إلى كل من طلبت روايتي : كل ما جيت ابتدي فيك انتهيت..وكل ما جيت انتهي شفتك بدايه!!

[Zouz.xP]

لحظـــــــــــــــــــــه !!!!!!!
جنـه شفت مـآاقبل الاخيييييير !!!!


لا لا لا لا لا مستحيييييييييييييل شلوون جذي مـآاقبل الاخير مـآايصصصيير ليلحين مـآاشبعنى منهم ؟؟

لا لا عفييييييييه> شدعوه

 

[برنسس أوراق]

تسلمين على هيك بـآارت

بس شسمـه
لوول مـآاآاشبع قطيـعه لوول

مـآحددتي يوم حق البـآارت اليـآاي ؟

ههههههههه اكيد باجر واحتمال انزله العصر

 

[برنسس أوراق]

لحظـــــــــــــــــــــه !!!!!!!
جنـه شفت مـآاقبل الاخيييييير !!!!


لا لا لا لا لا مستحيييييييييييييل شلوون جذي مـآاقبل الاخير مـآايصصصيير ليلحين مـآاشبعنى منهم ؟؟

لا لا عفييييييييه> شدعوه

هههههه بس بعد خلاص كاافي..اخترع احداث من عندي تصير باااايخه..ههههه

 

[Zozαĺiиaђ]

ااااااااممم .. اتوقع امل اهيااا بنت اريييييج

حرااام دلاال لا تموووت توااا ما اكتملت الفرحه بردت زياااد .. عاد من وين نطلع شي نخليها ما تموت نفس زيااد لوول

انزييين انا فصيلتي o+ ماتبوني اتبرع لها ترا انا حاضره بالخددمه خخخ

بددددع زياااد بوجدان لوووووووول و اهم شي ان كل هذا يصير live قبال عيااالهم فشششششششششله هههههه

مسكيين فارس الكل ظالمه عشان الزفت الحقير ابووه الله ياااخذه !

يعطييييييج العاااااافيه :**
ناااااطرييينج =(*

 

[Zouz.xP]

هههههه بس بعد خلاص كاافي..اخترع احداث من عندي تصير باااايخه..ههههه

صح كلامج
بس لاززززمم تنزلين روايه يديده :eh_s(15):​

 

[Zozαĺiиaђ]

هــــــــــــــــــــــــــــئ !!! << ترا هاذي شهقه يعني خخخ

توني اقراا ليييييييش البااارت الماا قبل الاخييير اهئ اهئ اهئ

راح اشتاااق حق الروااايه

*

 

[بيبي 22]

" قلتكم يعود .. قالوا نساك وراااح .. قلتكم يعوود .. وفقلبي المحبووووب بس زياااد موجود":eh_s(22): ,, اهداااء مني برجعة زياااد :eh_s(9):


اول شي ابارك حق كل البنات برجعة الغالي زيااااااااااااد :eh_s(9):.... والله الصرااحة بردته ردت لي الرووح ههههههههههههههههههه " حشى كانه ريلي وانه ما ادري ههههه "

وثاني شي .. اوراااااااق انتي الغلا كله والله من دووونج ما اعرف شاسوي وقصصج ما اقدر اقووول غير انها قطعة وروووعة " قطعة جني اوصف بنت انها قطعة هههههههه "
بس صج صج انتي رووووووووووعة من قلب ويشرفني اني اكوون رفيجتج :eh_s(22): :eh_s(17):

وامواااااااااااح ... وثانكس على انج موجودة بحياتي وثانكس على القصة الروعة :eh_s(22):
​

 

[جنون الـq8]

امممممممممممممممممممممم

يسلمووووووووووو ع البارتاااات

اتوقع انه امل تطلع بنت اريج الاولى من نبيل ...
:d

بالانتظار

 

[سارووونه22]

والله كنت حاسه انه زياد ما مات واظن امل بنت اريج والبارتات روووووووعه واي صج تسلم ايدج

