الكاتبه على يوم السبت ولمه نتيمع كلنا ننطر تعلقنااا

انا احب احد بيكتب رواية ماتكون فيها علقه ياتكتبها كلها وتنزلها يا تكتبها بعد ماتخلص ظرووفهاااا

يعني الرواية حلوه وتشد الواااحد بس حيل حيل تمصخ كل مازادت النطرة

متى ناوية تخلصها اذا كل سبت بتنزلها وتأخر هالسبت !!


عموما بالنهاية اشكر صاحبه الموضوع على نقلها حق القصه

سوووري حبيبتي الكاتبه نزلته الفجر وانا ماسهر عندي دواام وتوني يايه والله قلت انزله لكم وبعدين اناام

سوري اقين

 

[admant_7abk]

..((تكملة البارت السادس والعشريـــن))..










.. في المستشفى ..


.. طق الباب ودخل .. جافها سرحانــه .. وهي تناظر السقف .. حزن على حالها .. قرب منها وتنحنح .. بس بعد ما زالت على سرحانها ..

وائل بـ قلق: شرين ؟؟

لفت له بهدوء .. شرين: نعم

وائل وهو يبتسم: خذالي ساعة وأنا أتنحنح وإنتي أبد ولاا بالدنيا

ناظرت فيه شوي وبعدها بعدت نظرها بتوتر ملحوظ .. شرين: متى راح أطلع ؟؟

قعد على الكرسي مجابلها .. وائل: بكرة إن شاء الله بيرخصونج

شرين وهي تحاول تمنع دموعها: تكفــى ما أبي أرجع للدار .. تكفــى

وائل بقلة حيلة: ما أقدر .. يعني أنا ما عندي الصلااحية في إني أطلعج .. وبعدين وين بتروحين .. إذا ما راحتي للدار

شرين بحزن: والله يا وائل راح أموت إذا رجعت للدار .. تكفـــــــى ما أبي .. دبرني .. سو أي شي .. بس ما أرجع للدار

تقطع قلب وائل عليها وسكت:.......................

صارت تصيح بهقر على وضعها .. شرين برجى: تكفى أدري إني وااايد تعبتك معااي .. بس والله ما أقدر .. صدقني هذا آخر طلب لي .. وأتمنى ما ترده .. دبر لي أي طريقة أطلع منها من الدار

وائل بتردد: هو في طريقة وما اعتقد في غيرها ..

شرين بلهــفة: شنوووووِ

ظل يراقبها وهو يبي يعرف ردت فعلها من الكلاام إلي راح يقوله لها .. وائل بتردد ملحوظ: أنـا وإنتي ......... نـ.. نـتزوج

حست إن كل أطرافها ما عاد تقدر تحركهم ..و ويها بهت .. وعيونها جحظت .. و ريجها نشف .. حتى قلبها حست إن وقف عن النبض ..

تحس إن الأكسجين إلي في الغرفـــة خلص .. تمت ثوانــي على وضعها حست كأنها دهـر .. ما تدري شنو الاحساس إلي بدت تحس فيه .. خوف .. حيرة .. توتر .. فرح .. حرية .. استقلاال ..
بدت الافكار تتزاحم فيها .. شنو تقول؟؟.. هي بس سمعت زواج انصدمت!!.. وحست إن الحروف ضاعت منها ..

شرين في نفسها "يا ربي .. شلون أرضى فيه وأتزوجه!! .. أنا بس أسمع اسمه ارتعد بـ مكاني .. شلون أعيش معاه باقي عمري وتحت سقف واحد وفي غرفة وحده و يضمنا سرير واحد .. يمـااااااا .. لاا لاا شنو سرير واحد .. أبيــه لااا ما أبي .. بصيح والله باصيح"

..((سكتت شوي)) .. "بس أنا ما عندي أي حل ثاني .. يعني إذا ما قبلت .. شلون بطلع من الدار .. يا ربي"

قطع عليها حالتها صوته وهو ما زال يراقب ردت فعلها من كلاامه .. وائل بهدوء عكس إلي بداخله من فوضت المشاعر : شرين!! .. أدري إنج منصدمه .. بس ما أبيج تستعيلين .. فكري في المـ...

