إفاده عن الطيران السيلاني ....

[zqertya]

والله مادري حتى اختي بتروح عليها الله يعينكم

 

[Ziona]

يا الغاليه الطيران السيرلانكي تابع لطيران الامارات وللامانه انا سافرت عليها اكثر من مره رحت فيها سيلان وتايلند والصين

والله وايد وايد احسن من الكويتيه وبالعكس نظيفه بس مثل ما قالوا الخوات التلفزيون بس اجنبي او هندي ومو مترجم والاكل شوي سبايسسي وهذا شي طبيعي

عسى الله يهنيكم بسفرتكم ولا تحاتين

 

[نـازك الملائكة]

انا رايحه عليها من شهرين تقريبا ما شوفها سيئة
مستواها متوسط والاكل لك شوي عليه خذي لك كرسونات وشبيس ومثل هيك يعني
ترانزيت سيلان ساعه ونص ما مدانا ننزل الا ركبنااا حلوو تحركين رجولك شوي في الترانزيت احسن من الجلسة المتواصلة

 

[حلوى كويتيه]

شوفي ياقلبي انا سافرت لماليزيا سبع مرات اول مره كان على القطريه 2004 ومن بعدها كل سنه اروح على السيلانيه ودايما كنا ناخذ الدرجه السياحيه اللي ورا رجال الاعمال ومرتين اخر سفرتين خذينا رجال الاعمال صراحه شي مو طبيعي من الراحه انا كله كرسيه مخليته بوضعية السرير من الوناسه والاكل حلو برجال الاعمال اذا نزلتي مطار سيلان ترانزيت يعطونج قاعة رجال الاعمال وفيها بوفيه مفتوح وانترنت وعطونا كوبون مساج مجاني للريول اوللراس كيفج في غرف خاصه للمساج صراحه بدون مبالغه احلا من قاعة رجال الاعمال مالت الكويت وانا رايحه فيها 3 مرات سنغافورا وبعدين كنت اخذ طيران داخلي يوديني لجزر ماليزيا ومنها ارد كوالالمبور اقعد جم يوم وبعدين ارد الكويت

يعني خلي روحتج سنغافورا وردتج من ماليزيا ضربتي عصفورين بحجر ولج الاختيار هذي تجربتي

 

[جارة السهر]

انا حاجزه عليها للصين بعد 20 يوم وسمعت ان في مشكلة واجهت شخص بالجناط طلع من الكويت وترانزيت بسيلان ولما وصل قوانزوا يدور جناطه قالوله جناطك بمطار سيلان .... هل هالشي صحيح افيدونا يالغاليات ؟؟؟

 

[حورية البحر 1]

بالعكس زينه خطوط السلانية ترى إهي مالت الإمارات مو مالت سيلان وأكلهم حلو وخدمتهم حلو كفاية أسعارها حلوة