 

[Jørý Hàbøølê]

لووووووووووووووووول والله ششكل البنات صاجين امل بنت اريج بس احسس المفروض


اذا كانت بنتها اريج تحس فيها لانها في نفس المكان

يعني احسساس الامومه << برااااااااااااااا

ههههههههه مششكوره ع البارتات واااي والله موووت متشوقين

 

[^Tataly^]

البااارت عجيب​

بدع زياد بوجدان الله يخليهم حق اعيالهم​

انا اتوقع امل بنت اريج​

وانشالله دلال اتعيش وتتزوج نايف​

لاء القصه بتخلص ابسرعه

بس عفيه نبي قصه ثااانيه:yaaaaaarb:​

 

[مشكلتي آهوااه]

تسلم ايدج عالبااااااااارت

بغيت أسألج رواية تغريد ارواح عاشقة ورواية
والرواية الثانية .... نسيت اسمها جنه معاهم يارا ومشاري وكارلا
المهم السؤال هذول رواياتج

 

[بقايا قلب مجروح]

ammmm atw83 ana aml bnt areeg
W fars yksr al5a6r w alkl 3shan aboooh al78eer
A zyaaad bd3 bd3
Yslnoooooooooooooooooo

 

[همس المشاعر]

يسلمووووووووو
حمله نبي بارت

وااااااااو قصتج وا ارووووح
انتي ابدااااااااااع والله والله ابداع

 

[برنسس أوراق]

ثااانكس عالردووووود بناااااااااااات
وكل وحده تشوف نتايج توقعاتها بالبااااارت

وبالنسبه لرواياتي اهم:
اعترف مجنون في حبك رغم عقلي الكبير
عذراء في مواجهة القدر
تغريد ارواح عاشقه
ترى موتي وميلادي حبيبي داخل عيونك
صار قلبي من نصيبه ونبض حبي يبتدي به
على همس المسا ابي عيونك تغازلني تذوبني..
وكلهم حاطهم للجوال بموضوع ثااااني


وأخيرا

كل ما جيت ابتدي فيك انتهيت وكل ما جيت انتهي شفتك بدااااااايه..


ترى انا مو جديده بهالمجال بس هاذي اول سنه بهالمنتدى..


واممم يلاا بنزل البااارت الحين وإن شااء الله يعجبكم

 

[برنسس أوراق]

&٥٤&

طلع عمر ومعاه الدكتور..
طلال بسرعه: ها طمنا
الدكتور: تطمن اهي بخير وصحتها ممتازه بس عندها كسور بأيدها اليسرى ورجلها اليمنى وكدمات بالوجه ..وإن شاء الله مع الملاحظه تقوم بالسلامه
طلال ارتاح:انزين والدم حق شنو
عمر تكلم: الضربه يت على بطنها وحصل معاها نزيف شديد
بس الحمدلله وقفناه وكيس الدم اللي تبرعت فيه الأخت أمل يا بالوقت المناسب..
طلال: الحمدلله يارب..الحمدلله
مشكوره يابنتي مشكوره والله جميلج هذا ما أنساه لج..
أمل وقفت وابتسمت: العفو يا عمي بنتك حسبة أختي وأنا ما سويت إلا الواجب
صمود بفرحه: حفلت عليج ما تروحين إلا لما نروح البيت ونتغدى سوا..وإذا على أهلج دقي عليهم
أمل بشكر: لكن ياخالتـــــــي آ..
طلال ووجدان: ها لا تعارضين..
أمل ابتسمت: خلاص اللي تشوفونه ما أقدر أسوي شي..

عامر: خلاص ياطلال دلال تحت
رعايتي..روح وارتاح أصلا الحين بينقلونها الجناح وبتنام..
طلال ابتسم: يلا عيل امشوا نروح عندي البيت..
بعدها طلعت أمل مع صمود وطلال وراحوا البيت..ووجدان قالت بتلحقهم مع زياد بسيارته..
ـــــــــــــــــــــــــــــــــــــــــ

بفيلا سعود محمد الـــ..أبو محمد..
الساعه 1:30

بالصاله..