قاطعته وهي منزله راسها .. شرين بتردد من الكلاام إلي بتقوله: المسأله ما تستدعي حتى التفكيــر .. لأن أنا مالي إلاا هل حل .. يعني لو كان عندي خيار ثاني .. ما راح أوافق

حز في نفسه كلمتها الأخيـرة _ما راح أوافق_ .. بس حاول إن ما يبين .. وائل ببتسامه: يعني شنو أفاتح أهلي في الموضوع

هزت راسها والدموع متحجرة بوسط عيونها .. والخوف مسيطر عليها بشكل كلي .. لدرجـه مو قادرة حتى إنها تناظر فيه ..

حس برجفتها و التوتر والخوف إلي بدا يلاحظه عليها .. بس ما علق ولاا قال أي كلمـه .. انسحب من الغرفـة بكل هدوء ..







.. في فلـــة أبو سعود ..


.. قاعدة على السرير تفتح الأكياس وتطلع منهم الثياب إلي شرتهم حق جهازها .. لأن ما بقى شي على زواجها .. انقضى شهر وهي ما سوت ولاا شرت أي شي بسبب الظروف إلي مرت فيها ..

وبما أنها كانت فاضية طول اليوم راحت وتسوقت مع أمها في نفس الوقت علشان تنسيها وتطلعها من إلي فيها بسبب زواج أبوها..

.. قطع عليها صوت رنين تلفونها .. خذت التلفون وناظرت بشاشة .. ابتسمت وهي تجوف اسمه ينور الشاشة ..

دلال:آلوووو

أحمد: أحلى آلووووو .. هلاا قلبي هلااا بـ حياتي هلاا بـ نبض قلبي .. هلاا بـ كلي .. شخبارج؟؟

دلال بحيا: تمام .. أنت شخبارك؟

أحمد: دووووم يا قلبي .. والله من سمعت صوتج صرت بـخير

دلال: ................

أحمد:آلوو حبي ..

دلال بـإحراج: معاك

أحمد: أمممم توقعي من متصل فيني اليوم

دلال بإستغراب: منو؟؟

أحمد من دون نفس: سـحر

دلال بغيرة: وليش إن شاء الله متصلة ؟؟ .. و أنت لاا يكون رديت عليها ؟؟

أحمد وهو واضح عليه الوناســة: شكلــي أحس بنبرة غيرة .. ياااااويل حالي على إلي يغاااااااارون علي .. أذوووب أنا

دلال بخجل: أحمـــد

أحمد بهيام: عيووووووووونه روووووووحه

دلال وهي تحاول تغير الموجه: ما قلت لي رديت عليها؟؟

أحمد : إي رديت ..

حست بـغيرة فضيعه .. بس حاولت كثر ما تقدر ما تبين له.. دلال: شنو تبي ؟؟

أحمد و حب يلعب في أعصابها: تبيــني

دلال بقهر : صج ما تستحي على ويها .. انا أبي أعرف هـ الآدميــة ما فيها ذرة كرامــة !!

أحمد: هههههههه هونج هونج يا قلبي .. هدي .. هي اتصلت تقول إنها تبيني في موضوع ضروري وما يتأجل ..

