"عُذِّبت امرأة في هِرَّة حبَسَتْها، لا هي أطعمتها وسقتها إذ حبستها، ولا هي تركتها تأكل من خشاش الأرض"
"ما من إنسان قتل عصفورا فما فوقها بغير حقها, إلا سأله الله عز وجل عنها, قيل يا رسول الله: وما حقها؟ قال: يذبحها فيأكلها, ولا يقطع رأسها يرمي بها"
"ما مِن مُسلم يَغْرِس غرسًا أو يزرع زرعًا فيأكل منه طير أو إنسان أو بهيمة إلا كان له به صدقة"
"في كُلِّ ذَاتِ كَبِدٍ رَطْبَةٍ أجْرٌ"
"مَنْ لَا يَرْحَمْ لَا يُرْحَم"
***
السلام عليكم ورحمة الله وبركاته، كان ودي أطرح هالموضوع من زمان بصراحة بس كل يوم أقول باجر وباجر وأنسى، وبصراحة الحين حيل حيل تشوقت أفتح الموضوع ....
الموضوع موجه للأهل والناس الي تشتري حيوانات حق عيالهم من غير فايدة، يعني اوكي قلنا عيالج حبيهم ونسيهم لعبيهم بس عاد بــــأرواح ؟؟؟ خليتي وسائل الترفيه كلها وييتيلي على حيوانات مسكينة علشان عيالج يلعبون فيها ؟؟؟ أوكي ...
***
أعطيكم أمثله، إلي تروح سوق الحمام وتشتري دفعة كتاكيت ملونة حق عيالها، أو الي تشتري أرنب صغير، أو تشتري طير، أو تشتري حتى قطوة ((وهي لا تعرف بالقطاوة شي))، أو تشتري سمج أو سلحفاة ... إلخ، يعني بفهم، هل شطارة إنج تشوفين ولدج ولا بنتج يفقص الكتكوت أو السمجة أو الأرنب ؟؟؟ هل هذي تعتبر شجاعة وفخر إن ولدج ولا بنتج ما يخافون وجريئين على الحيوانات ؟؟ هل هذا شي تتفاخرين فيه ؟؟؟؟ هل هذي وناسة ؟ هل هذي لعبة ؟ هل إلي ماسكة ولدج ولا بنتج جماد ؟؟ ولا لعبة اسفنجية ؟؟ ... >>> لا والمشكلة يتضحكون أو يقولون "وااااي حراااام هههههه" >>>> حرام ؟؟ أي حرام وانتي قاعدة تتضحكين وتستخفين دمج والمسكين الي قعد يتفقص يتعذب وروحه شوي شوي تطلع حتى ما عرف شي اسمه "أم" اي قومي اخذيه من ايد ولدج ولا بنتج، ولا المشكلة وللأسف الشديد في بعض الأهالي يشجعون عيالهم على القسوة على الحيوانات وهم الي يحطون الحيوانات عند عيالهم عـــــمـــــداً علشان شوفو يعني عيالي أقوية مو خوافين ولا ترفين مثل عيال فلان ولا فلانة ولا ولدي ريال ولا بنتي مرا ما تخاف <<< وإلي أسميه قمة في التخلف والجهل صراحة ...
***
لعلمج حبوبة ترى كله في أعمالج وكله سيئات تحصلين، وانتي قعد تساعدين الآسيويين والتجار على هالشي وهالأعمال السيئة، بتقولين مو بس أنا وايد ناس حبكت علي أنا ؟؟؟ اوكي ... وانتي شعليج من الناس ؟؟ بتسيرين مثلهم تبين تتراكم فوق راسج آثام ؟؟؟ بتساعدين على أعمال حرمها ربج سبحانه ورسوله الكريم ودينج الرحيم ؟؟ ...
إذا عيالج كبار ويعرفون يتصرفون مع الحيوانات اشتري لهم ويهتمون فيهم لكن تشترين لهم علشان يفقصونهم ويذبحونهم لا حياتي انتي غلطانه و60 مليون غلطانه، عيالج مارح يتحاسبون لإنهم صغار، لكن إنتي الغلطانة وانتي الي ربج رح يحاسبج ...
***
حبي عيالج، سوي لهم كل شي، اشتري لهم كل شي يبونه، مو عيب ولا حرام، لكن بـــحـــدود ... ترى الي تشترونهم هذيلة أرواح وحـــــــــــــــــــــرم الله تعذيبها، دينا أكرم الحيوانات ودينا دين رحمة ولله الحمد، عندج اعتراض على موضوعي ؟؟ ناقشيني .. إذا مو عاجبج كلامي، روحي للقرآن والسنة وشوفي إذا الي تسوينه صح ولا غلط ...
***
"مرَّ عبد الله بن عمر ـ رضي الله عنهما ـ بفِتْيان من قريش نَصَبُوا طَيْرًا وَهُمْ يَرْمُونَه، وجَعلوا لصاحبه كل خاطئة من نبْلهم، فقال لهم: إن رسول الله ـ صلى الله عليه وسلم ـ لعنَ مَن اتَّخَذ شيئًا فيه روحٌ غرضًا" رواه البخاري ومسلم... ولو بحثنا عن المزيد من الأحاديث والقصص وتعمقنا فيها رح نلقى عالم عظيم من الرحمة الواسعة ونشوف شلون إسلامنا كرم الحيوانات