ناديه نزلت ركض وراحت لمشعل وفواز اللي جوا مع محمد المخيم..: مشعل فواز مشعـــــــل
محمد ابتسم: خير خير شعندج تصارخين..
ناديه تلهث: دق عمي طلال ويقولك تعال أنت وأخوك..دلال دعمتها سياره واهم طالعين من فرع الجمعيه وراحوا المستشفى
مشعل وفواز انصدموا: دلااال دعمتها سياره..
الجده أم عمر ضربت صدرها: يمه بنت ولدي..قوم يامحمد قول لأبوك نروح لهم بسرعه

ناديه: تطمني يديده عمي يقول
أنها بخير بس طلع معاها كسر بأيدها اليسار وريلها اليمين..وأنها
نزفت بس فيه بنت اسمها أمل تبرعت لها بكيس دم وإهي الحين بخير..وأن أهو وعمتي والبنت كلهم مجتمعين هناك..

الجده اخترعت زياده: قوموا ودني قوموا
عبدالعزيز بسرعه: قلت لأبوي قال الحين بيلبس ونروح..
ـــــــــــــــــــــــــــــــــــــــــ
بفيلا فهد سعد الــ..أبو راكان..
الساعه 1:30..

بغرفة النووم..

فهد كان قاعد على مكتبه ومستغرق برسم شكل هندسي
لمجمع يديد..
دخلت عليه أبرار مبتسمه ولابسه
بنطلون بيج وفوقه بلوزه شيفون
سودا فيها ورود زيتيه طولها لنص الفخذ..ابتسمت وراحت عند المرايه عدلت الروج اللحمي
ورشت عطر يحبه فهد..وراحت له..انحنت لرقبته وباستها: حبيبي
هلكت نفسك..اترك عنك هالشغل شوي..
فهد ابتسم ومسك إيدينها وباسها: شسوي حبيبتي عندي مشروع يديد..
أبرار بتردد: فهد أنت زعلان مني
..
فهد بجديه: ليش هالسؤال؟..
أبرار نزلت راسها: ما أدري..أمس لما كنا ببيت سعود ويا زياد
حسيت الكل وجه نظراته لي أنا وفجر بس عشان أحنا خوات الوليد..حتى أنت لاحظت نظرتك
بس ما فهتمها..وبالليل لما كنت نايم كنت أحس بأنفاسك حاره
مو نفس اللي تعودت عليها..
فهد سكت..ظل يطالعها شلون منزلها راسها وترجف..رفع راسها بهدوء ومسك وجهها بيده:
أبرار..طالعي بعيوني وشوفي شنو فيها..
أبرار طالعت بعيونه بعيون تلمع:
أشوف فيها الحب والأمان..أشوف فهد اللي حبيته..فهد اللي
زرع فيني السعاده والأمل..فهد
اللي أنا أم عياله..
وحضنته بقووه..
فهد حضنها وابتسم وخربط شعرها: خلاص عيل لا تفكرين
بهالخرابيط مره ثانيه..والوليد أخوج بس أنتي مالج شغل فيه أنا زعلت على أريج أختي..أنا أدري أنها مظلومه ووليد ماكل حقها حتى عياله وخاصة فارس
أحس الكل ما يطيقه مع أنه طيب وقلبه ونظيف ويحب الكل..
بس زين طلعوا العيال يحبونه..الكبار عاذرينهم..فهمتي..

ـــــــــــــــــــــــــــــــــــــــــ

بفيلا طلال محمد الــ..أبومشعل
الساعه 1:45 الظهر

كانوا الكل مجتمعين هناك..حتى
أريج وعيالها جوا..