دلال بحيرة: وشنو هـ الموضوع إن شاء الله

أحمد: ما أدري والله هي ما قالت لي

دلال: يعني شلون ما تدري ؟؟

أحمد: يا قلبي تقول الكلاام ما يصلح على التلفون لاازم فيس تو فيس

دلال بغيره وزعل: يعني بتروح لها وبتتقابلون

أحمد: قصدج إحنى بنروح لها وبنتقابل

دلال متفاجأة: شلوووون

أحمد بإستغراب: شفيج غلاااي ؟؟ .. إي بنروح لها ريلج على ريلي .. وأنا قلت لها شرطي ما بروح ولاا بسمع شي إلاا إذا كنتي موجودة لأن بصراحه انا ما أضمن تفكيرها الخبيث

حست براحــة من بعد كلاامه .. دلال: أوكي مو مشكلة بس متى؟؟

أحمد : على الساعة 7 ونص إن شاء الله .. إنتي جهزي نفسج بمرج جي على 7 أوك

دلال: أوكي

أحمد : يلااا قلبي أخليج الحين .. باي

دلال بحب: باي


سكرت منه وظلت تفكر .. دلال في نفسها "يا ترى شنو الموضوع إلي تبي تكلم فيه أحمد"






.. في شقــــــــــة مستـــــــأجرة ..



.. في الصالة قاعدة على الكنبة وحاط يده على راسه وغارق في أفكاره .. ومو قادر يرسى على فكرة وحده .. ويحدد مصيره ..

خرجه من زحمة الأفكار صوت ناعم .. فيه نبرة قهر .. نورة: يلاا قوم وصلني لـ بيت أبوي

رفع راسه شوي وناظرها واقفه و حولها شناط .. رفع حاجب بإستغراب.. أبو سعود: ليش الشناط هذي كلها؟؟

ناظرته من فوق لي تحت بـ اشمئزاز .. نورة: تتوقع إني بعيش معاك بعد ما طلع إنك إنسان فقير .. وما عنك شي .. وكل الشركات والبيوت والفشخرة والعز إلي كنت عايش فيه مو ملكك ملك زوجتك .. وفوق هذا كله ما في شي بـ اسمك .. يعني افهمها أنا لولاا فلوسك كان من سابع المستحيلاات وحط عليها عشرين خط إني أتزوجك

وقف وهو يناظرها باستنكار وعدم تصديق .. أبو سعود: شلون؟؟

لفت الجهة الثانية بملل .. نورة: طلقني

حس إن الدم كله صار في ويه من كثر العصبية .. وما حس بنفسه إلاا إنه يفرق شحنات الغضب والقهر إلي كان عايش وسطها ..

صار يطقها من دون أي أدنى شعور .. و صدى كلماتها تتردد على مسامعه .. لدرجه ما كان يسمع توسلااتها .. بعد ما حس إنها جريب وتموت بين يده تركها .. أبو سعود بصراخ وهو في قمة عصبيته: إنـــــتي طالـــــــــــــق

طلع من الشقة وسكر الباب بكل قوة .. أما هي فلمت شتاتها وقعد تصيح وتصارخ وتندب حظها الردي إلي خلااها تتزوج واحد مثل أبو سعود .. أما عبد الرحمن .. بدت صرخاته تملأ صداها أرجاء الشقـة .. وكأنه يبكي أمـه .. وأبوه .. وعارف إن راح يتشتت






.. في بيت أبو رنيم ..


.. كانت قاعدة على الكنبة ويمها الجاري .. و هو منسدح على فخوذها وهي تداعب شعره الناعم .. وتتأمل ملاامحه وهي مغمض و واضح عليه إن مستمتع .. ابتسمت

سعود وهو مغمض عيونه: أقول حبي .. ما اشتقتي لبيتنا

رنيم وهي تتنهد: إلااا إشتاقيت ومن قلب بعد .. بس مثل منت عارف .. أنا حالتي ما تسمح لي .. وهني راح يكون أريح لي .. يعني عندي من يساعدني وإلي هي ماما .. أما هناك فـ صعبه شوي .. أنا أدري إنك منت بمرتاح هني .. و..............

