إلى مدرسات الحاسوب ابتدائي .. مع التحية

[شوقي وغلاي]

السلام يا ابلات _03BA:
شلونكم مع نهاية العام الدراسي ... الله يعينكم ويصبركم على بلواكم ويخلفلكم خيرا منها .....

بدش بالموضوع انا بنقل تدريس حاسب الي ابتدائي .. وابي استشيركم بشغلات شلون تدريس هذي المادة وجم حصة بالاسبوع ادرسين وشنو المهام الموكلة لكم غير التدريس واي ادارة بالمنطقة العاشرة تنصحوني فيها ؟؟؟
انا مو تربوية خريجة علوم .. ومعاي شهادة ICDL ...يعني ادرس على طول ولا يعطوني دورة تربوية ؟؟؟؟
وانا الحين درجة ثالثة اذا نقلت تتغير درجتي ولا لأ ؟؟؟ واذا ما تغيرت جم يكون معاشي ؟؟؟

واللي تفيدني راح ادعيلها ان الله يوفقها بدنيا وآخره ويفتح لها ابواب الرزق والخير ويهديلها زوجها ويصلحلها ذريتها ... ان شاء الله ..... :yaaaaaarb::yaaaaaarb:

ومشكوووورين ... ولا اطنشوني يا ابلات ..

 

[ضحـاوي]

الحاسوب حصه وحده بالاسبوع للفصل

ويكون النصاب حسب عدد المعلمات والفصول

يعني الدول اغلب الاحيان يكون خفيف

والشغل حسب الاداره وطلباتهم

وما اظن الدرجه تتغير

والراتب يكون بحدود 900 او اقل بشوي

ان شالله البنات يفيدونج اكثر ولا تنسيني بالدعاء

 

[Make Me Happy]

ويع

والله خلج على الشغل المكتبي ولا تدرسين

انا مدرسة حاسوب

مع اني احب التدريس

واحب اليهال

اموووت فيهم

مو هم الي متعبيني

الي متعبتني المدرسة والإدارة والمدرسات

اربعة وعشيرن ساعة نشاطات

لإنها مادة مو أساسية

غير طلبات المديرة الي ما تنتهي

وطلبات المدرسات

هذه طبعي لي وهي سحبي لي وهذه نزلي لي وانت مضطرة تجاملين

ولا راح تكونين لج عداوات

او تحتاجينهم بيوم

يعني شغل غير شغل الطلبة...والإبتدائي يبي لهم انتباه

انت راح تتعاملين بمختبر مع يهال...تخافين عليهم من الكهربا...وتخافين يعورون بعض...واحد طاق الثاني بقلم...غير انج مضطرة كل حصة تيبين اليهال للمختبر طابوووور...وتردينهم قبل ما تخلص الحصة طااابووووور

هذا غير التدريس

الله يعين


انا ما ابي اسدها بويهج...بس إذا تقدرين على كل هذا توكلي

 

[شوقي وغلاي]

الحاسوب حصه وحده بالاسبوع للفصل

ويكون النصاب حسب عدد المعلمات والفصول

يعني الدول اغلب الاحيان يكون خفيف

والشغل حسب الاداره وطلباتهم

وما اظن الدرجه تتغير

والراتب يكون بحدود 900 او اقل بشوي

ان شالله البنات يفيدونج اكثر ولا تنسيني بالدعاء

اسعدني مرورج ضحاوي .... انا ادري انها حصة وحدة بالاسبوع بس جم حصة تطلعلي بالاسبوع تقريبا ؟؟؟؟

 

[شوقي وغلاي]

مشكووورة Make Me Happy عالافادة بس ما قلتيلي قبل لا ادرس يعطوني دورة تربوية ولا عادي ادرس على طول ...
الله يسعدج وعلى طول تصيرين Happy

 

[ضحـاوي]

الجدول يكون حسب عدد الي معاج بالقسم وحسب عدد الفصول

يعني اغلب الاحيان يكون بين 4 االي 12 حصه انتي وحظج

الحاسوب معروف جداولهم خفيفه حدها بالنسبه للتخصصات الثانيه

 

[شوقي وغلاي]

للرفع

 

[Make Me Happy]

تسلمين شوقي وهواي

اي يعطونج دورة تأهيل معلمين لمادة الحاسوب

يعلمونج شلون تدرسين المادة و شو المطلوب منج

هذه الدورة الكل ياخذها ... سواء تخصصه حاسوب او غيره

والدورة حلوة ومفيييدة وايد

 

[أميرة الحلا]

ماقصروا البنات الله يوفقج

 

[CrystalQ8]

أنا رفيجاتي مدرسات حاسوب لاشهادةicdإضافه 50 ساعه والجدول حسب الصفوف المدرسه والمدرسات وتعينين الدرجه الخامسه حالج حال المدرسه

 

[Maryam]

يعتمد انتي ناقلة و لاشنو ؟؟
اتوقع ان الدرجة ما تتغير
و النصاب انتي و حظج

 

[Lonly Girl]

أنا تعينت شهر 2 اللى طااف ودرست عادي بس أنا بمتوسط - وعقب دششوني دورة تربوية - الحاسووب يكونون بالدورة بس الحاسوب لانه خاصة بالتوجيه ويكون معاج ابتدائي ومتوسط وثانوي ومدتها شهر - وبالنسبة لنا والله فيه شغل مع العلم ان احنا مادة أساسية

الله يوفقج:tek:

 

[شوقي وغلاي]

مشكووورين حق كل اللي ردوا والله يوفقكم ويرزقكم .. آآآمين

 

[شوقي وغلاي]

أنا رفيجاتي مدرسات حاسوب لاشهادةicdإضافه 50 ساعه والجدول حسب الصفوف المدرسه والمدرسات وتعينين الدرجه الخامسه حالج حال المدرسه

شلون اتعين على الخامسة ؟؟؟؟؟ يعني المدرسة اللي تعيين جديد درجة خامسة مستحيييل اللي اعرفه ان اللي معاهم دبلوم هم اللي يتعينون عالخامسة ....

 

[white~heart]

المدرسه تتعين على الدرجه الرابعه