الجده أم عمر كانت مستانسه على أمل..: أقول يابنتي أنتي جم
عمرج
أمل بابتسامه: 21سنة..
الجده أم عمر: ما شاء الله..وتدرسين ولا تشتغلين..
وجدان بمزح: شفيج يمه جنج بتخطبينها
الكل: هههههههههههههههههههههه
أمل انحرجت ونزلت راسها..
الجده أم عمر ابتسمت: هـــــو
وليش من اخطبها..بنت مزيونه وطيبه..والله لو عندي ولد ما عزيته عليها..
أمل بحيا: تسليمن يمه..أنا أشتغل سكرتيره بنبك..
صمود ابتسمت: مو قلتي أنج ممرضه
أمل: لا التمريض خذته دوره على حسابي عشان لا سمح الله إذا أحد صار فيه شي أكون موجوده مثل ما صادفتكم اليوم
..
شجون: انزين أنتي قلتي لأهلج أخاف يحاتونج فشله منهم..
أمل تغيرت ملامحها[شدعوى سائلين عني..أبو فالح بالشرب
وأم لاهيه بحفلاتها]: إيه قبل شوي بلغت أمي..

أريج كانت تطالعها بنظره خاصه
ما تدري شنو الأحساس اللي يربطها بهالبنت..: أنا جني شايفتج من قبل بس ما أدري وين..
أمل باستغراب: امممم يمكن شفتيني بحفلات أمي
أريج بخيبة أمل: ليش شاسمها أمج..
أمل: أمي لطيفه السامي..
قطع عليهم صوت صمود: يلا ياجماعه قوموا الغداء زاهب..أجلوا سوالفكم..

قاموا كل الحريم والبنات عالغدى..وأمل كانت تاكل بهدوء
ولما شبعت قامت..: الحمدلله
كثر الله خيركم..
الجده أم عمر: وين يابنتي اقعدي كملي أكلج لا تستحين..
أمل ابتسمت: لا يمه بالعافيه والله شبعت..ولازم امشي..عن اذنكم..
وجدان: عاد اقعدي اشربي شاي..عصير
أمل: لا والله مستعيله مره ثانيه إن شاء الله..
خذت شنطتها وطلعت: مع السلامه..
الكل: مع السلامه..

أريج: والله بنت مؤدبه وحلوه..
شجون: صح بس تدرين فيها ملامح منج..
أريج رقع قلبها[معقول تكون بنتي أمل اللي قطها نبيل..بس شلون اتأكد شلوووون..شلون وإهي تقول أمها لطيفه]: ما أدري ما لاحظت..صج عندج رقمها
صبا : أنا خذته بعد الغدى أعطيج
إياه..


أما أمل..طلعت برا ووقفت شوي
ودقت على تاكسي يجي ياخذها
لان سيارتها عند الجمعيه..: هه أهلج أهلج..آآآه ياحظهم عايشين بنعيم ويحبون بعض..مو أنا أمي لاهيه بصديقاتها وحفلاته وأبوي ما يصحى من الشرب..لا وطول الوقت يناديني
بأبشع لفظ..لقيطه تعالي..يابنت
الحرام جيبي لي ماي..
ونزلت دموعها..

وما كانت تدري أن فيه شخصين
سمعوا كل شي..

فارس وخالد كانوا واقفين عند السور يدخنون لأن الجد ما يحب
ريحة الدخان فطلعوا برى..

خالد بصدمه: هذي البنت اللي يتكلمون عنها من شوي..مسكينه
شكلها ضحية أبوها نفسك..
فارس حذف الزقاره ودعس عليها بقووه: خالد أنا ريال وغصب متحمل نظرات البرود والدونية بعيون عمامي وخالاتي
وبالع موس وساكت..وفوق هذا ساكت عن ضيم أبوي اللي فالح
بالسكر والقمار ومتحمل سمعة
الوصخه على ظهري..بس بالأخير أنا متحمل..ريال أشيل نفسي..بس أمل شذبنها تعيش
بنت ضحية مجتمع..لازم يجي أحد ينتشلها من هالضياع
خالد كان مصدوم من انفجاره:
المعنــــى..