قاطعها وهو يناظر لعيونها .. سعود: أششش لاا تقولين كلااام أنا ما قلته .. بـ العكس لاازم تعرفين إن أي مكان أروحه وإنتي معاي أحس براحه .. لأن راحتي في قربج .. أوكي عمري

حست براحه من بعد كلاامه إلي فعلاا كانت متخوفة إن متضايق من قعدته في بيت أمها .. رنيم بحب: تسلم لي حبيبي ربي يخليك لي وما يحرمني منك

سعود وهو يحط يده على قلبه: آآآه آآه يا قلبي .. ما أقدر أنا يا ناس يا عالم .. ارحموا حالي أذوووووووب أنا بـ حبيبي

رنيم: هههههههههههههه فديتك

سعود بحالمية: فديت الضحكة أنا .. تفداااج الروح يا روحي

بدت تلعب في شعره مرة ثانية وهو غمض عيونه وعم الصمت المكان وما ينسمع غير أنفاسهم .. بعد لحظات .. سعود وهو مغمض: قلبي إذا ارجولج عورتج قولي لي طيب علشان أقوم

رنيم بنبرة حزن تحاول إنها ما تبينها: لااا عادي .. أصلاا أنا وضعي ما يسمح حتى إني أحس برجولي يعني خذ راحتك حبي

حس في حزنها من بحت صوتها .. فتح عيونه .. وطاحت على عيونها إلي بدت تغرق بـ دموعها .. سعود بحنان: أفا يا قلبي ليش الدموع ..

قام وعدل نفسه وصار يمسح على شعرها بحنان .. بعدها خذها في حضنه وهو يحاول يخفف عنها .. سعود: يا قلبي إنتي راح ترجعين مثل الأول .. ما راح يتغير شي في حياتج كلها فترة وإن شاء الله تعدي .. وبعدين الغلط مني لأني نسيت أخبرج إني طرشت أوراقج وردوا علي إن في أمل في نجاح العملية وترجعين تمشين مثل قبل .. وإن شاء الله الاسبوع الياي راح تكون طيارتنا تنتظرنا

حضنته زياده و دموعها مغرقه ويها .. رنيم بصوت مليان صياح: أحـــبك

ابتسم وباس راسها ورجع حضنها وهو يهمس في أذنها .. سعود: وأنا أعشقج






.. في المستشفى ..


نجوى وهي مبوزة وماده البوز شبرين : مابي .. بليـــــــز بدووور قول لهم يرخصوني مليــت

بدر بعناد: مافي .. عيل بدوور هاا .. بدل ما تقولين حبيبي عمري حياتي .. تقولين لي بدوور وتبيني أسوي لج إلي تبين تحلمين

حست نفسها شوي وتصيح .. نجوى : طيب طيب .. حياتي بليـــز روح خلهم يرخصوني .. والله أحس إني بختنق من قعدت المستشفى ..

بدر وهو يحاول يهديها: أفاا تختنقين وأنا موجود .. وبعدين يا قلبي هذا لمصلحتج .. وإن شاء الله كلها أيام و تتحسن صحتج و يرخصونج

نجوى بدلع وهي شوي وتصيح: مابـــــــــي ..

حب يغير الموضوع .. ابتسم وهو يقرب منها ويقعد على السرير .. بدر: فديت الدلع أنا يا ناس حبيبي كأنه قوطي أناناس ..

شهقت وهي تحط يدها على صدرها .. نجوى: أيا المفتري أنا كأني قوطي أناناس ..

رجعت مدت بوزها بزعل وتكمل بدلع .. نجوى: مابي زعلت .. برووو (يعني إطلع بره .. أو روح عني)

بدر وهي يضحك: هههههههههه بروو مرة وحده أفا ما هقيتها منج .. تطرديني يا دوست دارم (يعني حبيبة قلبي)

لفت ويها عنه وهي تتصنع الزعل .. وهو ميت ضحك عليها واستلمها بـ بكلمات عجمية حافظهم من أيام السكول





.. في سيارة أحمد ..

وصلت عند باب بيت دلال .. رفع تلفونه وضغط على رقمها .. وشوي إلا بصوتها الناعم .. يخترق مسامعه

دلال: آلوووو

أحمد: آلووو عمري يلاا طلعي أنا عند الباب

دلال: أوكي

سكرت منه .. خذت شنطتها ولفت الشيلة على راسها وطلعت وعلى طول ركبت يمه ..

