إلى كل من طلبت روايتي : كل ما جيت ابتدي فيك انتهيت..وكل ما جيت انتهي شفتك بدايه!!

ب

برنسس أوراق

New member
إنضم
1 أكتوبر 2010
المشاركات
5,329
مستوى التفاعل
0
النقاط
0
الإقامة
الكويت
روح ابوها قال:
يووووووووه لا لا ولييييد بيخرب السااالفه كلهااا :/
اوف شكله وجدان راح ترفض و تصير مشكله بالعايله بعدين يغصبوونهااااا :(

انشالله زياد يخطبهااا قبله و ما تصير سااالفه


و مثل ما قالت اخته ارييج وايد احسنله مو لازم وجدان لووول

تسلم ايييييدج عالباااارت :**
نااااااااطرييييييييييينج !!
أنقر للتوسيع...

هههههه تااابعي البااااارت وتسلمين حبووووووبه
 
دلوعتي حصوص

دلوعتي حصوص

New member
إنضم
20 أكتوبر 2010
المشاركات
543
مستوى التفاعل
0
النقاط
0
كلمة روووعه شويه عليييييييها واااااااي حبيتهم كلهم فدييييتهم:)
 
دلوعتي حصوص

دلوعتي حصوص

New member
إنضم
20 أكتوبر 2010
المشاركات
543
مستوى التفاعل
0
النقاط
0
نبيييييييي باااااااارتات مو باااااااارت عفيه
 
ب

برنسس أوراق

New member
إنضم
1 أكتوبر 2010
المشاركات
5,329
مستوى التفاعل
0
النقاط
0
الإقامة
الكويت
&الفصل الخامس والعشرون&

بفيلا أبو فهـــد..
الساعه 1:30

ما كان فيه إلا شجوون والخدم عشان جذي ظلت نايمه..

عمر صفط سيارته ونزل وهو مبتسم: نشوف من بيكسر كلمة
الثاني..
ابتسم ومشى للباب الداخلي للفيلا وفتح الباب ودخل..طبعا محد حس فيه لأن الخدامات طايحين أكل وسوالف بالمطبخ..

صعد فووف ودور على غرفة شجوون..فتح الباب بهدوء وشافها نايمه على بطنها وشعرها مغطي وجهها وطرف اللحاف طايح وباينه بيجامتها الصفرا..شورت وبلوزه علاق..

عمر دخل وشاف الغرفه عفسه
عطور مفتوحه وغطاها بعيد..شبشبها كل واحد بمكان..ميدالية
سويجها على اسم عمر طايحه بمكان..موبايلها بمكان..وأكياس
محلات يديده بطرف الغرفه..وشنطتها عالكوميدنه..: بعد عمري هالعفسه يبيلها عفس أكثر..
ابتسم وجا قعد عندها وظل يتأمل بشرتها البرونزية اللي يعشقها وشعرها الفراوله البني مخصل بنحاسي اللي يحب يتنفسه..انحنى لها وسحب نفس قوي يتنفس شذى عطرها..
شجون حست وفتحت عيونها وقعدت بسرعه وهي تشد اللحاف لجسمها: ع ـ ـ ـمـ ـ ـر أنت مو بالحفله شيابك
عمر ابتسم على خوفها ورجفتها
وشدها له وسدحها عالسرير وانحنى لوجهها: ييت أعاقبج لأنج
ما خليتيني أشووفج..
شجون حاولت تصرف بس عمر
قرب منها وو...ولا حياة لمن تنادي..
ـــــــــــــــــــــــــــــــــــــــــ

وسط البحر..وعلى أشعة الشمس الدافية المختفيه وراء الأفق تحت ستار فصل الشتاء..وعلى أفخم يخت بحري..
الساعه 3 العصـــر..بعد ما تغدوا..

مشاري كان حاضن العنووود ومقربها لصدره..: حبيبتي أبيج تجهزين نفسج بسرعه هالشهر
وإذا نقص عليج أي شي قولي لي..
العنووود بابتسامه: اوووك حبيبي
..
وبعدت عنه..ودخلت داخل ونزلت السرداب..

