إلي تشتري حق عيالها حيوانات ... أبيج شوي ...

[جوري الكويت]

رد : إلي تشتري حق عيالها حيوانات ... أبيج شوي ...

حرام

ربي بيعاقب اللي حط الحيوان بيد الياهل

على بالهم لعبه !!

 

[Qـويتية]

مشكوووووورين حبايبي على الردود الطيبة مثلكم ^__^
dnyay_ml\ واااي مثلي لي تزوجت انشالله وصار عندي عيال بالعكس رح أخليهم يعطفون على الحيوانات وايد:eh_s(17):
lojeeen\ الله يهداها الي تسير لج والله وأنا أقرا عورني قلبي مستحيل أشتري لعيالي حيوانات علشان يسوون فيهم جذي :ssssso: حرام حرام حرام حاولي تقولين لها إن هالشي مو زين وفيه تكسب فيه إثم كبير وااايد !
​

 

[Qـويتية]

up
up
up
up
up

 

[Qـويتية]

up
up
up
up
up
up
up
up
up

 

[ذهبيه مرصعه بألماس]

عدل كلامج و الله في بعض الامهات تخلي ولدها يشتري هالحيوانات بس عشان تفتك من حنته ما تقول اشتريلك هالحيوان و انت تكون مسؤول عنه و انت تجابله

لا والله تلقين الكتكوت و لا الحمامه و لا القطوه بره بالحوش لا اكل و لا ماي و لا شي

والله ينكسر خاطري على هالمسكين


شوفي اهو حلو ان نعلم عيالنا على حب الحيوانات و طريقة العنايه فيها و حلو ان يصير الطفل مسؤول عن هالحيوان و صديق له

بس الي مو حلو ان اوفر له طلباته بدون لا احسسه بأهميه هالطلب

يعني انا كان عندي قطوه من كان عمري 6 شهور

و نفس الشي عيالي لمن ولدتهم كان عندي قطوه و تربو و اهم يشوفون القطوه جدامهم
و كبرووو و عارفين للقطاوه و اشلون العنايه فيهم

و يكفي انهم يهتمون فيها
و يعرفون لها
و يجابلونها
ويلعبون معاها يشتاقون لها اذا سافرنا
يحرصون عليها و يفقدونها اذا ما شافوها تنطنط عندهم
و الحمدلله هالشي انا اشوفه زين لتنمية شخصية الطفل

 

[ورده حمره]

وااااي يبتيها عالجرح

شنو احتر وانغث من اللي يشترون حيوانات حق عيالهم !

والله مو لعبه شفيهم هذيل مايفهمون

الحيوان يبيله رعايه اهتمام

اجرام والله اجرام

وتدرين منو اللي يحروني بعد ؟ اللي يكرهون الحيوانات احسهم مرضى نفسيا !

 

[Qـويتية]

ذهبيه مرصعه بألماس\ معاج في كل كلمة قلتيها ...
وشي طيب فعلا إن نغرس ونعلم عيالنا هالشي وياليت المجتمع بعد يوعى لإن صج حرام الي قعد يسير ...
ياليت نشجع ونسوي الي علينا بنشر معنى الثقافة بالرفق بالحيوان ...

 

[sara_2010]

رد : إلي تشتري حق عيالها حيوانات ... أبيج شوي ...

اي والله صح كلامج

 

[كويتية و لكن]

الله يهديهم يارب

 

[رتوج بنت امها]