دلال: السلاام عليكم

أحمد وهو يبتسم: وعليكم السلااام ... توه ما نورت السيارة

ردت له الابتسامه .. دلال: تسلم
حرك السيارة وتجهوا لبيت سحر .. كان مشغل أغنية لـ راشد الماجد & عبد المجيد عبدالله


...........................



يَا حُبّي الأوّل وَالأخِير تَدري فِي غِيابِك وِش يِصيرْ ..
تِظلم فِي عِيني دِنيتي وَأصبِح بَلا شُوفـك ضَريـرْ

أبكِي وَ تِسألنِي الدّمُوع مِتى مِتى وَقـت الرّجُـوعْ ..
وَ الشّوق اللّي بِين الضّلوع أَتعَبنِي فِي غِيابك كِثيرْ

وَحشنِي صُوتك يَاغلاي يَا فَرحِي وَبسمَـة شِفـاي ..
تِوحَشني يُوم انتَ مَعاي وَتخيّل إن غِبت إِيش يصِيرْ

أشُوفِك بِكلّ الوُجوه وَفي زَحمـة أفكَـارِي أَتُـوه ..
أَنا بِرجا كِلمـة أَلُـو تِجبـر بِهـا قَلبِـي الكِسيـرْ

يَاحبّي لاَلا لاَ تِغيب وَارجع لِي يَـا أغلَـى حَبِيـب ..
فِي غِيبتك كَأنّي غَرِيب أمشِي وَلا أدرِي وِين أسِيرْ

يِظلم فِي عِيني كِلّ شَي مَعد تَرى فِي دِبـيّ ضَـيّ ..
وَالشّوق لَك يِقسى عَليّ وَأنـا بِدُونـك مُـو بِخيـرْ

نِصف القِلادة لِي مَعاك ذِيك اللّي قَلب اللّي هَـواك ..
وَالنّصف الآخَر مِن غَلاك مِن شُوقِي لَك وِدّه يِطيرْ

طَمِنّي يَا خَالـد عَلِيـك مِـن لَهفِتـي وِدّي أَجِيـك ..
تِدري بِأنّه أَمُوت فِيك وِبقربَك أَصبِح شَخص غِيـرْ

يَا حُبّي الأوّل وَالأخِير تَدري فِي غِيابِك وِش يِصيرْ ..
تِظلم فِي عِيني دِنيتي وَأصبِح بَلا شُوفـك ضَريـرْ


...........................


.. كان يغني معاهم وهو كل شوي يناظر بـ دلال ويبتسم ..وصلت السيارة لين بيت سحر ..

دلال وهي تحاول إنها تقلل من التوتر إلي بدا يسيطر عليها ..: وصلنا ؟؟

ابتسم وهو يجوف توترها .. وحب يطمنها .. أحمد وهو يمسك يدها ويحضنها بيده: قلبي لاا تخافين أنا معاج

ابتسمت شبه ابتسامه وهي تحاول تنسى التوتر .. دلال وهي تهز راسها: طيب

حب يغير الموضوع .. أحمد: تدرين حدي عطشان يلااا نزلي أحس ريجي نشف

دلال: ههههههه أوكي

.. نزلوا من السيارة و شبكوا يدهم ببعض .. ورنوا الجرس .. شوي إلاا الخدامه فاتحــه الباب .. ومدخلتهم الميلس ..




.. عند سحر ..

قاعده في الصالة تنتظر على نار .. شوي إلاا بالخدامة داخله الصالة تخبرها بوصول الضيوف ... على طول دخلت المطبخ وهي تجوف كاسين فيهم عصير واحد فراولة والثاني برتقال .. هي تعرف إن أحمد ما يحب عصير الفراولة .. ابتسمت بخبث وحطت البودره في الكاس إلي فيه عصير برتقال ..

