إعلان توظيف معهد الكويت للابحاث العلميه (حديثي تخرج + خبرات)

[n00_00ry]

بنات انا معاي بكالوريس قالولي المعاش فوق ال1000 صج؟؟ وصج يدزون بعثات؟؟
وصراحه ماخذيت توفل انا مسافره اذا رديت بقدم واشوف بقولهم النتيجه بعدين عاد لازم يصبرون خخخخ موذنبهم يعلمونا حده حده

 

[frawlah_83]

اي ادزون بعثات بس لهم شروط ولا تكونين مشتغلهم فتره عندهم وبعد البعثه لازم تشتغليين عندهم فتره

بالنسبه للمعاش حق وظايف ا و ب اي المعاش قوي لانه لهم كادر خاص ووظايف ج الادارات المسانده رواتبهم اقل شوي

 

[عاشقة هواك]

يا عمي واسطه

 

[chocolate^_^]

منو يعرف معاش مساعد الابحاث بضبط جم ؟؟
ودوامهم شلون شسوون يعني ؟؟
​

 

[Yostina]

منو يعرف معاش مساعد الابحاث بضبط جم ؟؟
ودوامهم شلون شسوون يعني ؟؟
​

اي يا ليت احد يرد على هالاسئلة هم آنا ودي أعرف جم معاش مساعد الابحاث و شنو يسوي بالضبط؟؟

 

[شف عذر >_<]

اي يا ليت احد يرد على هالاسئلة هم آنا ودي أعرف جم معاش مساعد الابحاث و شنو يسوي بالضبط؟؟

اي والله حتى انا بعرف اب اب نداء الى موظفين الابحاث خل يفيدونا

 

[mweegah]

حد ام الواسطه

 

[^^ROSE^^]

اي ميخالف واسطه مو واسطه قدموا شخسرانين
خو كل شي نصيب و رزق

 

[Yostina]

يعني لو الواحد ما ياب المعدل المطلوب بالتوفل وعنده واسطة هم يصير يدخلونه؟؟

 

[شف عذر >_<]

امممم مادري انا اعتقد ان معهد الابحاث المكان الوحيد اللي ماتنفع في الواسطه
لان راح يبين بالشغل بعدين الشخص الكفاءه واللي لا واللي مو كفاءه ما اعتقد بيستمر هناك لان كراف حسب ماسمعت
​

 

[mweegah]

قدمنا روز بعد شنسوي
بس الواحد يتحبط
لما يصير معدله فوق ال 3.6 و قاعد بالبيت بيكمل سنه يتحبط خصوصا لما يشوف ناس معدلاتهم ما توصل 3 و تعينوا كله علشان الواسطه
يعني ما عندي واسطات شسوي انتحر؟
شكلي آخرتها تلر ببنك
يعني حتى البنوك ما يبون الا تلر

 

[frawlah_83]

امممم مادري انا اعتقد ان معهد الابحاث المكان الوحيد اللي ماتنفع في الواسطه
لان راح يبين بالشغل بعدين الشخص الكفاءه واللي لا واللي مو كفاءه ما اعتقد بيستمر هناك لان كراف حسب ماسمعت
​

صح كلامج المكان مافي وايد واسطه كل شي يعتمد على شهادتج ومعدلج والمقابله وشرط االتوفل حطوه لاني اتوقع مايبون اي ناس مني والطريج وحتى لو في واسطه فهي بنسبه صغيره وتكون مثل توصيه بس اذا شافوا الشخص ماعندنا كفاءه ماياخذونه لانه يدرون ماراح يقدر امشي معاهم والي ماعنده الكفاءه بعد مده معينه ماراح يقدر على الشغل وبروحه راح يطلع

انا وايد شايفه اغلب البنات سلبين ووايد ارددون كلمه واسطه وواسطه كلنا ندري الواسطه موجوده بس ترى كل شي رزق ونصيب من الله اهو الي اوزع الارزاق وحتى لو شخص بينقبل بالواسطه فالمكان من نصيب الشخص مو معناته توظف بالواسطه الله الي احط الواسطه بطريجنا عشان تسهل لنا امورنا وياما ناس حطو واسطات و مو اي واسطات بس موقاعدين يتوظفون وفي ناس بدون واسطه بس الله مسهل امورهم وتوظفو خلو عندكم ثقه بروحكم وبقدراتكم والي له نصيب بياخذه انتو سو الي عليكم وادعوا الله صدقوني لما تفكرون بهل تفكير انتو نفسيا بترتاحون

عدد الشواغر محدود جدا وعدد المتقدمين وايد فمومعقوله بياخذون كل المتقدمين الافضليه حق الكفاءه والمعدل انتو توكلو على الله وسو الي عليكم والي له نصيب بياخذه

