إلي راحت بلجيكا وهولندا وباريس ممكن تفيدني بليزز

[أم جوني]

هاي بنات شلونكم انا رحتلي هل الصيف بلجيكا وهولندا وباريس أبي أعرف شنو أحلى الأماكن بهولندا وأحلى الأماكن بلجيكا بالتفصيل وابي أحلى مجمعات باريس وخصوصا مجمعات الأوت ليت إلي باريس ومشكورين وايد :tek::tek:

 

[أم@الحلوين]

دشي منتدى العرب المسافرين انشالله تلقين هالمعلومات وسفره سعيده انشالله

 

[far007a]

السلام عليكم

انا زرت بلجيكا الصيف اللي طاف والله وايد حلوة
فيها سوق حلو في شارع سيتي تو عجييييب وتكرمين جواتيهم حلوة شريت منهم شكثر واسعارها حلوة وكرفتهم حق الدوام )

ولا اطوفين الوافل بالكاكاو عجيييييييييييييييييب اكليه وهو حار تهبببل

 

[far007a]

وفي بلجيكا تعلمي على الاندر جراوند (المترو) لان طريقتهم مو نفس باجي الدول التكاسي مو متوفرة بالشارع
اكلهم حلو ومطاعهم كلها لذيذة بس المشكلة وايد اطباق تكون مع خمر انتي كوني حريصة من هالشغلة حتى الكاكاو حرصي ان بدون واين
والناس شوي نفسياتهم خايسة ماحبيت تعاملهم معانا وزرنا باريس عن طريق قطار محطة ميدي رحنا وردينا بنفس اليوم

وباريس احلى سوق فيها اللافاييت احلى من الشانزليزيه

 

[بعثرة محبره]

بعد نبي معلومات ...,

 

[ساره 2]

قبل سنتين رحت بلجيكا وكان هناك شارع افنيو لويس شارع الماركات وفيه قريه الاولت اسمها ماسمشيلن فيلج تبعد عن بروكسل ساعه وفيه مجمع سيتي دو حلو وفيه مدينه الالعاب اسمها واليبي حلووووووووه

 

[3e6er alwrd]

اذا بتروحين هولندا لا اطوفين منطقة بلاهاي اسمها شخيفننغ وايد حلوه عجيييييييييييييييييييييييييييييييييييييييبة وبروكسيل انا ما اعجبتني كلش كلها طراروة وعيايز يكتون فال

 

[icedsugarr]

قوة انا رحت هولند وقعدت اهناك شهر فيها اماكن حلوة وايد حق اليهال بس لازم تاجرون سيارة لانة كل مكان عن الثاني يبيله ساعاااات
امستردام حلوة وفيها محلات وايد وهم محلات الماركات,في ديقة الحيوان ومعرض نيمو للاطفال ,في الحدائق العريقة ,متحف مدام توسو نفس اللى بلندن وهم تركبين القارب افرج بالنهر مال امستردام,بره امستردام يبيلج سيارة حق حدائق حيوان,مدينة الدلافين,الطواحين الهولندية مكاان رووووعة ايه وهم في مدينة الاقزام تهبل في دنهاغ على ما اذكر,,,واذذا ذكرت شي اقولج

 

[كعبية]

ماشاء اللة احلي الدول بلجيكا فيها ملاهي حلوة وفطيرة الوافل وتري السنتر عجيب في احلي المحلات وهولندا فيها الzooحلو والطواحين والاوكواريوم ولا يطوفح لاهاي خيال واللة عجيبة وحوالينها محلات كلها خصومات اي استفسار انا حاضرة يالغالية

 

[كعبية]

في مطعم بالسنتر عندة حلوم عجيب والجمعية حلوة اللي بالسنتر فيها تمر عجيب ههههههههههههههههه اهم شي الاكل عندها

 

[بعثرة محبره]

ايهم احلى هولندا ولا باريس ..
ودنا ناخذ ليله برا بروكسل ..

نحجز بهولندا ولا باريس؟!!