راحت الغرفه وشغلت التكييف: يـــااااااه شحلاة الهواء البارد..
فصخت قميصها الأسود وقطته عالأرض وراحت وقفت جدام المرايه ولما حست بهواء التكييف غمضت عيونها..
شووي وحست بأيدين مشاري تحضن خصرها وشفايفه تبوس رقبتها..
مشاري بابتسامه: انحشتي عن الشمس
العنووود ابتسمت ولفت عليه: لا
عادي بس أنا أحب أوقف جدام الهواء البارد..حتى لما كان شعري طويل كنت أوقف وكان يطير من الهوا..
مشاري باس خدها: حبيبتــي أنتي..
العنووود: حبيبي مو جنا تأخرنا لازم نروح..
مشاري ابتسم: أيه صــــــح يلا بنروووووح..
ـــــــــــــــــــــــــــــــــــــــــ

بفيلا أبو جــــــراح..الساعه 6 المغرب..

كانت الفيلا منوووره بأضوائها والدي جي صوته عـــالي وطالع
لبرا..والحفله عائلية عشان ما تنحرج العنووود من إيدها المكسوره..

وجدان وصبا وصمود كانوا يتحدون بعض بالرقص والنعومه:
يسألني مكانه ويـــن..
يسألني مكانه ويـــن..
جوا القلب ولا العيـــن..
ما يدري حبيب الرووح
أنه ساكن الاثنـــين..
أنه ساكن الاثنـــين..
يسألني مكانه ويــــــن..


العنوود كانت متوسطه الكوشه وقاعده بنعومه فائقه والعيوون
عليها بانبهار برغم كسر إيدها..
كانت لابسه نفنوف سماوي حرير كت عالصدر ومشكوك الصدر كله بكريستال ألماس وشذري..والأيد منزلينها وملبسينها
نص كم من نفس قماش النفنوف..ومخصر على جسمها وضيق لعند نص الفخذ وبعدها يتوسع لتحت بفتحه من تحت لبداية الركبه اليسار..ولابسه صندل ذهبي ناعم وعالي..مع أكسسوارت ذهب فيها زمرد شذري..وشعرها الكاريه سوته كيرلي صغار ورفعته من جدام بتاج وصار شكلها يجنن..

العنوود بهمس: لمى شوفي حلوووو شكلي ولا ناقص شي..
لمى ابتسمت: بذمتي بذمتي طالعه روووعه حتى الجبس مو
مبين..
العنود ارتاحت: تسلمين بعد عمري..

عند الأمهات..
أم الوليد: أقول ياأم فهد منتي ناويه تزوجين ولدج ترى اهو كبير ما شاء الله مو ناقصه شي..
أم فهد ابتسمت: والله أني تعبت
منه يقول ماهو متزوج قبل خواته..
أم جراح قاطعتهم: لا بالله غلطان..كاهي شجون بسم الله عليها تزوجت وعرسها قريب..وإن شاء الله أريج وصمود بيي نصيبهم بوقته..خل يشوف اهو نفسه..وظيفه عنده..وبيت عنده وأبوه مو مقصر عنه بشي..
أم فهد ابتسمت: إن شاء الله إن شاء الله..
قامت وراحت لأريج اللي قاعده تسولف مع جنا وفجر
مسكتها وخذتها بزوايه
أريج: شفيج يمه شحقه ساحبتني من داخل
أم فهد بمكر: ياحظي ما تشوفين البنات يرقصون وكل وحده تقول الزود عندي..ما تسوين مثلهم يمكن وحده تحطج براسها وتخطبج لولدها وتتزوجين وافتك
أريج بدون نفس: مابي أتزوووج مو بنتج خذت اللي أحبه..
أم فهد بقهر: جب بس جب وسدي حلجج وروحي ارقصي مع البنات..قدمي عصير ..حلوو..أي شي بس تحركي بدال منتي قاعده تهذرين..
أريج بقهر: اففف زين زيـــن..



