إمطهرته الملائكة !!!

[ساره ستايل]

امممممم
اخو جارتنا الحين كبير عمره بالعشرينات ومتزوج وعنده عيال
تقول سبحان الله من طلع من بطن امه واهو مطهر ولاطهروه ابدا

ماشالله

نفس سيدنا محمد(ص) انولد وهو مختون(امطهر) سبحان الله

 

[الغاليه نونو]

الياهل لي طلع مطهر مايحتاج طهور ثاني مره شتقصون منه مسكين خلوه يتهنا بحنتوشه هههههههههههههههههههههههههههههه انا اعرف وحده ولدها يابته مطهر ولاطهرته والحين معرس وعنده توأمين بنات وصبيان واخوه اللي طهروه عرس ومرته مايابت شى المسكينه عاد يتغشمر اللي مطهرينه يقول لامه شكو مطهرتني لومخليتني علي طمام المرحوم يمكن اييب لي قطوه تقول لي يبا ههههههههههههههههه

 

[بسكوتة]

حبيبتي خل ادير بالها من دار الشفا يطهرون من غير لا يكشفون على الولد لا وياخذون فلوسهم مقدم بعد حمدلله والشكر احس لاعبين اب حسبة ولدي مثل ننوسه بس انا خايفه اودي دكتور ثاني ويخرعني يقول يحتاج عمليه وخايفه اسكت واتسبب على ولدي

 

[ساره ستايل]

بسكوته

انا ولدي البجر امطهرته ابدار الشفا
بس قبل لا يطهرونه .. كشف عليه دكتورين جراحين
وعقب طهروه .. وعقب العملية دفعنا الفلوس
هالحجي سنة 2005 شهر 1

مادري يمكن انتي تجربتج قريبه

الغالية نونو : لووووووووووول ضحكتيني على هالسالفه
الا شخبارج ؟؟ قطعتي جنج عن المنتدى من عقب العرس

 

[nanosa78]

بسكوته لاتسكتين عليه اذا شايفه شي غريب ترى وهو صغير احسن من يكبر ويتعقد والله يسهل علينا يارب والله اشكثر احاتي من اذكر حالته اتكدر بس رب العالمين يفرج عن الجميع

 

[شهدQ]

حبيبتي هالحاله تكون فيها فتحة البول نازله عن موضعها الطبيعي

واهما ينطررن سنه عشان يقررون شيسون وكم مستوى نزولها

ومايطهرونه لان هاللحمه الزايده الباقيه يستعملونها في الترقيع

لاتتعبثين فيه ديربالج ولاتطهرينه لان من غير هاللحمه مايقدرون يصلحون العيب نهائيا ويسمونه مولود مطهر لانه مايقدر يبول الا واهو قاعد لانه اذا وقف يدمر عمره ويكون المكان الامامي مطهر مع بقاء قطعه صغيره

واشطر دكتور بهالسوالف دكتور محمود البدر عيادته بمجمع الهدى

وماكو الا العافيه

وعسى الله يخليه لها يارب

 

[شهدQ]

اي وعشان ماتخاف قوليلها هالحاله شائعه جدا

وماله الا العافيه

 

[nanosa78]

شهد كلامج كدرني حيل الله يغربل هالدكتور اللي ودر ولدي وطهره والله ما ادري شسوي , بنات نصيحه مني لاتطهرون عيالكم بدار الشفا والله بالي مشغول عليه ما ادري اشلون راح يسون له عمليه وهو مطهر,أسألكم الدعاء

 

[شهدQ]

شهد كلامج كدرني حيل الله يغربل هالدكتور اللي ودر ولدي وطهره والله ما ادري شسوي , بنات نصيحه مني لاتطهرون عيالكم بدار الشفا والله بالي مشغول عليه ما ادري اشلون راح يسون له عمليه وهو مطهر,أسألكم الدعاء