 

[برنسس أوراق]

فارس تنفس بقوه: مثل ما فهمت..
خالد انفعل: لا تقوول أنك أنت الواحد اللي بينتشلها من هالضياع ويكون لها الصدر الحنون..
فارس بهمس: إيوه..بالضبط..بتزوجها
خالد بحده: قسم بالله ينــيت..الحين أي واحد يشوف بنت ظروفها صعبه يتزوجها..
فارس بحده: لااااا مو أي واحد انتبه..فارس بس فارس..تدري ليش..لأني عشت مظلوم وأعرف شنو معنى أن أبوك عايش بالاسم بس..وما أحب أشوف أحد يعيد نفس التجربه..اوووك..
خالد تنهد: الجدال معاك عقيم وضايع..سوا اللي براسك وبس..
فارس ابتسم وبانت غمازته: وتسألني ليش أحبك..
خالد ضحك وضرب صدره: ههههههههههههههه امش بس امش..
ـــــــــــــــــــــــــــــــــــــــــ

# بعد أسبوع #

أبوجراح وأبوعمر سوا عزيمة عشاء كبيره وعزموا عليها كل النــــاس..وفرحوا فيها..

زياد أخذ عياله وزوجته وراحوا الشاليه بعيد عن زحمة المدينه
عشان يرتاح ويقضي أكبر وقت معاهم..

فارس فاتح أمه بموضوع خطبته لأمل..وأريج استغربت بس وافقت ودقت على أم أمل وخطبوها رسمي ووافقت أمل
بعد تردد كبير واتفقوا أن الملجه والعرس بيوم واحد بعد شهر..


بشاليهات الجليــــعه..ووقت غروب الشمس..الساعه 5:30
وعند البحر..

وجدان وزياد وعيالهم نايف وسعود وعبدالله قاعدين يلعبون
أونو..

وجدان باعتراض: لا سعودوه عاد لا تقعد تسحبني كل شوي..
سعود ضحك: هههههههه هذي اللعبه بعد شسوي..
زياد ابتسم وبيده أخر ورقه: ألعب ألعب..
نايف قط طايف أزرق..: دورك بونايف
عبدالله بقهر: اوووف شنو ليش تحط طايف عندي بس ورقه..
زياد حط أخر ورقه 4 زرقا: ههههههه حتى أنا..اونــــووووو
هههههههههه
وجدان قطت ورقها وباست خده
: مبرووووك ياقلبي
نايف وسعود وعبدالله صفروا: اووووووه شعليك باستك هههههههههههههههه
زياد ضحك: ههههههههه أبي بنوته عيالج الثيران الثلاثه لوعوا جبدي..
وجدان تخصرت: لاااا ومن وين تبيها..حبيبي طفت الأربعين بسنه
..
زياد ابتسم: مالي شغل فيج..أبي بنيه حلوه صغيره أدلعها..
عبدالله بخبث: هههههههههه الله يهداك يبه ضروري تحط بس 3 نطف شباب جان حطيت بينهم بنيه..
زياد زهق ضحك: هههههههههاي
وأنا شدراني أن الثلاثه هذول بيطلعون ثيران..
نايف وسعود وعبدالله: أفــــااا هههههههههههههههههههههههههههه
ـــــــــــــــــــــــــــــــــــــــــ

بعد شهــــــــر...عرس فارس&
أمل..
الساعه 4 العصر..

بفيلا وليد طلال الــ..أبوفارس..

بغرفة النووم..
أريج كانت واقفه تلبس بعد ما يت من الصالون..
وليد كان طالع من الحمام متروش..طبعا أريج ما خلته يشرب وراح الحلاق وحلق لحيته
ونعم وتسنع ورجع وليد اللي يذوب البنات بنظرة عيونه..