أم مشاري: العنووود يمه جهزي
نفسج يت المصوره عشان تصوركم..
العنووود رقع قلبها: إن شاء الله
..

ـــــــــــــــــــــــــــــــــــــــــ

أما بفيلا أبو فهـــد..
الساعه 6:15 المغــــــرب..

بغرفة شجوووون..

فتحت عيونها بصعوبه وهي تحس بدووخه..رفعت نفسها بالقوووة وطاحت عينها عالغرفه..بلوزتها بصوب والشورت بصوب حتى ستيانها بصوب..غير العفسه اللي أمس..

شجوون وأخيرا استوعبت أنها بدون ملابس ورفعت اللحاف لجسمها: آآآآآه ياراسي..
لفت يمينها وشافت عمر نايم على بطنه وظهره عاري واللحاف نصه طايح..استحت وولعت خدودها لما تذكرت اللي
صار..
وقطع عليها رنة موبايل عمر:[ياصاحبي وش فيك قاعد لحالك..ليه أنت متغير ومشغول
بالك]
شجوون قربت لعمر وانحنت لأذنه ولعبت بشعره: عمــــــر
تلفونك يدق..عـــــمر
[ياصاحبي وش فيك قاعد لحالك..ليه أنت متغير ومشغول
بالك]
شجوون بملل: اووووه عمـــر رد على تلفونك أخوك يدق..
عمر كان قاعد من زمان بس بيشوفها شبتسوي..فتح عيونه ولف عليها وسحبها بسرعه وطاحت بحضنه: رووووح عمر قلب عمر آمري
شجون ولعت أحراج : رد على تلفونك..
عمر غمز لها وسحب تلفونه: بس من عيووني..[ورد] هلا عموووور
عامر ابتسم: وينك أنت..وين ذلفت من الظهر
عمر يطالع شجون اللي منزله راسها ويلعب بشعرها:ههههههه
شفيك قبيت..كنت مشغوووول وكاني ياي بالطريج..
عامر ضحك:ههههههههه انزين لا
تأخر الشباب يسألون عنك..ناطرينك
عمر: عشر دقايق بس مسافة الطريج..وسكر..
شجووون بعدت عنه وهي تشد
اللحاف على صدرها: بتروح
عمر تعدل وابتسم وباس خدها:
الود ودي أبقى بحضنج..بس لازم أروح..
شجوون استحت ونزلت راسها: خلاص رووح أصلا أنا زعلانه منك..
عمر قرب منها وعض رقبتها: وليش حبي زعلانه
شجووون بحيا: لأنك استعيلت..ما
كنت أبي آ
عمر رفع راسها وقاطعها: حبيبتي أنتي زوجتي يعني عادي الحين أو بعدين..
شجوون ابتسمت: خلاص روح قبل لا تتأخر
عمر ابتسم: يعني مو زعلانه..
شجوون: لااا أصلا أنا ماأقدر أزعل منك..أنت حبيبي وزوجي وحياتي
عمر تشقق: يابعد عمري أنتي..
[ووقف يلبس ملابسه]..يلا ياروحي تأخرت علما أروح البيت أخذ شاور وألبس إلا راح الوقت..وباس خدها..خذي شاور وسنعي غرفتج اووك..
شجون ضحكت: هههههههههههه
اووووك..
عمر ابتسم ومشى للبــــــاب..
شجون بسرعه لفت اللحاف على جسمها وركضت وراه: لحظه عمـــر..
عمر وقف ولف عليها: هلا
شجون مدت إيدها وخذت غترته
من إيده: أبيها..
عمر انجن عليها وابتسم لها: حلالج هههههههه..وطلع..
 
ب

برنسس أوراق

New member
إنضم
1 أكتوبر 2010
المشاركات
5,329
مستوى التفاعل
0
النقاط
0
الإقامة
الكويت
&الفصل السادس والعشرون&

شجوون رجعت وشالت ملابسها
وقطتهم بالغسيل..ودقت على الخدامه بالانتركم:سوزي ليش ما يجي يرتب الغرفه..بسرعه تعالي رتبي وخلي مانيلا تسوي
عصير فرش..
سوزي بسرعه: اوووكي مدام..

