إلي عندها جيب فورد

[shoshowh]

السلام عليكم
اشلونكم بنات
ابي راي كل وحده عندها او جربت جيب ايدج من شركة فورد
ابي اشتريه وابي اعرف الي استخدمته شتقول عنه
وناطره ردودكم

 

[smecha]

انا عندي فورد بس مو الجيب و مو زينة
و بنت خالتي عندها الجيب توها شاريتة كلش ما تمدحة لا اهيا ولا اهلها

 

[ام عيالها الغاليين]

للأسف انا عندي اكسبدشن بس روووووووووووووووووووووووووعة ماشاء الله

 

[بنت حوى]

أبوي عندا هالجيب كلش ما يمدحه يعني خراباته وااايده
ولازم كل أسبوعين يوديه البنجرجي

 

[كيوت_25]

ويييييييييييييييييي

عاد اختي توه بتشتريه

 

[shoshowh]

والله حيرتوني بنات ناس تمدحه وناس تذمه

 

[miss_Ba6oOo6a]

تكييييييييييييفه ولا شي عند بنت خالتي

 

[اخت رجال]

أنا عندي اكسبلورر وتكيفه موذاك الزود ما انصح فيه

 

[Sh6OoORA]

انا عندي فورد ادج بالعكس وااايد حلو واستخدامه حق بنت وايد مريح وتكيييفه بااااااااارد ماشاءالله
يعني اخذينه ماراح تقحصين فيه خو بنيه يعني شغل ذرب

 

[سلسبيل]

نصيحه أبعدي عن الفورد بكبرها من اصغر سيارة ليا أكبرها

 

[آبـلـہ نـونـو]

آمي و آبوي عندهم جيب فورد ,,

ممتآز من كل آلنوآحي ، خصوصآً للعآيلهـ ,,



..

 

[shoshowh]

مشكورين
وان شاء الله بروح الوكاله علشان اجربه

 

[غلاي غير]

اختي عندها اكسبلورر
مو شي
مو مريح
يشرب بانزين
تكيفه مو شي سنه على مايبرد ولي برد يذبح تردين البيت بلاعيمج وارمه
وتوزيع التكيف مو حلو

 

[ليالي العاشقين]

انا عندي هالجيب..توني مطلعتها قبل اسبوعين ورفيجتي هم شارته من شهر 12 عجيييييييب....
والله حيل استخدامه حلووو.....

 

[فروحه 87]

انا امي جيبها اكسبلورر واخوي عنده جيب ايدج
مرتاحين والله الفورد كد ومد
لا خرابات ولا شي
وبعد استخدام صبي مو بنت
توكلي على الله والله سعره فيه ويعيش الفورد معروف وحتى قطع الغيار متوفره
يالله يكتب الي فيه الخير

 

[عبق البنفسج]

هلا أختي
أنا كان عندي جيب ايدج شريته بسنة 2007 أول مانزل وخذيت الفل اوبشن بذاك الوقت على 10 ألاف و350 دينار ..
والجيب حلووو مافيه اي شي واستعماله حلووو والتكييف بارد وظلت السيارة عندي سنة تقريباً .. ولا مرة اختربت علي بس ثلاث أو أربع مرات طفت علي بدون سبب ووديتها الوكالة وقالولي مافيها شي .. "هالشغلة صارت معاي الحين بتاهوو بعد ولما رحت الوكالة قالولي عيب مصنعي بكل تاهووات 2009 وغيرولي القطعة والحين زينة مافيها شي"
المهم عقب قررت أبيع السيارة لأني كنت بشتري تاهوو .. ولما عرضتها للبيع شفت انها ماتسوى ولا شي بالسوق .. يعني انا شريتها 10 و350 وعقب سنة بعتها بــ 6800 دينار ..
مشكلتها ان السعر مبالغ فيه وايد

 

[مس ^_^ تكانه]

عاد انا محتاره نفسج ما ادري شنو اخذ جيب فورد او جيب شفر اليديد

شرايكم بنات ؟؟

 

[shoshowh]

انا محتاره بعد

 

[MALAAK22]

انا مثلج مس تكانه محتاره بين هالجيبين فورد ولا شفر؟!
ولا ارد اشتري jeep شروكي؟

 

[عبق البنفسج]

بنسبة للي يسإلون عن جيب شفر كابتيفا أو ايدج
فايدج وايد أحسن من كابتيفا .. كابتيفا أول شي صناعتها مو امريكية 100% لأنها مصنوعة بكوريا وبصراحة مو سيارة كد .. وتقدرون تدورون بقوقل وتسوون بحث عن السيارتين .. << لأني انا قبل ما اشتري الادج سويت بحث ومقارنة بينها وبين كابتيفا .. ولقيت ان اكثر منتديات السيارات يمدحون ايدج