وليد: شفت واحد يشبه زياد الله يرحمه..
أريج ابتسمت بغيض: ليش أنت ما تدري بالعزيمه اللي سواها عمي..زياد ما مات..رجع من شهر ونص..يقولون أنه كان فاقد الذاكره ولما رجعت له رجع لأهله..
وليد انصدم[زياد رجع..شلون ما مات وأنا بنفسي خربت البريك وشفت سيارته تحترق..يعني كل هذا وما استفدت شي..لا من وجدان ولا من نفسي..بس هين..هــــين أنا لكم]..

نغم تسحب دشداشته: بابا بابا خلصت..بابا
وليد ابتسم غصب ومسك إيدها:يلا يابابا يلا نروح..
وخذاها وطلع..
أريج استغربت: غريبه..من متى الحنيه..الله يكمله بعقله..
دخل فارس متكشخ بالدشداشه
والغتره والعقال والبشت الأسود
: ها ست الحبايب شرايج
أريج مسكت دموعها واتسعت ابتسامتها ومسكت وجهه بحب: حلووو يايمه..حلوووو..الله يحفظك لي ويوفقك ويحرسك من العين..مبروك يافارس مبرووووووووك..
فارس ابتسم وباس راسها: الله يبارك فيج يالغلا..يلا جهزي حالج بنمشـــي..
ـــــــــــــــــــــــــــــــــــــــــ

بفيلا زياد حمد الــ..أبونايف..
الساعه 8:30

بغرفة النووم..

وجدان كانت توها مخلصه مكياجها وشعرها..ما كانت مقرره تحضر عرس ولد الوليد بس عشان أريج تفرح حرام..وحطت لنفسها بالبيت..

دخل عليها زياد واستغرب: وين
شكلج طالعه..
وجدان ابتسمت وهي تفتح الكبت وتطلع نفنوف سهره أحمر علاق عالرقبه وفتحة صدره سبعه واسعه بألماس يبرق وضيق على جسمها المنحوت ويتوسع من تحت..: حبيبي أنت..غيرت رأيي..بروح العرس بس بسلم على أريج وأبارك للعروس وإيي..
زياد باعتراض: وتحضرين عرس
ولد عدوي..ولد الأنسان اللي حرمنا من بعض 20سنه..
وجدان تركت النفنوف ويت له وباست خده وطوقت رقبته: حبيبي أنت تدري أني أمووووت ولا أسوي شي أنت ما تبيه بس أريج بنت عمي وما يصير أتخلى عنها بعرس ولدها..
زياد ابتسم بتردد:بس..
وجدان بدلع: زيـ ـ ـ ـاد خلاص عاد لا تعاند
زياد ابتسم: خلاص موافق بس
ما تطولين ساعه بالكثير وترجعين..بنطرج
وجدان ابتسمت وباست خده: حبيبــــي أنا..امممواه..

راحت خذت النفنوف ولبسته وتعطرت وشافت نفسها نظره أخيره بالميك أب الدخاني الناعم
بروج أحمر فاقع وعقد الألماس
اللي بياقوت أحمر..ابتسمت برضا وخذت عباتها الجتف وملفعها ونزلت..

بالصاله تحت..
نايف كان متمدد وبيده الريموت..وقاعد بجينز بس..وسعود يطقطق عالاب توب..وعبدالله منسدح عالأرض وسرحان..وزياد قاعد يشرب قهوة ويطالع معاهم فلم..

سمعوا صوت طقة صندل والتفتوا..
عبدالله فج عيونه عالأخر: اويلــــي شنو هذا اللي نزل..صارووووخ وربي هذي أنثى يبه..