لمن اشوف افلام اجنبية و هـ السوالف لمن الياهل يحن يبي حيوان يدربونه يعطونه نفس بيضه او لعبه او شي يخلونه يتدرب عليه و ان يهتم في بشكل يومي و يتحمل المسؤولية قبل ما يشتريله و ترا هم حلو الواحد يشتري حق عياله حيوان اليف علشان يتعلم المسؤولية و الواحد اذا عنده حيوان نفسيته ترتاح لكن لازم ندربهم ان يجابلونه و من غير ما يعورونه بس اذا الوحده تعرف اذا عيالها يأذون الحيوانات و يعورونهم ما يصير تشتري و صج ان شي ينرفز لمن اشوف واحد يطقله حيوان او يقولي ان يعذبه او يدوسه بالسياره ترا حرااام قلبي يتنتف لمن اسمع جذي :"( اذا يكرهون الحيوانات خل يكرهونهم بس من غير ما يأذونهم ترا الله ما يرضا
و مشكوره قلبي ع الموضوع فديتج كلامج 100%

 

[ياليل مااطولك]

نعم كلنا نعرف قصه المراه في الحديث او في ما معناه انها دخلت النار بسبب قطه حبستها لا هي تركتها تاكل من خشاش الارض ولا اطلقتها ---اي حبستها بدون اكل او شرب ----وقصه الذي دخل الجنه بسبب كلب اشربه من البئر بخفه -------نحن ضد كل من يعذب اي حيوان ولاكن ليس كل من يربي حيوانات يقوم بتعذيبها با العكس بعض الناس تكون راوفه با الحيوان وموفره له الاكل اوالشرب والمعامله الحسنه هولاء اتوقع انهم ماجرون من الله ----وتقبلي مروري

 

[ام عيون قتالة]

انا معاج حبوبة اذا بطقون القطاوة مو بس القطاوة كل الحيوانات هاذي ما يسمونها شجاعة

و يسلمووووو حبيبتي ع الموضوع

 

[Qـويتية]

مشكوووووين حبايبي على الردود العسل والطيبة مثلكم وانشالله يكون في وعي وثقافة الرحمة بالحيوان بالكويت

 

[الشاطئ]

يسلمووووووووو

 

[blue ocean]

اوكي قلنا عيالج حبيهم ونسيهم لعبيهم بس عاد بــــأرواح ؟؟؟

ينصر دينك على قولتهم ..

والله قلتي شغله بقلبي شكثر اتضايق لما اشوفها ..

برافو عليج خيتي والله يعطيج على قد نيتج ومثل ماقلتي

نتمنى ينتشر الوعي بهالنقطه بالذات لأنه بالنهايه ذول حيوانات وعليه لاحول ولا قوه

والياهل شي طبيعي بيقسى عليهم بفترات عن جهل

مشكوره عالطرح​

 

[Qـويتية]

الله يعطيكم العافية على الردود ^___^ up up up up
​

 

[Miss.Addicted]

اي صح زين خلووو عيالكم يمسحون عليهم يحطون لهم اكل جذي عيالكم يتعلموون
خراج عن الموضوع !!

ذاك اليوم و انا راده من المدرسه بالبااص صووب مدرسة ابتدائي بنات اسمع اللي جدامي بالباص تصرخ تقول دعم قطوه لفيت ولا واحد مادري وحده شاخطه دعمت قطوه انا ما دققت عدل على القطوه بس شفته تلف تلف تلف تبي تووصل لي الرصيف و اللي جدامي تقولي فييه دم فييه دم والله بغيت انزل اخذها ولا حته هزت فيها شعره ما فكرت تووقف ولا شي والله طول الطريج و انا ادعي عليها والله

 

[tnkora]

وًنااااسه. منو. مرجعه. هالموضووع. هذاا من 2010

 

[الأماكن]

يعطيج العافية


كلامج 100 % صح

ليت الناس تفتهم و تحس

 

[Qـويتية]

tnkora حبووووبة ههههههه والله ما انتبهت على التاريخ مشالله عليج ^__^ والله دايما كل ما أخلص من ردود المواضيع أرفع مواضيعي ولا أنتبه، على العموم إذا شايفة هالشي مخالف للقوانين أو بيضايقج أو يضايق العضوات انا ما برفعه مرة ثانية
الأماكن يعطيج الله ألف عافية على الرد الطيب ^^
​