إلي يسبون ويلعنون الجلاب ... تعالو ...

[ورده حمره]

يا حلات الجلابه يهبلون بس المشكله صعب نربيهم بالكويت لان الجلب ماتقدرين تحبسينه مثل القطو

لازم تمشينه يوميا ويسويها بره طبعا واحنا الجو عندنا مااايساعد كلش

 

[دلع انثه]

رد : إلي يسبون ويلعنون الجلاب ... تعالو ...

اول شي واااااااايد عجبني موضوعج :eh_s(15):


ثاني شي أنا اعشق شي اسمه جلب والله اقسم بالله كان عندي جلب أنا مربيته بس ابجي:eh_s(11): كان يحط راسه تحت ريولي وجنه مضايق عشاني اقسم بالله انه وفي وأوفى من الاوادم وربي بس للأسف أمي ماتحبه وطلعته من البيت ولا جلبي كان حبيبي تعالي خلي احد يطقني جدامه على غشمرة تلقينه عصب وترى حده ذكي

 

[رتوج بنت امها]

Qـويتية و yassoo عجبتوني وااايد وايد استانست ان مو بس انا الي احس بهالاحساس و انشالله يكثر من امثالكم يا رب وايد بردتو قلبي بالموضوع

 

[عشق ريلها]

بالعكس والله انا احب الجلاب اكثر من القطاوه
احس القطاوه مادري شلون يبطون الجبد
اما الجلاب يننون وحلاته جلب مايكبر

 

[النملة نواري]

منو اللي يلحق الجلب ويطقه؟؟؟ بروحه يخوف!!!!!!!!!
حبيبتي الجلب حاله حال القطاوة المترسين بالشوارع!!!!!!!!
اذا دخلت جلب بدخل قطوة ومراح نخلص!!!!!!
ثانيا صح انا معاج اعطيه اكل ماي غيره لا!!
لون تبيني اخسر دخلت الملائكه على وعلى بيتي عشان جلب!!
هذي حيوانات اخلقت بالطبيعه وربي فطرها تدور لها ملجا واكل وغيره!!!
اذا الرسول طرد الجرو عشان جبريل رضي الله عنه << شلون انا ادخله واطرد الملائكه!!!!!!
حبيبتي نص الكلام انا معاج!!!!!
اي نرحم الحيوانات عموما بس طاعه الرسول صلى الله عليه وسلم ودخول الملائكه ما اظن بتازل عنه!!
تقبلي مروري

بالضبط نفس الي بقوله

 

[نجود الوافي]

رد : إلي يسبون ويلعنون الجلاب ... تعالو ...

انا بعد امووووووووووووت ع الكلاب وافضل الحيوانات بجميع انواعها ع البشر عمتي اذا حطيت للقطاوه أكل تهاوشني تقول انتي تعودينهم يجون عندنا واذا لقيت عيالهم امسكهم وارضعهم افرغ قطرة العيون واحط فيها حليب وارضعهم هههههههههه


بس للمعلوميه البيت اللي فيه كلب ماتدخله الملائكه


مايجوز تربيتهم إلا للحراسه وهيك


يسلمو ياعسل ع الموضوع النايس مثلك

 

[Shiny Star]

للرفع

 

[Sweet Brunette]

رد : إلي يسبون ويلعنون الجلاب ... تعالو ...

واي انا اموت عالجلاب و حتا ابوي بس مرا يبنا جلاب و خليناهم بل حديقه و صار زعاج و الييران عصبو فا ابوي الحين لو شنو ماراح ايبلي جلب يقولي حدج قطاوه اوف

 

[نونه الزعفرانه]

واااااي والله تهبلين
قلبج رهييييف حبيبتي
والله في ناس ما ترحم الاوادم تبينها ترحم جلاب
الله كريييييم

 

[ورده ولا كل الورود]

الله يجزاج خير على الموضوع احب الجلاب وعندى كذا واحد فى البيت مع القطاوه استانس معاهم ووواجد وياريت عندى مكان جان اجيب وحطهم عندى

 

[دعودي]

رد : إلي يسبون ويلعنون الجلاب ... تعالو ...