وابي اسواق حلوه غير الماركات العالميه.. بس تكون اسعارها مابين الرخيص والوسط....

 

[كعبية]

طبعا باريس هولندا ليلها يخرع طلعلي واحد محشش بيدة سجين ياشرلي انة بيذبحني انا ولدي واللة مت وحييت اما باريس امان وناسة والسواح راقيين اتمني اني فدكم بمعلومة حبايبي .

 

[دكتورة]

يعطيكم العافية
هولندا شلون جوها بالصيف ؟ و اسعارهم ومعيشتهم شلون ؟ والناس شلون تعاملهم ؟ ادري كثرت عليكم

 

[أم جوني]

مشكورين حبايبي على المعلومات المفيده بس حبيت معلومات اكثر بعد عن لكسمبورج والمناطق الألمانيه إلي على حدود هولندا وفي احد جرب قروبات سفريات الفضاء الرحله أورانج باريس كولون بروكسل امستردام واذا راحين بس بعرف على اي طيران لاني قبل 3 سنوات رايحه على الألومبيه وكان فيلم رعب الصراحه فإذا غيروه جان زين لاني محتاره بين الفضاء والرابيه وطبعا الرابيه طيرانه الإمارتيه بس الفضاء القايد الي بيطلع الرحله نعرفه وضامنيه فمحتاره ويريت تفيدوني

 

[فجوره99]

يعطيكم العافية
هولندا شلون جوها بالصيف ؟ و اسعارهم ومعيشتهم شلون ؟ والناس شلون تعاملهم ؟ ادري كثرت عليكم

شوفي حبيبتي اي شي تبين تعرفينه عن هولندا اقدر اجاوبج من كثر مازرتها لانها بالنسبه لي دوله حلوه وجوها مو طبيعي زائد اسعارهم مناسبه وفيها اماكن وايد حق اليهال بس مكان يفرق عن مكان يعني حسب المنطقه المهم شنو تحتاجين تعرفين انا حاضره والحين بجاوبج عن الاسئله اللي سالتيها بالنسبه لجوهم حسب التاريخ مثلا الحين درجه الحراره عندهم بالنهار 20 وبالليل 10 بس تقرق معاج شهر 7 لان اكثر الدول الاوربيه تيهم موجه حر لمده اسبوعين اما المعيشه فهيا ارخص من باريس وبلجيكا اللي سالتي عنهم اما الناس فهما ناس محترمين ولو سالتي عن اي شي يجاوبونج لانهم يتكلمون انجليزي مع ان مو اللغه الام عندهم.

 

[أم جوني]

:nbvppw:مشكوره فجوره حبيبتي بس اذا كنتي تعرفين عن لاهاي يقولن وايد حلوه ممكن توصفيلي اياها وصج وايد حلوه واذا عندج معلومات عن كولون ودورسلوف ممكن تفيدني ومشكوره وايد ياقلبي

 

[أم جوني]

شدعوه بنات 179 وحده ادش وينكم ياخبيرات هولندا وبلجيكا فيدوني بليزز

 

[كعبية]

شدعوة ماكو شكر حقي

 

[أم جوني]

شلون ماكو شكر حق كعيبه شكر خاص لج على الإفاده الي فدتني إياه تسلمين حبيبيتي وايد وشكر للكل الي أطرى بمعلوماته الحلوه والكل الي دش وقاعد يقره الموضوع حبايبي ماقصرتو بس انا محتاجه معلومات أكثر بقعد شهر وطبعا نسيت اقولكم انه كل معلوماتكم سجلتها بورقه وراح اخذها معاي بالسفره وراح ادعيلكم اهناك بكل مكان وصفتوه بس اطمع بعد بمشاركات أكثر واتمنى مايوقف الموضوع انشالله لي 23 /7 يكون شغال عشان الكل يستفيد:wqedqw::hearting:​

 

[كعبية]

كلج ذوق يا ام جوني احنا بالخدمة حبيبتي