شجون سكرت ودخلت الحمام تاخذ شاور..
دخلت سوزي ورتبت السرير وفرشت مفرش جديد لونه أحمر بأبيض وخذت القديم للغسيل ورتبت الكوميدنه وسكرت العطور وعطرت الجو وحطت بخووور..
بنفس الوقت طلعت شجون لابسه روبها الأبيض وشبشها وشعرها يقطر ماي..
سوزي : مساء الكير مدام..
شجون: مساء النوور..
دخلت مانيلا وحطت العصير الفرش عالتواليت..
شجون: ثانيكووو..
سوزي ابتسمت: مدام ما يبي أكل..
شجون: لااا أنا بطلب لنا عشى..أنتي روحي نظفي البيت..
سوزي: اوووكي مدام..
وطلعت..
ـــــــــــــــــــــــــــــــــــــــــ

بفيلا أبو جــــــراح..
الساعه 7 المغرب..

عمر دخل وسلم عالكل وراح قعد عند أخووه..
عامر بهمس: لااااا توو الناس..
عمر همس بأذنه: كنت عند شجووون..
عامر فتح عيونه وبدهشه همس: يخرب بيتك ليكوون...
عمر بسرعه: إيه..ليكووون..
عامر زهق ضحك:ههههههههههه ألعن أبو العجله..ما قدرت تنطر
3 أسابيع
عمر همس: لا..واسكت فضحتنا
..

أما عند المعـــاريس..بغرفة العنووود..كانوا مجهزين الغرفه لهم عشان يقعدون وياخذون راحتهم ويتعشون..

كانت معاهم المصوووره..
الصوره الأولى:
مشاري قاعد والعنوود قاعده يمه ويطالع بعيونها وحاضن خصرها..
الصوره الثانية:
نفس الوضع بس مشاري بايس
خدها..
الصوره الثالثه:
العنووود قاعده بحضن مشاري وتطالع فيه وإيدها على خده..واهو بايس ذراعها..
الصوره الرابعه..
طلبت منهم بوسة شفايف بس العنور رفضت
العنووود بهمس: حبيبي شنو تبوسني جدامها..مابي مابي..خلها تولي..
مشاري كاتم ضحكته:ياعمري أنتي ياحبيبتي..أنا طلبت هالصوره عشان تظل ذكرى لنا ولعيالنا إذا كبرنا..
العنووود متردده: أدري بس ..ما أبيها..ماأبيها استحي منها..
مشاري بهمس: عشاني انزين..
العنوود ابتسمت: موافقه خلاص
..
وبعدها صوروا كذا صوووووره وأخر صوره..
العنود بتعب: مشاري تعبت خلاص..
مشاري باس خدها: أخر صوره ياعمري..
العنووود ابتسمت وشدت بيدها السليمه على دشداشته وأرخت راسها ومشاري حضنها وانحنى لها وباس رقبتها..العنود تألمت من إيدها لأنها طاحت ورى..وكابرت
وأول ما خلصت الصوره..صرخت: اممممم
مشاري خاف عليها: حبيبتي شفيج..
العنووود بدموع: إيدي إيدي..آآآآآه
مشاري شاف إيدها واخترع..رفعها لحضنه ومسك إيدها ورجعها بهدوء لمكانها والعنوود
كانت عاضه على شفايفها..
طلعت المصوره بسرعه ونادت
أم جراح..
أم جراح دخلت بسرعه خايفه: العنووود يمه بسم الله عليج شفيج..
مشاري يهديها وهو حاضن العنود اللي دافنه وجهها بصدره وتبجي: لا تخافين عمتي بس التوت إيدها شووي..وعدلتها..
أم جراح قعدت وحطت إيدها على ظهر بنتها: بسم الله عليج يايمه إذا يعورج أخلي أبوج يوديج الطبيب..
العنووود غصب حبست دموعها:
لااا يمه عادي راح العوووووار..
أم جراح بشك: أكيد يايمه..
مشاري ابتسم: الله يهداج عمتي
يعني لو تعورها جان أنا وديتها..
أم جراح قامت: انزين عيل ديربالك عليها وأنا بصعد لكم العشى..
وسكرت الباب وطلعت..
العنوود ما صدقت رجعت تبجي