بعدها طلعت وهي تطلب من الخدامه تلحقها للميلس .. توجهت للمرايا وناظرت شكلها وابتسمت برضى .. كانت بقمة النعومة والأنوثة

.. دخلت الميلس وهي عيونها تبحث عن أحمد .. أول ما جافته ابتسمت بحب .. سحر: السلاام عليكم

أحمد ودلال: وعليكم السلاام

قعدت قريب من أحمد إلي تضايق وعلى طول قام وسحب معاه دلال وقعدوا في كنبة ما تكفي إلاا لشخصين وهـ الشي حرجها وقهرها في نفس الوقت .. أما دلال فرحت بحركته وبردت شوي من حرتها وقهرها على سحر ..

أحمد بملل: يلااا خلصيني شنو موضوعج

.. في ذي اللحظة دخلت الخدامة وفي يدها صنية .. قدمت لهم العصير .. وطبعا مثل ما توقعت سحر .. دلال خذت الفراولة .. وأحمد البرتقال .. زادت ابتسامتها وفرحتها لما جافت أحمد وهو يشرب العصير كله في نفس واحد ..

سحر في نفسها "شكــله عطشان .. ههههه والله طلعت السالفة أسهل من ما تصورت" ..

.. حط الكاس على الطاولة ورفع نظره لها .. بمعنى (خلصيــنا) .. خذت نفس عميق وبعدها زفرته براحه ..

سحر وهي تمثل الحزن: .. أنا في واحد طالب يدي .. وأبوي موافق عليه .. وعطاني مهلة أفكر لنهاية الاسبوع .. فـ قلت وأنا للحين عندي أمل إن ممكن إنك تبيني ..(توه بيقاطعها هي واصلت كلاامها) .. عندك لي نهاية الاسبوع .. (وهي تناظر دلال بنظرة ما فهمت معناها) .. وإذا ما رديت لي خبر راح أفهمها بنفسي إنك ما تبيني .. (طالعته بنظرت رجى) .. بس أتمنى ما تخيب أملي .. لأني أحبك ..

قامت دلال وهي متنرفزة والدموع متحجرة في عيونها وبصوت مخنوق: يلاا نقوم .. أعتقد خلصت كلاامها

قام أحمد بدون أي كلاام .. مسك يد دلال وطلع .. أما هي فـ قامت ترقص من الوناســة وإن خطتها تمشي مثل ما خططت







.. في بيت أبو وائل ..

في الميلس .. احتار وائل في هذيك اللحظة شنو يقول حق أبوه .. وشلون يبتدي في الموضوع .. خذ نفس وتوكل على الله : يبا أنا بصراحة ناوي أتزوج

أبو وائل بفرح: والله هذي الساعة المباركة .. و البنت موجوده .. والله إنك ما بتحصل أحسن منها .. وانا اليوم بفاتح أمك وبقول لها تروح وتخطبها لك

وائل وهو يحط راسه بتوتر: لاا يبا فهمتني غلط .. أنا أبي أتزوج .. بس البنت أنا مختارها بنفسي

أبو وائل بإهتمام: من بنته ؟؟

وائل وهو مو عارف شنو يرد على أبوه: بصراحة يبا .. أنا ما اعرف ولاا هي تعرف من بنته .. لان باختصار هي بنت من دار الايتام

أبو وائل بصدمــة: تبي تتزوج وحده من دار الايتام .. ما ينعرف من أصلها وفصلها .. بنت لقيطة !!

حس بجرح من كلمة أبوه "لقيطــة" .. وائل وهو يحاول يقنع أبوه: يبا البنت يتيمة .. و.........