انااااااااااااااااا بل عكسسسسسس انااااااااااااا عششششششششقي الكلاااااااااب اموووووووت عليهم وااااي ابي كلب بس لو ماما تووافق احسن يوم بحيااتي

 

[Toofi~]

رد : إلي يسبون ويلعنون الجلاب ... تعالو ...

قلبوو انا معاااكي انوو نرحممهم و ما ناذيهم بس ووجهة نظري انه ما ندخلهم بيتنا نرحمهم ما ناذيهم بسما نلمسهم و

لا نندخلهم بيتنااا لانوو طريقة الطهااااارة من نجااسة الكللب معقدة و ما ينفع مانتطههر كوييس عشان الصلاه اولا و

ثانيا بيتك و ملاابسك يعني عشااان كداا الافضل انه ما نختلط معاااهم بس نرحمهم لو كاانو في حاجتناا ^_^
:eh_s(22)::eh_s(7)::eh_s(22):

 

[Qـويتية]

عشق ريلها\ مشكورة حبوبة ^__^ والجلاب وفاءها ما بعده وفاء :eh_s(7):
النملة نواري\ حبوبة وين يلاقون عندنا رزقهم وهني كل ما شافو قطو ولا جلب راحو ركضو وراه وما يردون إلا وباطين راسه ؟؟؟ ووين يلاقون الأكل ؟؟؟ والماي في الصيف ؟؟؟ مافي شي أي رزق الي تدور عليه في زمنا هذا حتى النعمة شالوها من الناس مو بس من الحيوان :eh_s(2):
نجود الوافي\ هههههههههههههههه اي والله قطرة العيون جنج أنا مضبوووووط :rerrerek: اما عن الجلاب فالرحمة عندي هو أول وآخر شي بالعكس ^_^
Shiny Star\ شكرا للرفع حبوبة
Sweet Brunette\ بصراحة وايد تسير هالسالفة والجيران مو من حقهم يشتكون هذي حرية شخصية دامج ما أذيتي أحد، من جذي أحب أسكن وأروح لأماكن مسموح فيها الجلاب
نونه الزعفرانه\ مشكوووورة على الرد حبوبة وصح كلامج إذا الناس ما ترحم بعضها تبينها ترحم الحيوان ؟؟ للأسف :eh_s(14):
ورده ولا كل الورود\ مشكوووورة حبوبة والله يخليهم لج يارب كلهم :ggdw:
دعودي\ ياااااااااااارب توافق أمج ياااااااارب صج الجلاب يونسون وصداقتهم ووفاءهم مو طبيعي صراحة
Toofi~\ مشكووورة حبيبتي على الرد الطيب ^^ وجهة نظرك أحترمها من كل قلبي وبالنسبة لي بالعكس لما تدخلينه البيت في زمنا هذا رحمة وخصوصا إن برا رح يلاقي كل أنواع التعذيب والحرمان ... إلخK، وعن الطهارة بالعكس أكيد حبوبة فلازم نغسل ايدنا من كل حيوان نمسكه قبل لا نتأكد من نظافته، والحين أكو منتجات يبيعونها تنظف وتطهر حلوج الجلاب وتنظف أسنانهم وحتى في مطهرات وأدوية أساسا مكوناتها من التراب تساعد على طهارة فم الجلب ^^ .

رفع رفع رفع لحبيباتي :eh_s(7):​

 

[broor]

موضوع مهم واااايد
و جزاج الله خير

اخلاق المسلم تحتم عليه انه يرأف بحال الكائنات ,

و انا صراحة تضايقت لما قريت انه بصكون paws

 

[Qـويتية]

الله يخليج اختي broor مشكووورة على الرد الطيب ^_^ ولا تحاتين PAWS لقو مكان يديد لهم وصار بجبد :eh_s(17):

 

[batooly]