مشاري يمسح على شعرها: حبيبتي عنوووودي إذا تعورج حيل أوديج الطبيب..
العنووود رفعت راسها وطالعت
إيدها ومسكتها: لااااا بس شوي
عادي مو وايد..بس أنت خليك معاي وأنا أصير بخير..
مشاري ابتسم: ياروووحي أنا..

بعدها حطوا العشى وتعشوا والساعه 1 الكل راح لبيتـــه..وانتهى يووووم بحياة أبطالنــا..
ـــــــــــــــــــــــــــــــــــــــــ
# بعـــد مرور أسبوووووع #

شجون والعنود كل وحده شاده
حيلها عشان تخلص جهازها وشناطها حق العرس..

أم الوليد كلمت أبو الوليد عشان
يخطب وجدان لولده..وأبو الوليد
وافق وفاتح أبو عمر بالموضوع
وأبو عمر طلب مهله عشان يفكر ويشاور بنته..


بفيلا أبو عـــمـــر..
الساعه 5 المغرب..

بالصاله..
نزلوا عمر وعامر لابسين عشان
يروحون شغلهم بالمستشفى..

عمر: يمه تبين شي أحنا بنمشي
قاطعهم أبوعمر: خليك شووي أبيكم بموضوع
قعدوا كلهم..
أم عمر بحذر: خير يابوعمر عسى السالفه خير..
أبو عمر ابتسم: بالأول وجدان وين..
طلال: أنا وصلتها بيت عمي حمد
عشان تروح السوق مع العنوود..
أبو عمر بجدية: انزين عيل اسمعوا..الوليد ولد أختج يالطيفه
خطب مني وجدان..اليوم أبو الوليد كلمني الصبح وخطبها مني..
أم عمر بفرحه: صــــــج هذي الساعه المباركه..وأنت شقلت له..
أبو عمر: ما قلت له شي طلبت مهله عشان أفكر وأشاور عيالي
..ها ياعيال شرايكم..
عمر بدأ: يبه الوليد ريال والنعم فيه..أهلنا وقرايبنا إيه بس الرأي
بالأول والأخير لوجدان..إهي صاحبة القرار وتعرف مصلحتها..

طلال بداخله قال[الله يعينك يازياد إذا دريت شبتسوي]..
أبو عمر يفكر: وأنت يا عامر شفيك ساكت..
عامر ابتسم: يبه الله يهداك أنا توأم يعني كلامي نفس كلام أخوي..
الكـل: هههههههههههههههههههههه
طلال بجديه: أما أنا وبدون زعل
بصراحه مو موافق..
أم عمر بضيق: ليش يعني عشانه ولد أختي ترفضونه..
أبو عمر: يالطيفه الله يهداج خلينا نفهم السبب..
طلال بجديه أكثر: يمه ولد خالتي على عيني ورأسي بس مصلحة أختي تهمني وأنا شايف
أن وليد مو اهو الشخص المناسب لوجدان..يعني وليد مغرور وكل العايله تدري عنه..وغير جذي صار عمره 26سنة وما فكر يشتغل ومعتمد على فلووووس أبووووه..
أم عمر ابتسمت: مغرور عالناس بس إن شاء الله إذا تزوج زوجته الوحيده بتكون ستره وغطاه وإذا على الوظيفه أكيد إذا تزوج بيعتمد على نفسه ويشتغل ومو عيب إذا تمتع بفلوس أبوه...
بدر: أنا شايف أن أمي وجهة نظرها صح ونفس الشي طلال كلامه منطقي..بس الرأي الأول لوجدان
سعود: وأنا بعد أشوف أن أبوي يفاتح وجدان ويعطيها وقت تفكر وتستخير وأهي بنفسها تقرر ياتوافق ياترفض..
أم عمر: خلاص أنا أحاجيها وأشوف رأيها..
أبو عمر قام: على خير..يلا أنا طالع
عمر وقف: وأحنا بعد..يلا ياعامر
..
أما طلال طلع وركب سيارته ودق على زياد..
طلال: هلا زياد أنت وين..
زياد ابتسم: هلا فيك يالحبيب أنا
بالبيت وين بكون يعني..بس بطلع العياده
طلال بسرعه: لااا أبي أشوفك بستار بوكس عندي سالفه بقولها لك
زياد بجديه: خير طلال عسى ما
شر
طلال ابتسم: ما شر بس أنت تعال وتفهم..
زياد باستغراب: انزين عيل مسافة الطريج بس..
طلال: اووووك ناطرك..
ـــــــــــــــــــــــــــــــــــــــــ