وجدان وزياد: ههههههههههههههه
سعود يضحك: هههههههه وربي اللي يشوفج يمه يعطيج 25 29
مو أكثر..اللهم لا حسد..
وجدان ابتسمت بثقه: هههههههه
فديتك أنا..
راحت عند المرايه الكبيره تلبس
عباتها..
نايف: يمه بتروحين عرس فارس..
وجدان ابتسمت: إيه..ما بطول ساعه وبرجع..
عبدالله بجديه: ونسيتي اللي سواه فيج آ..
وجدان بحده: عبــــدالله قفل هالسيره..أنا استأذنت أبووك فلا تتدخل..
وخذت سويجها وراحت لزياد وانحنت له وباست جبهته وبهمس: لا تسأله إذا ييت بفهمك..اووك
ومشت عنهم..
زياد ابتسم لها من قلب لأنها فاهمته..
سعود: انزين يمه شرايج أوصلج
..

 

[برنسس أوراق]

وجدان: لا ما يحتاج أتعبك كاهي
الصاله قريبه..وبعدين بتقعد تنطرني لا أنا أروح بروحي أحسن..سلام
وفتحت الباب وطلعت..

زياد وقف ومشى بيصعد: بروح أخلص شغلي لحد يزعجـ..
قطع عليه عبدالله ولده: شلوون
رضيت تخليها تروح لواحد حاول يقتلك وحرمنا منك..
نايف وسعود بحده: عبــــدالله..
زياد عصب ومسك نفسه وصعد
بدون ما يرد..
عبدالله انفعل : الريــــال ما يخلي زوجته تروح لواحد حاول يغتصبها..
نايف مسكه من بلوزته: عبــــــــــــــــدالله
زياد احترق دمه..فار..نزل بسرعه ورفع إيده وعطاه كف صارووخي..: طــــــــــــراخ..
ومسكه بقوه من بلوزته: شقصدك بالكلام اللي قلته..
عبدالله انصدم بالكف..اهو غار على أمه بس..صد وجهه وما جاوب..
سعود يرقع: آ آ ما عليك منه يبه
اهو...
زياد صرخ بصوت زلزل الدنيا: عبــــــــــــــــــــــــدالله




وما تبقى نتركه للجزء الاخييييييييييييييييييير

ترقبووه بشوووووووق

 

[برنسس أوراق]

" قلتكم يعود .. قالوا نساك وراااح .. قلتكم يعوود .. وفقلبي المحبووووب بس زياااد موجود":eh_s(22): ,, اهداااء مني برجعة زياااد :eh_s(9):


اول شي ابارك حق كل البنات برجعة الغالي زيااااااااااااد :eh_s(9):.... والله الصرااحة بردته ردت لي الرووح ههههههههههههههههههه " حشى كانه ريلي وانه ما ادري ههههه "

وثاني شي .. اوراااااااق انتي الغلا كله والله من دووونج ما اعرف شاسوي وقصصج ما اقدر اقووول غير انها قطعة وروووعة " قطعة جني اوصف بنت انها قطعة هههههههه " :d
بس صج صج انتي رووووووووووعة من قلب ويشرفني اني اكوون رفيجتج :d :eh_s(22): :eh_s(17):

وامواااااااااااح ... وثانكس على انج موجودة بحياتي وثانكس على القصة الروعة :eh_s(22):
​

ههههههه بيبي عاد انتي ردج خااااااااص..بنت الكويت مشكووووووره ﻻنها خلتني اتعرف عليج بهالمنتدى..والقصص وصاحبتها تحت امرج..والله صداقتج تشرفني..عاااد انا اموت بأهل البحريييييييين

 

[برنسس أوراق]

صح كلامج
بس لاززززمم تنزلين روايه يديده :eh_s(15):​

حاليا ما عندي افكار احطهاا اﻻ إذا تبون احطلكم قصة خطبتي ههههههههه...انا نزلت لسته برواياتي برد حق البناااات وكلهم للجوال حاطتهم بموضوع اسمه لعشاق الروايات الكويتيه والسعوديه..روحي واخذي منه اللي تعجبج واقريها بروحج بالليل بدون محد يقاطعج هههههه