المكان كراف بس مرات تمر ايام ماكو شي انا اعرف وحده اهناك ووايد مرتاحه اهي متزوجه بعد صج الدوام طويل بس مايفرق وايد عن باجي الاماكن بس الي تبي تزرق طول الشهر وماتبي تلزم فما ينفع لها كلش ماعندهم بصمه بس اطقون كرت بس عندهم شي اسمه تصوير اطقين كرت وبعدها تصورين عشان يتاكدون محد طاق عنج الكرت وبالنسبه حق الرواتب رواتبهم زين بحدود ال الف اقل شوي او اكثر شوي والمساعدين رواتبهم تفرق شوي ولهم بونص اخر السنه نفس الراتب او على حسب الداء وجنها قالت الزياده السنويه تعتمد على التقيم وبالنسبه لشغل المساعدين انا الي اعرفها مساعد ابحاث بس اهي تخصص اقتصاد شغلها كل ابحاث وتساعد الدكاتره الي اهناك في ابحاثهم الظاهر كل دكتور يصير عنده مساعده تساعد في تجميع المعلومات وتكتب معاه البحث واكيد في شغل غيره تقارير وهالسوالف بس باحي التخصصات مثل الهندسه ماعندي فكره بس اكيد نفس الشي لانه المعهد كله اسون ابحاث وهالسوالف يعني من الاسم هالتفاصيل تبين معاكم بوقت المقابله

 

[mweegah]

صح كلامج فراوله كله ارزاق
بس لو يمشون على الكفاءات فعلا جان احنا بخير
يعني تدرين الواحد يتخرج و عنده طموح ووده يعطي
بس لما تشوفين اللي اقل منج بوايد يتوظفون و انتي حاطه ايدج لى خدج
لى العموم انا طلعت عن الموضوع وايد سوري
ان شاء الله يكون معهد الابحاث فال خير
تخصصي مو طالبين توفل بس انا عندي توفل تهقون احطه ويا الاوراق ؟

 

[frawlah_83]

هم هالشي نصيب

وان شاء الله هالمكان يكون فال خير عليج وان شاء يكون من نصيبج وموفقه ان شاء الله ولاتفكرين وايد خلي كل شي على الله


امممم دقي عليهم ساليهم احسن

 

[Yostina]

عدل كلامج فراولة كله بيد الله سواء بواسطة أو بدون واسطة
آنا توني متخرجة و كل ما أفكر بالتوظيف أتوتر وأحس بخوف.. اهم يعطون ميداني؟ يعني يدربون الواحد قبل لا يبدون الجد؟
آنا ممتحنة توفل وناجحة فيه بس للأسف صارله فوق السنتين وتوه منتهي شهر 3 للأسف صج قهر جان زين لو يحسبونه لي بدال لا امتحن مرة ثانية
معدلي العام والتخصص فوق ال3 وتخصصي مايكروبيولوجي.. كنت بسأل اذا في اختبار تخصص؟ يعني لازم نراجع بس المشكلة مادري من وين
وهم بسأل عن معاش غير الكويتيين جم يكون بنات؟ يا ليت أحد يرد علي لأن صج ودي أعرف..

ويعطيكم العافية..

 

[شف عذر >_<]

بس فراوله ماتعرفين جم المده الي ياخذونها ع مايوظفونا او يدقون للمقابلات والامتحان؟
لان انا يمكن اسافر بعد العيد اخاف يدقون علي وانا مسافره:/
​

 

[frawlah_83]

عدل كلامج فراولة كله بيد الله سواء بواسطة أو بدون واسطة
آنا توني متخرجة و كل ما أفكر بالتوظيف أتوتر وأحس بخوف.. اهم يعطون ميداني؟ يعني يدربون الواحد قبل لا يبدون الجد؟
آنا ممتحنة توفل وناجحة فيه بس للأسف صارله فوق السنتين وتوه منتهي شهر 3 للأسف صج قهر جان زين لو يحسبونه لي بدال لا امتحن مرة ثانية
معدلي العام والتخصص فوق ال3 وتخصصي مايكروبيولوجي.. كنت بسأل اذا في اختبار تخصص؟ يعني لازم نراجع بس المشكلة مادري من وين
وهم بسأل عن معاش غير الكويتيين جم يكون بنات؟ يا ليت أحد يرد علي لأن صج ودي أعرف..

ويعطيكم العافية..

امم ميداني مادري بس اكيد في احد راح يقعد معاج ودربج وبالنسبه للتوفل دقي ساليهم احسن وبالنسبه للمعاش غير الكويتي ماعندي فكره بس الاعلان التوظيف مكتوب فقط للكويتين

 

[frawlah_83]

بس فراوله ماتعرفين جم المده الي ياخذونها ع مايوظفونا او يدقون للمقابلات والامتحان؟
لان انا يمكن اسافر بعد العيد اخاف يدقون علي وانا مسافره:/
​

ماعندي فكره بس دقي استفسري احسن انتي اخذي معاج التلفون وخليه شغال

 

[شف عذر >_<]

ماعندي فكره بس دقي استفسري احسن انتي اخذي معاج التلفون وخليه شغال

اوكيك يعطيج يعطيج العافيه حبيبتي :*

 

[frawlah_83]

^
^
الله يعافيج وموفقه ان شاء الله