بمحل مجوهرات ليلى جاليري..الساعه 5:30 المغرب..

البنات [العنود و صبا ووجدان وغزل وصمود وفجر]جايين كلهم مع العنوود بسيارة أخوها
جراح..

وجدان زعلانه لأنها كانت تبي زياد يوصلهم..همست: أخوج الغثيث شحقه ما يا..اففف أنا ييت عشانه مو عشانج
العنووود تتفرج عالأطقم المعروضه وتضحك:هههههههههه
شسوي يعني اذبحه ولا اتله من
رقبته..قتله قال بيروح العياده..

صبا أعجبها طقم ألماس بزمرد أسود: واااااااااو شوفي عنووود هذا رووووووووعه..
العنود التفت لها وابتسمت: واااااو صج صج فخم..
فجر بأعجاب: أخذيه..وربي لو أنا منج ما أخليه بنفسي..
وجدان: إن شاء الله إذا تزوجتي
ولقيتي عريس الغفله لبسيه له

فجر ضحكت:هههههههههههههههه
آميـــن..
صمود كانت تشوف الساعات الألماس..عجبتها ساعه حزام أسود مرصع بألماس فضي ماركة جيفنشي الباريسيه..وفكرت تهديها لطلال..
نادت وجدان..: جوجو جوجو
وجدان يت: هلا صم صم
صمود تأشر لها: شرايج بالساعه
..
وجدان بأعجاب: حلوووه وايد بس رجاليه
صمود بهمس: أدري بهديها حق
طلال بمناسبة النجاح بهالكورس
وبتفوق بعد
وجدان بغمزه: ياعيني عالحب ياعيني..
صمود ضحكت:هههههههههههه صج جوجو شرايج..
وجدان ابتسمت: وربي أنها حلوة
ذوقج رهيـــب..وبتعجب طلال صدقيني
صمود ابتسمت وراحت خذت الساعه بعلبتها الفخمه وكيسها الراقي ودفعت عليها 700دينار..

بعدها اشترت العنود 4 أطقم عجبوها ودفعت حسابهم ونادت
جراح يشيلهم..: جــــــراح جراح

جراح ابتسم ودخل أخذ الأغراض: الله يعين جراح شكثر
تعب هالأسبوع
فجر ضحكت بنعومه:هههههههه
حرام عليك أختك عرووووس دللها جم يوم
جراح انجذب لضحكتها: أفا عليج
عنووودتي بعيوني..
وأخذ الأغراض وطلع..
وركبوا السياره..
جراح: ها بعد تبيـــن مـــكان..
العنوود: إيه أخر شي بس بطلع
النفانيف اللي فصلتها عند أنسام
الخلف..
جراح: اووووك
صبا بحماس: صج فصلتي عندها..
العنوود ابتسمت: 5 نفانيف..شغل عرايس طبعا..الحين إذا وصلنا تشوفونهم..
ـــــــــــــــــــــــــــــــــــــــــ
 
يجب تسجيل الدخول أو التسجيل كي تتمكن من الرد هنا.
أعلى أسفل