حبيبتي ولدج مستحيل يكون من هالنوع ولا جان نزف لان الفتحه تكون اسفل راس القضيب ومع الطهار تنزف

تطمني حبيبتي

ماله شر

 

[درة الشاميه]

انا ولدي جذي وعادي مايطهرونة

 

[ساره ستايل]

شهد : مشكوره حبيبتي على الرد الشافي الوافي .. قواج الله

نور : الله يحفظ لج ولدج من كل شر حبيبتي

 

[nanosa78]

مشكوره شهد حبيبتي على الاهتمام والرد والله يطمن قلب كل ام تحاتي عيالها والله يشافي عيالج يارب ,بس حبوبه اذا عندج رقم دكتور محمود البدر ياليت تعطيني اياه واشلون احجز بالتلفون او بالعياده وتسلمين ماقصرتي.

 

[شهدQ]

مشكوره شهد حبيبتي على الاهتمام والرد والله يطمن قلب كل ام تحاتي عيالها والله يشافي عيالج يارب ,بس حبوبه اذا عندج رقم دكتور محمود البدر ياليت تعطيني اياه واشلون احجز بالتلفون او بالعياده وتسلمين ماقصرتي.

والله مو عندي

هذا ولد بنت عمتي

وشاكره دعوتج يارب

واسفه اذا كنت ضايقتج من غير قصد

وصدقيني هالحاله شائعه جدا

انا اعرف 4 جذي

هم ثنين طهروهم وتالي سولهم عمليه والحين شكبرهم على 14 و16 سنه

وماكو الا العافيه

وكلن مبتلي بهالدنيا

حتى انا الي قاعد اكتبلج يايتني من الهموم مايكفيني والسبب المحاتاه

والاطباء

عسى الله يخليج ولدج يارب ويطمن قلبج

ودقي ع البداله يعطونج رقمه

 

[ساره ستايل]

شهد : الله يشفي اعيالج وتشوفينهم معاريس انشالله

 

[nanosa78]

تسلمين ياشهد والله كفيتي ووفيتي عسى يفرج همج ,احنا اشذابحنا غير المحاتاة الحال من بعضه حبوبه

 

[meyou]

شوفي حبيبتي صح كلام زينه الطبيب الكويتي اللي بالمواساة روعه ما شاء الله عليه كويتي اسمه سعد المنيع روحيله انا انصحج و اخذي موعد لان طق اعصي عليه الكل يروحله ولتطهير اهمه بس من الساعه 5.30مساءا ماعندهم اوقات ثانيه و سلامتج

 

[ساره ستايل]

مشكورة مي يو علمرور

 

[زهرة اللوتس]

سبحان الله اول مرة اسمع

 

[mrs_sugar]

ما اء الله شهد كفت ووفت بعد ما في كلام زيادة ممكن ينقال الا ان هذه الحالة طبيا تسمى hypospadius و هي انواع حسب مكان فتحة البول بالنسبة للقضيب النوع الأول تكون اسفل مكانها الطبيعي مباشرة , النوع الثاني تكون بين القضيب و كيس الصفن و النوع الثالث تكون على كيس الصفن و تعالج على مراحل كلما بعدت عن موقعها الطبيعي كلما زادت مراحل العملية

افضل مكان يسوونها قسم جراحة الأطفال بابن سينا هم متخصصين بها العمليات

و ما تشوفون شر مع تمنياتنا بالصحة والعافية للجميع

 

[Angel]

شوفي اختي عندج د. محمود البدر وهو رئيس قسم جراحة الأطفال في ابن سينا وما شاء الله عليه كلمة روعة قليلة عليه..وهو اللي قالي طهري ولدج باليوم الفلاني (لأنه اسم الله عليه كان عليه ظروف خاصة) عموما رحت همن لل د. المنيع وهو دكتور ممتاز خصوصا بالمواقف هذي وهو اللي طهر ولدي وما شاء الله الحين كل شي تمام الحمدلله رب العالمين.