من اوووفاا اوووفاا و اخلص و اوووفى الحيوانات الجلابة

من وجه نظي من اوفا حيوانات العالم
لان الحيوان لمن تعطينه اكل و يجي عندج و تقولين وناسة يحبني , ترى اهو بس يبي اكل و اذا يا عندج بس يبي يشوف عندج اكل و لا شي و لا لا؟؟
اما الجلب يعني لمن تعطينه اكل , راح يثق فيج و يصير صديقج و حدة مخلص >ادري ما فهمتوني مو عارفه اشرح <

بس المشكلة النجاسة :/

 

[tnkora]

موضووعج. هذاا. بين. الروح. العاطفيه. الي فيج. وحررصج. على. عكس. نظرية. كره. الانساان. للكلب


اهو حيواان. ما يفهم. بس يعرف الي. يحبه. والي. يكره. شي طبيعي. اذا عاملتيه. بعطف. راح. يحبج. ويحميج. واذا. طقيتيه. شي. طبيعي. راح. يكرهج


حبيبتي. تسلمين. على. المووضووع. وان شاء الله. يكوون دايمااا. اول. واحد


ولعيونج. للرفع. اب اب

 

[tnkora]

انا. احبهم. بس. ممنوع. ادخلهم البيت. امي. وابوي ما. يرضوون ادخل. الا. القطاوه. ووالطيوور. يعني. كل. شي. ما عدا الجلااب. و و. و و

 

[Loloki]

وااااي فديت موضوعج بصراحه انا عندي جلب احس والله يا بنات احس فيني لما اكون مضايقه مره قاعده ابجي

يبي يلحس دموعي. والي تقول ان جلب اسويها بكل مكان ولقطاوه حبيبتي في تدريب وتخصصيله مكان اسويها وخلاص وليش معقده الامور

وانا حامل وكل يحط راسه عد بطني والله بنات رافه بالحيوان واجب علينا

والقطو شعذه فيه وايد بكتيريا وجراثيم اكثر من الجلب هذي دراسه اثبتت جذي ولدرجه شعر القطو اسبب حساسيه

ومشطوووره على موضوووعج فديتج

 

[Qـويتية]

batooly معاج حق صج صج صج أوفا حيوان، اما عن مسألة النجاسة، فلعاب الجلب هو الي نجس بس، والله يخلي منتجات هالوقت الي تخلص فم الجلب ولعابه من البكتيريا وتخليها صحية ونظيفة ^^

tnkora يعطيج ألف عافية على الرد الطيب، اهو مو نطرية كره الانسان للكلب، بصراحة أنا أسميها "نطرية كره العرب والمسلمين للكلب" وهذا الي ناس وايد فاهمينه غلط، والأجانب يستغلون هالشي في نعت الإسلام إنه دين يكره الجلب وأنا أحاول أصحح هالمصطلحات الخاطئة، ومشكووورة على الرفع

Loloki فديتج حبيبتي على الرد العسول والله، هههههه أنا جلبتي دايما تبي تلحس، أخليها تلحس ايدي ومرات تيي من نفسها تلحس ريلي وتقعد وما تنام إلا على ريلي إذا كنت قاعدة على اللاب، تعور قلبي احس صج فقيرة ومسكينة، ومثل ما قلتي، مو بس الجلب والقطوة، كل حيوان يسويها بأي مكان، ومع التدريب رح يتعود يسويها بمكانه الخاص، وبعدين الحيوانات إذا ما لقت شي مثل السجاد أو أرض أو عشب أو أي شي يمص السوائل أكيد بتسويها في أي مكان ثاني، خصوصا إن الحيوانات وأهمهم الجلب والقطوة كل عمر له مدة معينة لحبس البول داخلهم، ومثل ما قلتي عن القطوة، جراثيم القطوة أكثر من الجلب، وأنا شخصيا أموت على القطاوة واحبهم ومربية قطاوة أول، بس القطوة من أمسكها حساسية تطلع فيني وأحس سدري يعورني ويقل تنفسي، ولما تشمخني ألاقي الشمخ ينتفخ حيل حيل حيل حيل يسير أزرق ومايروح إلا بعد أيام، اما الجلب فما يسير فيني هذا كله أبدا وحتى لو تشمخني الجرح ما ينتفخ علطول أغسل ايدي وثاني يوم رايح، والعفووووووووووووو .
​