قاطعه بصرامة .. أبو وائل: قصدك لقيطة مو يتيمة ترى في فرق .. وشاسع بعد

نزل راسه وهو يحس بصعوبه الموقف .. وائل: و اذا لقيطة يعني شنو مو مثل العالم والناس .. يبا صدقني البنت أخلااق ما شاء الله عليها .. يعني هي شنو ذنبها إذا أهلها ما خافوا ربهم ورموها .. يبا أنا طول عمري أقول إنك طيب وحنون .. وما تحكم على الناس بـ الظاهر .. إلاا لما تعرف معدنهم .. طول عمرك حكيم .. أنا لو غيري كان تزوج بدون ما يقول لأهله لأن يعرف ردت فعلهم .. بس أنا لااا لأني أولاا ما يطاوعني قلبي أسوي شي من غير رضاكم .. و لأني متأكد إن أبوي راح يفهمني وما راح يحرمني من سعادتي .. يبا الله يخليك أفهمني ..

أبو وائل:.............................







نهــــــــــــــاية الــــــــبارت

توقعاتكـــــــــمــ؟؟

 

[tota 92]

تسلمين حبيبتي عالبارت ويعطيج العافيه
بس ترا ماصارت يعني ننطر من اسبوع لي اسبوع والبارت اللي ينزل صغير
بليز حاولي تكلمينها تنزل بارتات اطول
وسوري عالازعاج حبوبه

 

[admant_7abk]

هلا حبيبتي
الله يسلمج ويعافيج
شاسوي هاي ظروف الكاتبه ماقدر اقولها شي !!
نو عادي قلبي

 

[^^صمت^^]

يعطييييييييييييييييييج العاااااااااافيه
البارت حلو بس قصير يلا ننطر يوم السبت
اتوقع يرضى

 

[admant_7abk]

الله يعافيج حبيبتي

ان شاءالله بكره البارت

 

[غــلآهاا غير]

يعطيييج الف عافيه حبيبتي البارت روعه يارب يوافق بس بليز قولي للكاتبه تطول البارت وتخليه قبل السبت اذا ماعليج امرر

 

[غــلآهاا غير]

هياا ناطرينج باجر حبيبتي بس نبي طوويل

 

[عواشه =)]

بنتظارج

 

[admant_7abk]

مرحبــــــــــا حبايبـــــــــي

مشكورين ع الردود والتفاعل

وإن شاء الله تكون توقعاتكم في محلها

بس فديتكم .. أنا لاا حظت الأغلب يبون يومين ولجل عيونكم حاظرين

راح أخلي يومين

يوم الخميــس إلي هو اليوووم ^^

ويوم السبــت ^^

بس في مشكلة وأنا خايفة منها .. إن في إحتمال يوم من هـ اليومين أنزل شوي متأخر .. بس بـــليــــــــــــــــز

لااا تكثرون ردود .. يعني إذا ما عليكم أمر ..


هالكلامات ما أبي أجوفها (متى البارت .. الساعة كم .. جاري الانتظار .. وإلخ...)

أنا يا حلوين كل بارت انزله أقول متى الموعد والوقت يعني ماله داعي .. أما بخصوص جاري الانتظار .. بليز هم مالها لزمه

لأن وااايد ناس تتضايق من كثرت الصفحات ..

على العموووم أنا أدري هذا كله من حمااسكم وهـ الشي يسعدني .. بس بليز هم راعوا القراء ^^

لاا هنتوا

إأما بخصوص بعض الردود إلي *(لااتعليــق)* .. حبايبي أنا سبق وذكرت .. محد مجبور يقرا لي .. يعني إذا إنتي مو عاجبج أسلوبي أو مواعيدي أو أي شي .. فتأكدي .. إني ما أجبرج تقرين

أما بخصوص إن تبين تنتقديني .. فأنا أتقبل النقد بكل رحابة صدر .. بس في شي اسمه "أسلـــــوب"


أدري طولت عليكم بالكلااام


يلاااا إنتظرونـــــــــــــي اليووووووووم ع الساعـــــــــة 7 ونص في الليل ^^



ســـــــــــي يووووووووووو


هذا رد الكاتبه يعني بتنزل يومين في الاسبووع

 

[admant_7abk]

دقايق وانزل لكم بارت يوم الخميس
توني شايفته
سوري بنات الاني مادخلت المنتدى من اخر بارت نزلته الكاتبه