إعلان وظائف شاغره في بنك التسليف والادخار

[mllon]

السلام عليكم

بنك التسليف والادخار منزل اعلان عن وظائف شاغره

في حق خريجين علم اجتماع وعلوم سياسيه واعلام



انشالله واضحه الصوره..لان حاولت ادور بالنت ما حصلت

في وحده منزله نفس الموضوع..بس اعلانها مو ذاكرين خريجين بعض الكليات..
والاعلان هذا غير،،،فقلت انزله وافيد البنات

التقديم من تاريخ ١٩-٢-٢٠١٢ لمده اسبوعين

الموقع الالكتروني لبنك التسليف والادخار
www.scb.gov.kw.



الاوراق المطلوبه

شهادة الميلاد
صوره الجنسيه
شهاده التخرج طبق الاصل
صوره البطاقه المدنيه
صوره الجواز
ورقه لمن يهمه الامر من التأمينات الاجتماعيه


وبالتوفيق..

 

[حمام شاقني فنه]

زيــــن

شلون اقدم من الموقع نفسه ؟ مايصير؟

 

[fun]

لازم تروحين

 

[A9A9-Q8]

شلون معاشاتهم ؟

 

[نستيلا]

وعليكم السلام ورحمة الله وبركاته

يعطيج ألأف عااافية ع الإعلان ما كنت ادري عنه

بس بنات في وحده تعرف وين موقع بنك التسليف والإدخار ؟
انا باجر إن شاء الله رايحة بس مو عارفة وين مكانهم =(
فممكن احد يوصف لي ؟

 

[A9A9-Q8]

^^

شوفي هذي خريطة لشارع الشهداء

اهو قرب الاطفاء العام

 

[نستيلا]

يعطيج ألــــــف ألــــــــــــــــــــف عافية
صج مشكووورة وجزاجج الله خير ع الخريطة
يا رب تتحقق كل احلامج وامانيج

يعطيج العافية

 

[mllon]

زيــــن

شلون اقدم من الموقع نفسه ؟ مايصير؟

التقديم من عندهم
بالديره

شفتي برج التحرير..وبلديه الكويت
يكون ورا بلديه الكويت

 

[mllon]

شلون معاشاتهم ؟

اللي اعرفه شهاده بكلريوس علم اجتماع ٩١٠ صافي

وباجي التخصصات يقولون معاشاتهم حلوه

 

[mllon]

وعليكم السلام ورحمة الله وبركاته
وعليكم السلام
يعطيج ألأف عااافية ع الإعلان ما كنت ادري عنه
الله يعافيج حبيبتي

بس بنات في وحده تعرف وين موقع بنك التسليف والإدخار ؟
انا باجر إن شاء الله رايحة بس مو عارفة وين مكانهم =(
فممكن احد يوصف لي ؟

تعرفين برج التحرير
وبلديه الكويت اللي بالديره
بينهم اشاره
خلي بلديه الكويت على ايدج اليمين ، ولفي يمين اللفه اللي قبل الاشاره..
تييج اشاره بويهج..وهم لفيها يمين..وتشوفين بعد اشاره ثالثه..هم اخذيها يمين ،والمسافط على يمناج..
في لوحه مكتوب عليها بنك التسليف والادخار
دخلي المسافط..ونزلي من السلم للطابق الارضي .

 

[mllon]

^^

شوفي هذي خريطة لشارع الشهداء

اهو قرب الاطفاء العام

مشكوره :eh_s(17):

 

[mllon]

بنات اذا كنتو ماخذين دورات..سواء icdl
اوغيرها..ودو معاكم الشهاده

واذا مقدمين امتحان توفل..هم ودو الشهاده..
اهم شي تكون كل الاوراق معاكم

وبالتوفيق جميعا..

 

[نستيلا]

ملووون وصفج مظبوووط
يدي وصفلي ع وصفج وكان تمااام

يعطيج ألف عافية ع الوصف وع الموضوع انج نزلتييه
في ميزان اعمالج ان شاء الله

 

[A9A9-Q8]

انا رحت قالولي يبون صورة مع ان موكاتبين يبون صورة شخصية عاد باجر بروح اكمل ..

ملون متأكده من معاشاتهم انا بكالريوس ادارة .. تهقين نفس الشي؟

 

[Blue Tulip]

عادي امي ولا اخوي يودي اوراقي ولا لازم حضوري؟؟؟
وشلون المكان ومعاشاتهم للدبلوم ؟؟

 

[mllon]

ملووون وصفج مظبوووط
يدي وصفلي ع وصفج وكان تمااام
لووول

يعطيج ألف عافية ع الوصف وع الموضوع انج نزلتييه
في ميزان اعمالج ان شاء الله

الله يعافيج حبيبتي
حبيت افيدكم

 

[mllon]

انا رحت قالولي يبون صورة مع ان موكاتبين يبون صورة شخصية عاد باجر بروح اكمل ..

ملون متأكده من معاشاتهم انا بكالريوس ادارة .. تهقين نفس الشي؟

اي انا نفسج هناك قالولي عن الصوره..

والمعاش انا سائله من عندهم..الموظفه قالتلي ٩١٠

 

[mllon]

عادي امي ولا اخوي يودي اوراقي ولا لازم حضوري؟؟؟
وشلون المكان ومعاشاتهم للدبلوم ؟؟

لازم تكونين موجوده..يحتاجون توقيعج

المكان مادري عنه..لانه راح يوزعونه على افرعهم...
وماعندي فكره عن معاشات الدبلوم بس بشكل عام امدحولي الوظيفه والمعاش

 

[A9A9-Q8]

^^

ماتدرين جم يبون شواغر حق الادارة وانتي اي تخصص؟

 

[رافعه الحاجب]

مشكوره والله يعطييج العافيه
أنا شفت الاعلان بتويتر ورحت اليوم اقدم بس أوراقي ناقصه فما خذيت الوصل
لازم الشهادة نسخة طبق الاصل وانا حضرتي عبالي نسخة عادية وما كنت مطلعه لمن يهمه الامر
فباجر بروح اكمل اوراقي عندهم ان شاءالله​